نادي الهلال السعودي - شبكة الزعيم - الموقع الرسمي

- منتدى المجلس العام (http://vb.alhilal.com/forumdisplay.php?f=1)

- - عيون الرياض !! (http://vb.alhilal.com/showthread.php?t=462050)

إقتباس:

لم أر أحداً يحب الرياض من غير أهلها إلا أنت يا شاعرنا ، و كلما أطلقت بصري بحثاً
عن الأسباب التي تجعل أهل الرياض يهيمون عشقاً فيها ارتد علىّ هو حسير.

تصدق ياعمدتنا اليوم بعد العشاء مودع ثلاثه من ربعي من اهل الامارات راجعين لديرتهم

تخيل يابو عبدالله انهم يحبون الرياض بشكل ماتتخيل

انا وربعي نقول معليش ياشباب حن نحبنها لاننا ولدنا وعشنا فيها بس انتم وش تبون الحين :d

يعني على وش تحبونها :upset:

يقولون مدينه بمعنى كلمة مدينه تحس لها هيبه :eek:

يقولون الرياض لحالها بلد :thumbup:

انا يابو عبدالله قبل فتره اظطريت مجبرا اروح لتمير :d وهي اول مره ازورها كنت امر من جنبها بس ماطقيت لها خبر

اقسم لك بالله دخلتها مادري وش جاني ماكان ودي اطلع منها ابد مع ان مافيها فاتح النفس :d

لكن فيها شي غريب خلاني اخور s45s

فترا الحب مايعرف المشاور :d وماهو شرط يكون المحبوب كامل الاوصاف s13s

إقتباس:

الرسالة الأصلية كتبت بواسطة nor alshams (مشاركة 6372435)

.
::

ماشاء الله تبارك الله ..
صح لسانك ياسر ..
بغض النظر انها عن الرياض الا انها جداً رائعة ..
أبيات رائعة لن أمل من قرائتها ..
::

هلا فيك أختي نور الشمس

منورة المشاركة و تسلمين على مرورك الرائع

إقتباس:

الرسالة الأصلية كتبت بواسطة القاضي (مشاركة 6373288)

الأخ الكريم ياسر ،

لم أر أحداً يحب الرياض من غير أهلها إلا أنت يا شاعرنا ، و كلما أطلقت بصري بحثاً عن الأسباب التي تجعل أهل الرياض يهيمون عشقاً فيها ارتد علىّ هو حسير. لو قلتَ لي جدة مثلاً لوافقتك أما الرياض و أنت من غير أهلها فهذا عجيبٌ غريب إلا اللهم إن كان شوقك من باب قول الشاعر "و ما حب الديار شغفن قلبي ... الخ" .

اقترح رئيس مجلس إدارة شركتنا أن يكون الإجتماع القادم في نوفمبر في الرياض قلتُ للرئيس : اقنعه يغير الرياض فلن تجد فيها لا بحراً و لا خضرة (و لن أقول و لا وجهاً حسناً :d ) و لا هم يحزنون ، إذا كان و لا بد فاقترح عليه الطائف مثلاً حتى يعرف أعضاء المجلس الأجانب على الأقل أن لدينا مدناً باردة مثل بقية العالم - ولو أن الفنادق هناك التي تصنف أنها خمس نجوم تصيبك بالكآبة - أو اذهبوا إلى جدة ففيها فنادق هي الأفخم في المملكة و فيها منتجعاتٍ متميزة راقيةٍ على البحر ، أما الرياض !!!

أنا أصنف نفسي أنني من أهل الرياض (ولو أن أهل الرياض الأصليون قلةٌ قليلة و البقية التي تدعي أنها من الرياض تجدهم من المدن والقرى التي تحيط الرياض فهذا من سدير و الآخر من القصيم و الثالث من الوشم و هكذا ) و حاولت مع حرمنا المصون -و هي من جدة - أن تحبّ الرياض مثلما أحبها أنا (و لا أعرف لماذا!! ) فاستجابت لمحاولاتي و فتحت قلبها لتحشر الرياض فيها فما استطاعت إلى ذلك سبيلاً و لا ألومها لكنها باغتتني بهجمةٍ مرتدةٍ و زرعت حب جدة في قلبي زرعاً لا فكاك منه :d .

لولا خشية أنكم ستصابون بنوبة ضحكٍ طويلةٍ لأخبرتكم عن صديقٍ حبيبٍ رافقني إلى باريس قبل سنواتٍ في رحلة عملٍ و لم نكد نكمل اسبوعنا الثاني إلا و حرارة الشوق تصليه صلياً ليعود إلى الرياض !! :d هذا عشقٌ جنونيٌ و ليس حباً :d.

نصيحةٌ من أخيك يا ياسر لا توغل في الرياض حباً بل اقتصر على الإعجاب فقط و إلا ستصاب بهذا المرض الذي يسمونه حباً.

أعتذر عن الإسترسال يا ياسر لكن موضوع الرياض أيقظ المكنون فأنا أحد المرضى بحبها شفانا الله و إياكم.

بعد أن انتهيتُ من هذا التعليقِ وجدتُ تعليقاً آخر يعضد كلامي و يقويه ، انظروا ماذا قال العاشق المهيم الأخ الحبيب كلي هلالي :

أخوك.

هلا و الغلا حضرة القاضي

دع القلوب في أماكنها

يقول الشاعر :

بلادٌ ألفناها على كل حالةٍ
و قد يؤلف الشئ الذي ليس بالحسن

شاكر مرورك العذب

الله يعطيك العافية

إقتباس:

الرسالة الأصلية كتبت بواسطة اليزابيث هيرلي (مشاركة 6373639)

ياسر صدق ... ما عندك سالفه !!:eek:

وأنا من هذا المنبر أعلن للجميع سحب اللقب (( ويبقى الحب ما بقي الثقفي)) وتبديله بـ

(( و تبقى الخربطه ما بقي الثقفي)):wink:

أجل الرياض أحلـــى من جــــدة !!:eek:

ياشيخ الرياض كتمة وزحمه ومظاهرs11s .. لا و تحسها جامدة خاليه من المشاعر والأحاسيسs18s

>> عاد ليز والأحاسيس شيs45s

الميزة الوحيده فيها ((قبل)) الأسواق بالنسبة لي طبعا .. لكن الآن صارت جدة أزين وأرخص بعد ..

الله يهديك بس ..

إلا أم الرخا والشده:kisss: >>> يا حبني لها s51s..

شكلك تحب القصمان لأن غالبية أهل الرياض من القصمان كما تفضل أخي القاضي:d..

..كل الأماني لك بحياة معطره بأجمل احاسيس جـــدة:wub: ...

هلا الساحرة ليز

مشكورة على اطلالتك البهية و ردّك الجميل

و تسلمين يالغلا

إقتباس:

الرسالة الأصلية كتبت بواسطة abo sager (مشاركة 6373715)

ما كنها الا السحاب / الخالق الناطق
تقول للبدر حدّك لا تضايقني

و ان شع من غيمها للعاصمة بارق
تاخذني أنفاسها حتى تطوّقني

قصيدة جزلة أخوي ياسر..

الرياض تستحق أن يتغنى بها الشعراء..

فقد تغنى الكثير بنجد عبر التاريخ، ولعل مما أذكره من أحد من كان يودعها:
تمتع من ذرى هضبات نجد
فإنك موشك ألا تراها

وأنت تستحق كل التحايا على والشكر على هذه القصيدة الرائعة..

صح لسانك يا ياسر..

وتقبل مروري المتواضع

هلا أخوي الغالي أبو صقر

مشاركة رائعة و مرور مهيب لمثقف كبير و كاتب متمرس

شكراً على هذه الأطلالة

إقتباس:

الرسالة الأصلية كتبت بواسطة ^ العنود ^ (مشاركة 6373942)

>>>>>> ازعلوا اهل جده :cry:

وراى ماكتبت فينا قصيده :d

بس الصدق ياحبي للرياض واهلها :rolleyes:

صح لسانك وانا اختك وفالك المليون :d

صح بدنك و تسلمين أختي العنود

مشكورة

إقتباس:

الرسالة الأصلية كتبت بواسطة ...SoMe OnE... (مشاركة 6374196)

,,,
,,
,

الهلالي الثقفي

صح لســانكـ :)
قلم يجبرني على الوقوف احتراما له ..!!
حقيقة دون ادنى مجامله .. ان رأيت هذا المعرف لا استطيع تداركـ خطوتي ركضا
خلف حرفـ يرسمه مثلما ريشة فنان .. تبدع في افقِ الاحسـاس ..
بـ حق رائع انت عزيزي ..
عيـون الرياض .. تُضاف لـ سلسلة ابداعاتكـ ..
فـ شكرا لكَـ من الاعمـاق ايها النقي ..

****

كن بخير
...SoMe OnE...

الأخ المبدع مهند

هلا فيك و الله و منور الموضوع

تسلم على أطلالتك و حضورك المميز كالعادة

أنت تتفرد بجمالية الطرح و غزارة الألفاظ

الله يعطيك العافية

إقتباس:

الرسالة الأصلية كتبت بواسطة ღ سيموღ (مشاركة 6374613)

هـلا وغـلا بـ يـاسر ..!

قــصيدة روعــة , أختيـار جميل بعنوان أروع .. عيون الرياض ..!

اتوقـع الرياض لا أحد يوازي قيمتهـا وحبه لها , وحتى من كانوا خارجهـا لا تصرف عنهمـ

مع أن حرارة جوهـا قـوية , ومع الأزدحـام إلا أنهـا تبقى هي وأهـلها في قلوب الجميع ..!

ما أجملكـ يا رياض الثقـافة ..! :)

...

الأخ / القـاضي ..

والله ضحكت من ردكـ هذا .. شكلكـ تدور على بـاريس مرة ثـانية ..! :d

لكن السؤال .. أقتـنع وإلا ..! :)

...

يـاسر ..

الله يعطيكـ العافيـة على الموضوع ..

وكسبتـ قلوبـ أهل الرياض بأكملها بهذي القصيدة ..!

...

دمت بخير ,,

هلا فيك يالغلا تسلم لي على التواجد الراقي

مشكور يا بعدهم و قلوب أهل الرياض عامرة

الله يسعد ايامك المقبلة و يهنيك يالغلا

إقتباس:

الرسالة الأصلية كتبت بواسطة the bast (مشاركة 6374668)

صح لسانكـ ..!

والرياض اسم على مسمى..

هلا فيك و منور المشاركة

تسلم

إقتباس:

الرسالة الأصلية كتبت بواسطة saudi’s heart (مشاركة 6374704)

قصيده رائعه
يعطيك العافيه اخوي

دمت بحفظ الله..

و أياك ان شاء الله

دام عزك و تسلمين على المشاركة

إقتباس:

الرسالة الأصلية كتبت بواسطة هلاليه@ميلانيه (مشاركة 6375115)

اللللللهـ .. أبيــات أكثـر من رووعهـ أخـوووي ياسـر ..:rolleyes:

الـريااااض ومـاأدراكـ مالرياض .. واللهـ لو أغيب عنهـا يـووم ولآ أسبـووع أشتاق لها مرررهـ ..

تخيل في الآجازهـ الصيفيهـ الي راحت كنا مسافريـن للآمـارات المهم أنا الي كنت مزعجهـ أهلـي عشان نـرووح :d

أول مارحنا وقعدنا يومين قعـدت أصيح على أهلـي أقولهـم خلونا نرجـع للريـاض :d

وقالـوا الشرههـ مهب عليكـ الشرههـ على الي يعطيكـ وجهـ..:evil::d

واللهـ قصيدهـ أكثر من رووعهـ ,, يعطيكـ العافيهـ يالغالــي ..:)

بعطبك العافية أختي ميلانية

و مشكورة على المشاركة

الله يعطيك العافية خيتوو

إقتباس:

الرسالة الأصلية كتبت بواسطة أول العنقود (مشاركة 6375948)

صح لسانك يا ياسر ..!!

الرياض العاصمة الرائعة تستاهل مدينة الحكومة على قولة مفرح :D

و ننتظر قصيدة بالشرقية

صح بدنك ثامر يالغالي

و مشكور على الحضور المميز و المرور الرائع منك

تسلم يا كابتن s13s

إقتباس:

الرسالة الأصلية كتبت بواسطة A.K.N 505 (مشاركة 6377735)

صح لسانك أخوي..

فعلا الرياض لها مكانة بقلبي رغم أني لست من سكانها ... وإن شاء الله أستقر فيها بعد الدراسة وأتوظف فيها..!

مشكــــــــــــــــــــــــــــــــــــــــور

صح بدنك و تسلم على المشاركة

العفو و ان شاء الله ربي يوفقك و ييسر أمورك

اللهم آمين يا ربي

.

.

الله على الرياض بس

و الله على حرها اللي يخلي الواحد يبلع العافية و ينطق في بيته

الله على أهلها بكل عيوبهم

أحلى وقت في الرياض لما تجي على المطار

و تشوف حقين الجوازات العصاقيل و ما تشوف منهم إلا سيقانهم

و احلى شيء اذا جاء يقولك من وين انت جاي و تقول لندن و ما يعرفها

و لا اذا جاء اجنبي يكلمهم و ما فهموا عليه

الرياض حلووووووووووووووووووووووووووووووووووووووه بكل ما فيها و الله

و قصيدتك حلوووووووووووووووووووووووووووووووووووووووووه

ما شاء الله

يعافيك ربي

قلت الرياض وما أدراك ماالرياض!!!ضيعت سوري

الرياض مدينة جميله يكثر فيها السكان والزحمه والتريلات والهنود والبنقالين الهاربين واشياء اخرى

<<<< مع ان فيه كل هذي الاشياء الا اني اموت فيها و اعشقها واعشق ترابها

ما قلت أحب الرياض ألا و أنا واثق
أن الرياض و هواها صدق يعشقني

مشكور ماشاء الله من يوم ليوم اشعارك تزداد ابداع

منتدى الهلال يرحب بك <<بالله...و يفتخر بوجود شعراء امثالك ولا المتنبي

مرسي يمرسك

إقتباس:

ما كنها الا السحاب / الخالق الناطق
تقول للبدر حدّك لا تضايقني

أحسدك يا رياض فيها احد يمدحك :d:d

صح لسانك أخوي ياسر

لاعدمناك :wink:

إقتباس:

ما قلت أحب الرياض الا و أنا صادق
و من لامني في هواها لا يرافقني

أبدعت أبا عمار

والله ابيات روعه و ماهي كثير بحق الريــــــــــــــاض
وتسلم يمينك وصح لسانك :thumbup:

هلا وغلا اخوي ياسر ...

وتسلم على القصيدة الجميلة ياشعرنا المميز ...

بس كن في ابيات ناقصة :d:d:d

وما اقول الا مثل مايقول جراح الهلال يلومونا فيك يالرياض ( قلب )

شكراً ياسر :thumbup:

كن هنا :wink:

اااااا ه يالرياض احبها لاني ولدت فيها ودرست فيها واشتغلت فيها ,,,,,, وكل شي

احبها .......

أقول الثقفان وين ديرتهم :d