نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى الجمهور الهلالي (http://vb.alhilal.com/forumdisplay.php?f=28)
-   -   تستاهل ماجاك يا خالد عزيز .. وتراك من جد مصختها (http://vb.alhilal.com/showthread.php?t=454294)

ba7ral3sheq 15/09/2007 12:51 PM

إقتباس:

الرسالة الأصلية كتبت بواسطة II 2T II (مشاركة 6218018)
انا ما انكر ان اللاعب خالد عزيز لاعب مبدع

ولكن اللي سواه تصرف مب مسؤول
وأنا اقول ياليتها جت من غيرك يابو عزيز كان أهون :cry:

بس تبون الصراحه
أنا أشوف ان اللاعب السعودي عموما
نور و عزيز وغيره
ماراح تردعه عقوبات الايقاف
تبونه يتوب
مفروض تفرض عليه عقوبات ماليه "كبيره"
وهذا وجهي ان ما شفتوا الانتظام 100%



<< يعني تخيلوا معي لو ان اللاعب تعبان وطفشان
يبي اجازه

طلبها من النادي
وقالوا له معصي ورانـا بطولات وانت ماعندك بديل جاهز

وش بيسوي ياترى !!!!!



أنا ما اتكلم عن خالد عزيز
ولا أتهمه بـسوء النيه و اللـه أعلم وش هي ظروفه
أنا اتكلم عموما


أكيد بيرتكب مخالفه
حتى يتم ايقافه "حتى اشعار اخر"
ويتنعم هو بالاجازه اللي ماحلم فيها
واما الراتب اللي بيتوقف
ماشاء اللـه الخير كثيييير


بـس لو كانت العقوبه ماليه و "كبيره"
أنا اجزم ان المخالفات بتقل بشكل كبير
او يمكن بعـد تنعدم



واسفه على الاطاله وتبقى وجهة نظر


رديت على واحد من الاخوان وقلت
الخوف انه ما تأثر به العقوبات الماليه
خصوصا اذا كان الراتب مو شي قدام الدعم اللي يجيه سواء من شلته من اعضاء الشرف
او من الجهاتالاخرى وانا ابد ما اقصد الدببه

ba7ral3sheq 15/09/2007 12:52 PM

إقتباس:

الرسالة الأصلية كتبت بواسطة فــ الهلال ارس (مشاركة 6218022)
لا لا حرام عليك


خالد عزيز مافيه مثله بالمملكه


وشكرا


اي يهببببببل فديت قلبه !!!!

ba7ral3sheq 15/09/2007 12:54 PM

إقتباس:

الرسالة الأصلية كتبت بواسطة مزاجي الزعيم (مشاركة 6218048)
هالكلام رح اكتبه في منتداك الاصفر لاتجي تنشر عفنك عندناا


اقسم لك بالله انك فشيله انك هلالي
والله العضيم انك من جد فشيله
ان فيه هلالي بهالشكل
بس عاد وش نسوي

ورع وخبل وكل شي فيك

ياخي عيب عليك استح وشوف ردود الناس اللي فوق واللي تحت
وشوف الناس كلهم يعني ماهم هلاليين الا انت بس الهلالي ؟
الظاهر انك انت اللي مانت بهلالي وجاي بس تبي تخرب سمعت الهلاليين
ياشين رح بس العب هناك بعيد

ba7ral3sheq 15/09/2007 12:56 PM

إقتباس:

الرسالة الأصلية كتبت بواسطة ياسر سمي الكاسر (مشاركة 6218064)
ياشاباب العقلانيه وابعدوا عن الانفعال


لا عادي وانا اخوك كل اللي موجودين عقلانيين

وردودهم والله ترفع الراس ان عندنا ناس فاهمه

اما اللي خطم قبل شوي

اعتبره فاصل اعلاني يرفع الضغط وانتهى

ba7ral3sheq 15/09/2007 12:57 PM

إقتباس:

الرسالة الأصلية كتبت بواسطة alzaeem for ever (مشاركة 6218169)
طيب أنا معكـــ ...

بس هل هذه العقوبة إحترافية ..

لا والله همجية بمعنى الكلمة ....

ومزعجينا إحتراف و خخط علمية .....

المفروض اللوائح والعقوبات تصير محترفة بالاول ....

ناديه وش دخله يتعاقب .....

وبعدين الى إشعار آخر ... خذلكـــ إستهبال على كيفكـــ ..

يعني يمكن بكرى و يمكن بعد سنتين ..... ماندري ....

وما أقول إلا الله لا يوفقهم .... و حسبنا الله و نعم الوكيل ..

معك والله يا غالي

ومثل ما قلت لك

خالد اخطى والاتحاد معندك احد


ولكن عاد يوم اننا نعرف ان هذي هي امور الاتحاد ورى ما نعقل ربعنا اللي نقدر عليهم

اما الاتحاد خبرك اكبر مننا ولا نقدر نقول شي

ba7ral3sheq 15/09/2007 12:59 PM

إقتباس:

الرسالة الأصلية كتبت بواسطة سم الهلال (مشاركة 6218273)
هل انت متأكد انك هلالي من 20 سنه !!!!!!!!!!!

لا من 22 سنه فعليا

هماني قايلن لك من اول ا كتبت الموضوع

ولا متنح يا بعدي

ولو بحسب السنين اللي كنت وقتها توني ما عديت ال 7 سنين بقول لك اني من يوم ما انولدت يعني من 30 سنه

بس انا شلت 8 سنين تحسبا يمكن اني وقتها احب الهلال على شانه على لون البيبسي ايام ما كان البيبسي تحت به نقط

ba7ral3sheq 15/09/2007 01:00 PM

إقتباس:

الرسالة الأصلية كتبت بواسطة osamah99 (مشاركة 6218500)
خالد من اهم لاعبين الهلال والمنتخب.. بس ما احترم حبنا له ولا تقديرنا له كنجم .. لذا يجب ان يعاقب


ااكد على كلامك

خالد لاعب مهم

ولكن ياليته قدرنا

ba7ral3sheq 15/09/2007 01:01 PM

إقتباس:

الرسالة الأصلية كتبت بواسطة Saleh Al-Maqbool (مشاركة 6218505)
لأن ( الهلال ) لم ينشر سبب الســفرية الماضية والتي كانت قبل نهائي كأس دوري خادم الحرمين الشرفين

وبما أن الجميع ( ستروا ) عليه فقد كررها لأنهم مراح يقولون ماذا حدث فعلاً

عموماً يستحق الايقاف بغض النظر عن السبب .

تحياتي

اتمنى ان هالمره تغير فكر خالد عزيز

يعطيك العافيه عمي

ba7ral3sheq 15/09/2007 01:04 PM

إقتباس:

الرسالة الأصلية كتبت بواسطة الهلال السهم القيادي (مشاركة 6218741)
يا خوي احنا ما ننكر ان خالد عزيز غلط ،،،

لاكن نبي عقابه يصير زي غيره ، ،،

ياخي محمد نور وهي قضية تزوير مخلينه يشارك مع الإتحاد في البطوله العربيه الموسم الماضي وهو موقف محلياً مع الإتحاد و موقف مع المنتخب ،،،

و غيره وغيره و غيره و هذا على سبيل المثال لا الحصر ،،،

حنا كل الي نطالب فيه العدل بس


مثل ما قلت لك بردودي

ان اتحادنا معندك احد

بس الله يعين ويوفق

وخالد ان شاء الله هالمره عاد يوقف عند حده ويحترم الجميع


والله يوفق الهلال بالفتره الجايه

واتمنى ان هالمواضيع ما تأثر على الهلال سلبا

واتمنى ان اللاعبين يصفون اذهانهم ويركزون على اللي جاي

لانه بالفعل المباريات اجايه مهمه جدا جدا جدا

وقد تكون بالنسبه لي من اهم مباريات الهلال في تاريخه
وانا اقصد من الضروري جدا اننا ناخذ هالكاس وهالمره بالتحديد

لاننا اكيد راح نسوي اقوى وافضل من اللي سووه اسلافنا

ALZa3eEm 3AmaHoM 15/09/2007 01:19 PM

خطأه لا يستحق هذه العقوبة

mo7amy 15/09/2007 01:23 PM

طيب عنده الرجال اعذار

الشااامخه 15/09/2007 01:34 PM

نحن الهلاليين نبي العدل اللاعب اخطأ بس نبي العقاب مثله مثل غيره ’’’

بس مانقول الا حسبي الله ونعم الوكيل ’’’

الله لايوفق اللي كان السبب ’’’

ba7ral3sheq 15/09/2007 05:15 PM

إقتباس:

الرسالة الأصلية كتبت بواسطة ALZa3eEm 3AmaHoM (مشاركة 6218882)
خطأه لا يستحق هذه العقوبة


لا شوف هالعقوبه يمكن تكون حدها شهر او يمكن يومين اسبوع

الى حد الان ما ندري

يمكن بس الى ما تنتهي مباراة الهلال ويمكن لا

على العموم هو يستاهل اقسى عقوبه

بكل امانه المفترض انه يوقف ويعتمد ايقافه مو ايقافاتنا اللي احنا نعرفها
نوقف اليوم وبكره يتم العفو

وهذا اللي يقهر

ba7ral3sheq 15/09/2007 05:16 PM

إقتباس:

الرسالة الأصلية كتبت بواسطة mo7amy (مشاركة 6218901)
طيب عنده الرجال اعذار

وش عذره ؟
طيب ليه مقفل جواله ؟
هذا عذر والاعذار ممكن تكون صح وممكن تلفيق

انا ما ابي اكذب الرجال او افتري عليه

ولكن ياخي خالد ممصخها علومه واجد قبل هالسالفه

ba7ral3sheq 15/09/2007 05:18 PM

إقتباس:

الرسالة الأصلية كتبت بواسطة الشااامخه (مشاركة 6218960)
نحن الهلاليين نبي العدل اللاعب اخطأ بس نبي العقاب مثله مثل غيره ’’’


بس مانقول الا حسبي الله ونعم الوكيل ’’’


الله لايوفق اللي كان السبب ’’’


يا بنت الحلال الاتحاد عندنا انواع التخبطات

ماعندهم ما عند هم شي

على المزاج

واصلا اتحاد ماهو مرتب

زيه زي اي شي حكومي

معاملات وصادر ووارد

وكراسي ياكلون من وراها ناس عيش

وهمهم الاول والاخير انهم يمشون رواتبهم من الدوله

والشاهي الله لا يخسر الدوله على حسابها

وتجمعات وقلق بذا الدوام

ولا احد يفكر للتطير ولا للفائده

مير ربنا ييسرها من عنده


الوقت المعتمد في المنتدى بتوقيت جرينتش +3.
الوقت الان » 03:06 PM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd