|
جمهـور الهـلال ... الرقـم الصـعـب ... تفضلـوا بسم الله الرحمن الرحيم السلام عليكم ورحمة الله وبركاته جمهـــور الهـــلال ( الزعيـــم ) كـــل عـــام وانتـــم بخـــير والشهـــر عليكـــم مبـــارك هذا اول موضـــوع لي بمنتـــدى الزعيـــم * * * لايخفينـا جميعـا ماحصـل بالهـــلال يـوم الاربعـاء الماضـي قـد خسـر الهـــلال اهـم البطولات المنتظـره وامنيتنـا جميعـا لكـن حـدث ماحـدث والحمدلله رب العالمين قدر اللـه وماشـاء فعـل فلانجعـل خسـارة هذه البطولـه تسبب كرهـا لفريقنـا الغـالي بالعكـس نقف بجانبـه ونشجعـه لكـي يمتعنـا بالبطـولات الزرقــاء * * * ( احـــداث المبـــاراة ) شاهدنا المباراة منذ بدايتها كان اللاعبــون مرتبكون بعض الشئ كانت هنالك محاولات من بعض اللاعبيــن لمحاولة التسجيل لكن الحظ لم يحالفنا وايضا كان بسبب عدم تركيز اللاعبيــن الكل شاهد الجمهــور الرائع بحضوره ولكن هنالك امر لابد معرفته وهو عند تنفيذ اللاعــب لركله حره او ركلة جزاء يقوم الجمهــور برفع اصواتهم صحيح قد تولد في اللاعــب بعض الحماس لكن في لحظة تنفيذه للركله يحتاج الى تركيز جيد في رايي نقلل من هذه العمليه لترك اللاعــب ياخذ راحته الكل شاهد لاعبنـا ( القنــاص) عند تنفيذه لركلة الجزاء كان مرتبكا جدا وهذه ليس من عادة ياســر القحطــاني المدرب كان مخطئا بالدخول بالخطه بمهاجم واحد وهذا درسا للمدرب لابد من قراءة المباراة بشكل جيد المباراة بشوطها الثاني كان رائعا جدا اداء اللاعبيــن لكن الحظ لم يحالفنا القوائم والعوارض تصدت لكراتنا فل ننسى هذه المباراة وننسى خسارتنا للآسيويه ونفكر بالبطولات المحليه والخارجيه القادمه الهــلال رغم خساراته المتتاليه للبطولات يبقى زعيمــا آسيويا * * * ( ادارة النـــادي ) على رأسهم سمو الامير محمـد بـن فيصـل آل سعــود لكم كل الشكر والتقدير لجهودكم المبذوله لمصلحة النـادي ولكن لابد من الحذر من اتخاذ القرارت وكيفية العمل بها واتمنى من الاداره عدم الاهتمام في مجال كرة القدم فقط فهنالك مجالات اخرى لابد من اعطائها حقها اتمنى وارجوا من الاداره الاهتمام في تعاقدات اللاعبيــن سواء اجانب او محليين وذلك مانرى من اصابات متعدده نحن جمـاهيـر الزعيــم معكم دائما اياُ كانت الاحوال * * * لاعـــبـــيـــن الهـــلال ( الزعيـــم ) محمدالدعيع,فهد المفرج,مارسيلوتفاريس,خالدالعنقري, عبدالعزيزالخثران,عمرالغامدي,خالدعزيز,نواف التمياط ,سعدالذياب,محمدالشلهوب,طارق التايب,احمدالصويلح, ياسر القحطاني لكم كل الشكر والتقدير لفنكم وجمال روحكم وهذه قليلة في حقكم الكل منـا يجزم بانكم بذلتم قصارى جهودكم لكن الحظ لم يحالفكم اتمنى ان لاتؤثر عليكم خسارة هذه المباراة فالقادم اصعب واجمل باذن الله تعالى يكفي اننا كسبنا نجوما من ذهب وايضا نجوما شابه فنحن جمــاهيــر الزعيـــم معكم اينما كنتم * * * جمهـــور الهـــلال ( الزعيـــم ) ... الرقـــم الصـــعـــب لاادري بماذا ابدأ او ماذااقول او كيف اشكركم فعلا انتم لم تخذلوا فريقكـم فكلمة شكر قليلة في حقكم ايها الزعمــاء فكم هو كان رائعا منظر الملعب بكم وبحضوركم جعل اللاعبـون يفتخرون بهذا الجمهـور المحب لفريقهـم الهــلال بادارته ولاعبيه يحتاجون لوقوفكم بجانبهم فلاتخذلوهم ولاتجعلوا الخساره تقلل من حبكم للهـــلال الفرق جميعها تخسر سواءا كانت محليه او عالميه فلنقف في وجه كل من يتعرض للهــلال بالادله وبالطولات ولاننسى ايضا بعض الحضور كانو مشجعين من اندية اخرى جاءو ليشجعوا ممثل الوطن فشكرا لهم ولحضورهم اللامستغرب من اخواننا الاعزاء ولنترك التعصب الغير مجدي لسمعتنا وبالاخير اشكركم ايها الجمهـــور العزيز وتأكدوا ياجمهـــور الهـــلال ياجمهـــور الزعيـــم انتم ---((( الرقـــم الصـــعـــب )))--- تـــحـــيـــاتـــي لـــكـــم ؛ HILAL001 |
يعطيك العافيه .. يالغالي الفريق محتاج غربله حرام تضيع هالبطولات والسبب معرووف تحياتي لك |
نبي مهاجم جنب ياسر |
حرام عليكم ماسمعتم وش قال الامير محمد بن فيصل عن المفرج |
يعطيك العافيه كلام من ورد |
السلام عليكم اولاً هارد لك الخسارة وهذي مهي نهاية الدنيا .. بس حبيت اوضح شي .. اسباب الخساره كثيييييره وانا بقول ابرزها .. اولاً افهموا ياجمهور الزعيم الهلال مارح ياخذ بطوله بسهوله بوجود المفرج .. المفرج اول سبب في خروج الهلال من ربع النهائي .. المفرج هذا قدر مكتوب على الهلال انه ينشب له نشبه ذا الآدمي من عشرين سنه ماعرف يمسك كوره !! ذا الآدمي كم مره سمع هتافات الجماهير ضده وكأن وجهه مغسول بـ ... ! يعني لاعب ماقدم شي للهلال في الدوري بيقدم في الآسيويه !! لاعب ماقدم شي في الدوري يشركونه في مباراه مصيريه !! ياخي هذا عاله على الهلال .. المفروض أي لاعب مو قد الفنيله اللي لابسها واللي يرحم امه يفكنا من النادي .. يشيل قشه الله يخليه من نهاية الموسم اللي طاف مجهزين للآسيويه وتعاقدات وتجديدات وماني عارفه ايش واخرتها الهلال يطلع من الآسيويه بسبب غلطة دفاعيه غبيه وتحديداً من المفرج .. ياخي فيه ناس فيه شباب اولى فيه لعيبة اجدر من المفرج انهم يلعبون في صفوف الهلال .. وين المرشدي !! وين العبدالسلام ؟؟ ولا اقول سلم لي على الواسطات !! ونتشحذهم ظهير مع ان فيه ياسر الياس بس لالااا ياسر ماعنده واسطه !! الى متى يالاداره ؟ شلون تبون الآسيويه وانتوا ملعبين ناس في الفريق منتهين ! انتهت صلاحيتهم ؟؟ الله يخليك اعتزل يالمفرج الله يرحم امك اعتزل من جد طفح الكيل منك .. سكتنا عليك في كم بطوله انت سبب خروج الهلال فيها ولا قلنا شي لأن كان طموحنا "الآسيويه" بس خلاص طارت الآسويه ولازم نصفي الحسابات الحين .. بتقولون لي السنه الجايه انا مابغى السنه الجايه اذا كانت الخطه ضامه المفرج .. زين ؟؟ بتقولن للحين يلعب لأنه يعشق الهلال .. طيب يعشق الهلال على عيني وراسي بس ياخي مو أي واحد يحب الهلال يلعب له !! لو كل اللي يحبون الهلال لعبوا كان شفت الـ 70 الف اللي حضروا كلهم لعبوا ؟؟ ياخي حرااام عليك ضيعت الهلال يانكبه ؟؟ متى بتحس انت متى متى هااا متى ؟؟ استغفر الله من جد من جد طفح الكيييل اعتتتتتتتزززززززل !!!!! السبب الثاني عندك الخثران ماينفع ابددددد وسط !! لو رجع دفاع كان تحسن وضع الفريق في المباراه وكالعاده ماكان في مستواه .. ونواف خلاااص لا تطلبون منه فوق طاقته لأن هذا اللي يقدر عليه .. اصابته من مهمد ثور ضيعت مستقبله وماتوقع انه راح يرجع لمستوى نواف 2000 .. ونجي عند ياسر والضغوطات اللي على ياسر والاستعراض اللي مهبل بياسر وقصة تضييع البلنتي .. ياسر ابددد ماكن في مستواه وماعمرنا شفنا ذا اللعب من ياسر وماني عارفه وش السبب !! هل هي الضغوطات يعني ولا لا ؟؟وبعدين وش قصة اهل التسديدات العشوائيه والتركيز معدوووووم يابوي عندك تكتل دفاعي في الوحده ياخي ياااااااالله وش اقول ؟؟ وين الفكر الاحترافي ؟؟ وين التركيز وش ذا اللعب ؟؟ ياخي انا مابي نفوز زييين ؟؟ بس ابي مسسسستوى .. ابي خروووج مشرررف !! وطبعاً تفاريس وعزيز والدعيع والتايب ماعليهم كلااااام .. والله اول مادخل التايب شال الفريق على راسه .. والله الهلال مايستاااهل التايب .. طارق مكانه برا برا في اروبا موهناا !!مع انه كان توه متعافي من اصابته وكانت اي اصابه ثانيه رح تسير كارثه ويمكن مارح يلعب مره ثانيه .. ماتشوفونه خايف من أي احتكاك وشوفوا كيف جاب لنا هدف من مجهود فردي بعد .. يالب قلبك يالتايب .. والله مادري كيف بيكون وضع الهلال من دونك !! والقهر واكبر قهر يوم دخل الشلهوب !! ياخي فيه صانع لعب ثاني غير الشلهوب !! الولد نفسيته زفت يعني ابوه توه مات رحمة الله عليه وش تتوقع بيقدم لك !! وش اقدر اقول بس ؟؟ برونو وين راح ؟ ياخي تعاقدات مع لاعبين ومانشوفهم اجل تتعاقدون معهم ليه !! برونو ومحمد نامي تعاقدتوا معهم عشان تجلسونهم في دكة الاحتياط ؟؟ ولا عشان تزيدون عدد اللعيبة في الهلال ؟؟ ولا وش القصة بالضبط ؟؟ ومحمد بن فيصل هذا ... آآه بس مادري وش اقول .. استقيل رجاءً يعني انت مالك كلمه على الهلال .. انت ماتمشى الا بأمر اعضاء الشرف والجمهور .. انت مو رئيس ... موقد هالمنصب صدقني !! والله لو يستلم الرئاسه بندر بن محمد لتوشف شي يحبه قلبك ..اما ذا البزر كنا متعاطفين معه في البدايه اما الحين كلنا نطالب انه يقدم استقالته .. ياخي انت ماتقدر على رئاسة الهلال فكنا روح تزوج تكفى !! خلاص من جد لازم نستفيد من الاخطاء ونفتح ملف كامل لمناقشة امور النادي وتصحيح الاوضاع بكل جديه وبأسرع وقت !! وبدون واسطات !! يعني الحين هالعنقري يستاهل يلعب للهلال ؟؟ بالله من جد ؟؟ ياخي حرام عليك والله لو انا مكانك اقول مابي مابي اشارك اسسسسستح على وجهك .. انت ماعندك مقومات اللاعب اللي يستاهل يلعب للهلال وماعندك قوة بدنيه وماتقاوم الاحتكاك .. انت ليش تلعب ؟؟ سؤال لم تخلق له اجابه !! بس حرااااام عليكم نخرج بالسهوله ! والله حرام .. آآآآآآه بس ياااكثر الاسباب لو قلتها كلها ماخلصت ..يلا الحين العبوا للدوري وحتى الخليجيه مانبي خلاص مانبييييها ياخي ؟؟؟كان طموحنا اعلى منها ولا تفكرون في الخليجيه لاحش رجولكم من جد والله مارح افرح اذا اخذوها والله ما افرح ؟؟ لان كانت احلامي وطموحاتي مع ميلان في الادوار النهائية في كأس العالم ... تخيلوا ؟؟ آآآه بس ياقهري قهرااااه .. حسبي الله ونعم الوكيل من كثر مابكيت سارت وحده من عيوني كأنها قوطي كولا والمشكله مايراعون ولا يقدرون دمعة المشجع اللي تنزل عشان حضرة جنابهم .. وهذي غير الصدمات النفسيه والقهر والتحطيم اللي جاني لا تقولون هذي تبالغ والله ما ابالغ من جد اتكلم ماكنت اتوقع ذي النتيجه ابدددد ولاكنت مفكره مجرد تفكير ان الهلال رح يخسر سواء ذهاب ولا اياب ولا خروج مغلوب .. ماكنت اتوقع ان فيه فريق بيهز شباك الدعيع حتى ولو كان على ارضه وبين جماهيره .. ماقول الا خيرها في غيرها وهذي اول مره اقولها طالعه من قلبي .. والله عندي كلااااااام كثييييير ودي اقوله بس اعرف ان الوقت بيخذلني سلام :cry: |
إقتباس:
وكلامك صح والمفروض تنحل المشاكل اول باول مشكور يالغالي |
إقتباس:
|
الله يعطيك العافيه ياخوي |
إقتباس:
الهلال يمتلك مهاجمين متميزين لكن تنقصهم اعاطئهم الفرصه الكافيه الله يعطيك العافيه |
اولا يعطيك العافيه على الموضوع وخاصه انه الاول لك:thumbup: ثانيا المدرب اخطأ باشراكه ياسر وحيدا كما ذكرت ثالثا بالنسبه للمفرج اعتقد الضرب بالميت حرام فالكل يعلم مستواه من زماان ولكن :upset: حياك الله بين الزعماء s13s |
إقتباس:
لازم يكون رده كذا مهما كان هذا لاعب من ضمن الفريق ويحتاج للراحه النفسيه مشكور اخوي |
إقتباس:
تسلم على المرور |
مشكوووووووووور |
فيه ناس والله ماتفهم في الكوره ولو تجيبها له ماعرف يثبت ومسوي فاهم على ايش ياخي اذا ارائكم كلها ذم هذا مو ادلاء برأي وهذا ينعكس على عدم الفهم وتصغير من شأن الغير ومايشوف الناس صغار الا اصغرهم بالتوفيق لزعيم |
| الوقت المعتمد في المنتدى بتوقيت جرينتش +3.
الوقت الان » 09:16 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd