اعتذر لصاحبة الموضوع ( غاده ) <<<<< نتكلم عن الاخطاء الطبيه أو الاخطاء الإسميه ؟؟ :dعلى مروري الثاني لكن لفت نظري بعض الردود .. وعندي كم نقطه يمكن الكثير مايعرفها .. ودي توضح لدى القاريء الكريم اهمها

* الاخت العنود تقول مواعيد المستشفيات تطول عن سنه واكثر ؟؟ صحيح بس عارفه ليه المواعيد بعيده ؟؟
لانه طال عمرك فيه مراجعين مستهترين ياخذون موعد ولايجون عليه وهذا التصرف انا اعتبره ( انانيه ) وقلة ذوق .. وعدم احترام الغير .. انت ماجيت على الموعد وضايقت الناس ولاكنسلت الموعد وحرمت غيرك من هالموعد اللى مسجل بالكمبيوتر بااسمك !! يعني في هالمشكله ذي المريض هو الغلطان مو المستشفى .. طاقة المستشفى الاستيعابيه في كل قسم مثلا انهم يقبلون بالاسبوع ميتين مريض .. خمسين بس يحضرون والباقي مكنسله .. لاجاء اصاحبها ولا اتصلوا على الاقل يعطون غيرهم الفرصه ..

* حراره 39 ؟؟ مو حاله طارئه اختي .. ومو محتاجه تروح لقسم الطواري .. فعلا لازم تروح للعيادات الأوليه منها تتعالج وتعطى العلاج اللازم وبسرعه .. ومنها ماتحرم مريض اكثر خطوره فرصه الدخول السريع ... الطواري للحالات التاليه اختي
امراض القلب .. الحوادث .. النزيف .. الحروق .. وهذه الحالات التاخير عن الدخول قد يكون نتيجته حياة المريض .. وفيه ناس بالطواري تلقاه يعطس ويبي اولويه في الدخول ؟!! :pleased:

* الاخطاء دائما تكون من اطباء اجانب ... وكل اللى سبق وعطونا قصص عن اقارب لهم وحصلت لهم اخطاء طبيه .. ولاواحد ذكر وش صار بعد الخطى .. هل قدم المريض او اهله شكوى ؟؟ والا بس سكت عن الغلط .. والا يمكن ماكان غلط ؟

* والله ثم والله انه فيه ناس تجي تمشي عيالها بالمستشفى .. يعني يقول هاتي العيال منها نروح ( نزااور ) = نزور بالمستشفى قريب ومنها نسجلهم يدخلون على طبيب ( فضاوه ياجماعه )
* وحده من الاعضاء الله يسلمها ذكرت بان الاخطاء الطبيه تكون اكثر فضاعه خصوصا انه تودي بحياة المريض ؟؟
المهندس سلمك الله غلطته بعد تودي بحياة مجموعه من الاشخاص ..
الطيار لو يخطيء خطاء بسيط ماتوا كل الركاب ...
الميكانيكي لو يغلط بزيت الفرامل ويصير فيه تهريب وماتصرف في هالتهريب او تجاهله .. يكون الضحيه قائد السياره
الاخطاء لاتحتمل المجامله او السكوت عنها ... شايف شي قدم شكوى .. لاتقعد تتحسب وتدعى وتلعن وانت في بيتك .. والخطاء مازال يتكرر .. جرب طيب وشوف ردة فعل وتصرف المسؤولين !! وبعدها لكل حادث حديث :rolleyes:

* عاد النقطه الاخيره هي لحرامية القطاع الخاص وحتى الحكومي في المستشفيات .. والتعاقد مع اطباء وكادر مو كفو انه يمسك بوفيه فلافل وكبده ... والسبب انهم ارخص .. :evil:
وصول اعداد كبيره من الممرضات من الجنسيه التشيكيه .. والله مايتكلمون انجليزي ولا عربي !! يوم شفتهم والله حسبت اني بدبي او بالمنامه :d

طبعا ارخص بالثمن ...... والرواتب قليله .. وش دخل الطبيب اذا فرض عليه مثل هالممرضه واخطت ؟؟

الجيل الجديد من الاطباء والطبيبات السعودياات راح يرفعون الراس .. وهم الان بالطريق نتمنى من الله لهم التوفيق والنجاح .. وزي ماتطور الطب والتمريض ان شالله نتمنى انه يتطور المريض والمراجع ..

اسف اختي بدريه على مروري والاطاله فيه :d بس مثل هالمواضيع هي من اختصاصي :)

وشكرا واعتذر من جديد