|
ارتقوا بانفسكم ياجمهور ..... بسم الله الرحمن الرحيم السلام عليكم ورحمة الله وبركاته و الله العظيم ان الكلام الي موجود بالمنتدى وقسم بالله مايليق بسمعت الهلال وش ذا الانحطاط في الطرح <<< اسمحوا لي ان استخدم هذي الكلمه وين الجمهور الواعي و الفاهم كل موضوع اخس من الثاني مدري هل الهزيم اثرت لهذي الدرجه على عقولكم واحسيسكم كذا الواحد يعبر عن قهره بالهزيهم كل واحد مستلم لي لاعب سب وشتم فيه والثاني يسب في الرئيس و الي يسب لي بالمدرب وش هذا يقول المثل لو تجري جري الوحوش غير رزقك ماتحوش ياجمهور ياواعي المباراة انتهت يعني مافيه الهلال طلع خلاااص افهموا عاد عندك انتقد على لاعب ولا الفريق كله على الرئيس قدمه بصوره حسنه لائقه تنم عن فكر راقي وليس فكر متحجر لا تحاول تفرض رايك بالقوه ومما شدني في الموضيع موضوع في منتدى الهلال يقولك المفرج يتعرض لضرب وهو في حاله خطره يرد الي بعده امين الله يسمع منك :upset::upset: وش ذا وين انتوا من قول الرسول صلى الله عليه وسلم ( لا يؤمن احدكم حتى يحب لاخيه مايحبه لنفسه ) توصل ان مشجعين يتمنون موت لاعب وش ذا الجنون اقسم بالله في نااس يعشقون الهلال بس عقلانين مايكتبون مواضيع يعرفون انها لا تقدم ولا تاخر وهذي الكوره فوز وخساره ياجمهورنا الواعي غيركم الي يفهم مب كذا تنحل المشااكل الهلال قدامه اكثر من استحقاق اذا بتكون ردت فعلك على كل خساره كذا الله يتسر عليك واترك الكوره ابرك لك مافيه احد يقدر يحكم عقله شوي و المشكله انا متاكد ان اكثر من 70 % من الي يثيرون البلبه على الهزيمه نااس مندسين و الله عيب عليكم هالاسلوب نحاول نكون ارقى واحنا ان شاء الله ارقى ولا تجعلوا الحثاله من المندسين يؤثروا عليكم سلبا وتذكروا دائما لكل جواد كبوه وياليت كل عضو هلالي 100% يقولها معاك ياهلال على كل حال همسه لكل عضو خرجت منه كلمه لم يلقي لها بال بسبب فقده اعصابه قل سبحانك اللهم وبحمدك ، أشهد أن لا إله إلا أنت أستغفرك وأتوب إليك فهي كفااره لك |
معاك يازعيمنا على الحلوه والمره |
كفو و الله اخوي وكثر الله من امثااالك وماهوب جمهور ... ابرك منا |
ياخوي ما عندك احساس والله انه السكر والضغط ارتفع يا خي والله حرام والله حرام |
لا حول ولا قوة الا بالله اخوي الحمد لله عندي احساس بس سؤال لو كل واحد رفع ضغطه تهقى نعيد المباره ولا ذا سبينا ولعنا بنعيد المباره العقل ياخي العقل وليس العااطفه مشكور على مرورك واسال الله الكريم رب العرش العظيم ان يشفيك من السكر و الضغط |
يابن الحلال ماعاد فيه تفكير خلاص الضغط ااااااااتش من هالمفرج وربي وين تبينا نحكم عقولنا |
اخوي اذا من هالمباراة ارتفع ضغط اتش طيب بعد فتره و الله بتمر عليك امر العن من هذي تقول يازين هالامور اخوي الدنيا دار ابتلاء وخساارة الهلال ماهيب نهاية المطاف ان شاء الله فيه بطولات ثانيه بس انتوا اذكروا الله وقسم بالله شي يحز في الخاطر اشوف اخوان لي غلب عليهم التعصب ويسبون ويلعنون وهم في رمضان الله يصلح ما افسده الدهر مشكور على مرورك |
كثر الله من امثالك وجزاك الله الف خير بصراحه يوم قريت اللي انت كاتبه فرحت انه حتى الأن فيه نسبه من الرياضيين مثلك لكن ما اقول الا الله يخليك لأهلك |
قال تعالى (ولا نتابزوا بالألقاب) يا شباب اذا تبغون تناقشون شي في المبارات فقط تفضلوا لكن الإهانات الشخصيه لأي لاعب مسلم ما لها اي مبرر ياشباب الكلام موجه للجميع رجاءا نبغى نكون اكثر ادب وارقى من كذا |
شكرا لك على هذا الطرح الرائع الهدف وصل والحمد لله ان هناك عقليات متزنه بالطرح انا شاهدت كذا موضوع اعجبني بعد المبارة ويعكس مدى ثقافة ورقي الفكر لدى المشجع الهلالي ولكن لا يمنع ان هناك ما يحاول اللاصطياد في الماء العكر واستغلال الخروج من البطولة الاهم ويحاول الاساءة للهلال وجماهيره وانا اعتب على كل من سب ولعن وقدح في اي شخص سواء لاعب او مدرب او رئيس كلنا مسلمين ولا ننسى اننا في شهر رمضان شهر الخير والبركات والتقرب الى الله انتقد محد ماسكك لكن بادب ونقد بناء دون تجريح للاعب او الشخص المنتقد ومن خالفك لا تسبه فهذه طبيعة البشر ان يحدث الاختلاف وهو سنة كونية احترم وجهة نظره ولا توافقه في الراي ولكن ارى اناس متشددين ومتصلبين هل بهذا تقدر تغير الاراء لا والف لا بل بالاسلوب الراقي والحوار الهادف البناء دمتم بزعامة |
إقتباس:
والله يخليك لعين ترجيك يارب |
إقتباس:
ياعيني على الفكر الكبير يعطيك الف عافيه يارب و الله يخليك لعين ترجيك يارب |
إقتباس:
لاعدمناك ان شاء الله وكثر الله من امثالك |
معاك ياهلال على كل حال |
مشكور على مرورك و الله يكثر منك |
| الوقت المعتمد في المنتدى بتوقيت جرينتش +3.
الوقت الان » 12:22 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd