لمفرج مبدع ولكن لديه مشكله .. والعنقري ؟؟
 

السلام عليكم ورحمة الله وبركاتة

إذا أردنا أن نتكلم بالعقل والمنطق ..

فسنقول أن المفرج مبدع طوال المباراة لكن تأتي دقيقه واحد يخطئ فيها خطأ فادح تنهي المباراة للخصم والسبب أنه يلعب خلف تفاريس فإذا مر المهاجم من تفاريس ذهب المهاجم للمفرج ..

مثلا نهائي الشباب كان تفاريس يلعب يمين .. فالمولد مر من الظهير ثم مر من تفاريس .. ثم وصل للمفرج المفرج يعاني من ضغط وهو أنه آخر واحد والجمهور كل ماتذكرهم أرتبك فيقوم يرتكب خطأ فادح بالإنزلاق القوي في محاوله منه لأنهاء الهجمه بسرعه خوفا من الجماهير وغير كذا مافيه أحد يغطيه

كذا عرفنا أن المفرج يغطي تفاريس لكن تفاريس مايغطي المفرج والدليل مباراتي الوحده والشباب نهائي الدوري ..

وشفنا الموسم الماضي لما كنا معه وشجعناه قدم مستوى مبهر خصوصا الهلال والوحده ..

ثم بداية الموسم هذا بدينا كل ماذكر أسمه نقول أوووووووووو ..

فصار يعاني من نفس المشكله ..


وشي واحد علشان تعرفون أن تفاريس هو المخطئ الأأكبر وأن المفرج مغطي خانته صح أن جميع الأخطاء اللي تسمونه ( نكبه ) نكبه المفرج على اليمين ..
بينما اليسار يغطيها بإقتدار 100% ونادر نشوف هدف من الجهه اليسرى ..

فلو رجع تفاريس لخانته اليمنى ويترك الحماس الزايد .. كان شفنا منه الإبداع ..
فبيصير هو والمفرج مبدعين لدرجه والله ماتتوقعونها ..

وبالنسبه للعنقري أستغرب الهجوم اللي عليه خصوصا أنه في الأصل صانع لعب وشاهدنا إبداعه الموسم الماضي عندما أتيحت له الفرصه ..

وبالنسبه للعبد السلام فأنا أراهن عليه كضهير وتشوفون كلامي وإذا أستمر أساسي راح يمثل المنتخب

اللة يستر من التالي

يا قلبي عليك هاذا الكلام الي يفتح النفس
انت قلت كلام بكل عقلانيه وما عليه اي شك هاذا الكلام فهد المفرج لاعب ممتاز بس الحماس الزايد مشكلته وهاذا شي طيب انه يتحمس ويلعب بروح عاليه بس سبحان الله اكثر الاوقات الحظ يعانده الله يوفقه يارب.

اما العنقري انا مثلك يالغالي مستغرب وش فيهم عليه مع انه لاعب يأدي المطلوب واذا غلط كل لاعب يغلط ما فيه احد ما يغلط.

الله يوفق الجميع يارب .......

الله يكتب اللي فيه الخير

والله انك صادق لكن ماأحد يعطيك وجه خصوصا المطبلين

بالنسبة لي اشوف المفرج يبدع الين تجي مباريات خروج المغلوب ..

اما العنقري مع احترامي لك وله لكن اسلوب استلامة للكورة والربشة اللي تصيبة نكبته وهو في الدفاع اجل اشلون اذا كان صانع لعب !!

بصراحة العنقري ممكن يكون لاعب ممتاز في اي مكان لكن بالهلال اكيد ماينفع ولو بالاولمبي ’ يمكن يكون الجمهور وضغط الجمهور ويمكن يكون الاعلام وضغط الاعلام هو السبب .. او اي سبب ثاني لكن اشوف اعطاء الفرصة لابناء النادي والصبر عليهم الين ينضجون افضل من اعطاء الفرصة للاعب مثل خالد مع احترامي له ولك .

كلامك عين العقل

وشرايك نلغي عقد تفاريس الي مايغطي المفرج

هو مجتهد لكن يتحمس اكثر من اللازم
وينكب الفريق بعدها

ياخي عيبه كثر التوجيه للعيبه ياخي خله يوجه نفسه اول بعدين يوجه اللعيبه

تفاريس ممنوع انتقاده
حتى لو الخطأ منه 100%
وهذا عيب لدى جماهير الزعيم

هدف اسماعيل مطر يتحمل الجزء الأكبر
تفاريس والدعيع والممنوع انتقادهم
ولذا صبوا جام سخطهم على المفرج !!

كلامك صحيح ميه بالميه
دائما الجمهور تركيزهم على المفرج وبس

حتى لو يكون المفرج اسوأ لاعب بالعالم ... او اسوأ لاعب في تاريخ كرة القدم
حرام اللي قاعد يصير له ... وبصراحه انا عن نفسي وانا مالمته ولا قلت شي ... مدري وشلون اعتذر منه ... وش عاد اللي تكلموا وقالوا ...
صدق .. وش تتوقعون الشي الي نقدر نسويه ... ونخلي فهد ينسى اللي سوا فيه الجمهور ....؟؟؟؟