|
بعقلانيه وهدوء .. موضوع للنقاش بسم الله الرحمن الرحيم ودي نناقش بهدوء وعقلانيه .. اتمنى كل واحد منا يفكر قبل لا يكتب.. موضوع النقاش يهمني كثير ويهم ناس كثير غيري ويهم اللي يتكلم عنه اكثر !! اتمنا من كل قلبي الكل يفهم ان المنتدى يدخله كثير لاعبين .. ودخولهم له مو مجرد فضول ابداً كل واحد يدخل يبي يشوف انتقادات الجمهور له .. الانتقادات الهادفه ولو لاحظت تفاعل مع هالموضوع .. راح ينزل كل فتره موضوع عن لاعب يناقش راي الجمهور فيه بالوقت الحالي ! ولاحظو بالوقت الحالي فقط! بس بشرط يكون الانتقاد هادف وانتقاد مافيه تحطيم للاعب وممكن تقل ثقته بنفسه ! بيكون نقاش اليوم عن لاعب ياما وياما اسعد الجماهير !! لاعب غير عادي .. بفكره وبلعبه وبفنه واهتمامه بنفسه .. بتصريحاته بطريقة تعامله بثقــــته بنفسه احلا شي لما يكون الاعب واثق بنفسه .. صدقوني الثقه للاعب جدا مهمه الابداع هو عنوانه نواف التمياط ...... فتى الذهب كما يحلو لي ولجماهيره بتسميته نواف وكما لا يخفى على اي احد افضل لاعب باسيا 2000 كم وكم من الالقاب اخذها امتعنا بلعبه وبذوقه يعني الفن باصوله عند نواف يمتع لابعد درجه مستحيل يمل من مشاهدته فنان بمعنى الكلمه ودي اناقش مستواه بالوقت الحالي !! الجمهور قسى على نواف وشاف نتيجة قساوته نزول بالمستوى حااااد ! العام اللي فات وقسوة الجماهير ومع كذا نشوفه يتعب اكثر من اي لاعب ثاني للعوده لمستواه ! وللعربيه صرح بانه ما يبي يلعب ولا مباراة الا وهو مخلي الكل يقتنع بمستواه ! وفعلاً ... ابو بندر كما عهدناه قوووووول وفعــل !! لعب دورة الخليج وبوجود طارق التايب وكان هو الافضل !! وبالشوط الاول لمباراة الوحده وكان هو الافضل !! وبمجرد نزول مستواه بالشوط الثاني بالرغم من نزول مستويات كل الاعبين قامت القيامه عليه !! اتمنا ان الكل يتفاعل مع الموضوع وش رايك بمستوى نواف الآن ؟؟!! هل انت مممن يطالب بانتقاده حتى يعود لمستواه ؟ او ممن يطالب بالوقوف بصفه ومسانندته وتوضيح حب الجماهير والحاجه له ؟؟ اتمنا ان تطرح سلبيات نواف الان .. وكيف ممكن يعالجها بنظرك ؟؟ وميزات تحس نواف مفروض ينتبه لها ويطورها ويعمل بها ؟؟؟ تتوقع نواف اخذ فرصته الموسم اللي فات وبصراحه ؟؟ مع العلم انه ما لعب ولا مباراة تقريبا كامله ؟؟؟ نواف صرح بالعربيه اتوقع ... وكان باين عليه الحماس والضيق بسبب الجماهير مع انه ما قالها صريحه وقال فيه ضغوط اقدر اعالجها من محيطي بس فيه اشياء ما اقدر اغيرها ؟ وقال انه مارح يلعب مباراة الا ويثبت لكل احد تابعه قدراته ومهاراته طبعا هذا التصريح نهاية الموسم هل هذا ما يستحقه نواف ؟؟ غضب ماله داعي وانتقادات جارحه واحيانا ما لها اساس ؟ ؟ وهذا ما اعارض انه كل لاعب مر بفتره زي كذا وسامي الجابر نفسه مر فيها ونواف كما اثبت سامي نفسه اثبت نواف نفسه مره اخرى وخاصة انه كان هو المحبوب الاول للجماهير ؟ اتمنى التفاعل جد لاني احس ان هذا موضوع يفيد نواف خاصه انه هو اكثر واحد يتابع المنتديات من الاعبين واتمنى الردود تكون عقلانيه تقبلو تحياتي |
يالغالي نواف رجع لبعض مستواه وان شاءالله افضل وافضل ومثل هالمواضيع تشتت اللاعبين وانا اشوف بعد المباراة تفاهم وتناقشو بهالمواضيع |
إقتباس:
إقتباس:
إقتباس:
ولا كان القصد تشتيته بس انه يعرف سلبياته ايجابياته بطريقه حلوه وبنقاش يكون حتى هو نفسه يستفيد منه القصد دايم الرقي بالهلال وبمستويات لاعبيه وبتفكير جمهوره |
الكبير كبير ابوبندر كبير باخلاقه وكبير بلعبه وكبير بقيادته للدفه الزرقاء وسبب انخفاض مستوى نواف هي الاصابه ولكن ولله الحمد نواف قادم ونحن معه قادمون ومشكور |
نواف المباراه الاخيره مع الوحده من وجهه نظري قدم مباراه رائعه بس لازال نواف لديه الكثير ولم يقدم كل ماعنده بالتوفيق لنواف بالمباراه القادمه مع الوحده ولجميع لاعبين الهلال وبأذن الله الفوز والتأهل |
إقتباس:
قاعد يمدح ويهلل لنواف بس الحمد لله يرووح نجم ويجي نجم |
إقتباس:
هو الحمدالله اهم من الهدف رجوع المستوى |
إقتباس:
هو ادى بالشوط الاول افضل لاعب بس اخر الشوط الثاني تغير مستواه مر ر ر ه ومع كذا بالشوط الاول كان رااااااااااائع |
إقتباس:
مشكورين عالردود لا خلا ولا عدم |
نواف لاعب فنان وكبير .. وله وزنه بالفريق بصراحه ما توقعت من هالمستوى الاكثر من رائع .. ما اقول الا الله يبعد عنه الاصابات وطبعا كل شي مقدر ومكتوب لكن عشان ما تكثر اصاباته لا تحتفظ بالكره يا نواف كثير .. إلى الامام |
اقول الله يرجع طارق التايب من الاصابة |
إقتباس:
اميييييييين وان شاء الله ما يصير زي ماصار بالنهائي لمن صجيتو الكل به وبالاخير المستوى الطايح اللي هو نتيجه تهميش باقي الاعبين والحمدالله طارق التايب لاعب ممتاز وهذي وجهة نظرك ووجهة نظري نواف افضل بمراااحل التايب استعراض نواف كرات اهداف بس نواف اذا لعب وبعد نزول مستواه صرنا ما نشوفه الا بكوره او كورتين بس كور تكون صح والحمدالله رجع مستواه بدورة الخليج وشفتو مين صار صانع الاهداف الفعلي بالفريق بوجود طارق التايب طبعا موجود عندنا الشلهوب وموجود نواف بالنسبه لي هم الافضل ومستواهم جدا رائع غير باخر مباراة ويمكن نقول عشان الرطوبه !!!!! |
إقتباس:
فهمت قصدي ومن جد عاب على نواف هالنقطه بقوه بالشوط الثاني مفروض انك تستعمل مهارتك العاليه بدون ما تحتفظ بالكوره كثير |
مشكلة نواف ليست فنية مشكلة نواف نفسيا |
إقتباس:
كلامك عين الصواب نواف تخطى مشكلة الاصابه من فتره ! ومشكلة الجمهور تبي نواف يلعب زي قبل افضل لاعب وتبيه كامل !! ما تعرف ان الاعب يحتاج لرفعه معنويه ولو نواف مو واثق بنفسه كان ممكن انهى نفسه بس نواف كبيـــــــــــــر واتعب وانا اقول كبير بس الحين الله يحرسه من العيــــــن مفروض يقرا المعوذات قبل كل مباراة وقبل لا ينام وبكل وقت لانه بجد لاعب مو عادي وانا من قبلك انبح صووتي وانا احاول افهمهم نواف يحتاج وقفه صادقه زي ماهو متعود واللي فيه كافيه حتى بالمبااريات كان باين انه خايف يلمس الكوره لو ترجع للسنه اللي فااتت والله باين انها نفسيه بقوه |
| الوقت المعتمد في المنتدى بتوقيت جرينتش +3.
الوقت الان » 03:16 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd