خالد عزيز : سأرحل من الهـلال إذا رحل محمد بن فيصل ..
 

بسم الله الرحمن الرحيم ..

اولاً .. كل عام وانتم بخير .. ومبارك علينا وعليكم الشهر ..

ثانياً .. يشهد الله على كل كلمه بقولها وانا صايم .. وكل واحد يقرا هالموضوع يتأكد ان الكلام اللي بنقله لكم حصل فعلا والله على ما اقول شهيد ..

احد أقاربي قابل خالد عزيز شخصيا ... وكان قريبي مايتطمن لوضع خالد عزيز مع الهلال .. يعني متوقع بأي لحظه إنه بينتقل ..

سأله قريبي : خالد بتروح من الهلال ..
خالد : إيه بروح ..
مره ثانيه يسأله نفس السؤال ..

خالد : إيه بروح من الهلال وشفيك منت مصدق ..

قريبي قاله شكرا ومشى ..

خالد : تعال تعال وشفيك صدقت ترا أمزح .. بس بقولك حاجه .. إذا ترك محمد بن فيصل رئاسه الهلال .. يمكن انتقل من الهلال ..

<< ترا قال يمكن .. وهذا مايمنع انه يفكر بالانتقال ..

هذا الكلام حصل من حوالي سنه .. وانا ماحبيت انقله لكم فوقتها لانه ماكانت في بوادر تشير انه بينتقل من النادي ..

ومالها داعي اثير موضوع ماله أي بوادر تشير على صحته ..

يا اخوان الهدف من الموضوع .. انه الاعب ماله أمان .. يعني بالعقل لهالدرجه هو غبي يطلع من معسكر المنتخب ..

انا ما اقول ان الاعب كذب لما قال زوجتي تعبانه .. لكن في أشياء تثير التساؤل .. مثل انه يطلع من دون مايعطي خبر وفوق ذا كله مايرد على جواله .. طيب رد واعطيهم خبر قل انك مع زوجتك وطلعت من المعسكر ..

لكن انك ماتجي الا ثاني يوم !!!

طلع من معسكر الهلال .. وحرم من المكافأه واللعب فالمباراه النهائيه .. وحرم من الزياده فمقدم العقد ..

والحين معسكر المنتخب .. يعني الرئيس العام ونائبه هم المسؤولين عن اي شي يحدث فيه ..

بصراحه أقولها .انا اشك فالاعب خاصة انه سوى هالحركه فآخر سنه من الفتره الرئاسيه لمحمد بن فيصل .. وربطي لكلام الاعب مع قريبي وهروبه في هالوقت هو اللي خلاني أشك ..


السـؤال : هل تتوقع إن اللي حصل مؤامره على النادي من أطراف خارجيه (( تعرفون مين أقصد )) عشان يمنعون النادي من خدماته .. ويوقف الى نهاية السنه ومن ثم ينتقل إلى ناديهــم . ؟!!

أتمنى شيء واحد من محمد بن فيصل .. انه لايترك الرئاسه الا وهو مجدد لأغلب الاعبين اللي اوشكت عقودهم على الانتهاء ..

فالأخير الكوره مصدر رزق لهؤلاء الاعبين .. خميس والدوخي للاتحاد .. خالد مسعد والسويد وطلال المشعل للاتحاد ..

ياخوفـي عزيز يلحقهــم !!

بالتوفيق لـ للهلال

لازم نتعض من اللي صار لخميس العويران قبل كذا

طيب إذا كان ناوي ينتقل من النادي يروح ينحاش من معسكر المنتخب , يعني ما يقدر ينتقل من الهلال ألا إذا انحاش من المعسكر ؟؟؟!!!!!!!!!!!!

أخوي انا فآخر الموضوع سألت سؤال .. هل تتوقع انه هناك مؤامره على النادي ؟؟

يعني لازم يخربون العلاقه بين الاعب والنادي من خلال الهروب من المعسكر .. وكل ذلك بسبب إستهتار الاعب .. وهنا تخرب العلاقه بين الاعب والنادي .. وتتسهل إجراءات انتقاله .. وفوق ذا كله .. يحرمون الهلال من خدماته ..

وهذا كله بيكون عذر الاعب لو انتقل .. << انه خربت العلاقه بينه وبين النادي ..

وبكذا هم المستفيدين .. لانه يكرهون الهلال ويحاولون تعثيره في مشواره الآسيوي ..

مشكووووووووووووور

والله اني خايف من هالدب البلوي.....

الله يستر يا اخوان

يا ليت نركز على الموجودين ونترك عزيز

طيب ليش اللي تقول انهم ورا تصرفات عزيز اللي ماتنفهم ماحاولو مع ياسر اكيد اذا نجحوا مع ياسر فهذا اللي يضر الزعيم من جد .. تدري ليش ؟
لأن مخ عزيز تربه خصبه لتقبل المؤمرات اللي تحاك ضد الزعيم ..:(
ياليت عزيز ياخذ ( 1% ) من أخلاص رفيقه بالخانة حبيب القلب عمر الغامدي