"باللهجة العامية" السوقية يعني/ تحليل مباراة الهلال و الوحدة
 

تحية طيبة . . . وبعد / نادي الوحدة بيدخل المباراة مثل العراق مرتاع من الأسامي الثقيلة في زعيمنا الأزرق مثل , ياسر , التمياط , ابوعزيز , وباقي شلقة النجوم وتعرفون إذا حشرت البس في زاوية أكلك , يعني الوحدة بيدخل المباراة ياتطرحني يا بطرحك حربشة وإستفزاز خصوصا المباراة على ارضهم والرطوبة بتفزع لهم على حبيبنا الزعيم اما زعيمنا الغالي بيدخل المباراة مرتكي على كوكبة النجوم وحاسب حساب ان هالمباراة شوط أول والثاني بحي الروضة بالرياض مادروا ان البسوس عفوا نادي الوحدة يبي يكلبش ياسر بالمراقبة اللي ارجو ان ياسر يفهمها ويتراجع عشان يسحب دفاعهم ويفتح مجال للتمياط والشلهوب والصويلح ,, هذا وسوف يتكتل الوحدة في منطقة الدفاع ويخلي ابومطر يدز فالمرتدات اللي ارجو من المدرب ان يسكر علية الجهة اليمنى لايمرشنا بواحد مثل حق دورة الخليج لأنة في هالجهة يطلع ولد بس باليسرى يصير خروف .. هذا وقد إنتهى تحليلي وتقبلو أجمل التحايا وشكرا على المرور ..

ماقصرت وتقبل مروري

الله لو انك تفكنا من هالتحاليل
ههههههههههههه

وربي انك حادرن لك شعيب
وما طرى علي الا الهريفي وهو يحلل
يطرح ذا ويخبط ذا
ههههههههههههههههههههه


المهم تسلم على التحليل الأكثر من رائع
وبالتوفيق للهلال ان شاء الله

اذا انتهى الشوط الاول ولا سجل الوحده ,,, بأذن الله الهلال متأهل

تحليل منطقي...بالعامية >>>>ماقصرت وخوش حتسي

كيف تقول العامية انها هي اللهجة السوقية
في فرق كبير بينهم
والفاهم يعرف
لكن انت تهرف بما لاتعرف

اقول غطيت على المحللين خصوصا المهلل والهريفي ومن على شاكلتهم

وين محي عنك ياخذك بدالهم

دمتم بزعامة

الي فهمته من كلامك ان الهلال يبدء بالهجوم ومافي غير الهجوم

عزيزي حمد الهلالي شكرا على مصطلحاتك "البرجوازية"

عزيزي روحي الوجلة الموضوع كبير ويطول الشرح فية وهذا المنتدى للجمهور الهلالي ولاكن سوف اشرح لك لأني اكتشفت ضحالة عقلك الآن إذا أنت رأيت سياره مع الجنب وسألتك وش تشوف بتقولي بابين وكفرتين ومراية سواق طيب انا اناظر لهذه السيارة بس من قدام أشوف شمعات وشبك وصدام وهي نفس السيارة ماتغيرت يعنى أنا قرأت مصطلحات سوقية وعامية من زاوية اخرى تعديت مرحلتك ووصلت لمرحلة الإجتهاد في موضوع السوقية والعامية