|
... ( الاخطاء الطبيه في مستشفياتنا.....) http://shrgi./فواصل.GIF بسم الله الرحمن الرحيم في البداية بقولكم سبب كتابتي للموضوع ,, كنت دوم اسمع عن الاخطاء الطبيه ومشاكلها بس عمري مااعطيتها اهتمام او بحث عنها ,, لكن اللي خلاني اكتب هالموضوع هو الخطأ الطبي اللي حصل لي :cry: انا سويت عملية الزايده والحمدالله نجحت العمليه لكن الخطأ الدواء الي اعطوني اياه دواء قبل الاكل سبب لي تشنج :cry: والخطأ ان هالدواء ماينعطي للي مسوين عمليات جراحيه يوم سألت الدكتور ليش اعطيتوني هالدواء تخليوا وش رد علي :cry: قال الممرضه هي الي كتب لك العلاج :upset: الى متى الاهمال في مستشفياتنا ؟؟ http://shrgi./فواصل.GIF هناك الكثير من هذه الاخطاء وفي مستشفيات مرموقه للاسف... نشرت صحيفة الشرق الاوسط في عددها اليوم السبت 1 ابريل 2006: " قال مختصصون صحيون ان أكثر من 40 ألف شكوى تم تقديمها للجان الشرعية المتخصصة بالنظر في الأخطاء الطبية في السعودية، فيما لم تتم الإدانة سوى في 20 في المائة من القضايا. " ترى الى متى ستستمر مثل هذه الاخطاء الطبيه الفادحه ؟ http://shrgi./فواصل.GIF >>>>>>>>>> لحد يقولي في اخطاء املائيه جبتوا لي الوسواس :d |
الحمد لله على سلامتك يالعنود الأخطاء الطبية موجودة بمستشفيات كل دولة لكن المشكلة هنا هو جهل أغلب المرضى بأن ما يحدث لهم سببه خطأ طبي ! و حتى لو عرف المريض أن ما أصابه كان بسبب تشخيص خاطئ أو صرف دواء خاطئ فانه لا يوجد الكثير ليفعله بعكس الدول الأخرى حيث يحق لأي مواطن رفع قضية على أي خطأ طبي مهما كان بسيطا و يحق له ايضا المطالبة بتعويض مادي مقابل هذا الخطأ! الله يعافينا من كل مرض ولا يجعل حاجتنا عند أحد من خلقه... شكرا العنود على الطرح الجميل و مرة أخرى الحمدلله على السلامة :) |
اولاًالحمد لله على سلامتك ودامك ماممتي فماجاك شئ :d أحد قريباتي كان فيها زائده وسوت عمليه اهم شئ انه خطأ فادح في العمليه ولم تلبث سوى ايام الا وتوفيت رحمها الله :cry: صغيره عمرها 11 سنه :cry: اسمها شهد العضيبي أعتقد اللي في بريده سمع عنها :cry: |
إقتباس:
هلا لميس الله يسلمك حبيبتي :) موانا عشان كذا كاتبه الموضوع مانقدر نسوي اي شي :( يعطيك العافيه حبيبتي على الرد :) |
إقتباس:
الله يرحمها ان شاء الله :( :cry: مشكور على الرد اخوي :) |
الشيء الوحيد الـذي يجب أن تـُـمحى منه الأخطــاء الطب .. لإنه من المُمكن أن يتسبب الخطأ الطبي بـ الوفاة أو بـ أي ضرر ..! الحمــد لله على ســلامتك .. ماتشــوفين شـر .. الأفضــل التأكــد من الدواء المُـعطى حتى لو كــان من طبيب .. والله يكفينا شر أخطــائهم .. .... بريمـاكس .. الله يرحمها ويغفر لها .. للأســف رغم كل مايحـدث لا يـوجد تحركــات من المسؤولين لـ القضــاء على الأخطــاء الطبية .. ألهذه الدرجة استـُـرخصت أرواحنــا ..! الله يبعـد عنا الأمـراض .. يعطيكم العافيه .. |
الحمد لله على سلامتك يالعنود |
الحمد لله عالسلامة :) ولا عزاء لمستشفياتنا ومن فوقها وزارة الصحة نائمة .. سكبكب |
الحمدلله على سلامتك ومشكوووره كذا المستشفيات في وحده اعرفها ولدت قيصري و تبي تشوف بنتها قالت الدكتوره بعد شوي بنجيبها انتظرتها ما جت دقت على الممرضه قالت وين البنت ما جبتوها قالت طيب الحين بنجيبها انتظرت قالت هذولي وراهم شي راحت هي واختهاوهي يالله تقوم مسكينه يوم جت لقت الباب مسكر بس تشوفهم من القزاز لقتهم حاطين بنتها في سرير صغير مع ثلاث اطفال وما لبسوهم ولا شي ويرشون عليم مويه بارده والله يكرمكم كل واحد يستفرغ على الثاني طبعا مو بس هذولي في كثيرين حاولت تفتح الباب هي واختها وفتحوه الحمدلله عاد خذت بنتها وراحت للمدير وقال هاذي غلطتك انتي ليش جيتي لهذا المستشفى يعني تخيلي كذا |
الحمد لله على سلامتك وعساها اجر وعافيه اما عن الاخطاء الطبيه فما اقول الا الله يصلح الحال مرسي يمرسك |
s13s وعليكم السلام ورحمة الله وبركاتة الحمد لله سلامتكـ:d اشوى مامتي :d علشان تجتمعين معناا:d الاخطاء الطبيـة واقعة صحيح انها مو تعمدا ولكن الاهمال هو السبب وكثرتها في الفترة الاخيرة شي يخوووف الصراحه الله يكفينا الشرر ويبعد الامراض عنا وان شاء الله الدولة بتنظر لهذا الامر وماتوقع بتستمر الاخطاء بلارقيب ولاحسيب ارواح راحت بسببهاا ان شاء الله انها تكون محط انظار المسؤلين :) لكن لاحياة لمن تنادي :rolleyes: يعطيك العافيه خيتوو الهنوووف كانت هنا ورحلت |
الحمدلله على السلامة و شكراً لطرح مثل هذا الموضوع . لميس هل تقارن الأخطاء الطبية عندنا من حيث النوع و الكم بالأخطاء الطبية عند غيرنا ؟! لا أعتقد . |
ياحبيبي أعطيكم الزبدة على بلاطة مادام عندنا دكاترة بالهبل شهاداتهم مزورة فـ إغسل كلتا يديك و مادام عندنا عدم فرض عقوبات صارمة فـ تروش بديزل أحسن وتقبلوا تحياتي ،،،، |
اوول شي الحمد الله على سلااامتك... الدووده طوويله وله صغيره>> ماا عنده ساالفه:D.. على طااري الأخطااء المطبعيه اقصد الطبيه قبل اسبووعين بس كاان وااحد من اصحاابي رااح يقصوون رجله بسبب خطأ مطبعي اقصد طبي .. الساالفه انه كاان عنده جرح عميق في رجله من بعد ماا عاالجووه ورزووه عندهم اسبووعين قاالووله ان الجرح ألتهب ولازم نقص رجلك بس اهله ماا سكتووا ودووه مستشفى ثااني وعاالجووه وطلع والحين طلع مثل الحماار>>>صااحبي واموون عليه:D.. ومشكووره على المووضووع.. |
نعم هنالك اخطاء .. واخطاء فادحه .. لكن دائما نطالب ونقارن انفسنا بمستشفيات الدول المتقدمه ... نطالب فقط معاقبة الموظف والمستشفى !!.. ايضا نحن موظفين المستشفيات نطالب بمراجعين مثل مراجعين الدول المتقدمه من حيث الثقافه .. واحترام الموعد .. والتقيد بالعلاج .. وعدم مخالفة انظمة المستشفى .. والغاء الواسطه .. وعدم ايذاء الموظف بالكلام وغيره ... نطالب ايضا احترام مهنة الطب .. احترام مقر عمل الموظف ... عدم التحايل على الطبيب والكذب من اجل اجازه ... عدم كثرة صرف الادويه برقم ملف شخص مريض اخر ... اشياء كثيره وتجاوزات كبيره من المراجعين .. تكلف الدوله مبالغ ماليه كبيره .. وقد تضر المريض اكثر كلمة سمعتها من المراجعين للموظفين هي كلمة ( انت ماحطوك هنا إلا علشان تخدمني ؟؟):stoned: وكلمة ( انت تدفع من كيسك ؟) او كلمة ( الله يلعن اللى وظفك ياشيخ ) ؟؟:upset: والمشكله يقول هالكلمه .. ويجي يشتكي الموظف ؟؟ شوف البجاحه !! واذا صرت في صف الموظف .. عطاك اياها كاش وطلع وهو يلعن ؟؟:evil: ماودنا نشطح كثير بس كثرة الشكاوي على المستشفيات مع العلم ان المرضى هم سبب هالفوضى .. واقارب المرضى .. والطبيب لو كان شايف الشغل صح واحترام المريض لممتلكات بلده وحرصه على الموعد والعلاج ماصارت تصرفات بعض الاطباء شبيهه من تصرفات المراجعين للأسف ... ( خصوصا الأطباء الأجانب ):rolleyes: اختي تغريد حمدالله على سلامتك .. والخطاء وارد .. في كل مكان .. اخطاء تكلف الشخص حياته .. وخطاء لايكلف شخص رمشة عين .. وفي كل الحالتين لابد من كتابه تقرير ورفع شكوى لمسؤل المستشفى مع ابلاغه بأنك ستقومين بمتابعة الشكوى .. ومطالبته برقم للمعامله اذا حولت الى مكان اخر .. !! علشان ماتتكرر هالغلطه لابد من عدم السكوت عنها .. وتأكدي ان المسؤلين حريصون على صحة المواطن بس وين المواطن اللى يشتكى بس يشتكى على شي حقيقي .. مو يتصور انهم غلطانين ؟!! تخبرين ربعنا احب ماعليهم الشكاوي :d تقبلي مروري واسف على الاطاله |
| الوقت المعتمد في المنتدى بتوقيت جرينتش +3.
الوقت الان » 05:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd