|
يعطيك العافية على الكلام الجميل ... تحياتي لك.. |
طرح راقي وأسلوب متزن بالفعل وضعت يدك على الجرح.. وشخصت الدواء لاحتياجات الفريق والأهم انك قمت بكل شي.. بهدوء وأسلوب واثق ورزين |
عوافي يالغالي بصراحة يجب ان نمر بالتصحيح لكي يتم التعديا ومن ثم صعود المنصات كما هي العادة أحسنت كلاماً عن تشخيص الحالة ربي يبارك فيك |
ابدعت اخوي وتسلم يمينك وشكرا |
مبدع بصراحـة وكلامك في الصميم |
مشكور اخوي على الموضوع وعلى الكلام الاكثر من الرائع... وانا معاك في كل كلمة قلتها ... لكن ياخي ترى طفشنا كجماهير هلالية من التخدير ... كل مرة تضيع علينا بطولة نقول قبل سنتين جبنا ست بطولات ... وكل مرة نعيد نفس الكلام الي قلناه ... معليش فريق يبي يتاهل لكأس العالم للأندية حارسة شايب مايقدر يطمر ... ماقصرت يابو دعيع ... لكن لسن احكام ... لم جا الهدف الوحداوي كان الدعيع يقدر يمسك الكورة برجله لكن سوى نفسه بوفون وبيجيبها بيده ... واي زعيم للاندية لا يملك ظهير ايمن زي الناس ... ولا المفرج ... مخرج17 ... مايعرف يغطي الكرة عشان مايقولون سحبه إسماعيل مطر ... ولا نواف مسوي زيدان ... انا حق لمسات ... الف ودور ... حتى كرة مايعرف يمرر ... وارجع لرئيس محمد بن فيصل ... صرح لجريدة الرياضية صباح يوم مباراة الهلال و الوحدة بانه ماراح يترك الرئاسه حتى لو الهلال طلع من البطولة الأسيوية ... يخي ترى هالشيء يأثر على نفسية الاعبين ... ياخي جبت ست او سبع بطولات ياخي انت ماقصرت كفيت و وفيت ... ياخي ماتبي تصير رئيس اترك الرئاسه والله يوفقنا و يوفقك ... وترى الهلال مو قايم عليك الحالك ... الهلال فريق يقوم حتى لو بدون رئيس ... واتمنى من الإدارة ان يكون هناك تغير كامل للفريق ... من جهاز إداري و شرفي و لاعبين ... واقول لجمهور الهلال ماقصرتو وانا اسف على الي صار امس ... والله انكم انتو الوحيدين الي تحسون بالهلال وتتعبون عشانه ... واه اه اه ... ياكابتن ياسر القحطاني ضيعت بلنتي وترى قبلك باجيو ضيع كأس العالم94 على إيطاليا ... لاتحزن ترى المستقبل امامك ... وستظل الاعب رقم واحد في المملكة العربية السعودية ... مهما يقولون ... واحسن الله عزانا و عزاكم في الهلال ... |
[ إقتباس:
واهما النقطه الي اقتبستها وتقبل تحياتي |
إقتباس:
أول شي مشكور على هالرد يالغلا .... وأقولك وسع صدرك حبيبي ...!! شف حبيبي كلنا نعلم الأخطاء بدئاً من أخطاء أبو سلطان مرورا بأنصاف اللاعبين الذين ذكرتهم مرورا على كبار السن ...... لكن الأسيويه ولت وانتهت ولم ندفع مهرها الغالي حتى نستحقا صحيح أننا أدينا مباراه رائعه بالاياب لكن دائما تضل العبره بالاياب ... على العموم يالغلا عزائنا الوحيد هو الخمس البطولات المتبقيه .... يجب أن نعتبر من بطوله أسيا وندفع مهر الخمس بطولات القادمه حتى نحصدها ونستحقها .........!! |
يالغالي السبب أن الأمير محمد لم يعد قادرا على خدمه الهلال فقط . |
ياليت والله يسون خط دفاع جديد بعد رحيل تفاريس ويشيلون العنقري والمفرج والخثران المدرب ما يحطه كل مباراه في مركز المباره الى راحت لعب في ثلاث مراكز |
اخوي هلالي جامعة البترول بارك الله فيك على كلماتك المتزنة وموضوعك العقلاني من أجمل ما قرأت بعد المباراة.. نعم آسيا حلمنا ولكنه ضاع هل نبكي على اللبن المسكوب ونبدأ بتصفية الحسابات والمستفيد بالنهاية الشامتون..؟؟؟ أمامنا بطولات غيرها ونحتاجها ونفخر بهلالنا دوما فخسارتنا لاتلغي حبنا للهلال ومن اكتفى بالبطولة الآسيوية ويتمناها وحدها فالهلال في غنى عنه كحال بعض الجماهير.. البطولة الخليجية نريده باستعداد جيد كحال الاتفاق المستعد لها نفسيا اكثر كل النقاط اللي ذكرتها صحيحة ولا أزيد على كلامك الرائع.. دمت بطاعة الله وحفظه أختكـ |
ثالثا : نحتاج الى حفظ الأسرار داخل البيت الهلالي والبعد عن التصريحات الناريه الي لاتخدم الفريق وتغيير في بعض المناصب في اداره الكره .. كما نحتاج الى خبره الكابتن صالح النعيمه والأسطوره سامي الجابر ....!! رابعا : عدم الاستعجال باي قرار لايخدم الفريق كقرار الأستغناء عن المدرب نريد المدرب أن يقضي اطول فتره ممكنه مع النادي لأننا نرى فيه المدرب الأنسب لكنه يحتاج الى بعض الأسماء وأخذ الحريه في اختيار التشكيله المناسبه ....!! بالضبط |
عوافي اخوي والله انك جبتها على الجرح ان اردنا الخمس البطولات القادمه علينا ان نعمل من الان وننحي الاخفاق الأسيوي جانبا ونعمل بروح الفريق الواحد |
شكرا لك على الطرح الرائع والمتزن واوافقك بكل نقطة والله يعطيك العافية دمتم بزعامة |
مشكور اخوي .. , ,, بالتوفيق للهلال .. , |
| الوقت المعتمد في المنتدى بتوقيت جرينتش +3.
الوقت الان » 10:03 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd