$$ جتكم الطفاقة كل مرة عشرة
 

طالب حرش مخلص اختبار وناجح

اخواني واخواتي زعماء وزعيمات المنتدى **احبك بالماضي والمضارع والمبتدى

بعد ماخلصت الاختبارات وتطمنا على النتيجة والحمد لله النتائج ممتازة واللي نتيجته ماهي ممتازه الله يساعدة والجاي احسن

انا بصراحة فاضي وناوي اتغشمر معاكم والزعل طبعا مرفوع من ناحبتني انا وجه ابن فهره معرف ازعل . الا وش سالفة وجه ابن فهره يالبارق راع الأمثال ..

اختيار الأسماء عشوائي ودون سابق معرفه ..

الشخصيه الأولى المدير الاعصار : شكله مسوي مثل الدبابه الألمانيه اسمها يخوف وهي ولى زمنها بس الناس تحترمها لماضيها القديم وهكذ الاعضاء يحبونه لعلومه الطيبه فيهم .
<=== خاف هدى السرعة

الشخصيه الثانية ابو سليمان : مادري احساسي يقولي انه متقردبن <=== ها الكلمة معوفة عندنا بالشمال, ايه متقردبن هالفروه وعلى الشاص بخبوت حائل وراء بعارينه ..ماله ومال الهلال والنت الله يصبر الكمبيوتر .

شخصيتنا الثالثه البارق : مدرس متوسطة يارياضة يافنيه لأن ربيعنا ما يفلحون الا بها الثنتبن شكله يسد نفس الطلاب مع هاالصبح هو بدلته الهلاليه اللى من الدقه القديمه .<===اذا اكرمت ....

رابع شخصيه هو نايف : طالب ثانوي معيد سنتين وشكلهم بيحولونه ليلي زعيط على الفاضي دايم رافع خشته على الصغيرين اللى معه بالفصل لكن بيجي ويزنطه واحد يهبله .
اعقل نايف خلك راكد بالرد .

الخامس هو ملك العشاق : مادري احساسي يقولي انه هالولد داج وحرامي جنوط سيارات الطلاب يدخلون المدرسة وهو على المواقف وبالعفريته وينك يالجنط الحلو .. لو انا بديرته اتهمت بجنوط الدنه حقت عمي .

اما سادس الشخصيات فهي العنود ; هذي شكلها مديرة مدرسها ورافضه فكرة الزواج كل ما جاء خطاب قلت يبي فلوسي ..اعقلي يابنيت الناس والعمر قصير والفلوس ماهي كل شئ .


الشخصية السابعة هلالي الربوة : شكله مجمع له خمسين عامل واللي معطيه سيارة ليموزين واللي دافه على شركة وهذا يطامر وراءهم من شارع لشارع وإذا شاف جيب الجوازات مغصه بطنه .

الثامن الاخ بحر : كان بحر واحد صار بحر نفس الحسبة ماتغير شئ . هذا ما ودي ازعلة توه فرحان بتعديل اليوزر بعدين شكله معقب بالدوائر يعني يمكن نستفيد منه .


اما تاسع الربع الاخ سعود : شكله شريطي بالمعارض ان باعوا طيروا السعر وإن جاهم ضعيف كسروا سعر مويتره..

العاشر والأخير لهذه الحلقةالاخ JAJ: من اسمه جاج تقولون داج الله يهديكم هذا شغال بهئية الامر بالمعروف والنهي عن المنكر .. الله لوسمعتوه يوم يجر الحنجرة وينادي على الصلاة بالأسواق واللى انا مستغرب منه انه صابغ دورية الهئية ازرق وابيض وحاط صورة ابو يعقوب على القزازه اللي وراء ...


والى اللقاء مع عشرة اخرين والله الله ماوصيكم بالردود السنعه قبل ما احوس سلسفيلكم<=== ماعرف معناها ..


سلامممممممممم

مبرووووووووووووووووووووووووووووك النجاح

smn2002 الله يبارك فيك ويعطيك العافيه والمرة الجايه بمدحك .....;) ;) ;) ;)




اعتقد الثلوج عندنا بالشمال لكن اشوفها اثرت على هالمنتدى مارد الا واحد :confused: :confused: :confused: :confused:

هههههههههههههه
والله انك مطيفيق:p :p
ماودك تخاوين للأبرق تطلع طفاقتك بعروق ألأرطى:D :D

ايه مشاءالله ناجح الف مبروك شد حيلك هذه ألأبتدائية وخلصته ليلي:p :p

نبي تشد حيلك بالدراسات المتوسطة :p :p

بعد حيي الفره:rolleyes:

يا بعدي يامشرفنا الكبير :D :D :D :D

توك احترت حصاتك :cool: :cool: شكل المكينه عندك على ديزل ماتحتر الا بعد مدة :D :D :D


اقول الله يديمك ويحييك اإرطى والحماط والكسداد غطتها الثلوج ;) ;) ;) ما تخبر مكان اومن من كذا نروح لمه ,,,:confused: :confused: :confused:

مبروك عليك النجاح و النتيجه المنتازه وان شاء الله تجيب
الشهاده الكبيره ، وان كان عاجبك البزنس حقي ابشر لك بكم فيزه .

ملاحظه :
تدف كويس ، فيما يبدو ان البرد عندك واصل للمخيخ .

اي مديرة واي فلوس يـــــــا حــســرة :(:(:(

الله يكفلني بس :(

بس يالله .. من بؤك لباب السماء ان شاءالله :)




هذا اذا كنت العنود , لاني عنود الصيد 20002 :)

ومشكووور اخوي المطفوق على هالموضوع والطفاقه الحلوة :)


وتحياتي لك ,

هلا والله مرجوج جديد اول مرة اشوفه بس والله انك شي بس باقي واحد ماحطيته .. جدتي ريمانه تراها تستاهل واللقب مسك عليها

:D :D :D

hilali al-rabwah :اخوي ثقافتك غربيه ماتكتب الابنقليزي ..

توزع فيز هاه وش سويت بالباكستاني اللي اعدم عليك الليموزن اشوفكم في مكتب العمل العقال بيد والشماغ بيد وحالتك الله يعلم بها.. قال بيعطيني غيزا قم يس قم


عنود الصيد20002: تعالي يعنوده متى بيجي عامك عشرين الف وثنين ..

وبعدين خايفه من الحسد ماعندنا حسود الا سهل 888 وبنت الاسلام احترسي منهم وما يجيك شر..


عاشق الثنيان 15: الحمد لله الناس تعشق شئ عدل وانت عاشق لك شايب الحمد لله
<=== يحب يده ويطالع فوق ..

دورك جائ ياعاشق افندي ....

ههههههههههههه

يازينك يالمطفوق حلوه

بس وينك غاط لك كم يوم
خلك عنك البربسة وجب القطه لانشوتك بوز من باب الأستراحة هههههههههه