|
تلومون المفرج وتركتم نقطه ضعف الهلال الدعيع والخثران؟؟ هل اخطأ باكيتا عندما ابعد الدعيع من المنتخب بعد الاهداف السهلة التي ولجت شباك الدعيع مع المنتخب والله اني هلالي ولا يقولي واحد انك مندس انا احب الدعيع لكن بصراحه هدف اسماعيل مطر مأظنه صعب والله لو ان حسن العتيبي كان صده بسهوله .. الدعيع حارس ممتاز بس العمر له دور ومافيه احد يستمر مستواه وانتم شفتوا الاسطورة سامي اعتزل حتى يبقى بقلوبنا لانه اعتزل وهو بمستواه اما الدعيع جدد لـ3 سنــوات والله حرااااام العتيبي يبي يتجاز الثلاثين وهو بالاحتياط وشفنا مستواه بالخليجية والله قمة ومصدر إطمئنان بالحراسة لانقول المفرج ولا تفاريس بصراحه قبل ماترد على موضوعي تذكر معي هل مرت على الدعيع كرة صعبه تسديدة او غيره وصدها تذكرون هدف ضياء هارون واهداف الاتحاد في النهائي بصراحه حرام تدخل على حارس بالهلال وانا اضع اللوم باهداف الاتحاد على الخثران اللي كان يتفرج على كيتا يازعماء الهلال في نجوم في الهجوم والوسط عندنا فريق مو في اسيا لكن عندنا نقاط ضعف قويه تتمثل في :: 1) الخثران يلعب بالظهير مميزات الضهير يجب ان يكون سريع ويجيد التسديد وعكس الكرات بقوة الخثران للاسف لايجيد كل هذة الاشياء وبالاضافه عدم اجادته للدفاع 2) عندنا حارسين ممتازين العتيبي والشمرب حان الوقت لاعطاء الوجية الشابة فرصة .. الدعيع اصبح ثقيل وكثرة هفواته والنهائيات لاتتحمل الاخطاء وبالحراسة بالذات |
الحين صار هدف ضياء هارون سهل؟؟؟ والا هدف المولد بالنهائي؟؟؟ الدعيع ماقصر وقفل الزاويه صح بس مطر حطها بالزاويه البعيده اللي مفروض يغطيها المفرج مب تدخل كوبري فيه والخثران بعد ماقصر وكان هو وعزيز وتفاريس نجوم وقد المسؤوليه المباراة انتهت والغلطان معروف من هو ويكفينا رفعة ضغط خلونا نفكر بالدوري الحين وكل نكبه وانتم بخيييييير |
انتظر ردكم او نسيت انتم تلومون الرئيس انه يفرض بعض الاسماء لماذا لاتلومونه على فرضه الدعيع على باكيتا رغم ان باكيتا سئ لكن يعرف ان الدعيع هفواته لاتـــــــــرحم |
إقتباس:
ثاني شي الدعيع شين او سهله دخول الكوره اقول بكر ما عندك دراسه |
محمد الدعيع نكبة لكن شف مباراة الكويت الكويتي وتعال كلمني وتراهي الموسم إلي راح وشف خويك المفرج وش سوا في ذيك المباراة |
غريب الخثران مقدم مستوى لعلمك الهدف من تمريرة خاطئة من الخثران والخثران ماعنده شئ جديد عمري اشوفه عكس كره صح العنقري الا نصف الجمهور الهلالي يشجع الاعب الجميل شكلا العنقري عكسياته قوية وخطيرة والخثران 10 سنوات في الهلال ماعمره عكس كره صح العام الماضي عكس كره بالخطا ضربت مدافع ودخلت هدف بااارد وكرة ضعيفه انتم جمهور الهلال غريب بعضكم حاط توقيعه المحترف الجديد مادري وش اسمه هل عشان لعبة ولا شكله وايضا الظهير الياس لو نناظر لطلباتكم كان فضلتوه على سامي والشلهوب لان سامي والشلهوب اشكالهم عادية بصراحه كلامي قاسي بس نفذ الصبر جمهور نظيف ويهتم في مصلحه الفريق ولا بلاش مانبغى جمهور وجيه العنقري مقدم مستوى كويس وسعد الذياب يحتاج فرصة وتابعوا عكسياته ولمساته فنان يحتاج للصبر والمعنوية منكم |
انتم خلاص ماتبغون الحقيقة والله لو الدعيع يفتح باب الهلال على مصراعية ماتقولون شئ مشكلتكم خلاص لاعب هلالي مانذكر انه سئ ياخي خلاص الدعيع بعد كاس العالم 2002 وهو مستواه عادي واهداف اشكال والوان تدخل فيه واللوم على الدفاع الهدف اللي جاء تسديدة ارضيه خفيفة لاتقولي صعبة ولاهي في الزاوية وارجع للهدف بجنب يد الدعيع |
أقول موضوعك عقلاني لو ماجبت طاري النكبه فهد المفرج ياعالم ارحمونا ولا تجيبون طاريه هذا عاله على الفريق والشرهه على ادارة النادي اللي الين الحين يتفرجون ومامسكوه الباب اقسم بالله ان اسوء مدافع بدوري الدرجه الأولى أفضل مستوى من النكبه رقم 17 استحو على وجيهكم الى متى التطبيل لفهد ابي اعرف !! ( اقسم بالله لو اجيب سباك يدرب النادي والله مايخليه يطقها أساسي ) ياخي اذا معاه واسطه قويه يخلي واسطته يدفع له راتب مدى الحياة ويعطيه مقدم عقد كل خمس سنوات بس يفكنا من نكباته ويرحمنا ورب البيت صبرنا بما فيه الكفايه على هاللاعب المنتهي يافهد انت خلوق ومحترم ارحمنا واعتزل والله ذنوبنا كثيرهـ بسببك عط الفرصه لغيرك وشف لك نادي ثاني وقابلني لو قبلوك لأنك مدافع دون مستوى الطموح وفاشل اللي بيدافع عن هاللاعب بعد كل هالنكبات اقسم بالله انه مندس ومايبي مصلحة الهلال نعم فهد خلوق ومحترم لكن ماتفيد الأخلاق قدام المهاجمين من فرصه وحده سجل اسماعيل مطر هدف والكابتن فهد مابقى الا يمشي ويخليه ويروح لغرفة الملابس ماأقول إلا حسبي الله ونعم الوكيل |
اتمنى انك تمسك حارس في باب وبعدها تعرف وش لون الكور تجي صعبه والا سهله واضح ان الدعيع يحسب المفرج مغطي الزاويه البعيده عشان كذا غطى الزاويه القريبه وماتوقع الكوره تجي كوبري في اخينا بالله والخثران لاعب مستواه كبير وكان نجم في المباراة مو انا اللي اقوله كل المحللين قالوها |
انا مامدح المفرج لكن ليس هو السبب الوحيد للاهداف :: اولا : اين تفاريس من لومكم او عنده حصانه ارجعوا للمباريات واحصوا كم كرة خطرة خلصها المفرج وتفاريس وقارنوا قبل ماتحكمون ثانيآ: هل تكذبون على انفسكم المفرج عنده واسطه لو الواسطه تنفع كان نفعت مع الجمعان ثالثآ : ان ماشوف لاعب غير مفيد مثل الخثران نقمه اخذ مكان بالهلال بدون فائدة ابغى اللي يخالفني يعطينيي محاسن الخثران في مباراة الوحده كان يلعب بمكان مميز في الدائرة وسنحت له كرتين اما الباب بعد مارجعت من رأس المدافعين لكن ؟؟ لو اعطي اخوي الصغير يشووت كان احسن منه ؟؟؟ |
أنا أطالب الاداره بأن تبعد الدعيع ويكون البديل الشمري لأنه حارس المستقبل أما المفرج صحيح انه ماأبعد الكره من أمام مطر لكن اللي بيرجع المباراة بيشوف الهدف جاي من خانة تفاريس اللي طالع مهاجم بدل مايكون مدافع والحق يقال ومشكور على الموضوع بحر العيون |
الحين الهلال نقطه ضفعه الدعيع :eek: ياليت تشوف مباره الهلال والعين الموسم الماضي فالقطاره :rolleyes: شف الدعيع وياليت تشوف مباره الهلال والشباب الموسم الماضي الدوري الثاني وشفت العتيبي :d ولاتنسى تشوف مباريات الدوره أي أر تي في تونس وشف العتيبي :d خل عنك الحتسي والله لولا الله ثم الدعييع كان فضايح في الهلال ... المفرج هو سبب هدف اسماعيل مطر من نص الملعب وهو يتراجع الين وصل الدعيع وبعدها تقول ليش ما مسكها الدعيع غريب أمرك .. طيب أهداف الشباب في نهائي 1418 من يتحملها ..؟؟؟ :d ارجع للتاريخ ...!! افضل حارس موجود بعد الدعيع , الشمري وبعده الدعيع الصغير .. العتيبي فااشل |
لالالا الدعيع حارس ممتاز لازم يلعب معنا |
اقول انت والله ما تفهم كوره ولا تدري وين الله قاطك الله يصلحك المفرج الحين ما اخطا الدعيع خطا و الخثران اللي حرث الملعب حرث طلع نكبه اقول والله انك ما فيك اي ذرة فهم الله يصلح حالك و بسس. |
الله يهديك الحين الدعيع نقطة ضعف انت كاتب وانت نايم ولا شايف المباراة وانت نايم والخثران لك عليه والمفرج فاشل وخلاص هو ترك النادي |
| الوقت المعتمد في المنتدى بتوقيت جرينتش +3.
الوقت الان » 08:20 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd