|
يعطيك الف عافيه على هالتقرير الاكثر من رائع وكان ودي اعطيك صوره المشاغب بالحلاق والهندي توهق مع شوشته بس يله الملتقى الجاي انشالله بس صراحه وناسه وسعه صدر اللي جمعتنا مع ناس الواحد يتشرف انه تعرف عليهم وقابلهم والله يجمعهم في الجنه زي ماجمعهم في الدنيا . .... مبروك على الجميع الشهر الفضيل |
اول شي وش فيك مانزلتوا صورة دباب الهارلي :d هذا وانتم تهاوشتوا عليه كل واحد يقول ابصور فيه :laugh: == كواليس زيارتي للاستراحة يوم الثلاثاء جاتني رسالة من ماجد يقول فيها عن الاستراحة وعطاني الكروكي والوصف ويقول كان حصل لك سير علينا .. يوم الثلاثاء سافرت برا الرياض .. وكان موضوع الاستراحة في بالي اجي او ما أجي !! اخذ التفكير مني وقت طويل .. وبالاخير ارسلت رسالة لماجد قلت له اني يشرفني التواجد مع شلة الانس .. بس اني مسافر وكاني وقت الاستراحة بالرياض ان شاء الله ابجي .. يوم الخميس اللي هو يوم الاستراحة .. الساعة 7 المغرب مسكت طريق الرياض .. وعلى الساعة عشر وشوي وصلت الرياض ومريت القصر :d قصدي الفلة :d أقصد بيتنا :whacko: ولزوم الكووشخة :thumbup: وأمر واحد من الشباب المتابعين للمنتدى واجيبه معي .. واتصل على ماجدونا وأقول اني بالطريق للاستراحة .. عاد الاستراحة بقلايع وادرين :d لو ان الاستراحة بـ رمضان كان قصرت صلاة التراويح وانا جاي لكم :laugh: استغفر الله :) وصلت الاستراحة واخذت لفه عليها تفقدت الاوضاع الامنية والسياسية :d وشفت ان الوضع مستتب فـ اتصلت على ماجد وهو ماخزن رقمي بجواله .. قلت : الو هذي استراحة موبايلي :d قال : من معي :wink: قلت اقصد استراحة سوا .. قال ايه قلت انا iq عند الباب .. طلع الرجال عند الباب يتلفت وحصلته ونزلنا سلمنا عليه وعلى ابو طلال كان بيمشي هو وطلولي .. والمشاغب كان ع الباب وشعره يقوطر مويه من المسبح :d دخلنا وسلمنا على باقي الشباب .. كل واحد يسلم ويعرفني ماجد بأسمه ... طبعاً مايحتاج اقول للحين ملخبط بين الاسامي والاشكال :d احتسينا الشاي :d ودقيناها سواليف عن المنتدى وسبل تطويره والرقي بمستوى المواد المطروحة .. بعدها يعلن أبو مقبل عن موعد العشاء على حسب توقيت إستراحة سواء :d وقت العشاء اشغلت ماجد عن الاكل بالسواليف عن الكلية على اساس اني انا واياه نفس التخصص بالجامعة لكن هو حالياً متقاعد :d بعد العشاء .. دخل واحد الاستراحة ما اعرف من هو .. وفجأة يصرخ سولتان : أبو ريماان !! أنا صراحة ما توقعت أبد ان ابو ريمان يشرفنا بالاستراحة , ولما شفته شكيت هل هو أبو ريمان اللي في المنتدى او تشابه اسماء ! لاني متوقع اني ابشوف شخص كبير بالسن وربما لن ابالغ لو أقول بالاربعينيات من عمره ! على عكس ماكنت متوقع .. ابو ريمان كان بسيطاً جداً .. بين قوسين :d وعلى قولة المشاغب اثرك مثلنا يابو ريمان تجلس وتشرب سفن بعد :d اريحية كبيييرة وجلسة تغمرها المحبة والاحاديث الاخوية الصادقة .. والخالية من التكلف .. كل هذا كان بعض مما يمكن قوله الآن على ذلك الاجتماع .. اغلب الحديث كان عن المنتدى .. وكان هناك سيل من الافكار والاقتراحات .. اتمنى ان ترى النور .. // والا وش رايك يا جرح ؟ :d ابو الشباب اللي جبته معي جاته مكالمة وعلشانها عجلنا برجعتنا لأني جايبه بموتري .. وخرجت بمثل ما استقبلت به من حفاوة وتكريم ... اتمنى ان تتواصل الاجتماعات الاخوية بشكل شهري على الاقل .. وان تشمل جميع المدن الشكر لـ كل المتبنين لـ فكرة الاستراحة , وفرصة سعيدة شفنا هالوجيه الطيبة .. |
اول شيء جانا داعي كرامة من الرجال " المشاغب " على طلب الاخ ماجد ولكن شاءت الظروف اننا بديرة ثانية هالحين مدري وشلون تجي ذي .. تعزمون واحد بديرة تبعد عن الرياض 900 كيلو :D تبون اطقها عشان اتكي باستراحة :D بس ان شاء الله الاجتماع الثاني بكون متواجد باذن الله بس بيوم اجازة عشان يمدين ادز وارجع :D |
هــلاا والله وغلاااا:thumbup: الله يــجمعكم بالجنه ياارب مــثل ماجمعكم بالإســـتراحه ولله تــقرير رووعــه ياميسي الله يــعطيك العافيه ..:) إقتباس:
يـــاارب يتكرر هالملتقى مرتين وثلاثه وعــشر مراات ..s13s إقتباس:
حرام عليكم تلعبون على الرجال:d إقتباس:
عسى مــاحشيتوا فينا:pleased: إقتباس:
مـاشاء الله عليك سلطان اجل طلعت هدااف:d وراه ماتنظم للهلال:wink: إقتباس:
كريم ياماجد ياكلونه بأفرااحك يااربs13s إقتباس:
:cry::cry::cry:<<تـــأثرت:d الله يجــمعكم مره ثـــانيه وتقوى علاقتكم اكثر واكثر يازعماااءs13s تسلم ياميسي على التقرير الروووعه .. الله يعطيك العافيه..:) |
افـا يابو مقبـل لـيش كـذا ؟ s16s 11 \ 10 .. شوهـت سمعـت ابو يعقـوب الله يسـامحـك :cry: مـن كـان حـارسكـم ؟ :wallbash: |
وعليكم السلام ورحمة الله وبركاته يعطيك العافيه اخوي على التقرير المفصل والله يديم المحبه بينكم إقتباس:
يعطيك العافيه |
أي ردود جانبيه سوف تحذف وينذر صاحب الرد .. |
حلووووووه يعطيك العااافية |
تسلم ياميسي على التقرير الرائع |
وعليكم السلام ورحمة الله وبركاته ماشاء الله جمعه حلوة :thumbup: وعقبال جمعتنا مع البنوتااات بجده :d:d وكله على حسابي بس تعالوا :rolleyes: لي عوده مفصله للموضوع:) |
اللللللللللهـ ... ونااااسهـ من جد :d اللهـ يقربكم لبعض أكثررر ويخليكم لبعض ويجمعكم في الجنهـ يارب ... إقتباس:
إقتباس:
إقتباس:
إقتباس:
هذ إعتراف صريح أنكم حشيتوا فينا حنا العضوات :d يله أعترفوا وش قلتوا بالضبط :evil: إقتباس:
[QUOTE** ماجد مقبل جاب معه علم الهلال وعلقه على باب الإستراحة ][/QUOTE] ماجد عليهـ أفكار رهييبهـ :d http://www.yy44.net/up6/ad742b4426.jpg يالبي قلبهـ بس طلول .. اللهـ يخليهـ لعين ترجيهـ يارب ,, طيب سؤال : يشبهـ أبووهـ ولآ لآ ؟؟ :d http://www.yy44.net/up6/1aa2fb5b53.jpg ههههههههههههههههههههههههههههه هههههههههههههههههههههههههههههههههههه هههههههههههههههههههههههههههههههه هههههههههههههههههههههههههههههههههههه هالصورهـ موضوع لحالها :d:d:d يعني الحين أنت الي لآبس بلوزة برشلونه والثاني نمر 15 والثالث من هو ؟؟ << بتسألكـ من هو العضو بس بطريقهـ غير مباشرهـ :d عوآآآآآآآآفي ياليو ميسي واللهـ أنكـ وسعت صدري بهالموضوع ,, بس غريبهـ حسيت هامور بيصير لهـ فقرهـ لحالهـ بس ماصار :d اللهـ يعطيكـ العافيهـ ,, لآهنت ..:) |
هلا و الغلا ماجد مقبل - الـمشاغـب - leo messi- جرح يشكي - هامور البورصة - نمــر 15 الله يعطيكم العافية أول شئ على الدعوة لي بحضور الجمعه الحلوة هذي و أعتذرت بسبب ظروف العمل و ألا المسافة ما كانت في حساباتي و الله لأن الناس الطيبين و الرجال مثلكم يستحقون أن نلتقيهم و نتشرف فيهم و كما قالوا الشباب أنه فيه ملتقى أكبر راح يكون في ثاني أسبوع من رمضان أن شاء الله نكون من ضمن الحاضرين !! تقرير رائع و متميز في المحبة و التآلف و الشفافيه و البساطه أفضل الأجتماعات و اللقاءات ما جاءت بعفويه دون تكلف صراحه تمنيت أكون موجود لألتقي الأحبة و لكن .. كفى حزناً أن تلتقي الخيل بالقنا و أترك مشدوداً علي وثاقيا قال صلى الله عليه وسلم : (( و أثنان تحابا في الله أجتمعا عليه و أفترقا عليه.. )) و يشهد الله أني أحبكم أذا مرضنا تداوينا بذكركم و نترك الذكر أحياناً فننتكسُ http://www.yy44.net/up6/ad742b4426.jpg ياااااااااااا زييييييييييييييييييننننننننننننننننووووووووووووووووووووووه الززززززززززززززززززززززززززززززييييييييييييييييييييييين كككككككللللللللللللللللللللللللللله الله يحفظه لك يا ابو طلال بس لا تكثر عليه أيس كريم هههههههههههههههه ماجد مقبل أخي الذي لم تلده أمي / رجل أصيل و شهم و كريم و مرح و مثقف و متواضع هو البحر من أي النواحي أتيته فلجته المعروف و الجود ساحله و لو لم يكن في كفه غير روحه لجاد بها فليتق الله سائله الـمشاغـب أنسان طيب و مرح و على قدر كبير من المعرفه أجتماعي و مركز نفوذ اللي في قلبه على لسانه يحب الخير وافي و نبيل و سعيد و محمد هههههههههههههه :d >>>>>>>> أسلوبه كذه وش أسوي :thumbup: همامٌ حباه الله بالحسن يافعاً له سيمياء لا تشق على البصر أذا ما رأى المجد أستعيرت ثيابه تردى رداءً سابغ الذيل و أتزر leo messi يسلم / الحبيب الشاعر العذب الحنون متميز بطيبة قلبه و بساطة تعامله و صدق مشاعره و نقاء سريرته يغضي حياءً ويغضى مــن مهابته فمــــا يكلــــم إلا حــــين يبتســم ينشق نور الدجى عن صبح غرته كالشمس ينجاب عن إشراقها الظلم جرح يشكي الأخ الغالي و الصديق المخلص متميز بثقته الكبيرة بنفسه و أصالته و سمو همته و أخلاقه وأَنــت أبعــدهم ذِكــرًا وأَكـبرهم قَــدرًا وأَرفَعهـم فـي المجـد بنيانـا قـد شـرّف اللـه أرضـا أنـت ساكِنها وشـرّف النــاس إِذ سـوّاك إنسـانا هامور البورصة شخص رائع بتعامله ودود و مرح و لطيف جداً أحبكم قلبِـي اعترافـاً بفضلكـم وأنكر فِي يوم النوى حكمة الصبـرِ ولا غرو ان أكرمتم الضيف شيمـةً توارثتُموها عن جُدود لكم غرِّ نمــر 15 القلب الكبير النابض بالحب و الوفاء و التفس العظيمة المليئة بالتسامح و العطاء و أذا وقفت أمام شخصك صامتاً فالصمت في حرم الجمال جمالُ كلماتنا في الحب تقتل بعضها أن الحروف تموت حين تقالُ و أشكر الجميع و أتمنى لكم التوفيق و كل عام و أنتم بخير و شهر مبارك أن شاء الله أذكرونا مثل ذكرانا لكم رب ذكرى قرّبت من نزحا و شكراً |
بصرااااحة روووووووعة يسلم صاحب الفكرة وحلو لما يكون هيك التواصل الله يجمعكم في الجنة يااارب وتشكراااات كثيرااات للي عمل التقرير شي يفرح القلب بس يوم قرأت ولما جا الفجر جا وقت الفراق جلست أبكي<<<بكااااااية |
أجتماع مميز والله يوفقكم |
الاخ العزيز ليو مسي كل الشكر لك على التقرير الرائع والله يديم المحبه بينكم بصراحه شبكه الزعيم له الفخر بوجود اعضاء مثلكم عنوانهم الاخوه الصادقه مع خالص تحياتي |
| الوقت المعتمد في المنتدى بتوقيت جرينتش +3.
الوقت الان » 05:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd