كلامك اخوي B a N d O o R e فتق جروح وقلب مواجع

متى الشعب السعودي يتطور؟؟؟!!!
الاعضاء الكرام ماقصروا بالردود
بس واضح انهم مركزين على الشباب فقط
والمشكله عاااااااامه على جميع فئات الشعب
حتى الأجانب صاروا اردى مننا

المسأله بدأت صغيره حتى استفحلت
وصار الشق اكبر من الرقعه

أولاً

التربية وما أدراك ما التربية
اذا الواحد من يومه صغير متربي على النظام من صغره
غصب عليه راح يطبقه في جميع امور حياته
والتربيه تبدأ

من البيت
والبيوت دائماً يكون فيها الانضباط اذا كان الاب موجود أو الأم (في بعض الأحيان)
ماعدا ذلك فالفوضى تعج في اغلب البيوت

ثانياً من المدرسة
المدرس يشرح في الفصل عن النظام وضرورة الالتزام فيه
وأول ماترن الفسحه المدرس نفسه يعطي الطالب فلان فلوس ويقول له جب لي فطور
((بس لا تصف مع الطلبه قل الفطور هذا للمدرس علان))


ثالثاً في الشارع
طفل يركب مع ابوه ويشوفه يساقط هذا ويلف على هذاك ويلعن ابو هذاك ويسوي حركه لاأخلاقيه لذاك السواق

وش تتوقع من طفل تربى على عدم الإنظباطية؟؟!!


ثانياُ

الواســــــــــــــــطة
من أمن العقوبه أســـاء الأدب

كل الشعب السعودي عنده واسطه في كل مكان
بس تختلف استخدام تلك الواسطه من شخص الى شخص
وتختلف من واســـطة لإزاله معوق عن خير
الى أخرى لتقديم شخص على من هو أحق منه
وتختلف من واسطه لرفع الظلم عن شخص
الى أخرى لدفع الجزاء على من يستحق((وياكثرها هذي عندنا))

متى ما تخلصنا من هذه العوائق ثق بأننا سنحقق جزء كبير من التطور الذاتي المنشود

وعذراً على الإطاله

alrmady

حضور طاغي

طغيتوا علي

كلمكم اجمل من اللي كتبته انا

والله بديت احس ان الشمعه اللي حطيتها اثرت على الكل

واعتقد ان الموضوع كان على الوتر الحساس

هذا اللي اثار الاعضاء وجعلهم يشاركون




شكرا

إقتباس الرسالة الأصلية كتبت بواسطة B a N d O o R e alrmady حضور طاغي طغيتوا علي كلمكم اجمل من اللي كتبته انا والله بديت احس ان الشمعه اللي حطيتها اثرت على الكل واعتقد ان الموضوع كان على الوتر الحساس هذا اللي اثار الاعضاء وجعلهم يشاركون شكرا

منتدى الزعيم يمثل شريحة عن المجتمع السعودي المقدر لاصحاب العقول النيرة

اذا حطيت موضوع مهم فيه تأكد انك وضعت افكارك في وسط صحي ولا وش رايك

إقتباس الرسالة الأصلية كتبت بواسطة عسم الزعيم منتدى الزعيم يمثل شريحة عن المجتمع السعودي المقدر لاصحاب العقول النيرة اذا حطيت موضوع مهم فيه تأكد انك وضعت افكارك في وسط صحي ولا وش رايك

اكيد ما يبغالها راي

أشكرك أخوي لكن أذكر مرة جايين من الجامعة وكنا ثلاثة بالسيارة وكان فيه طريق علشان ترجع تأخذ مسافة لكن قلنا نعاكس ونختصر ولما عاكسنا كان فيه واحد جاي على جمس مشاء الله رجال كبير ولحيته طويلة وتقابلنا وجه لوجه أبعدنا عنه لكنه زعل وسوى حركة لا أخلاقية أنا أتورع أني أسويها لكن ما أقول إلا الله يخلف صح ما أنكر أننا غلطانين لكن مهما كان الحركة الي سواها قوية شوي

إقتباس الرسالة الأصلية كتبت بواسطة الله يوفقن أشكرك أخوي لكن أذكر مرة جايين من الجامعة وكنا ثلاثة بالسيارة وكان فيه طريق علشان ترجع تأخذ مسافة لكن قلنا نعاكس ونختصر ولما عاكسنا كان فيه واحد جاي على جمس مشاء الله رجال كبير ولحيته طويلة وتقابلنا وجه لوجه أبعدنا عنه لكنه زعل وسوى حركة لا أخلاقية أنا أتورع أني أسويها لكن ما أقول إلا الله يخلف صح ما أنكر أننا غلطانين لكن مهما كان الحركة الي سواها قوية شوي

ومستانس يعني كاتب الموقف هذا

الموقف يحسب عليك لانك معاكس وصدق ردك بوقته نموذج للتخلف مع احترامي لك

بس زين انك ما سويت له شي بعض الناس يعاكس ويكبس عليك عشان تفتح له الطريق وكانك انت الغلطان
وبعض الناس يلف عليك بالسياره ويدق بوري يعني انتبه لي

من جدك انت بتاخذلك انذار ماشي مليون على خشتك

ع العموم موضوع جميل

مأأدري .!!

كلش ولا بعض القنوات الفضائية هذا البرنامج بتوقيت السعودية
وللاسف 99% من المتصلين من المملكة يعني للاسف صارو مقصة للكل

إقتباس متى يتطور الشعب السعودي ؟

احيانا احس انه ماراح يتطور ابدا !!!

يعني روحوا باقي الدول العربيه وشوفوا السمعه الحلوة !!

واشوف ان السبب الاول والاخير يرجع للذمه

يعني لو هالشخص متعود مايمشي اي واسطه ما احد راح يخالف الانظمه والقوانين!!

بس متعودين خلاص عـ الوساطه للاسف !!

وبالنسبه لازدحام السيارات فهذي بالنسبه لي مشكله ازليه ماراح تنتهي !!

ولو تطور فيها شخص شخصين الباقي ماراح يتطوروا

يعني لو كل واحد مشي بطريقه وانتظر الاخر للمرور ماكان صارت هالزحمه

اكثر موقف يقهرني لما سياره توقف عـ الاشارة وفي سيارات تبغا تعدي من اليمين

ياخي ايش يوقفك هنااا لازم تسوي زحمه وقلق

والله حاله مزريه بس مانقول الا الله يخلف علينا



الف شكر لك اخوي عـ الطرح المميز

وان شاء الله يكونوا استفادوا من الموضوع !!




دمت بود


تحياتيـ
عاشقة الزعيم15

أخوي موضوعك خطير للغايه
والمشكلة نعاني منها جميعا
بقولك سالفه صارت لي
كنت واقف بعد صلاه الفجر عند الخباز لحالي ( وإنتبه لكلمه لحالي ) أنتظره وبعد خمس دقايق ، جاء شخص ثاني وقف جنبي
الخباز لما طلع الخبز جاء الشخص الثاني أخذ الخبز وانا واقف اتفرج منصدم من حقارته
من الحقاره اللي سواها تنحت وماني مصدق ووقفت اتفرج عليه
الخباز ما سكت ، شرشح السعودي شرشحه
_________________________
سؤالي لك وللجميع :
أنت تطلب من المواطنين النظام ، كيف تبي المواطنين يلتزمون بالنظام إذا ما كان فيه نظام أصلا ؟
بتقولي إن النظام موجود .
المشكلة إن الحكومه ما تطبق النظام أساسا علشان الشعب يطبقونه.
طبعا مقصدي بالحكومه المسؤلين عنها بفرض النظام


دمت بود

alrmady

سحبت من تحت اقدامي المنبر


لي الشرف ان يكون انسان بهذة القليه والعقلانيه موجود معنا

اشكرك جزيل الشكر

اذا تبي التخلف بعينه شوف الشباب وش يسوون باليوم الوطني وبعدين لكل حادث حديث