|
للمطالبه بمشاركة برونو { تعال وشارك } السلام عليكم ورحمة الله وبركاته: كيفكم الهلال يملك ثلاث لاعبين اجانب واثنين منهم ماعليهم خلاف الي هم طارق وتفاريس طبعا بقا اللاعب البرازيلي برونو ليش المدرب مايلعبه اللاعب لعب مع الزعيم مباراتين ومجموع الدقايق الي لعبها ماتتعدا 30 دقيقه بالثلاثين دقيقه صنع هدف لطارق التايب طبعا اللاعب مايحكم عليه الا اذا لعب اكثر من مباراتين او ثلاث والمسكين برونو ظلم في دكة الاحتياط صحيح ان قيمة عقدة قليله ماتتعدا ثلاثمائة الف بس ليش ما نستغل هذا المبلغ من مصالحنا ونكسب اللاعب يعني لازم يرفع من سعر عقده علشان يلعب انتم تذكرون اللاعب الفان لاعب الوسط كان عقده رخيص وقدم مستويات جيده بل جيده جدا واكبر دليل هذا هو يلعب مع الاهلي ويقدم مستويات رائعه بس علشانه رخيص الثمن مابغته ادارة الهلال المهم ابغا منكم المطالبه بالاعب برونو يكون اساسي عندما نلعب مع نجران او اقرب مبارة لان اللاعب باين عليه ومتحمس للعب واكيد اكثركم سمع الخبر ان برونو جالس يبكي بعد خروج الهلال من بطولة اسيا والمحزن انه ماحد جاه يواسيه او يهديه طبعا هذا ما يشفع له انه يلعب بس ليش ما نعطيه فرصه وبعدين نحكم عليه دمتم بود ارجو المشاركه اما بالتأييد او المعارضة |
برونو مصاب ياحبيبي واللي راح للأهلي اسمه قوارو مو الفان اكيد فيوزاتك ضاربه والمشكله نامي نظامه نظام لحوج يكسر خويه عشان يلعب مكانه |
اخوي اولا اللاعب اللي ذكرته انه راح يلعب للاهلي هو قوارو وليس الفان ثانيا برونو كان مصاب ولسه راجع لتدريبات الكوره ويمكن اذا ماكملت جاهزيته مايلعب امام نجران وانا من الناس اطالب بان يكون اللاعب اساسي اذا كان جاهز بالعربي نبي نعرف خيره من شره ينفع ولا لا |
اللاعب الي راح للاهلي لقبه الفان واسمه الاول قوارو يعني مافرت ثانيا برونو من يوم السبت الي فات وهم يقولون انه رجع يعني اصابته زالت ثالثا بطولة الخليج كان بكامل عافيته ومالعبه المدرب الا 15 دقيقه الحين عرفتو من الي فيوزاته ضاربه |
كيف يلعب والشلهوب موجود ؟؟؟ |
طيب ليش نشوف اللاعب ذياب |
كيف يلعب والشلهوب موجود ؟؟ |
اللاعب خلال الثلاثين دقيقه اتضح انه ما عنده ما عند جدتي .. مثله مثل قوارو والبنقالي الفان |
ياشباب كوماتشو اول مالعب مع اللهلال كان مستواة ضعيف |
برونو لسا ماكملت جاهزيته |
اتمنى ان تعطى له الفرصة كاملة حتى نحكم عليه بالسلب ام بالايجاب فليس مهم ان يكون مشهورحتى نرضى عنه فمن الممكن ان يكون افضل من اي مشهور ولا ننسى انه لم ياخذ فرصته كامله حتى نحكم عليه |
يعني تعتقدون اذا كملت لياقته بيلعب!!!! ليش مالعب بالبطوله الخليجيه |
نصبر ونشوف متى يلعب واظاهر التدريب يدخلون في مباراة كل واحد يكسر خويهـ.. |
إقتباس:
كلام سليم |
| الوقت المعتمد في المنتدى بتوقيت جرينتش +3.
الوقت الان » 09:40 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd