|
( أنتقال ماطر ) مؤامرة جديدة طبعا أنا ضد أنتقال هذا الاعب للهلال بأي شكل من الأشكال وهذه وجهة نظر متواضعه خاصه ،،،، وأعتقد أن الكثير أختلف معي فيها وهذا حق من حقوقهم وايضا حق من حقوقي أن أعبر عن وجهة نظر خاصة ،، وأحمد الله عز وجل أن حجة الهلال الأستاذ الكبير / صالح السليمان قد ذكر وجهة نظر كانت مرجحة لرائي المتواضع وهذا شرف أن أكون مع الأستاذ الكبير في نقطة حساسه كهذه عموما هذا ليس موضوعي موضوعي هو : أن فتح مظاريف سعر ماطر بعد عرضه على قائمة الأنتقال تحددت قبل ثلاثة ايام وكان الهلال هو آخر نادي تقدم بالعرض بعد أن قدمت كل الأندية عروضها ،،، وكان ذلك ليلة فتح المظاريف ،، وبقدرة قادر يتم تأجيل فتح المظاريف الى نهاية دورة الخليـج ؟؟؟؟!!!!!! كيف !!!! لماذا ؟؟؟؟ لا أحد يدري ..... أتمنى أن كان أحد يعرف يوضح للأعضاء في منتــدنا وله ولكم الف تحية ،، الواضح أنها خطة جديدة ،، من وجهة نظري أن الهلال هو الخاسر الوحيد فيها |
من اتحاد النثر وكله لخدمة الكرة السعودية على فكرة هم لما شافوا انه النصراويين مثل ماطر والخوجلي يبون يتركون قالوا اجلوا العروض لنهاية التصفيات ومن ثم قالوا لنهاية مباراة ايران وايرلندا ( وش العلاقة ما ادري) وبعدين الغوا القانون وهذه مؤامرة تحاك من طرف اتحاد النثر ويشترك فيها المطرب الشهير سلطانيز وحارس الكويت نواف الخالدي |
انا معاك ... ضد انتقال ماطر الى الهلال ..... ياناس والله ماراح يفيدكم لاعب يفتقد الى الذكاء الكروي في موقع مهم وهو وسط مهاجم ، كل مايملك محاوره تنتهي بفقدان الكره بتسليمها الى الخصم عن طريق خطأ في التمرير او تؤخذ الكره منه بعد ان اخذ منه الجهد كل مأخذ . |
سلام انا والله معك يا حبيبي بس احب اقول انه بيجي الهلال ببلاش ليه ومنه بعض الفوائد 1- فلوسنا اللي عند الثر ( انتقال الغشيان ) مهيب راجعه لنا ابد فراح تكون الصفقة كنوع من استرداد فلوسنا. 2-رد على ان الهلاليين اذا بغو لاعب جابوه وتكون ضربة لادارتهم وجماهيرهم ولمن يدعي بان جدار النثر عالي . 3- بنستفيد منه في المربع وفي النهائيات فان شاء الله بيستفيد منه الهلال ولو على الاقل من النواحي الّي ذكرتها اسف على الاطالة مع اطيب تحياتي سلام |
ـ |
انا مع هالشيء هذا وهو عدم فتح المضاريف الآن كون اللاعب في مهمه وطنيه و مهوب وقته يدخل في دوامات انتقال الى نادي وغيرها اللي راح تشغل تفكيره .... |
اخوي العزيز ابو لما اخواني الاعزاء ما ادري ليش هذه الضجه حول انتقال الماطر الى الزعيم بصراحة اللاعب مايستحق الانتقال الى الزعيم وانضرو مستواه الانز مستوى هزيل جدا ومضيع للفرص بشكل كبير بصراحة يجب صرف النضر عن هذا اللاعب والبحث عن لاعبين مميزين وسد الثغرات الفارغة كالظهير الايسر ولكم تحياتي |
لكل اللى ينتقدون ابراهيم ماطر انا ابغاكم تشوفون مستواه في كاس اخليج بنظره حياديه بعيد عن الانديه انا اقولها وبكل صراحه انه هو اللاعب الوحيد في المنتخب اللى لعب كل المباريات بمستوى ثابت باستثناء الدعيع واشنالله نشوفه اقرب وقت في الهلال بدل الفلته عمر الغامدي |
انا اضم صوتي للمؤيدين لانتقال ماطر للهلال ماطر لاعب كبير بغض النظر عن نصراويته لاكنه لاعب بيفيد الهلال على الاقل نفتك من المسعري والقحطاني بس صدقوني مدام الدعوه فيها مظاريف وحركات من الاتحاد السعودي فأنسوا ماطر هذي حركات يبون يماطلون شوي حتى يوفر النصر المبلغ المطلوب للاعب. تحياتي للجميع |
ماطر ....... وين يا عمي؟؟؟؟؟؟؟؟ لكل شخص وجهة نظر......وا عتقد ان ماطر اسواء لاعب وسط مر على الكره السعوديه..... للأخوه اللي ما عجبهم عمر الغامدي اقولهم ان عمر الغامدي ساهم وبشكل كبير في ان يحصل الهلال على اهم بطولتين خلال مشاركاته الأولى فقط ....... اما ماطر فخلال مشاركاته الطويله جدا سواء مع ناديه او مع المنتخب بالله وش سوا؟؟؟ اما ان ماطر هو اللي مستوا ثابت خلال بطولة الخليج فانا لا اتفق نهائيا معه والله ياجماعه انه نقطه ضعف وخلل كبير في وسط الملعب ....صحيح انه يعدي من واحد واثنين ويمكن عشره لكن وبعدين ..... ما اقول كم صنع هدف في هذه البطوله لأنه شي كبير عليه لكن اقول كم صنع فرص لزملاءه بما انه لاعب وسط ........للأسف لا شئ ولكن الملاحظ في مباراة الإمارات بالذات ان ماطر يتفرج على لاعبين الإمارات وراس الحربه هو اللي يرجع ويغطى مكانه ........والله يا جماعه انه ما يحاول يمد رجله لقطع الكوره يخاف ينقطع(الهيلاهوب) على قولة معلق الإمارات والسلام |
حيا الله اخواني الهلاليين انا من مؤيدين انضمام ماطر للهلال وبقوة لكن اخوي ابو لما تأجيل فتح المضاريف السبب الرئيسي فيه علشان يعطون فرصه للاعب ينهي مباريات بطولة الخليج وما ينشغل تفكيره بأنتقاله .. مثل ماهو كان معمول به للاعبي المنتخب خلال تصفيات كاس العالم وتمديد عقودهم الى نهاية التصفيات |
اخوي بالعكس تأجيل فتح المظاريف عين الصواب عشان متأثر على اللاعب داخل الملعب |
اعتقد اني من المؤيدين لانتقال ماطر للهلال ... تكفون يا جماهير الهلال من دون عنصرية ....والله الادمي لعيب بس عاد علشانو نصراوي ما تبغونو....لكن انا متاكد انو راح يبرز في الهلال اكثر من اي نادي اخر خصوصا اذا وجد الترحيب من الاعضاء والاعبين والجماهير وبتشوفون انو كلامي صح ولكم جزيل الشكر |
والله يا شباب مع احترامي للجميع والله مافي راسه كوره على قولتهم طقها والحقها الكوره تبي مخ ماتبي (فروسيه) ترا مناب في سباق خيول اقول (يازينه عند الجنوبي وشريفي وباقي....) وللجميع التحيه |
taher911 لا تعليق !!!!!!!!!!!!!!!!!!!!!!!!!!!!!!!! |
ولد الظهران أخي الغالي / وجهة نظر معها على طول الخط |
راوؤل الهلالي نعناع ابوعبــــــدالله كيف الشباب ؟؟؟ أن شاء الله تمام ياأخواني : هل دورة الخليج أعلن عنها فجأة ؟؟؟ من المستفيد من أعلان التأجيل ؟؟؟ الاعب من مصلحته أن يعلن عن النادي الذي سينتقل له لأنه بذلك عرف أي شعار سيرتدي ،،، ويلعب للمنتخب بذهن صافي . وش رايكم صح أو لا ؟؟؟؟؟؟؟؟؟؟ ;) ;) ;) |
اسير الفن راجع مقال حجة الهلال الأخير مع الف تحية لك |
كانافارو أخي الفاضل / عمر الغامدي الاعب الوحيد في وسط المنتخب الذي متلزم التزام كامل مركزه ،،، أما وجهة نظر في ماطر لك الحق في أظهارها ،،، مع أني أخالفك 180 درجة |
9 انا احبكم 9 الله يهني سعيد بسعيده |
أبو تميم ss99 أنتم صح صح صح :) :) :) |
عاشق_الازرق2002 أنت هلالي وهذه وجهة نظر ما نقدر نقولك شيء |
سلام أخي محمد ... أتفق معك في كل شي.... والرد الذي كتبته في منتديات الهلال...لاأريد أن أعيده --- أبو تميم... صدقني أني داخل أبكتب اللي أنت كاتبه... بس سبقتني;) --------- تحياتي لكم |
ابراهيم ماطر لاعب كبير واللي يشوف مستواه في كاس الخليج هذا اكبر دليل ولكن الهلال المفروض يجيبونه بعد ان ينتهي كاس الخليج |
الغالي / أبولما ,,,,,,,,, في إعتقادي الشخصي أن ماطر سيعتبر مكسب للهلال من ناحيتين : الأولى : أن اللاعب مستواه عالي مقارنة ببقية اللاعبين السعوديين في خانة الوسط الأيمن ومساندة المحور وهذا المركز يعتبر مطلوب في الهلال ,,,,,,,, الثانيه : خطف اللاعب من ناديه وهو ( العين المفتحه ) في ناديه سيكون ضربه معنويه قويه لجماهير ناديه وسيستطيع الهلال من خلالها تعويض إنتقال الغشيان مادياً لإن إنتظار سداد قيمته سيستغرق وقتاً طويل ,,,,,,,,,,,, اما بالنسبه لنقطة تأخير فتح المظاريف ,,,,,,,,,,,, فسنأخذ النيه الطيبه وننتظر مع ان تعامل أعضاء لجنة ( الإحتراق ) نواياهم بعيدة دائماً عن الطيب ,,,,,,,,,,,, تحياتي لك ,,,,,,,, |
مررررررررررررررحبا والله ياشباب انا مع اللي فضلو انو ماطر من افضل لاعبي المنتخب في الوقت الحالي مع الدعيع واتمنى من كل قلبي ان ينتقل للهلال ويفكنا من افضل لاعب وسط الاخ عمر الغامدي اللي مادري ليش مسمينو لاعب كرة قدم ؟؟؟؟؟؟؟؟؟؟ هذي وجهة نظر شخصيه بااااااااااااااااااي |
انا اقول لاعب من النثر مايساوي اردى ناشىء في الهلال فكونا من لحوج الغالة........... |
سام الملاعب الله يعطيك العافية وأنا أخوك ;) |
الهلالي 11 وجهة نظر أحترامها |
أبوذكرى حي الله الغالي / النقطة الأولى / من وجهة نظر سامي الجابر في جريدة الرياضي بعد مبارة السعودية والكويت ذكر فيما معناه أن الاعب يلعب على كيفه وهو غير ملتزم بخطه !!!!!!!!!!!!!!! النقطة الثانية / جماهير ناديه لاتريده وتعتبره خائن فلن يعني لها شيء حضر او غاب وبعدين من هي جماهير نادية حتى نحسب لها حساب ؟؟؟؟؟ المبلغ المالي للغشيان لو اراده الهلال لأحضاره بعيد عن هذه الطريقة ،، النقطة الثالثة / لا لا لا معليش حسن نية أي حسن نية الله يحفظك . ما حققوا حسن النية في أمور أبسط من كذا بكثير بيحققون حسن النية في أمر كهذا !!!! الف شكر لك يا غالي |
هلالي_حتى_الموت وجهة نظر نحترمها |
ابوطرفاة أخي الغالي / ما ودك نرتفع شوي بألفاظنا ؟؟ |
أنا معك أبو لما و كتبت عن مستواه موضوع في منتدى المنتخب و حذف للأسف |
ماطر مفيد ونحن بحاجته |
السلام عليكم . . . يا خوي يا محمد . . . ليه التعصب يعني عشانه يلعب في النصر . . . تقولون لاعب سئ ، لاعب مافراسه ، لاعب يلعب على كيفه ، لاعب لا يحتاجه الهلال . . . الهلال يحتاجه ونص وربع وثمن أنا أسألك . . . مين عندنا في الوسط ( نجوم ) غير التمياط والشلهوب والثنيان . . . والا انت تعتبر المسعري و القحطاني نجوم . . . ياخي والله اللاعب موهبة من اولى المباريات الودية و الى يومنا هذا وهو يقدم مستويات أكثر من رائعة . . . والغريب انكم تقارنونه مقارنة ظالمة بلاعب الغفلة ( عمر الغامدي ) وفيه لقب جديد على عمر الغامدي ( لاعب التمريرات الخاطئة ) يا محمد . . . أبيك تشوف مباراة عمان الجاية وتعد كم تمريرة خطأ يمررها عمر الغامدي . وبعدين هل يمتلك عمر الغامدي مهارة الراوغة التي يمتلكها ابراهيم ماطر . . . والله ابراهيم يراوغ وكأنه لاعب ( برازيلي ) . وانشالله سيثبت لكم ذلك في مباراة عمان القادمة و أتوقع ان الكلمة الاولى ستكون لابراهيم في مباراة عمان . . . تذكر يا محمد . . . الشعار الذي تضعه ( مهما اختلفنا نتفق على حب الهلال ) تحياتي لك |
الله يحييه واللي يبينا نبيه واللي يحبنا نحبه وهو الآن أفضل وسط أيمن وهو الآن أفضل لاعب وسط من حيث الجرأة في الإختراق كما أنه يجيد التسديد القوي وسيولد من جديد لو انتقل للهلال ( وترى ميوله هلالية قبل أن يسجل في النصر ) بس عسى الإنتقال يتم . |
غير ربحي نريد الأصلح للفريق فقط شكرا على مشاركتك يا غالي |
مجنون بالأزرق وجهة نظر أحترمها |
امركم غريب |
صراحة ماطر مكسب كبير لأي فريق ينتقل له.. من افضل اللاعبين مراوغة حاليا..ويجيد الاختراق الطولي والوصول السريع للمرمى..وش تبون اكثر من كذا يا جماعة !! |
بوهلالي وعليكم السلام ورحمة الله وبركاته سوف ابدأ معك من السطر الأخير : هذا شعاري ولن ولم انساه مبارة عمان نحتاج لكل نقطة عرق من كل لاعب وكل صرخة من كل مشجع في مدرجات أستاد الملك فهد يا أخي الحبيب أترفع عن مقارنه مغلوطه بين عمر وماطر لأن المقارنه لعمر بدون جدال أنظر كيف يكون حال المنتخب في عدم وجود عمر الغامدي وأنه الوحيد مع الدوخي الذي يلتزم التزام كامل بما يطلب منه في وسط الملعب عمر لاعب تكتيك بحت والدليل ما ذكرت والجوهر يحاول أن يلعب بدونه ولا يستطيع لسبب واحد أنه هلالي وأن كنت تريد أن تحسب التمريرات الخاطئه احسب كم كره يقطعها عمر وفي اي مكان .. وأنظر ماذا يصنع ماطر من أهدار لفرص سهلة بسبب رعونة تفكيره يا أخي الحبيب / الحمدلله الهلال يوجد فيه من لاعبي الوسط الكثير وهم وجوه شابه يجب أن يأخذوا الفرصه كامله بعيد عن الأستعجال وهم فيصل صالح والعمودي المطرف وغيرهم من لا تحضرني اسمائهم من الشباب في النادي بعدين لم اقل ما ذكرت من عبارات في السطر الثالث لردك فلا تقل عني مالم اقل ،، على الأقل العبارات الأولى . أما قولك الهلال يحتاجه ونص وربع وثمن ،، فقد ذكرتني بالمندي الله يحفظك :D :D :D :D وأنا أخوك حنا هلاليين وأهم ما علينا الهلال وهذا الاعب سيستفيد من الهلال أكثر مما سيفيد الهلال ،،، وبس :) :) :) |
البحار الأزرق وأنا أخوك من فيه فائدة للفريق الله يحيه لكن ماطر اشك كثيرا |
المحبوب2002 صدقت |
H-CrAzY هلا والله من طول الغيبات ،،، أخبار .علوم شف وانا أخوك لك وجهة نظر أحترمها ومعك اناس كثرين لكن ،، ما ذكرت وأنا أخوك عيب في الاعب لانه يلعب لحاله ولا يخدم الفريق وهذا الكلام ذكره سامي الجابر :rolleyes: :rolleyes: :rolleyes: تحياتي لك ،،،،:) :) |
هلا فيك اخوي ابو لما :).. انا في المنتدى كل يوم تقريبا..يعني لا غيبات ولا شئ :p :p .. المهم..شف اخوي..الفرق اللي تقابل الهلال تلعب مدافعة طول المباراة..في هذي الحالة يا اما ان اللاعب يسدد من خارج منطقة الجزاء يا اما انه يستخدم مهاراته :).. الأول موجود عندنا اللي هو الجمعان..طيب ليش ما يكون عندنا الثاني بعد اللي هو ماطر علشان يكون مع الثنيان ونواف والبقية خط وسط مميز.. كلام سامي احترمه..بس طريقة لعب المنتخبات تختلف عن طريقة لعب الأندية :):).. |
H-CrAzY أخي الحبيب أنا لم اقرأ لك مواضيع من فترة وهذا سبب ذكري للغيبات ;) ;) ;) وبعدين خلنا من ماطر الحين وخلنا في كأس قريب بيرفعه كابتن المنتخب والهلال سامي ،،، بأذن من لا تنام عينه ;) ;) :) :) |
السلام عليكم ورحمه الله وبركاته ........ اخواني الاحبه .... اعتقد ان ماطر لاعب غني عن التعريف ولكن هل الهلال بحاجه اليه ؟؟؟ انا اعتقد ان الهلال لا يحتاج الا الى ظهير ايسر ذو مستوى عالي اما ماطر فلا اعتقد انه سيخدم الهلال بالشكل المطلوب .. فالهلال يزخر بنجوم في خط النص بالذات ولعب الهلال يعتمد على الجماعيه وواعتقد ان ابراهيم ماطر يكثر المراوغه وهذا ما سبب له الاصابات المتلاحقه ولكن هذا لا يمنع من انه نجم من الطراز الاول ولكن لاينفع للهلال وهذه وجهة نظري قد تحتمل الخطاء وقد تصيب ... ولكم مني التحيه ... |
عبدالله الاحسائي يا عين عين عيني عليك :) :) :) :) هذا الكلام و هذا هو الأسلوب الراقي للحوار ما شاء الله عليك وعلى طرحك ،،، هذا المطلوب كل شخص يظهر وجهة نظره هو بعيد عن كل تأثير ;) ;) شكرا لك يا غالي |
يرفع الموضوع للأهمية ،،، وأني مبسوط أنه ما جاء ((نواف على غفلة )) :laugh: :laugh: :laugh: :laugh: |
| الوقت المعتمد في المنتدى بتوقيت جرينتش +3.
الوقت الان » 10:25 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd