|
صدى الامس انا نفس حالتك :D هالايام تطورت صرت انام من 3ونص كذا الين 4ونص ولاا نعمه هع وواجلس الييين بعد الفجر واحيانا ما يجيني نوم الين 6 وانام واصحى 8 !! واحيانا اروح مواصل بعد على ساعة العصر !! لكن بالصيفيه الواحد يوصل يومين وينام يوم هع يعني هالنظريه في ايام نفس رمضان الواحد مزحوم بيتعبد وبيتابع وبذاكر وبيدخل نت والنوم اسحب على امن جابته هع انا من ناحيتي ما انام بالحصه لأن التراكمي مو مخلينا :( وهالنظريه تختلف بحسب الاعماار فممكن ان تقول الشباب السعودي وليس الشعب <<< وخر عنه مقطع الفصحى هع سلاااام .. |
شفت تقريرهم متسلطين على السعودية إلاغصب خبر عنهم لاوكله كوم وزحمة السيارات بالتقرير كوم الساعة 3 الفجر اجل مصر وش يقولون والله ماشفت احد ينام كثر السعوديين ممكن نومهم متلخبط لكن قليل ما اظن.. |
قله يكثر منها من جد .. ياخوي والله اكثر شعب ينام حنا !! انا بالنسبه لي إذا كنت قلقان ولا عندي شي مشغلن بالي .. أنام تقريبا ساعتين أو ثلاثه .. أما إذا كنت والله دايخ ولا نمت زين .. فإني وقسم بالله ماابالغ إذا مانمت 12 ساعه متواصله مااشبع ،، واحياناً أصحى بعد هالـ12 ساعه وبي نوم ههههههههههههه .. والله إني صادز ماكذبت عليكم .. وصدقون والله الشعب السعودي الحبيب أكثر واحد ينام .. الله يخلينا لبعضنا بس .. ويخلي لنا ابو متعب <-- يحتك خخخخخ .. مشكوووووووور أخوي أخوك راشد .. |
والله ما اتوقع لاني احلل اليوم كله بانوم |
يعني ليش يبونهم ينامون بدري .. من كثر المصانع .. ولا الشركات .. ولا ... خلني ساكت ازين .. بعدين 15 % ينامون وقت الدوام .. يعني اللي صاحي يشتغل صح .. هو كل الدوام سبع ساعات .. يوصل متأخر نص ساعة .. وعشان يروق مثلها .. ويرتب مكتبه ويدق حنك مع الشباب ساعة .. ويفطر نص ساعة .. ويصلي الظهر نص ساعة .. ويستأذن عشان يجيب عياله من المدارس ساعة .. هذا اذا استأذن .. اذا ما قال لأخوياه غطوا علي .. ويشتغل ساعة ونص .. ويطلع قبل الدوام بساعة .. لا ويوصل البيت هلكان تعبان ... يقال له موظف تعبان .. طبعا عشان لا احد ينشب لي .. اكيد مهوب كل الموظفين .. لكن واجد منهم .. بعدين كل العالم يسهرون .. ويشربون في هالخمرة الين يصير كل واحد سطل خمرة .. ولا تجي الساعة 6 الصبح .. الا والعالم في دواماتها .. واخويانا .. يشرب له نص قارورة .. ويقعد يومين بعدها فاقد .. توضيح .. والله الواحد يشيل هم الناس اللي بتنشب له .. اقصد العالم يعني العالم :D .. كيف اشرحها ذي .. اقصد العالم اللي يجي مرسوم في خريطة :D ... اللي ما عرفه يرسل لي خاص وانا اشرح له :D .. . |
إقتباس:
ياليت جات على المواعيد انا حتى الدوام انام عنه اذا صرت سهرانه على الانترنت الله يرزقنا وقت ننام فيه عدل خاصه مع رمضان والدوام ام الحوسه |
والله انهم مايدرون وين الله حاطهم........ الا بالعكس اكثر شعب ينام احنا...بس.... في النهار:d:d |
إقتباس:
:d:d:d:d:d:d:d |
أنا أذكر إني نمت يومين متواصلين ... بس كاااان زمااااان يوم كنت صغيرة وأمي قلبت البيت تدور عني ... تحسبني إنخطفت أو صار فيني شيء ما درت إني خامدة بسريري وساحبتها نومة :) ... أما عن إننا أقل الشعوب نوما فما أهقى إننا كذا .. يعني شيء طبيعي إن المواطنين السعوديين ينامووون كثير كأنه هذا إللي متميزين فيه أنا عن نفسي زي الدجاجة ... أنام بدري وأصحى بدري كل يوم يعني على أذان الفجر أصحى أصلي الفجر وأظل صاحية لـ7 المساء وبعدها أنااااام لثاني يوم الفجر وهكذا ...<<<نشيطة ^_^ مشكووووور فيليبو أنزاجي على الموضوع كثر لنا منه .. |
السلام عليكم و رحمة الله و بركاته,, هاللي سوى هالاحصائيه ماهو بعيد عن اللي قال ان السعوديات ثالث اجمل بنات بالعالم:D .. خير و عسى ما شر ؟؟!! وش تقولون باللي عليه اختبار و نام بعد العصر قال اقوم الساعه 10اذاكر و ما درى الا اميمته تقوله قم يا وليدي لا يفوتك الاختبار الساعه 8 و نص :D .. و عشان ما نروح بعيد قبل رمضان بيومين..قلت ابخذ لي قيلوله من الساعه 3 عصرا للساعه 4 عصرا.. و لكن!! قمت الساعه الرابعة فجرا :D و يا قلب لا تحزن!! انا مستعد اكنس نوم لكن يضيق صدري على ترك الصلاوات.. و لا مستعد انام هالنوم يوميا :D .. آآه يالنوم يا حبي لك :stoned:و يا حبي للكسل :stoned:..ما حلفتوني اليوم بالمدرسة قاعد اتثاوب و مالي خلق اسد خشتي..قلت يا رجال الشيطان الحين مربط وشوله اعذب روحي:D " طبعا الشيطان يدخل لا الواحد تثاوب و ما سد خشته.. عشان كذا تلقاه مرابط عند السودانيين خشة السوداني تقول خيمه حاتم الطائي دايما مفتوحة للضيوف:D " على طاري السودانيين يقولك سوداني شاف زوجته تثاوب قالها ما دامك تساوبتي نادي العيال بالمره :D ".. × احصائيه بسيطة سويتها قبل كم يوم .. انا انام 12 ساعه و اصحى 12 ساعه ؛ مما يعني ان نص عمري راح نوم :D التسناري |
صدق من قال أن حنا ما نجي في مواعيدنا ونقوووووووول رحت علي نومه |
صح حنا ننام في أوقات غير منظمه وأيضا نتأخر عن المواعيد لكن أننا ننام كثير هذي ما أعتقد صح فيه ناس لكن الغالبية لا أظربلك مثل مثلا شخص ينام الساعة 2 يقوم الساعة 6ونصف عشان الدوام ثم يعود الساعة 2ونصف ينام إلا العصر هذي كم ساعة؟ ساعة واحدة والليل نام 3 لانه قام يصلي الفجر طبعا أنا أتكلم عن الناس العايشين يعني هناك ناس منقطعين يعني لاشغل ولامشغلة ولا مسؤليات هذولا ما أتكلم عنهم نعود يعني يكون نام 4 ساعات بس قل خمس الانسان الطبيعي لازم كم ينام لازم 7 ساعات أقل شي عشان يكون مظبوط هذا أغلب الناس كذا بس عشا حنا ننام في وسط اليوم نحس أننا ننام كثير لكن العكس واسف على الاطالة وترى هذه وجهة نظر خاصة تحتمل الصواب وتحتمل الخطأ |
مايشوفون نوم اخوي |
أخوي يمكن أنت غلطان في كتابة نص موضوعك ....... أنت يمكن تقصد أكثر شعوب العالم ...... عــفــو آ آ آ .......... شعوب اللي يمكن مرة على الأرض ......... مو أقل نومآ حبيبي بل أكثر نومآ ياحبة عـيـنـي ........... ومشكور على الموضوع ........ جلست نصف ساعه على أساس أفهم مقصودك من الموضوع ............ الله يغربلك غربلتني .............. |
ياشباب انا مقتنع بكلامكم وانا نفس الشئ راعي نوم لكن هذه احصائيه عالميه على كلم قناة العربيه وهي اللي نشرتها |
| الوقت المعتمد في المنتدى بتوقيت جرينتش +3.
الوقت الان » 07:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd