رسائل .. للإدارة ,, وللاعبين ,, ولجمهور الزعيم
 

السلام عليكم


حظ أوفر لكم يازعماء


هذي حال الكورة الصراحة الضغط طول المباراة هلالي لكن وش نقول للحظ


هذي رسالة مني لرئيس النادي ولكل اللاعبين وللجمهور

الأمير / محمد بن فيصل ـ أطال عمره ـ نتمنى منك حل عاجل (مهاجم أجنبي الثالث) مهاجم يستغل أنصاف الفرص مثل محمد كالون ,,,,,,,,, والتعاقد مع ظهير عااااااااااااجل كحسن معاذ أو الطريدي

الكابتن محمد الدعيع / بيض الله وجهك دورك أتممته على أكمل وجه

الكابتن تفاريس / روح قتاليه كأنك أحد أبناء الزعيم أو كأنك تلعب لمنتخب البرازيل روح وفدائيه (عيني عليك باردة )

الكابتن فهد المفرج/ الله يرحم والديك حنا نحبك ونغليك بس تكفى توكل على الله ولا خلك احتياط والله يكفي لعب بمشاعرنا

الكابتن العنقري/ حررررررررررررام والله حررررررررررررام تلبس شعار الزعيم والأدهى من هذا والأمر
إنك تلبس رقم الأسطورة يوسف الثنيان والله ههرررررر

الكابت عبد الله الزوري/ شاب ينتظره مستقبل واعد لازم نصبر عليه

الكابين عبد العزيز الخثران / مظلوووووم والله من الجماهير روح قتالية داخل الملعب في كل مكان نجدك مع ذلك أنت مظلوم

الكابتن خالد عزيز/ الله يبيض وجهك مقاتل داخل الملعب شايل الوسط والله ما ندري وش نسوي بدونك

الكابتن عمر الغامدي / كبير ياعمر أنت والله كبير لكن في مباراة الوحدة لم تقدم ما عهدناه منك

الكابتن نواف التمياط / والله يا نواف أنت لاعب كبير لكن يعاب عليك الإحتفاظ بالكره والتقليل من سرعة الهجمة لكن والله نحبك

الكابتن سعد الذياب / ننتظر منك المزيد

الكابتن ياسر القحطاني / ثقتنا فيك كبير تكفى ياياسر لا تخلينا مهزله في ألسنة الإتحاديين أنت كبير كبير غصب عن اللي مايرضى الكن عطنا مثل ما تعطي (المنتخب)

الكابتن أحمد الصويلح / الله يوفقك دنبا وآخره لكن يعاب عليك التسرع شوي

الكابتن محمد الشلهوب / ربي يسعدك دنيا وآخرة وربي ما أقدر أوفيك حقك بموضوع ولا موضوعين

الكابتن طارق التايب / يا قلبي أنت , أنت الغالي , أنت الأغلى ,,,,, في صفوف الزعيم

الكابتن فهد سرور المبارك / آه بس متى أشوفك لابس شعار الزعيم لا ورقم 15 بعد والله انك مظلوم

الجمهور ... أنت الوقود الحقيقي للزعيم فلا تتخلو عنه مهما كان

يعطيك العافيه

شكرا لك أخي الغالي

اقوول وش رايك بدل المهاجم الاجنبي يجينا كافو اريح من العنقري

شكرا لكم

نبي الطريدي ولا حسن معاذ


مانبي نكلف عليهم خخخخخخخخخ