[ .. ياسر القحطاني .. سجل هدف ولا ترا بنخليك فاشل ! .. ] - نادي الهلال السعودي - شبكة الزعيم

Mr.DL5 · #1 29/09/2007, 04:35 PM

[ بسم الله الرحمن الرحيم ]

[ السلام عليكم ورحمة الله و بركاتة ]

حيا الله كلـن بـ يوزره ..

وانا اشوف ردة فعل الجمهور عقب خروجنا من بطولة آسيا شدني ان نص المواضيع تتهجم على ياسر .. الي يقول ياسر شات البلنتي بـ استهتار .. والي يقول ياسر ما سوا شي في المباراة !

ما ادري هم يشوفون ياسر مهوب آدمي مثلي و مثلهم .. يبونه في كل مباراة ياخذ الكورة من نص الملعب و يسحب و يجيب هدف ..

المشكلة يشوفون ان ياسر ماسكينه ثلاث مدافعين و مستحيل انه يستلم الكورة و يمشي من بين هـ الثلاث المدافعين .. تشوفهم اذا استلم ياسر الكورة كل واحد يحلف على الثاني والله ما يقطعها الا انا

.. غير كذا الشوط الاول ما كان فيه صانع لعب حقيقي يمد ياسر بـ الكور ..

المشكلة الي يكتبون مواضيع سب في ياسر مشاركاتهم ما تتعدا الـ 30 .. يعني مندس وسيع وجه ..

.. ويجونك أعضاء " مع الخيل يـ شقرا " .. وكل ردودهم ياسر فاشل .. آحد يضيع بلنتي .. ياسر مكانك مهوب في الهلال !

ياسر مهوب اول ولا آخر واحد يضيع بلنتي .. غيره ضيعوا بلنتيات وضاعت معها بطولات آكبر من بطولة آسيا .. ومع ذلك تجد الجمهور يرفع بـ معنويات اللاعب ..

هنا عندنا جمهور ما عرف الكورة الا قبل آسبوع .. ويحسبون اللاعب ما يصير ناجح الا اذا في كل مباراة سجل كم هدف وسحب له بـ كم مدافع .. غير كذا تراه فاشل !

ياسر دافع .. ياسر جب هدف .. ياسر ناول بسرعة .. ياسر اقطع الكورة .. ما اقول الا الحمد لله اني منب يآسر ما دام جمهورنا كذا !

ياسر .. تفدآك بطولات آسيا كلها .. " ولا عزاء لـ جمهور سجل هدف ولا ترا بنخليك فاشل " !

انا والله ما كتبت هـ الموضوع الا من الي شفت من اعضاء ما ادري وش يبون في الكورة .. يحسبون ياسر ما يطلبه الجمهور .. يبونه يسوي كل شئ !

هذي الي عندي .. وتقبل الله صيآمنا و قيامنآ ..

فـ مان اللهـ ..