يا عالم تبون ياسر يرجع للخلف وما فيه هجوم إلا هو

إقتباس حنا لم ننتقد نبغى اللاعب اللي ننتقده يتطور للأفضل دائما صاحب الموضوع صادق في كلامه ولا وش فادتنا تسحيبة ياسر بيك قدام الحزم في الدور الثاني بالرس النتيجة صفر صفر وللآن المباراة ماهي مضمونة ويحاول يسحب بالحارس والنتيجة هزيمة مذلة للهلال بـ هدفين لـ لاشي العجيب ان جمهور ياسر بدى يبرر لـ ضياع تلك الهجمة ويقول ياسر معذرو يبغى يجيب هدف حلو علشان يمتعنا هل هذا مبرر سؤال واضح هل هذا مبرر وين ياسر عن النهائيات غير استعراض و تضبيط شكل حبيبي ياسر حتى الآن لم يقدم أي شي يجعله خليفة لـ سامي سامي يكفيك انه من أول 3 مواسم له حسم لك بطولة دوري بـ تسجيله 6 أهداف وياسر حتى الآن هاتريك ماجابه لاحظ 6 أهداف وياسر اكتفى بـ هدفين كـ اعلى نسبة تهديفية له وسامي كرر الـ 6 اهداف مرتين مو مرة اذن هل من المعقول انه يكون خليفة لـ سامي ياسر محتاج للكثير لـ كي يصبح ولو على الاقل لـ ربع سامي غرور تعالي تكبر على زملاءه خلال التمرين مايتمرن زين بعض التمارين مايجي الا نصها وبعض الاحيان مايجي إلا آخر التمرين وين الانضباط كيف بـ يصبح خليفة لـ أعظم مهاجم بـ تاريخ الهلال وهو للآن ماسوى ربع اللي يسويه سامي الله يعينا على المطبلين لـ ياسر حنا نحب الهلال من قبل لايجي ياسر وياسر ماهو الا لاعب في فريق ربك يعين كل الشكر لك عزيزي صاحب الموضوع

إقتباس معليش يا شباب بس سامي جت فترة لعب صانع ألعاب لاحظ صانع ألعاب و أبرز مالعب بالمركز هذا كان بـ آسيا 2000 كان الهجوم طلال المشعل و كان سامي وراه سامي يقدر يأدي أكثر من دور ماشاء الله لعب وسط ولعب صانع ألعاب ولعب مهاجم راس حربة صريح المقصد ان ياسر كل ماله بالهجوم ومرات قليله يرجع للوسط حبيبي مقارنة ياسر بـ سامي فاشلة ياسر للآن لم يقدم أي شي يذكر على فكره يعني لما تقوله بطولتين فقط خلال 3 سنوات تعتبر لاشي بالنسبة لـ فريق كالهلال وغير كذا سامي حقق بطولات آسيوية يعني لو بنجي بالانجازات فـ الجمعان أفضل من ياسر على مستوى انجازات وعلى مستوى الحسم الجمعان حسم لك نهائي 18 الشهير اذن الخلل ليس بالهلال الخلل بالاعب التايب & الشلهوب & نواف معقولة كل هؤلاء مايعرفون يصنعون كور زي الناس علشان ابين لكم ان ياسر استعراضي اكثر من اللازم مباراة القادسية الـ 3/0 بـ استاد الملك فهد جت كرة لـ ياسر وهو منفرد وكانت على مستوى راسه ياسر حاول يسوي الباك وورد الدبل كيك والنهاية الكرة خارج ارض الملعب والجمهور لايزال يردد كلمة نحس أي نحس و ياسر انفرادات وتضيع النحس ماله دخل إلا ان كان اللاعب سوى كل الطرق الممكنة ياسر انفرادات ويستعرض فيها كل لعبه استعراض وفي النهاية خسارة ربك يعين كل الشكر لكم

ردين لي بـ هذا الموضوع

http://vb.alhilal.com/showthread.php?t=463709&page=9

وهي الحقيقة فعلا

كل الشكر لك اختي الجوهرة

إقتباس وياسر لوالله ثم هو ولا كان بنطلع من البطولة الخليجية من أم صلال ومعشوقك الصويلح ما قدم في المباراه هذيك شئ أذا تذكرين

ماقدم شي في ذيك المباراة اوكي

ماقلنا شي

لكن ياسر ماقدم شي للهلال
مباريات حاسمة ما سوى شي

الصويلح وهدفه على مبروك زايد بـ كاس ولي العهد

اللي بالرياض

وهدف الصويلح بـ الجيش السوري

ولا نسينا

ياسر ماحسم ولا مباراة مهمة


واقتباساتي فوق توضح اكثر

كل الشكر لك

إقتباس وهي الحقيقة فعلا كل الشكر لك اختي الجوهرة

كل الشكر لك اخوي .. بس بهذا الكلام انت عندهم ما تفهم بالكورة .. وانت مندس .. وانت تكره ياسر

وانت وانت وانت ..

يعني يحسبوني اكره ياسر .. ليش اكره .. وش سوا لي ..

انا اهم شي عندي الهلال .. حتى لو على حساب ياسر .. لان ياسر لاعب والهلال نااااادي ..

بس ما عند احد يفهم .. نص اللي في المنتدى مبزرة .. ويحبون ياسر ..

هههههههه حلوهـ توني جاي من المدرسه وش عرفتك بالله ؟ بليز من غير فضايح مايهم لا عاد تقولين بابا ومدري ايش روح قوله لغيري . وبعدين سؤال انتي وش عرفك في الكورهـ؟ والتوقيع هذا اللي انت حاطه تعتقد انك مشجع هلالي او تمثل المشجع الهلالي ؟ وبعدين ياسر متى استهتر ولا محتاجه كثرة ردود اقول الله يخلف على اللي خلاك تمسك جهاز وكيبورد وخلى اشكالك تتكلم في لأعب خدم وطنه وخدم ناديه وكله عشان ضربة جزاء ماحالفه الحظ فيها

والله كلامك عين العقل وزيااااادهـ
ياسر متى ما بغيناه ونخيناهـ يضيعنا وتذكروا نباراة الاتحاد النهائي
يوم يسوي مصاب
ومباره الاهلي من قبلها في كاس ولي العهد

إقتباس وبعدين ياسر متى استهتر ولا محتاجه كثرة ردود اقول الله يخلف على اللي خلاك تمسك جهاز وكيبورد وخلى اشكالك تتكلم في لأعب خدم وطنه وخدم ناديه وكله عشان ضربة جزاء ماحالفه الحظ فيها

ههههههههههههههههههههههههههههههههه شوي شوي لا يطق فيك عرق .. اعهم شي صحتك ..
بالنسبة لكثرة الردود .. اقولك .. كل يرى الناس بعين طبعه .. ربي لك الحمد
آمين الله يخلف علي وعلى اهلي .. الله يجزاك خير على هالدعوة ..

انت لو انك قاري موضوعي زين .. وخاصة اللي باللون الاحمر .. وفاهم المقصد .. كان ما كان هذا ردك ..

إقتباس والله كلامك عين العقل وزيااااادهـ ياسر متى ما بغيناه ونخيناهـ يضيعنا وتذكروا نباراة الاتحاد النهائي يوم يسوي مصاب ومباره الاهلي من قبلها في كاس ولي العهد

اشكر مرورك .. وعقليتك الكبيرة .. المهتمة بمصلحة نادي الهلال اولا ..

لكن ما عندك احد يفهم .. خاصة وان نص المنتدى نبزرة .. ويقدسون ياسر ..

إذا طاح الجمل كثرت سكاكينه

مشكلتنا نصف الشعب محللين والنصف الثاني مدربين

يعني كيف تبغون من مهاجم يسجل أهداف بدون صانع لعب وإلا يصنع لنفسه ويسجل

الله يكون بعونك ياياسر صدق الله يكون بعونك

والله كل كلامك صحيح ..

وشوفوا الشلهوب لاعب محترم وماأشوف من الجمهور مدح له وان شفت فهي قليل ليس بحجم مدح الجمهور لياسر وكل يوم ماشاء الله ابدااع (( الله يديمه )) ..


ونفس الحكايه للاعب خالد عزيز ..



أنا ماأنكر إن الشلهوب وخالد عزيز ماتمدحونهم كلهم على العين والراس بس ماوصلوا لحجم ياسر بالنسبه لمدح الجمهور له ..

اتمنى انكم تفهمون كلامي ..

قسم بالله كلام عين العقل ....وماضيع ياسر وكبر راسه الا جمهوره البزارين جمهور اللاعب الواحد !!

ويجون للملعب ولايدرون وش الطبخه بس عشان ياسر !!! المشكله انهم محسوبين على جمهورالهلال

تنفقع مرارتي اذا هتفوا بأسمه وسط المباراه وهو ماسوا شي والباقين يلعبون ويتعبون ولاحد معبرهم

واللي زاد نفخ راسه الاعلام في كل مجله وجريده القى صورته شي موطبيعي اللي قاعد يصير بيكهام على غفله !!!

انا مااكره ياسر لكن ماله داعي تعاليه وغروره على اللاعبين وانا ماحد قدي !!!

لايجي احد يقولي مندسه !!! انا اشجع الهلال من قبل لايلعب ياسر في القادسيه اصلا !!

لكن الحق ينقال !!!....صحيح انه لعيب لكنه استعراضه ماينفع في مباريات الحسم ياسر ماينفع الا في وسط الدوري وبس !!

يانااااااااااااااااااااس ساااااااااااامي الجااااااااااااااااااااااابر

قالهــــا انا انتظرت اكثر من موسمين ما سجلت اهدافـ..وانتقدوووووووني الصحافهـ....

وسليمان المطيويع سألهـ..من تنظر من يشابهكـ...قاااالهـااا

يـــــاســـــــر القحطاني

لييييييييييييش لانهــ...جاهـ..ما جاني فهمـــت يا خوي

إقتباس إذا طاح الجمل كثرت سكاكينه مشكلتنا نصف الشعب محللين والنصف الثاني مدربين يعني كيف تبغون من مهاجم يسجل أهداف بدون صانع لعب وإلا يصنع لنفسه ويسجل الله يكون بعونك ياياسر صدق الله يكون بعونك

طاح .. ولا زادت سكاكينه .. بالعكس قالوا يفداه الف بلنتي ..
بعدين انا ما انتقده على البلنتي .. ياما بلنتيات ضاعت في نهائيات بعد ..
لكن اعتب عليه .. مجرد عتب يا ناس .. والا بعد العتب ممنوع لياسر !!!

اشكر مرورك ..

إقتباس ترى مباراه الوحده خلصت والمفروض نوقف مع ياسر والزعيم,, ولاترفعين موضوعك ممنوع ترى ,, ولا سوف يتم الابلاغ عنه D:

!!!!!!!!! لا تعليق ..

إقتباس ثاني شي وين سامي الموسم الماضي لعب كم مبارة ؟؟؟؟؟ تعد على الأصابع

لا تقارن بين لاعب عمره 24 بلاعب عمره 35 .. اعدل ..

إقتباس أنا ماأنكر إن الشلهوب وخالد عزيز ماتمدحونهم كلهم على العين والراس بس ماوصلوا لحجم ياسر بالنسبه لمدح الجمهور له .. اتمنى انكم تفهمون كلامي ..

صحيح .. بس اهم شي عندهم لا تنتقد .. ولا حتى تعتب على ياسر .. شفيك هذا نازل من السما .. الله يهديهم ..
هم اللي بيخربونه بأسلوبهم المبالغ فيه ..

اشكرك ..

اهلين اختي الجوهرة ..

وانا اوافقك في اغلب ما ذكرتي

وعموماً رداً على اللي يقولون ان الوحدة مقفلين ويتعذرون بأعذار وهمية احب اسألهم .. طيب وين ياسر مباراة الذهاب ؟ وفي مباراة الإياب ليش التايب خلال ربع ساعة قدر يسجل هدف ؟ وياسر طول المباراة ماشفنا له الا كم لمسة ؟ مو معناته انه راس حربة يعني يتربع جنب الحارس ! لو ما كنا نعرف امكانيات ياسر ماكان عتبنا عليه ولكن نعرف ان ياسر عنده اكثر من اللي يقدمه ولكن ما ادري وش السبب دايماً نشوفه بارد جداً وكأن المباراة ماتهمه انا ما اشكك في اخلاصه ولكن ياليت يراجع حساباته وتخفون عليه بالمدح اذا احسن نصفق له واذا قصّر نقوله قصّرت .

ياسر مع المنتخب كلنا شفناه كان يرجع وياخذ الكور من الوسط ويهاجم ويسجل ويصنع لعب ويهدد مرمى الخصم حتى وهو مراقب ولكن مع الهلال يستسلم للرقابة بسهولة !

وطبعاً ما يهون نواف اللي للاسف يلعب بكل انانية وغرور ويعتقد انه للحين نواف 2000 بعد ماطيره جمهوره ووصله للسحاب !.