|
الحقوا علي تكفون السلام عليكم ورحمه الله وبركاته اخباركم ياقدعان عاملين ايه ؟ شباب وبنات تكفون ابيكم تنصحونيhttp://www.ksast.com/vb/images/smilies/sad9cd.gif انا الحمدلله تخرجت السنه الماضيه ونسبتي 87 % والقدرات 76 والتحصيلي 72 <<<< مابقى الى يكتب رقم الجلوس http://www.ksast.com/vb/images/smili...e_eyebrows.gif المهم انا قدمت على جامعه الملك سعود وقبلوني لكن مو بالقسم اللي ابغاه انا طموحي هندسه كهربائيه وبور بالتخصيص مع اني مااعرف عنها اي شي http://www.ksast.com/vb/images/smilies/lol_sparkle2.gif المهم انا طلعت من جامعه الملك سعود لان طموحي اكبر من القسم اللي كنت فيه http://www.ksast.com/vb/images/smili...e_eyebrows.gif المهم اللحين انا عاطل باطل لا شغل ولا مشغله http://www.ksast.com/vb/images/smilies/a_laugh.gif وانتوا مساكين كل يوم تقومون الصبح والدنيا صيام وحالتكم حاله http://www.ksast.com/vb/images/smili...e_eyebrows.gif المهم ندخل الموضوع انا اللحين يمكن اسافرادرس لغه في كندا في فانكوفر بالتحديد لمده ست شهور والفيزا يقولون بتطلع بعد شهرين وبصراحه جتني فكره قلت ليش اسافر اسجل بجامعه الامير محمد بن فهد الترم الثاني واللغه اخذها من عندهم مع اني من جنبها بالانجليزي http://www.ksast.com/vb/images/smilies/no6xn.gif مشان هيك <<< قلب سوري يااخوان تكفون انصحوني والله اني محتار هل اسافر واخذ لغه واسجل من بدايه السنه الدراسيه القادمه ولا اسجل الترم الثاني وبعدين ماعرف عن الجامعه اي شي بس اللي عجبني فيها تخصصاتها مره حلوه عشان كذا قررت ادخلها ياليت تعطوني نبذه عن الجامعه وكيف الدراسه فيها واهم شي لاتنسون نصيحتكم يااصدقائي دمتم للوطن |
نصيحة سافر وتعلم هناكـ تحياتي |
وليد طيب بما انك من الظهران وانا من الرياض وكذا ياليت تقولي كيف الجامعه ؟ اللي هي جامعه الامير محمد بن فهد يعني يمدحونها ؟ |
^ والله يالغالي أنا ماني لي خبرة بالجامعات .. بس اللي أعرفه ان الجامعات فيها الخير والبركة |
والله يا الطيب انا انصحك انك تدرس بالاول بعدين تروح تاخذ لغه حتى تستفيد من اللغه بعد التخرج.... |
يعطيك العافيه يالقحطاني اما بدوري انا قلت بروح اخذ لغه وارجع لان الدراسه بهالجامعه باللغه الانجليزيه فقط |
هلا خوي نواف ماشاء الله الله يديم هلاحماس عليك اذا تبغى نصيحتي ونا خوك عندي كم اقتراح لك الاول : خذ اللغة بالأول وبعدها ارجع وكمل الثاني : ماشاء الله معدلك كويس يعني لوتجي كندا وتدرس لغة وبعدها تدرس على حسابك اول سنة وبعدها تحول على المنحة لانه التحويل جدا سهل مو مثل الابتعاث بشرط تحقيق معدل معين ونت ماشاء الله عليك قدها وقدود الثالث : تجي تاخذ لغة وتاخذ معاها دورات بتخصصك من اي معهد من المعاهد بكندا ومن ثم ترجع للجامعة منها اخذت لغة واخذت خبرة بتخصصك وربي يوفقك وانا من العاصمة أوتاوا اذا احتجت اي خدمة لايردك الا لسانك تقدر تراسلني على الخاص تقبل مروري |
مشكور اخوي هلالي في كندا برسلك على الخاص ونتفاهم الله يعطيك العافيه |
شف أخوي عندي لك إقتراح يمكن تقول وش يبي ذا ليه ما تجي عندنا بجامعة القصيم تدخل سنة تحضيرية ومن ثم تتخصص هندسة ولا أي شي تبغاه دخول الهندسة بعد التحضيرية الظاهر وقف السنة الماضية على 3,25 وأظن يقولون أقل وسمعت أنهم نزلوا تحت الثلاثة يعني تدخل وأنت نيم ولما تدخل الهندسة تدرس فصل على ماسمعت من طالب بالهندسة ثم تتخصص عندنا ثلاث أقسام : 1ـ هندسة أظن مدني 2ـ هندسة كهربائية 3ـ هندسة ميكانيكية يمكن تقول وش هي جامعة القصيم عشان أروح له لكن سمعت من أحد المسؤلين أن الجامعة تخطو لتكون من الجامعات الرائدة في المملكة خصوصا أنها كل سنة تقريبا تفتح قسم أو كلية وأيضا عندنا دراسات عليا في بعض الاقسام |
والله انا نصيحتي لا تسافر برا لان اللحين ما فيه امان واللغه ما تكفي وانت غلطان يوم تطلع من جامعة الملك سعود كان قعدت ترم وبعدين حولت وهذي نصيحتي |
| الوقت المعتمد في المنتدى بتوقيت جرينتش +3.
الوقت الان » 10:32 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd