سبورت الكاتلونية (برشلونه تنازل عن شنايدر لمصلحة الريال وسهل انتقال درينثي (((( قوية)))) - صفحة رقم 5 - نادي الهلال السعودي - شبكة الزعيم

S U L A I M A N · #61 11/09/2007, 10:05 PM

إقتباس


	بعدين صراحة انا اول مرة اسمع ان الريال كان يبي هنري هالسنة !!

المقصود ان ادارة مدريد حاولت بشتى الطرق تحصل على هنري .. لكن الأخير صرح انه ماراح يطلع من الأرسنال لين ماينتهي عقده .. وجاء للبارسا بعدها بكم سنه قبل ينتهي عقده

..

إقتباس


	والريال سياسته الحالية وخصوصاً هذا الصيف تعارض عقد صفقة مع لاعب كبير في السن مثل هنري !

اعتقد ان أي مشجع لاي نادي بالعالم لو تساله عن رايه بقدوم هنري لفريقه راح يوافق وبشده .. ومن بينهم عشاق مدريد بطبيعة الحال .. لأنه بكل بساطه هنري غير

..

الا اذا كنت عتقد ان نستلروي أفضل من هنري هذا شي ثاني ورأي لازم نحترمه

..

إقتباس


	وموضوع ديرنثي للأسف هو كان مطلب من السبورت بدون ماتركز عليه الادارة وحاولت تلمح للادارة وشبعت وهي تنصب على الناس

مجلة أخذت من الشهره الشيء الكثير .. ووصلت شعبيتها العالم كله .. تنصب على الناس !! قلناها مرارا وتكرارا والشي هذا صار معروف الحين اعتقد .. السبورت كل الي سوته انها نقلت كلام على لسان مدير اعمال الاعب من موقع فينورد الرسمي .. ليش ماتكلمت على موقع فينورد طيب !

إقتباس


	والموضوع ومافيه ان بروفايل اللاعب كان مكتوب فيه النادي المفضل برشلونة خليتووه صرح وقال أتمنى اللعب لـ برشلونة !! فرق كبير بين التصريحين .. !

هذا يسمى تحريف حقائق ياياسر

.. جديده سالفة البروفايل هذي ! .. على العموم ماراح ادقق كثير .. لكن التصريح طلع على لسان وكيل اعماله .. ذا بتسأل وكيل أعماله ممكن .. واذا أيضا ماتصدق موقع رسمي لنادي فينورد فـ هذي مشكلتك .. وأنت حر تصدق ولا لأ ..

إقتباس


	وانا مايهمني كلام الجرايد بقدر تصرفات اللاعب نفسه .. وصف الريال بالأفضل على مستوى العالم .. ورفع قضية على ناديه !!

تتوقع بعد ماوقع عقد احترافي مع الريال .. بيقول ان برشلونة احسن شي ومافيه نادي مثلهم ؟

ترى موتا بعد ماطلع من برشلونة وراح للأتلتكو قال انهم أعظم فريق .. او شي من هالقبيل

.. هل معنى هالكلام انهم فعلا أعظم فريق ؟ مع احترامي لنادي مايوركا طبعا وعشاقه ..

إقتباس


	شلون من كل النواحي ! المقارنة تصير ظالمة كذا لانك تبي تقارنه مع 4 لاعبين مراكزهم مو متشابهة !!

ياسر .. ماش ماخشت مزاجي ان شنايدر أفضل من الأربعه الي ذكرتهم ! .. بغض النظر عن مراكزهم .. لكنك تتكلم عن أساطير يا ياسر .. هذا من ناحية .. من ناحية ثانيه شنايدير لاعب محور مهب زي الباقين .. يعني صعبه تقارن محور بـ مهاجم مثلا ! من ناحية ثانيه .. ترى الي تتكلم عنهم هم هنري وروني وايتو وميسي !!

إقتباس


	بس يقولون مستواه لايؤهله للعب في فريق بـ حجم البارسا وهم يمتلكون لاعبين من طينة الفذ اوليقير

ياسر .. ألقوير دفاع .. ! بغض النظر هل هو كويس ولا قبيح .. لكن تراه دفاع مهب محور تروح تقارن لي كل شوي بألقوير !! بس اذا على الاعبين الي مايستاهلون يلبسون فنيلة برشلونة فـ مادري هل نسيت سلقادو ولا هقيرا ولا بافون ولا ولا ولا

! ..

إقتباس


	الموضوع بيصير مضحك .. ولا انت شرايك

ذكرت شي بهالخصوص في ردي السابق .. اذا بتناقش ياياسر ناقش باحترام رجاء .. اذا ماتبي مو مشكله نحرر ردودك الجايه وانتهى الموضوع .. لكن ماراح نسوي كذا .. لانك حتى اذا ماسويت كذا الشكوى لله .. هذي طبيعتك يعني وحنا ملزومين نمشيها .. لكن تأكد انه مهب دايم نمشيها يالغالي

.. ياليت يكون فيه احترام للطرف الآخر ياياسر .. دايم ألاحظ ان ردودك من هالنوعيه ! وهذا مايعني انك دائما تتهرب من الوقوع أمام الحقائق للأسف ..

...................

إقتباس


	لانه بإختصار لا يستطيعون أن يدفعوا ما تدفعه مدريد ,, وزي ما يقولون كل واحد يمد رجله على قد لحاافه

كلام سليم .. لكن ليش مانقول ان الي عندنا كافينا أيضا ! .. هذا من ناحية .. من ناحية ثانية المقصود هنا يا عبد الحكيم الاعبين الي يلعبون حاليا مع الريال .. مهب الي نتنافس معهم في صفقاتهم

..

إقتباس


	حتى بيكهام قالوا أنه برشلوني وفجأة لقيناهـ كاشخ مع فلورنتينو يخلق من الشبه أربعين

بيكهام قالوا انه بين الريال والبارسا .. بس ماوصلت انهم يقولون انه خلاص برشلوني .. أو انهم يلبسونه فنيلة برشلونة

إقتباس


	صحيح أنهم جابوهـ بس بعد ما لم يعد ضمن خطط مدريد ,, سياسة مدريد حالياً جلب الشباب وليس المستهلكين ,, * ترى ما اقصد هنري

جلب الشباب وراؤول معشش بالهجوم ! وجلب كانافورو ! .. الدكه كلها شيبان ياحكيم طيب !

أما من ناحية هنري فـ وجهة نظرك تقول انه لاعب عادي الحين .. تبقى وجهة نظر

..

إقتباس


	لا كالديرون لم يصرح بهذا الشىء و لو تحب اجيبلك خبر على لسان أحد المسؤلين في البيت الابيض ينفي أي محادثات مع ميسي انا تحت امرك يا باشا اعتقد ان المسأله حرب صحفية كل طرف يحاول اختلاق ما يضر بالاخر ,,

سمعناها أكثر من مره يا عبد الحكيم .. الا هالشغله ماحد يقدر ينكرها .. وشخصيا أذكر قريت خبر على لسان كالديرون يتمنى فيه ميسي .. لكن اعتقد اعتقاد جزئي ان هالكلام كان على لسان بيريز .. أهم شي رئيس للريال ..

اما بالنسبة للحرب الصحفية .. طيب ليش ماقالت صحفنا اننا نبي مثلا ريس ولا أي لاعن عندكم ! .. الا عاد اذا كانت صحفكم تؤول كلام على لسان رؤسائكم هذا عاد شي ثاني وماوصلت هالامور عندنا

..

إقتباس


	عزيزي سليمان موضوع تشيفو يختلف عن باقي اللاعبين لان رغبة اللاعب كانت البقاء في ايطاليا ,, مياتو اتفق مع ادارة روما و مدير اعمال الاعب ولم يبقى الا اللاعب الى ماطل الى ان تم صرف النظر عنه وجلب بيبي

رغبة الاعب بالأساس كانت برشلونية .. والانتر دخل على الخط .. بعدها دخل الريال .. اما مياتو فـ الأخبار الي قريناها ( حسب صحفكم ) انهم خلاص اتفقوا مع الاداره وانه تقريبا مدريدي .. لكن الاعب قال اذا بطلع من ايطاليا بروح برشلونة ! .. بعدها بعد ماطلع الناديين من الصفقه .. أو بالاحرى كل النوادي بسبب مماطلة ادارة نادي روما .. وبدأ النادي بالبحث عن البديل .. وقع الاختيار بين تشيفو وميليتو .. ( بعدها ردعت ادارة روما للبارسا وفاوضوهم حول الاعب ونقصوا من القيمه .. لكن الراتب كان عالي .. وعندها طلبت الاداره الاختيار بين الاعبين .. واختار ميليتو لسبب لانعلمه .. وللمعلوميه .. سعر ميليتو أعلى من تشيفو بكم مليون .. لكن المشكله الأساسيه بـ راتب تشيفو ..

كلامي هذا ماجاء من فراغ .. بل جاء من خلال متابعني الدقيقه حول قضية تشيفو .. وأعتقد الأغلبيه هنا تتذكر الموضوع الذي افتتحته حينها حول متابعة اخبار تشيفو اولا بأول .. وكنت اجمع المصادر من جل حدب وصوب ..

..

....

إقتباس


	صدقني عزيزي سليمان أن الاختلاف في الاراء لا ولن يفسد للود قضية ,, كلنا اخوة والى يجمعنا اكبر > من برشا و مدريد نلتقي لنرتقي ,,

على راسي والله حكيم .. وصدقني ماطلع هالكلام عن بالي أبد .. حتى وأنا اتناقش معكم .. ويشهد ربي انه كان نقاش كله ود ومابيني وبينكم أي شي .. بالعكس .. أحس بوناسه اذا تناقشت مع احد .. في حدود الادب ..

.....................

إقتباس


	اعتقد هالصوره تكفي

!!!

يعني صوره لـ بيكهام في لباس برشلونة صار تاكيد على انه كان قريب من البارسا ! عجيب والله !

النادي مايبدا يطبع فنايل الاعب الجديد الا بعد مايوقع رسمي مع الفريق ترى ..

Y A S E R · #62 11/09/2007, 11:28 PM

الشاهد في موضوع هنري .. ان البارسا ماخطفه من الريال مثل مايتوهم البعض

الريال هالسنة تحديداً يدوَر لاعبين وفق معدل أعمار معيَن وهنري خارج هذه القائمة ..

وبالنسبة لمقارنتك بين هنري ونيستلروي انا اشوف ان المقارنة بينهم صعبة لاختلاف المراكز

نيستلروي راس حربة صريح .. وهنري يميل للعب في الأطراف

ولكن كـ هداف لايعلى على نيستلروي مع كامل الاحترام لـ هنري المتفوق في جوانب أخرى ..

صراحة منطقك في تبرئة ساحة السبورت عجيب .. يعني جريدة واسعة الانتشار خلاص يعني ماتنصب !!

الآس واسعة الانتشار وكثيرة الفقش أيضا

مشكلتكم مصورين لاعبينكم احسن شي وناديكم احسن شي ورئيسكم احسن شي وصحافتكم احسن شي

ومسؤول العلاج الطبيعي بعد أحسن شي !!

بعدين كل شوي والثاني تقولون لي اوليقير دفاع ترا ادري والله

واعرف انه بطل قومي

بس انا ماقارنت بالمراكز .. انا كان تعليقي على الخبر اللي يقول شنايدر كـ لاعب لم يصل إلى المستوى اللي يسمح له بتمثيل البارسا

وفي المقابل نشوف لاعبين كثير داجين في صفوف الفريق !!

وبالنسبة لـ تحرير الردود انا ماغلطت على أحد شخصياً وكان كلامي وجهة نظر في صحيفة انا اشوفها سخيفة

مادري وين المشكلة !!

على الاقل لم اتطرق لـ عقليات الأعضاء كما فعل البعض وتم التغاضي عنه !!

ماتوقع فيه مقارنة بين شخص ينتقد صحيفة وشخص يستخف بالأعضاء في شخصهم الكريم !!

وان كانك تبي تحرر ترا تمون .. لا تشاور وانا اخوك

وبالنسبة لموضوع البروفايل انا متأكد منه 100% .. وبانتظار جلب تصريح ديرنثي لـ موقع فينورد الرسمي

اللي قال فيه اتمنى اللعب لـ برشلونة !!!!

ريال 20 مدريد · #63 11/09/2007, 11:43 PM

انا اكره برشلونة

NayeF.FC · #64 12/09/2007, 12:07 AM

بدون أن أدخل في النقاش

اكتشفت ان هنري مسوي أزمه كبيره لـ عشاق الريال

Y A S E R · #65 12/09/2007, 12:21 AM

إقتباس

الرسالة الأصلية كتبت بواسطة NayeF.FC


	بدون أن أدخل في النقاش اكتشفت ان هنري مسوي أزمه كبيره لـ عشاق الريال

وهذا الاكتشاف الخطير مبني على ايش !!

السالفة ومافيها حنا مانقبل اسم نادينا ينحشر في كل صفقة .. !

واللي شفته ان البعض للأسف مقتنع ان برشلونة جلب هنري بعد منافسة مع الريال

وحبينا نوضح الحقائق فقط ... !

معقولة الريال كان يفاوض هنري هالسنة وجمهوره آخر من يعلم !!

انا اكتشفت بعد ان الدنيا فيها عجائب وغرائب

Hala Madrid · #66 12/09/2007, 12:34 AM

إقتباس

الرسالة الأصلية كتبت بواسطة NayeF.FC


	بدون أن أدخل في النقاش اكتشفت ان هنري مسوي أزمه كبيره لـ عشاق الريال

ايه صح كلامك سليم 100%

حنا متخوفين من لاعب ما سجل ولا هدف رسمي مع فريقه , الى صح تذكرت مسجل هدف على فريق صيني

وينا ووين الخوف منه ,يعني هنري الحين بيلعب ضد ريال مدريد بكل المباريات مباراتين وتخب <<< هذا اذا ما كان فيه اصابه اللهم لا شماته

المره الثانيه لا تكتشف غلط

AC_MadriD_UTD · #67 12/09/2007, 03:11 AM

إقتباس

الرسالة الأصلية كتبت بواسطة C a T a L o O n Y


	وعليكم السلام ورحمه الله وبركاته ..

إقتباس

الرسالة الأصلية كتبت بواسطة C a T a L o O n Y


	هلا بك يالغالي .. شي طبيعي بانه لعب لما ينتقل لنادي يقوم بمدحه ومن هذا القبيل .. وليس شيء غريب على اللاعبين .. واذا كان جناح ايسر تبيه يلعب بدال رونالدينيو !! اعتقد من المستحيل قدومه !!ِِ برشلونة لو كان يريد التعاقد معه سيتعاقد معه ليكون ظهير ايسر .. اما باقي المراكز مليئه بالنجوم ولايوجد بها نقص .. دوس سانتوس وميسي و رونالدو كم كانت اعمارهم ؟! ودوس سانتوس و ميسي منذ متى مع برشلونة ؟! اعتقد المسأله مختلفه .. اتمنى تكون الفكره وصلت ياعزيزي ..

درينثي صرّح قبل فترة أنه ما يلعب ظهير ، وإذا كان عارف إنه بيكون احتياط ، ليش يتمنّى

النادي ، زي ما ذكر أحد الاخوان البرشلونيين هنا أنه رفع قضيّة ليلعب أساسي في أحد أندية

أوروبّا الكبيرة ، على العموم ما تفرق معي اللاعب معنا الحين وأكيد إّه راح يبذل مجهوده لخدمة الفريق

النقطة الأخيرة ما وضحت لي ، يا ليت توضّحها

إقتباس

الرسالة الأصلية كتبت بواسطة S U L A I M A N


	ولما شاف عرض الريال المغري جدا اكيد راح ينتقل لهم .. وراح يقاضي ادارة ناديه بعد اذا رفضوا .. لانه وبكل بساطه هذا مستقبله .. وماراح ينتظر برشلونة لين مايناظرون له ..

إقتباس

الرسالة الأصلية كتبت بواسطة S U L A I M A N

يعني تنكر إن برشلونة عرض تقريباً 12 مليون يورو لضمّ درينثي ، والمصدر طبعا السبورت

طيّب إذا صار برشلوني ليش ما انتقل لتشيلسي خصوصاً بعد انسحاب الريال من الصفقة ، قبل العودة

إليها مجدّداً

إقتباس


	ريكارد أبدى اعجابه باللاعب .. وين المشكله ! .. هذا من ناحية .. من ناحية ثانيه يعني تتوقع شنايدر أفضل من زافي او ديكو ! من ناحيتي ما اتوقع يالغالي ..

استغر الله العظيم بس ... وين المشكلة !!! تقول ما فيه مسؤول برشلوني تمنّى لاعب مدريدي أبداً

ويوم جبنا الخبر تقول وين المشكلة ، وتروح تقارن بينهم !!!

ريكارد قال بالحرف الواحد " سنايدر لاعب يتمنّاه أي مدرب " <== وش رأيك ، إلا إذا ما كنت

تعتبر ريكارد مدرّب فأنا أتفق معك في هذي

رأيي حول الأفضليه أحتقظ في لنفسي لأني برتغالي مدريدي

إقتباس


	أزيدك من الشعر بيت .. مفاوضات لابورتا قبل كاس العالم الماضيه بعد .. لكن وقتها هنري ماكان عنده نيه بالخروج من البارسا .. وقتها أخذ ريكارد منه وعد انه يجي البارسا الموسم الجاي .. وهذاه جاء .. لكن في المقابل اذا ممكن تذكر لي معلومه عن ملاحقة الريال لهنري .. ؟ عن نفسي اعتقد انه من قبل تقريبا 3 مواسم والريال مهتم بهنري اهتمام كبير .. لكن الاعب ماكان عنده نيه يطلع من الارسنال وصرح وقال بجلس مع الفريق لين ينتهي عقدي .. .. لكنه جاء للبارسا

أعطاه وعد وشرب الفنجال

<== يمزح والله

معليش بس اعطاه وعد ومدري ايش ما تمشي في الكورة ، إذا كانت ذاكرتك قوّية راح تتذكّر إن

لابورتا حاول بشتّى الطرق إنّه يضمّ هنري ، وعرض أكثر من 40 مليون ، ولكن هنري جدّد عقده

مع القنرز ، ليحطّم آمال لابورتا ، ظنّناً منه أنه سيكرر أيام الثنائية ، ولكن بعد موسم اكتشف

إنّها راحت عليه

أنا فهمت وش مغزاك

، بس ليش جدّد هنري عقده ؟

اهاا ، يمكن يبي يقهر الريال علشان ينتقل وعقده ساري

إقتباس


	خطة برشلونة يالغالي تعتمد على وجود ظهير .. وجناح .. لكن تعتقد انه بيصير أساسي بدال روني ويصير روني وسط .. ؟ خاصة مع وجود هنري .. أشوفه شي مايدخل المخ صراحة ..

هذا شيء ما لي دخل فيه أبد ، ولا يهمّني ، أنا وضحت مركز اللاعب اللي يحب يلعب فيه

على حسب كلامه

إقتباس

الرسالة الأصلية كتبت بواسطة S U L A I M A N


	ياسر .. ماش ماخشت مزاجي ان شنايدر أفضل من الأربعه الي ذكرتهم ! .. بغض النظر عن مراكزهم .. لكنك تتكلم عن أساطير يا ياسر .. هذا من ناحية .. من ناحية ثانيه شنايدير لاعب محور مهب زي الباقين .. يعني صعبه تقارن محور بـ مهاجم مثلا ! من ناحية ثانيه .. ترى الي تتكلم عنهم هم هنري وروني وايتو وميسي !! ياسر .. ألقوير دفاع .. ! بغض النظر هل هو كويس ولا قبيح .. لكن تراه دفاع مهب محور تروح تقارن لي كل شوي بألقوير !! بس اذا على الاعبين الي مايستاهلون يلبسون فنيلة برشلونة فـ مادري هل نسيت سلقادو ولا هقيرا ولا بافون ولا ولا ولا ! .. بيكهام قالوا انه بين الريال والبارسا .. بس ماوصلت انهم يقولون انه خلاص برشلوني .. أو انهم يلبسونه فنيلة برشلونة

على ايش ميسي أسطورة !!!

والباقين كانوا الأفضل ، و أتى بعدهم من هو أفضل منهم

بعدين أنت تسمح لنفسك بمقارنة سنايدر بأساطيرك ولا تسمح لياسر بالمقارنة مع اوليقير

إقتباس


	جلب الشباب وراؤول معشش بالهجوم ! وجلب كانافورو ! .. الدكه كلها شيبان ياحكيم طيب ! ..

يعني أنت ما عندك ، يا بزران يا شيبان

لازم الفريق يمزج بين الخبرة والشباب وزيادة على كذا كنكن أفضل لاعب في العالم

شف القنرز شباب ومتعة بس بدون بطولات

معلومة إضافية ,,, في عهد كالديرون [ يعني موسم و3 أشهر ] باع الريال 21 لاعب واشترى

19 لاعب ، وانخفض معدّل أعمار لاعبي الريال بأكثر من 3 سنوات وهو الآن أقل الفرق الفرق المرشحّة

لليغا [ في أعمار اللاعبين ]

إقتباس


	يعني صوره لـ بيكهام في لباس برشلونة صار تاكيد على انه كان قريب من البارسا ! عجيب والله ! النادي مايبدا يطبع فنايل الاعب الجديد الا بعد مايوقع رسمي مع الفريق ترى ..

أظنّ إن هناك فيه حقوق ملكية وأنظمة ، والشركة راعية الحقوق من المفترض أن لا تصدر الأطقم

إلا بعد التوقيع الرسمي - كما ذكرت أنت - ، وما أدري هل الصورة في المتجر الرسمي للنادي أم لا.

يا القطو وش سويت فتحت مواضيع ما لها نهاية بين المدريديين والبرشلونيين

ألا صدق بما انكم جبتو طاري كنكن ، كيف يوم حشر هنري [ غير ] في مباراة فرنسا وايطاليا

بانتظار الكلاسيكو

قـنـ مـدريـ10ـدي ـاص · #68 12/09/2007, 03:25 AM

إقتباس

الرسالة الأصلية كتبت بواسطة C a T a L o O n Y


	اعتقد ان تحسم مسأله وهي لم تحصل في الاساس يعتبر ضرب من الخيال !! وبالنسبه لـ لابورتا فقد قال اذا اردتوا روني فـ لم لا .. ولكن اعطونا كاكا بالمقابل .. وما قال عطونا كاكا ونعطيكم روني .. ميلان من يريد روني .. وليس برشلونة من يريد كاكا .. مادري وش دخل رواؤل و اوليغر بالموضوع ؟! وبعدين هل درينثي بنفس مركز اوليغر ؟! وهل شنايدر بنفس مركز اوليغر ؟! وللمعلوميه فقط اوليغر ليس اساسي في الفريق فهو يلعب بحال غياب او غير جاهزيه اللاعبين الاساسين مثل زامبروتا وبويول وغيرهم .. وبعدين درينثي لم ينتقل الا وهو يريد الحصول على مركز اساسي في احد الانديه الكبيره في اوربا .. وفي برشلونة لن يحصل على ذلك .. اما مقارنه تشابي بـ شنايدر .. فهذي وجهة نظرك ياعزيزي .. اما انا اشوف زافي افضل وبمراحل ايضاً .. بالنسبه لتصريح كرويف .. فـ انا مااشوف فيه تكديس بالفريق ابداً فجودي احتياطي .. ولو افترضنا بان هذا النجم الجوكر جته اصابه ؟! من سيلعب ؟! حينها في هذا الوقت المدرب سيعاني .. وريكارد من اكثر المدربين معاناه بسبب الاصابات ..

مسألة من يلعب آذآ آصيب ـألجوكر ..
فهذآ ليس من كلآمي هـذآ من كلآم كرويف ( ـألآب ـألروحي للبرسـآ ) .. هذهـ نقطـه
ـألنقطة ـألآخرى ..
رآح ـأرد عليك بنفس منطقك وآوضح لك شيئين مآوضحتهم سآبقآ ..
ـأولآ آنت تقول آن درينثي آنتقل لآنه يريد ـأللعب آسآسي ..وهذ1 مآرآح يحصله إلآ في ـالريآل ( حلو ) ..
سليمآن ينآقضك بكلآمك ويقول آن درينثي يريد ـالبرسآ .. ( يعني آحدكم مخطئ )..
__________
مسألة ـأوليجير .. آنآ قلتهآ رد عَ ـألآخ(NayeF.FC )..
ـألذي ذكر ـأن درينثي وشنآيدر لآيستحقون ـآلآنضمآم للبرسآ .. فهل من ـالمعقول آن لآعب مثل آوليجر يستطيع تمثيل برشلونه وشنآيدر لآيستطيع تمثيله ( بغض ـألنظر عن ـالمرآكز وـألآنتمآء ـألكآتلوني بآلنسبة لآوليجوير ) ..
ـــــــــــــــــــ

إقتباس


	بيكهام قالوا انه بين الريال والبارسا .. بس ماوصلت انهم يقولون انه خلاص برشلوني .. أو انهم يلبسونه فنيلة برشلونة

ـأخوي سليمآن آحب آنوهـ لشي ..
لآبورتآ لم يصل للرئآسـة إلآ بوعدهـ بجلب ـالبيكس .. بمآ معنآهـ ـأن ـالبرسآ كآن يريدهـ بقوهـ مثل كآكآ ورئيسنآ هآلآيآم ..
ولم يكن وعدهـ ـألآنتخآبي ضم رونآلدينهو .. لكن بيريز لم يجد مكآن لرونآلدينهو حيث آن روني سيكون آجنبي ولن يستطيع ـأللعب في مدريد فقرروآ ـألآنتظآر موسم فخطفه ـالبرسآ ..
تقبلوآ مروري ..

سعودي وهلالي وأفتخر · #69 12/09/2007, 06:25 AM

إقتباس

الرسالة الأصلية كتبت بواسطة R.o.N.a.L.D.o.9


	من الحين بد القهــــر يا برشلونة ..!.

حدك عاد ترا برشلونة فريقي المفضل

عاشق الفن الزيداني · #70 12/09/2007, 07:47 AM

مابقي الا تتهاوشون وش الكلام صايرين تقل بزارين حدك فريقي واوحد يقولي ترا برشلونه هو بيبي اللاعب ودي اقول كبروا عقولكم يابرشلونيين بس المشكله عقولكم محدوده ماتتغير.....

تورام · #71 12/09/2007, 08:43 AM

اهلين اخوتي

مباارك عليكم الشهر

ندخل في الموضوع

اخوي سليمااان
بالنسبه لـ السبورت استغرب انك تدااافع عنهاا

الاخوااان في راابطه الريال ما قصروا
في الصيف يجيبووون يومياا 3 اخبااار من السبورت كلها كذب و تخاااريف
طبعا بدون مبااالغه ولا خبر من هذي الاخبااار صحيح

و تقول انها ما تنصب على الناااااس علشااانها مشهوره في العالم !!!!!!!!!

اما بالنسبه لـ تشيفو
اخوي الغالي
انا كنت متااابع الصفقه هذي .... لم يصرح تشيفو بـ رغبته بـ الانتقاال لـ فريق معين
الا الى الانتر و قاال هذاا الكلام قبل اسبوع من توقيعه العقد

فيه بعض الاعضاء يقولون ان جلب هنري مو تكديس للنجوم
استغرب من هذاا الكلام
( هنري - روني - ايتو - ميسي ) كلهم هجوم !!!! كيف ما يعتبر تكديس
ولما شرينا بيكهام قاالوا ان الريال يتبع سياااسه التكديس

اخوي ياسر انا اعااارضك في نقطه هنري و فان قووول
مع اني مدريدي متعصب
اقولها هنري افضل
حتى بالتهديف
و اكبر دليل
ان هنري اخذ هداف الدوري الانجليزي 3 مراات على ما اعتقد
و فان قول اخذهااا مره وااحده

مو هذاا موضوعنا بس حبيت ابدي وجهه نضري

و في النهااااايه ما فيه اسواء من الجرااايد الاسبااانيه
و اسواء السييئن الاس و السبورت

Mr.GoaL · #72 12/09/2007, 08:56 AM

رمضان كريم وكل عام وانتم بخير

قضي الامر الذي فيه تستفتيان , الموضوع منقول ومايستاهل كل هالزحمة اللي سويتوها وكل واحد يقول لاعبنا افضل وفريقنا افضل , بالتاكيد ان ريال مدريد وبرشلونه كلهم فرق عالميه وانديه كبار بتاريخها وانجازاتها ولاعبيها واللي يفكر يقلل من الفريق الاخر في اي امر كان هذا يملك عقده نفسيه معقده جدا جدا جدا , ولو كان لاعبين الريال في برشلونه او لاعبين برشلونه في الريال اكيد ان كل مشجع راح يشوف لاعبينه الافضل , الافضليه ماتحددها الصحف والمنتديات , الافضليه تكون على ارض الميدان والقدره على حسم البطولات وهي الهدف الاساسي الذي من اجله تصرف الانديه كل هذه الملايين والا تتوقعون الان الريال وبرشلونه مكشخين في هالخوال

كل عام وانتم بخير