|
المفروض من زمان ذا الكلام مو الحين بعد ماطاح الفاس براس |
كلاااااااااام واقعي جدا |
السلام عليكم ورحمة الله وبركاته ومشكور اخوي العزيز مولع الهلال وجزاك الله خير علي كلامك وعلي الصدق في الطرح وونقاشك الراقي الهادف وتسلم يمينك اخوي وتعرف انك فرحتني لما رايت انك مشرف والله فرحت انه في منتدينا الغالي ناس بعقليتك اخوي وصراحتك وشجاعتك لانه والله ما حلفتني اخوي مستوي المنتدي ما يسر المحب للكيان الهلالي اغلب المواضيع مدح في مدح او تطبيل في تطبيل او تبارك في مولود ولا شي يخدم الا القليل وحكايه انك تلغي موضوع شخص بدون ما تراسل صاحب الموضوع وتبين له الغلط الي غلطه او علي الاقل حط سبب تقفيل الموضوع مو تلغي موضوع تاعب عليه بكل بصاطه عشان وجهة نضري ما عجبتك او انها تخالف راي احد ما اتمناء منكم واترجاكم خدمه الكيان الهلالي باخلاص وعدم محابات اي انسان كان علي مصلحة الكيان الهلالي الله يعطيكم الصحه والعافيه ولا ننكر جهودكم بس نبي نطور في المنتدي لما يخدم مصلحة الكيان الهلالي .. والحين بعد ما خلصنا منكم يا مشرفين .. نرجع للفريق اخوي ومشكلة الفريق ال هلالي مشكلتين اساسيتين وهي الاداره وما ادراك ما الاداره وما يتبع الاداره من امور ومع احترامي الشديد لمحمد بن فيصل ما قصرت ويعطيك العافيه وارجوك استقيل عشان يبقا حبنا لك كما هو لانه والله وصلت من اسلوب ادارتك للكيان الهلالي واكبر دليل مشكله الاربعه 4444 عقود الي وقعتها فوق بعض وعلي بعض وان دل علي شي فهو يدل انك جالس تقود الهلال بغير تخطيط ... ولا ومخطط علي بطولة العالم .. بس مشكلتك ما عرفت تقدر مهر كاس اسياء . والي يقول انك انت الي جبت موبايلي جالس يلعب علي عقول جمهور الكيان الهلالي يا حبيبي الي جاب عقد موبايلي سمعة وانجازات الكيان الهلالي مو محمد بن فيصل مع احترامي له لانه شركة موبايلي لن تحابي مصلحتها وربحها ودور الي يزيد دخلها والهلال يعتبر استثمار ناجح وصيده لموبايلي مثل ما قال الاستاد القدير الكاف ... .... و المشكله الثانيه فنيه وتخص اللاعبون وهي عدم وجود بديل جاهز ومن يقدر يقولي و من بديل الشلهوب و من بديل ياسر و من بديل تفاريس و من بديل عزيز و من بديل طارق التايب و من بديل الغامدي واكبر دليل مبارة الاتحاد في اخر الموسم لما غاب الشلهوب مافي بديل له وياسر لو اصيب لاسمح الله من بديله الكفو الي في مستواه او افضل من ياسر مافيه ولا راح يكون عند الهلال لانه الاموار تدار في الكيان الهلالي شختك بختك حبيبي وهي مشكلة الهلال الاساسيه وكمان المشكله و العقبه مثل ما قلت اخوي هي الواسطه حرف الوا الي تعمق و سكن داخل الكيان الهلالي اجل فريق زي الهلال مو قادر علي حل مشكلة الظهير الايسر من بعد اعتزال الموهوب خالد الرشيد وحتي بعد الدوخي انكشف الهلال واصبح يرقع ترقيع غريب في الخانتين واي فريق ما عنده اظهره زي الناس موهوبين بالفطره لن يوصل ويحقق بوطولات والي يمدحون المفرج مع احترمي لهم هم اما مندس او يحب الهلال ولا يفهم كوره ودي اقول لفهد نصيحه ان شاء الله توصله اطلع من الهلال قبل لايطردك الجمهو مثل ما صار لحازم امام من جمهور الزمالك والله اقولها لك اخوي فهد اطلع من الهلال لانك تحب الهلال لانه واضح اخوي فهد انك تحب الهلال من قلبك وغيور والدليل روحك ... بس وانا اخوك خلاص افهمها الله يرحم والديك ومشكور علي جهودك ومشكور اخوي وجزاك الله خير واسف علي الاطاله انا هلالي وطموحي عالي |
إقتباس:
ياسر هو اللي اراد الهلال ولو تتذكر البلوي عرض 40 مليون وياسر قال ابي الهلال !! صدقني لو كان اي رئيس نادي ثاني غير محمد بن فيصل يرئس الهلال جابه الاعب مهوب لاعب الا بالهلال !! اما التايب يمكن حسنته الوحيده !! ومع ذالك ما قدم لالي يشفع له انه يجيب كاس اسيا !! ما اقول الا زي ما اقول احد الأخوان اطلع يامحمد بن فيصل وطلع معك كديش فريقنا !! |
والله كلامك عين العقل والمتفرج والعنقري مانبيه لاكن الواسطه تسوي بلاوي يامحمد بن فيصل الهلال لايحتاجك لانه يريد رائيس يحمل المسووليه والله ماقول الا حسبي الله ونعم الوكيل |
مسكور أخوي مولع بالزعيم ............. والله موضوعك كبير ..... ولكن مؤثرك فيك مباراة البارحه . وهو شي واضح ........ لكن كلامك عن المفرج والعنقري .هو والله عين الصواب ....... وعن أميرنا المحبوب . محمد بن فيصل .... فيرحل .... ويدع المكان لمن هو آهل له ........... وأخواننا الزعماء اللي معطين المفرج أكبر من حجمه . نقول . لمصلحة الهلال ..... أبقو مودتكم للمفرج خارج المستطيل الأخضر . ونحن لن نعاتبكم على هذه الموده ......... تقبل مروري : أخـوكـ هلالي مـتـيـم ....... |
70 نحضر للملعب للمره الثانية ونخرج بدون فايده :cry::cry: مجمد بن فيصل اذا كنت هلالي وتحب مصلحة الهلال خل الواسطه عنك وين المرشدي بدل المفرج والعنقري الله ياخذ بليسة :upset:تكفووووووون مصلحة الهلال فوق كل شئ:upset: |
كلامك عين العقل والصواب ... واضف الى ذلك عمر الغامدي مع احترامي للجميع هذا اللاعب لايقدم شيئ للهلال ولو احلف انه هو ايضا من اصحاب الوسطات فكم مرة ينكبنا الغامدي ويموت هجماتنا بلعبه السخيف وموتة الحيل .. المفرج - العنقري - الغامدي - الذياب غادروا الزعيم بلا عودة |
قال عليه الصلاة والسلام: (ليس المسلم بالشتام ولا اللعان)اذا بتنتقد انتقد على مستوى.....اما اسلوب السب والشتم واللعان مااتوقع انها من اخلاق المسلم طبعا لاجديد المفرج هو اللي يتحمل خسارة الهلال وليه مايتحملها....والجمهور اصلا مايقدر الا على هالضعيف ابعطيكم اولا لفة على اهم لاعبين الهلال وليس تقليل منهم ولكن الارقام ماتكذب ياسر القحطاني...نجم النجوم....واحسن لاعب هلالي حاليا......ومعشوق الجماهير الهلالية ماهو عيب انه اليوم ضيع بلنتي لان فيه لاعبين قبله ضيعوا ولكنست مباريات في دوري ابطال اسيا....لم يسجل خلالها اي هدف هداف الهلال بطولة كاس ولي العهد العام الماضي لعب الهلال اربع مباريات.....لم يسجل خلالها اي هدف هداف الهلال اهم مباريات الهلال خلال السنتين الماضية نهائي 3-0 الدوري للشباب لم يسجل اي هدف نهائي الدوري 2-1 للاتحاد لم يسجل اي هدف نهائي كاس ولي العهد وكاس الامير فيصل ضد الاهلي 2-0 و 1-0 لم يسجل اي هدف مباراتين الفريق ضد العين الاماراتي ....لم يسجل اي هدفوللاسف ماسمعنا اي شخص من الاعضاء تكلم عن ياسر ولكن ماسمعناه تفداه البطولة ومن هالكلام طيب نروح لطارق التايب طارق التايب نجم كبير لا يشق له غبار ولاعب صانع لعب من الدرجة الاولى ولكن طارق التايب قضى نصف الموسم الماضي في غرفة العلاج وواضح انه هالموسم بيلحق الموسم الماضي وغاب عن اهم مباريات الموسم نواف التمياط نواف التمياط من الموسم الماضي وهو يقدم عك كروي كرات مقطوعة...احتفاظ زائد بالكرة.....مركزة صانع العاب ولكن للاسف انه مايصنع اي لعبة الاظهرةاليوم سواء الزوري او العنقري كانوا شوارع دفاعيا.....معدومين هجوم ياالادارة الادارة لم تتعاقد مع لاعبين محليينا لادارة لم تتعاقد مع لاعب اجنبي ثالث الادارة جددت مع طارق التايب على الرغم اصاباته الموسم الماضي الادارة تكرر نفس الخطا للمرة الرابعة على التوالي وهو الاعداد النفسي السئ للاعبين امام الشباب والاتحاد والكويت واليوم المدرب البدء بثلاث محاور البدء بجهه يسرى ضعيفة جدا بوجود لاعبين قليلين خبرة تاخير انزال التايب والشلهوب الجمهور والمنتديات والصحف التطبيل للادارة وان كل شئ ماشي تمام على الرغم من الاخطاء اللي كان يشوفها العميان الاستهانة بالخصم نرجع لسالفة الهدفانا ماراح اطلع المفرج منها المفرج اخطا ولكن الخطا الاكبر يتحمله تفاريس وخالد عزيزواللي يقول غير هالكلام يحمل الهدف ويعيده كم مرة ويتاكد من كلامياولا خالد عزيز تارك خانته بالمحور وسبب فجوة في منطقتهتفاريس اندفع علشان يغطي الفجوة اللي تركها خالد عزيز مع العلم ان تفاريس كان لاعب اغلب الشوط الاول رجل لرجل مع اسماعيل مطرالمفرج نزل لخانة تفاريس يغطيهاوكان عنده خيارين الخيار الاول يكسر اسماعيل وينطردوالخيار الثاني يحاول انه ياخر اسماعيل الى ان يجد التغطية وبالفعل اخر اسماعيل ولكن اسماعيل بذكائة استطاع انه يسددها ويسجل الهدف على فكرة اسامة هوساوي اللي يطالبون به اغلب الاعضاء سواها في كاس الخليج الماضية وبنفس الطريقة ومع نفس اللاعبوعلى فكرة سمعت اليوم كلام الاستاذ الكبير عبدالكريم الجاسر وعندها عرفت اغلب الجمهور الهلالي من وين يستقي كلامهالكابتن الخنين وهو لاعب سابق ومدرب حالي يقول ان الهدف ماهو غلطة المفرج وتفاريس وعزيز يتحملون الخطا الاكبر والجاسر يقول المفرج يلعب بالواسطة.....عاش الفهم الكروي يااستاذ عبدالكريم....وعندما طالبه المذيع بالدليل سكت وتلعثم وقال ايام باكيتا لو طلب منه سواق الباص انه يلعب فلان نفذ باكيتا ولكن كالعادة.....مافيه غير المفرج شماعة....والباقي يطلع براءة |
إقتباس:
بالله أنت هلالي أو تعرف كوره ..؟؟؟ الغامدي صانع لعب ...!!!!... رح بس نم أصرف لك .... |
إقتباس:
صحيح ...!!!! أسوء تشكيله ...و الله للأسف ناس ما تعرف من الكوره الا اسمها ...!!!! |
كلامك عين العقل |
إقتباس:
اؤيدك بكل كلمــة مولع شكرا لك |
لقد أسمعت لو ناديت حياً .... ولكن لا حياة لمن تنادي .. ما أقول غير الله يرحم أيامك يابندر بن محمد .. |
إقتباس:
و الله للأسف فيه عينات تحت هذا السن و الرقم وهو أنت فياليت تخلي الكبار يتناقشون و لا تدخل مرة ثانيه ... شاطر حبيبي و ان شاء الله ابعطيك حلاوه ... و بعدين الي يخالفك عن المفرج أصبح بزر و طفل .... والي يقول رأيه عن مشرف أصبح بزر و طفل .. ما تلاحظ فيه قاسم مشترك بين الشيئين ... وهي الي يخالفك غلطان ...!!! تراك منتب ملاك ...ممكن أنت تخطأ ... ممكن أن تكون مجهة نظرك خاطئه بس لو تفكر فيها بعقلك ... و نصيحه لك .... حاول أن تفكر بعقلك قبل أن ترد ... واذا لم تستطع لا ترد .... |
| الوقت المعتمد في المنتدى بتوقيت جرينتش +3.
الوقت الان » 03:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd