|
معاكسات وغزل وفتنة في بيت الله الحرام ..!! بسم الله الرحمن الرحيم السلام عليكم ورحمة الله وبركاته مساكم الله بالخير جميعاً .. وكل عاام وأنتم بخير وصحه وسلامه :) ظاهرة المعاكسات في المسجد الحرام وفي أطهر بقاع الأرض أصبحت منتشرة وبشكل كبير بين الشباب والفتيات .. أنا كنت اسمع من فترة إن الحرم المكي أصبح ملتقى وملجأ للعشاق .. وماكنت أصدق وكنت أتجاهل هالكلام من باب الثقة في شبابنا وبناتنا وإنهم مستحيل ينتهكون حرمة المسجد الحرام لكن الحين أبصم بالعشره إن هالظاهره موجوده في المسجد الحرام وأصبحت أمام الأمر الواقع إما أن أصدق .. وإلا أكذب عيوني واترك أمرهم لله ..!! كنت قبل يومين في مكة المكرمة لأداء مناسك العمرة أنا وبعض الشباب وعند دخولي للحرم أصبح لساني يتمتم ما بين الأستغفار والتلبية لبيك اللهم لبيك لكن انقطعت تمتمة لساني عند رؤيتي للكعبة المشرفة ..!! وأصبحنا نطووف حول الكعبة بين جموع المعتمرين منهم من خاشع ويدعي ويبكي خوفاً وخشية من الله ومنهم من تفرغ ( للقزقزة ) والأحتكاك في أجساد محارم المعتمرين والعياذ بالله لكن يوم وصلت لمقام إبراهيم لفت سمعي أدعية غريبة من الأجانب منهم اللي يدعي برأس أمه وبرأس أبوه ومنهم اللي يقوول (وحيات النبي ) (والحسن والحسين ) .!! طبعاً هالأدعية المشركة كلها من ألسنة الأجانب الله يهديهم ..!! لكن اللي لفت نظري في المسجد الحرام كثرة الفتن بين النساء منهم اللي يزاحم الرجال على مقام إبراهيم ومنهم اللي يفترش الأرض وتظهر جزء من عورتها وماتستحي لامن الله ولامن جموع المصلين ..!! وجاء وقت السعي وقررنا إننا نفترق وكل اثنين مع بعض ونتواعد إننا نتقابل عند حلاقين الحرم .. !! وياقلب لاتحزن اللي صاير في السعي ترقيم عيني عينك .. ونساء يسعون ولابسين ملابس ضيقة من الجنز والبرمودا والعطورات تشق الخشم شق ..!! وفوق كذا المكياج والكحل والعباية المخصرة واللثمة لاعبه أدوارها على أكمل وجه ..!! وفووق كذا البلوتوث له نصيبه من هالمواقف وياقلب لاتحزن يعني والله العظيم شي يقهر ويبكي في نفس الوقت ..!! أشغلونا عن طاعة الله في مسجده .. وأشعلوا الفتنة في نفوس الشباب والرجال وهم صايمين ومتعنين من ديارهم لأجل أداء هالفريضة .. !! فبعد ماخلصنا وقضينا من السعي تقابلت مع خوياي عند حلاقين الحرم ويحلفون بالله إنهم طلعوا سطوح الحرم بعد ماخلصوا من السعي وشافوا شابين وبنتين بكامل زينتهم المزيفة على موعد غرامي في سطوح الحرم ويتبادلون الورد الأحمر .. !! يمكن هالنوعية اللي ماخافت من الله توقعت وتطمنت إنها راح تبتعد عن عيون الناس .. !! لكنها ماابتعدت عن عيون خالقها سبحانه وتعالى وراح يجي يومهم ..!! لكن ماقوول إلا ..(ربنا لاتؤاخذنا بما فعل السفهاء منا ) بصراحه انا انصدمت من الغزل والفتن اللي تصير بالحرم .. !! يعني بالأسواق وبالأماكن العامة وبلعناها لكن بالحرم هاذي مصيبة عظيمة يعني مايخافون من سخط وغضب الله عليهم ينتهكون حرمة مسجده وفي أفضل الشهور شهر رمضان ..!! اخوكم / الغدير الأزرق :) |
إقتباس:
الخطيئة في الحرم بمئة ألف! ونية الخطيئة تحسب على من نوى! والله موضوع يضيق الصدر ويتعب! أخي الغدير الأزرق.. جزاك الله خيرا على غيرتك على دينك.. وتقبل الله عمرتك.. تحياتي لك أخي الكريم |
والله يا اخي قد تكون موجودة لكن إحقاقا للحق انا لم أشاهد نساء بالمكياج في المسعى او في الطواف والله على ما أقول شهيد قد تكون شاهدت ذلك لكني انا لم اشاهد هذا الشيئ أنا اتفق معك ظاهرة الإفتراش من النساء واغلبهم طبعا من جنسيات عربية للأسف اما موضوع الحسن والحسين والخرافات نحمد الله اننا تربينا في بلد مسلم وبعادات إسلامية يالله لك الحمد |
هلا صقيقي الي زعلان مني . أولا ألف مبروك العمره وعمره مبروكه إنشاء الله. ثانيا اخي لا تستغرب هذه الأمور التي تراها فالبعض لا يحلو له فعل الحرام إلا بالمشاعر المقدسه وياليتهم يعلمون ان الذنب ب100ألف ذنب في الحرم المكي الشريف. ثالثا/أموت بالي يستغلون إجازة اليوم الوطني في العمره وفي شيء طيب مثلك ياطلو يا أخي إنت مثال للمواطن الصالح بارك الله فيك :d. رابعا/ لا هنت على الموضوع وبيض الله وجهك وجزاك الله خير. خامسا / لسا زعلان ولا رضيت ترا وربي ما كنت أقصد أبد بس إبشر بالحق وبكره ترا لازم تجي الإستراحه ولا ترا بيقوم البقس :laugh: |
لاحول ولا قوة الا بالله |
وعليكم السلام ورحمة الله وبركاته .. مساء / صباح النور اخوي الغدير الازرق .. للأسف هذا اللي صاير في الحرم .. وسبق وان تحدثت في احد المواضيع عن هالظاهره ! لكن للأسف اشوف انها كثرت في الوقت هذا وبالاخص في ظل كثرة جوال البلوتوث ! والحقيقه ان الخطأ من الشباب والفتيات .. فالشباب دخل وكانه في تسوق .. والفتيات كانهم داخلين قصر افراح .. مكياجات وعطورات ولبس فاتن ! ناهيك عن ساحات الحرم اللي انقلبت لمنتزه .. !! اتمنى ان يعي كل زائر للمسجد ان المسجد الحرام للعباده وليس للتنزه ! اسال الله ان يهدي الجميع .. والف شكر لك ع طرح الموضوع .. تقبل فائق احترامي .. دمت بخير .. |
لاحول ولاقوة الى بالله حسبي الله ونعم الوكيل عليهم,,.. اللهمـ لاتحاسبنا بما فعله السفهاء منا ,,.. مشكور أخوي ,,.. |
ياحبيبي... أنا قد اعتمرت .. وشاهدت شاب في ساحة الحرم بيده "آي بود" مشغل اغاني ... وحاط السماعات في أذنة .... قلت يمكن قرآن او شي من هذا ..لكن يوم قربت منه الا وصوت الاغاني طالع ... يعلم الله اني دعيت عليه .... ناهيك عن تصرفات الشباب هناك ... تعرفون العماله اللي تبيع بجنب الحرم ...كان واحد يبيع سبحات ... جو شباب ..قالو له هذي أصليه ... قالهم ايه!! قالوا خلنا نجرب ... فقاموا ياخذونها حبه حبه ويقطعونها ... ويقولون ما هيب أصليه !! والضعيف ساكت حاجات غريبة |
موضوع شيق ورائع لي عوووووووودة |
لاحول ولاقوة إلا بالله من جد شيء يبكي ويحزن على واقعنا ,, > كل أمتي معافى إلا المجاهرون < أكثروا من الدعاء للشباب في هذا الشهر الكريم تقبل الله منا ومنك صالح الأعمــال وعمره مقبوله |
هلا اخوي الغدير صاحب مركز الهجوم :d اخوي كلامك صحيح × صحيح وهذي الضاهرة موجوده من اكثر من شهر اخوي من يوم ما دخلت خدمة البلوتوث وشبابنا من اسوئ الى اسوئ :upset: طبعا خلي المجمعات والمولات لان الفتايات مو فاضيات يشوفون جوالاتهن اما اذا قدعن في الساحة الحرم تلقي الوحده من اول ما تقعد وجوالها بأيدها ما دري هي فرحانه فية ولا اول مره تشوفه وتلقى الشباب ما غير يمشطون الساحه واذا شافو البنت ماسكه الجوال يبدأ يرسل عاد هو وضميره يرسل ملاحظات او صور او مقاطع فيديو او صوت :upset: وطبعا الشر موجود في كلى الطرفين :upset: والله يهدي المسلمين اجمعين ومشكور يالغدير واسف على الاطالة وتقبل الله منا ومنكم صالح الاعمال :rolleyes: |
الله يلوم اللي يلومك ياخوي.. انا من العام الماضي تكلمت فهالشي .. فموضوع قديم .. لكن .. وااااااااااااسفاه .. وهل يجدي الكلام ؟؟! في يوم السبت ولله الحمد كنت هناك .. والله انواااااع الفتن .. قسم بالله خايف على نفسي .. تدري وش سويت .. مسكت واحد من عيال خالي . صغير بسادس .. مو داري وين الله حاطه ,, وامسكه بيدي قائد لي .. ( طاره ) يمين شمال .. اخوي .. ابشر فلعل الله يريد بك خيرا .. ان يختبر صبرك .. وايمانك . دمت بخير وسلام ورفاهية وامان . انتهى , , , |
وعليكم السلام ورحمة الله وبركاته للأسف هذا اللي حاصل في الحرم الله يهدي الشباب والبنات ومشكور أخوي على الموضوع الجميل اللي يعورالقلب :cry: |
لا حول ولا قوة الا بالله للدرجه ذي عاد والله مشكله طالع سوقهذا ياخي وين الهيئه طيب والا مافيه على حسب ماسمعت ياخي اذكر عام 2000 رحنا نعتمر انا وربعي المهم وانا نسعى اقسم بالله مر من جنبي واحد يشربك:d مافيه احترام ابد لبيت رب العالمين وبالمدينه حدث ولا حرج خلك من مكه رح المدينه والله العظيم ان الحرم قالب مجمع اقسم لك بالله قروبات والله قروبات وانا اعرف المدينه اكثر من اهلها شي فظيع يارجال بالذات برمضان تخيل بالمدينه اللي عاقله عاقله مره تلبس عبايه كتف ومخصر الدعوه شاطحه مره امس واحد من ربعي دق علي يقول في جده مصايب يقول شارع التحليه مليان بنات وكلهن فاتشات وصابغين وجيهن بلون اخضر :upset: جده ماتبعد عن مكه الا 70 كيلو فيها ماجتمع من بلاوي في العالم مابلانا الا الناس المتسعوده |
والله انا ملاحظ زيك قلة حيا في المسعى وفي سوق الليل اللي جنب الحرم على طول والله فتنه .. غير كذا الشيعه الله ياخذهم والله ازعجونا ومزاحمينا في الحرم .. مشكور اخوي والله يجزاك بالخير .... |
| الوقت المعتمد في المنتدى بتوقيت جرينتش +3.
الوقت الان » 04:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd