الموسم الثالث من مسلسل Prison Break ][ رابط مباشر + مترجم + جودة عالية ][ - صفحة رقم 5 - نادي الهلال السعودي - شبكة الزعيم

ديـك الـجن · #1 18/09/2007, 08:25 PM

ممكن رابط Rapidshare ??

leo messi · #2 18/09/2007, 08:38 PM

يالربع اسمعو

صلوا على النبي واسمعوني طلبتكم

اولا : ابي لي واحد فاضي يعلمني السالفه حق المسلسل كل ابوها

ثانيا : المشكله الكبرى

قبل شهر حملت برنامج التسريع التحميل المهم بعد شهر

وقف التحميل كل ماجيت ابي احمل مقطع يقول : لم تقم بتسجيل الخروج منذ 15 يوم

ولا اقدر احمل الحين اي مقطع تكفون وش السالفه

اللي عنده حل يعلمنا

عشان نشوف بريزونكم ذا

.

الـمـشـاغـب · #3 18/09/2007, 09:03 PM

^
^
إذا ما شفت هالمسلسل لعاد تشوف شي

أفضل مسلسل عالمي شفته في حياتي .. كله أكشن .. مو من أول حلقة لآخر حلقة بس .. إلا من أول دقيقة لآخر دقيقة في كل

حلقة ..!!

إذا تقابلنا يا ميسي بأنسخه لك في سيديهات وأعطيك إياه كامل الجزأين مترجم ..!!

قصة المسلسل روعة ... تخيل 2 أخوان يواجهون الحكومة الأمريكية بكبرها ويهربون من أصعب المواقف والسجون..!!

والله لو هم عاد بن لادن والظواهري

بس رووووووعة لا يفوتك المسلسل يالخبل

-------------------

صاحب الموضوع وانسان هلالي .. الله يعطيكم ألف عافية ولا هنتوا يالغالين ..!!

انسان هلالي الظاهر أننا بنعطيك لقب : ملك التورنت .. ما شاء الله عليك..!!

عبث طفلة · #4 18/09/2007, 09:16 PM

^^^^^^^^^^^^^^^^^^^^^^^^
اللهم صلي وسلم على محمد...

بطل المسلسل مايكل سكوفيلد مهندس معماري وأخوه لينك متهم بقتل اخو نائبة رئيس الولايات المتحده وحكموا عليه بالأعدام ومايكل يدري ان اخوه برئ فيقوم بسرقة بنك عشان يدخل السجن وكان مايكل راسم وشم على جسمه وهو مخطط السجن عشان ينحاش هو وأخوه هذي السالفه باختصار تقريبا هذي الاحداث اول حلقه وباقي السيزون مشاكل وأكشنات وحركتات في السجن وحب <<يحب سويره دختورته

مسلسل خراااااااااافي

ماقد شفت زيه ياخي من عقبه طلقت كل المسلسلات العربيه

<<اللي يشوف مسلسلاتناالخليجيه كلها صياح ونياح وأفلام هنديه

والمسلسلات المصريه قرقره وبربره على غير سنع يصكون راس الواحد من كثر هذرهم

والمشكله حقتك اذا كنت تقصد برنامجinternet download manager صارت لي نفس مشكلتك والظاهر انهم يطلبون منك فلوس عشان يتم تسجيلك لأن هي فتره تجريبيه
(على ماأظن يعني مو متأكده)لأن اذا تم تسجيلك يكون لك صلاحيات كويسه يعني سرعة التحميل تكون مضاعفه بالنسبه للأول وخوفا على كمبيوتري اللي بغوا يعفسونه فوق تحت

مسحت البرنامج كله وعطاني ولد خالي الحلقات كلها الله يعافيه ويجزاه خير مايقصر وأنا أخته

عساني اكون أفدتك اخوي ليو ميسي......

الـمـشـاغـب · #5 18/09/2007, 09:30 PM

ميسي .. بالنسبة للبرنامج ..!

الحل بسيط وأنا أخوك .. حمل الكراك حق البرنامج وتراه موجود بالمنتدى وثبته . ويصير معك البرنامج شغال 100%

هذا إذا كانت النسخة حق البرنامج هي نفسها اللي ببالي..!!

أما إذا كانت النسخة غير .. فلا يهمك بأرسل لك الكراك بالماسنجر..!!

بس موب الحين .. خلك من البرنامج والخرابيط هذي وتعال خلنا ندربكم شوي على الخطط العلمية المدروسة

عندكم مباراة اليوم لا تنسون باقي ساعات معدودة

leo messi · #6 18/09/2007, 09:33 PM

^
^
^

هلالي2008 · #7 18/09/2007, 09:53 PM

//

حسبـي الله ونعـم الوكيـل

..

الحلقـه نزلـت وكلـّن نزلهـا وأنـا أتفـرّج بسبـّة هالاتصـالات

..

ع فكـره .. راعيـن التورنـت اتركـوا عنكـم مينينوفـا وطقتـه .. وسجلـوا بتراكـر خـاص وريحـوا أعمـاركم ..

\\

dj.hilali · #8 18/09/2007, 10:06 PM

تسلم على الخبر وانا من عشاق هذا المسلسل؛؛

أبـوكـــادي · #9 19/09/2007, 01:05 AM

هنا فقط للمشاهدة
جميع الأجزاء
بما فيها الحلقة الأولى للجزء الثالث والذي ابتدا ليلة أمس
http://www.tv-links.co.uk/listings/1/70
مشاهدة ممتعه

هلالي في جده · #10 19/09/2007, 02:43 AM

إقتباس


	اولا : ابي لي واحد فاضي يعلمني السالفه حق المسلسل كل ابوها

اخوك دخل السجن وهو مظلوم ومحكوم عليه بالاعـدام .. وانت انسان عبقري

رحت سرقت بنك ودخلت السجن متعمد عشان تخطط للهروب مع اخوك.. و مخطط السجن كامل انت واشمه على جسمـك

..

المهم يعرفون بعض المساجين بموضوع الهروب ويدخلون معاك في الخطه ..

وفي دكتوره اسمها

سـاره

تشتغل في مستوصف السجن تبي تقابلها وتحبك وتحبها << تخســي

وهي رح تسـاعدكم في الهروب [ يالبى قلبهـا بـس ]

.. << المسلسل كله كوم وسارونه كوم

الجزء الثـاني يبـدأ بعد هروبهم من السجن بـ 8 سـاعات .. وطول الجزء هذا وهم يهربون من الشرطه .. !!

المهم لا يفوتك اطلق مسلسل في التـاريخ .. ان شفته بتنـدم على انك ضيعت وقتك في افلام ومسلسلات ثـانيه .. ولا عـاد بيملـى عينك اي شي ثـاني من بعـد بريزون بريك

يمكـن تشوف الـ 44 حلقـه في اقل من اسبوع وتحط صورة المسلسل في توقيعـك ويجيـك ( أرق في النوم ) مثلي

الله يعينــك

..

بخصوص التحميل قلــق والله .. اشتري المسلسل الجزئين كامل ومترجم بـ 120 ريال ( ياا بلاش

) و120 قليله في حقه مفروض اقل 1000 ريال للجزء الواحـد

او انتظـر [ سلطان ] ينسخـه لـكـ .. !