|
اعداء الزعيم يعبثون في المنتدى وحنا السبب والعتب على الادارة السلام على من اتبع الهدى نعم هذا هو الواقع اعداء الزعيم يحاولون يستغلون وضع الفريق احسن استغلال واحد يسب المفرج والعنقري ويحط اي شي عليهم والثاني التمياط حتى وصلت ان بعضهم يقول نبيع ياسر !! والله مافيه هلالي يقول نبيع ياسر وواحد منزل لي مقارنه بين ياسر وسامي يحاول يسوي فتنه بين الجماهير والمشكله اننا نطبل وراهم ومصدقين انهم هلاليين والعتب على ادارة المنتدى لازم المراقبين يحذفون المواضيع السخيفه اللي تنزل بالمنتدى والصراحه ما اقول الا الله يستر من اللي جاي سلام |
. صدقت |
حسبي الله عليهم المندسين |
صدقت ان شاء الله اداره المنتدى تنتبه لهالشي مهب كل من تكلم فصحى صار ناقد مبدع ترى نصهم اعداء الزعيم |
ودي ان الاشراف يمسكني احذف عضويات هاللي كذا |
يسقط المندسين .. يسقط العملاء .. يسقط الخونة.. عاش الهلال عاش الهلال!!! ياشباب أقسم بالله ذكرتوني بحزب البعث وبصدام حسين وبمهاترات جمهور الاتحاد .. مجرد مايطلع واحد ويخالف منصور البلوي أو ينتقده قالو عميل ومندس وكل يوم مجربعين ثلاثة والا اربعة من الاعضاء وموقفين عضويتهم حتى وصل الأمر انهم اغلقوا واحد من المنتديات ومنعوا التسجيل في المنتدى الثاني .. شباب حنا نراهن على أصحاب العقول ما نراهن على الجماهير اللي الجاهلة .. يعني اللي يحاول يخرب واضح مايبيلها دليل واللي عنده انتقاد واضح,,, مثلاً واحد من الشباب كاتب موضوع يتهم فيه عبدالله بن مساعد بالتواطؤ مع منصور البلوي ضد الاتحاد ومع ذلك اعتبرنا الرجل محتقن ضد بن مساعد وعنده أراء حادة تجاه الرجل ,,, يعني ماقلنا خائن أو عميل لأن هذا رأيه في النهاية وحنا عندنا عقول تخلينا نعرف ان الرجال يهذري.ِ |
^ كفووووو |
هناك بعض الاعضاء هلاليين ولكنهم لا يعرفون أين تكمن مصلحة الفريق ويضرون الفريق من خلال رمي الشتائم و التقليل من بعض اللاعبين , لدرجة أنهم يشككون في قدرات بعض اللاعبين الأكفاء إن شاء الله المشرفين سيكونون لهم وللمندسين بالمرصاد , وأنا ايضا بإسمي وبإسم كافة المشرفين نتمنى أن نجد التعاون من قبلكم من خلال الضغط على أيقونة التبليغ عن مخالفة http://vb.alhilal.com/images10/buttons/report.gif فالمنتدى يحتاج لأعضائه قبل مشرفيه :) |
| الوقت المعتمد في المنتدى بتوقيت جرينتش +3.
الوقت الان » 03:57 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd