|
مشكور على الموضوع |
:d هذي اخرتها ياجرح يشكي .... تارك(ن) الريجيل وداكها حنك مع البنقالي :d |
ياادي النيله المتنيله الحين مهوب انا قايلك لا تنزل صوورتي الحين وش بسووي جايتني عشر اضاافااة كلها من معجباات :dاقول يسلم يلبيه لو اني مصور ع الدباب :thumbup: والله كان بتجي حركه بس لما شفت ابو ريمان والشله استحيت منهم :d ولا لو ان الدعوه على الي اموون عليهم كان قلبناها هبال بس قلنا خلها رسميات :d يا عاالم شوفو تمقلوو :d رزه ماشاءالله علي ياحبني لي :thumbup: ووولد خال هامور http://www.yy44.net/up6/4536df7540.jpg اول شي هذا للي يقول اني دب ومدري ايش شوفو الجسم والرشااقه :d وثااني شي بسئلكم هذا مجلس رجاجيل يوم دخلت بغيت اطيح سبع مية مره :d اول مادخلت الاسترااحه جت عيني على يسلم وعرفته وكنت ابي اسلم عليه اول وااحد بس لقيت وااحد نحييييييف وجهه كله خشم :d قلت من هذا وسلمت عليه سلاام باارد ومطنش وفي نفسي اقول يالبيه يا من رااح مقهى النخيل :d ثمن سلمت على وااحد لحيه وشكله كبير قلت بس الاسترااحه فيها ارهاابين :d وبغيت ابلغ بس قلت تركد يا ولد وسلمت بعدين سالت منهو اول واحد سلمت عليه قالو سلطان ورجعت مره ثاانيه وسولفت معه ثمن دخلت ع المجلس والصووره بتتكلم :d اكثر موقف انحرجت منه يوم جاء ابو طلال كنت قبلها اسئل اقول بيجي :d يقلون لا تعال بس انت ويوم دخل شفت ولد صغير :d قلت هذا ابو طلال قامو يضحكوون كل وااحد يقول مالي دخل قمت وعرفت بنفسي قلت انا جرح يشكي :d بس بعد كم دقيقه قالوله هذا هامور وبغا يقووم علي بس انا علطوول قلت ان ولد خالي مشعل هو تااكسي الغراام :d ومشت عليهم صرااحه امير الاسترااحه هو ابو مقبل :thumbup: هو الي يسنع ويضبط وانا قااعد كثير قالولي انت انسان هاادي :d وكثير قالولي نعرفك من اول مدري شفيهم علي هامور انت وش اسمك :d اقولهم طارق التميمي تعرفووني يقلون لا بس قد شفنااك :d اما على سالفت الهدووء شي طبيعي بكون هادي يعني نااس اول مره اعرفهم بقعد استهبل :d بالعقل يعني امممممم صرااحه شباب الاسترااحه يشرفني اني تعرفت عليهم وقابلتهم بس الي صدق شكله مهوب على معرفه بالمنتدى هو مواصل من عام الف واربع مية وحطبه :d اول ماسلمت عليه قالو هذا الكلاسيكي وقعدت عشر دقايق وانا احااول فيهم منهو منهو الى ان قالولي موااصل :d شكراً على القاائمين على الاسترااحه واقولهم لعااد تعيدوونها :d باارك الله فيكم |
موضوع حلو بس خساره وجيهكم مو واضحه كثييير عيوني احولت ابي اشوف ملامحكم يعطيك الف عافيه اخوي |
موضوع جميل .. لكن ليش تشطبون وجيهكم ؟؟ اعتقد انكم كلكم رجال ! |
قسم بالله حمستووونا نسوي مثلكم :d , أو إنا حاضرين وياكم الجلسة , بس بعبايتنا طبعاً :d, ما شاء الله جمعة حلوووووووووة ,, الله يديمها عليكم يارب s13s ,, وابو ريمان شكله راعي طويلة ما جاكم إلا 1 ونص :d ,, بس الأهم إنه جاء , ياليت من شاف لقاء هامور البورصة وابو طلال :d ,, كان سجلتوها بالفيديو وظللتوا على الوجيه إذا ما تبونها تطلع :rolleyes: أقووول يا بنات وش رايكم نجتمع في مملكة المرأة , :d ,, هي اوقع شيء نقدر نجتمع فيها , لأن اهاليكم ما راح يرضون تروحون استراحات لناس مايعرفونهم :whacko: ,, إلا إذا بيوافقون على الإستراحة فتراكم معزومين :d <<<< غاروا من العيال , ليو ميسي , الله يعطيك ألف عاافية على الموضوع الحلو إلي خلانا نعيش معاكم الجو , :) |
إقتباس:
مملكة المراة فكرتن بطلة :thumbup: لا تعالو لبيتنا الله يحيكم s13s المشكلة بالعضوات كل وحده بديرة مو كلهم بالرياض:d يعني يالله الجنــة:) هنا لازم انتي تصورين لقاء الهنوووف وفيروسة :d:whacko: هامووور انتو اعزمونا وبنجي مثل ماقالت الماسة بالعبايات:d وبالمحرم طبعاا |
بارك الله في جمعٍ كهذا .. نحن ومن خلف أجهزتنا فرحنا بهذه ( اللمّة ) :) اجتماع ( فاض ) محبة ! الله لا يحرمكم من بعض .. أخوّة نقيّة نسأل الله أن تدوم .. ( ماجد مقبل - الـمشاغـب - leo messi- جرح يشكي - هامور البورصة - نمــر 15 ) في كل أمرٍ تتألقون وبعطاءٍ تنبضون .. شكراً للرعاة .. وشكراً لمن حضر .. وشكراً لمجلسنا العام الذي جمع هذه النفوس الطيبة .. ماسة :d " حاسة إنك بتخلين الاجتماع وسط أسبوع عشان ما أجي :d " ! شكراً ليو ميسي على التقرير الوافي :) |
الماسه فكــره كويسه ياليت نفكر فيها واتوقع مثل مملكة المرأه هي الانسب لكل البنات اما استراحات خلوها للشباب انك تجتمع بشخص ماتعرفه الا بالنت قمة الحماس |
وعليكم السلام ورحمه الله وبركاته .. جمعه حلوووه ما شاء الله وفكره رائعه :).. واللي جو فيهم الخير والبركه والحمد لله انها ما انلغت s13s.. إقتباس:
إقتباس:
إقتباس:
الله يعطيك العافيه اخوي ليو ميسي ما قصرت والله .. والله يجمعكم بالفردوس الاعلى من الجنه كما جمعكم في هذا الجمع المبارك خالص التحيه والإحترام لك .. |
إقتباس:
|
إقتباس:
طقتكم الغيره يابنات :d اجل وش يقول اللي معزوم ولا جا الله يخلف :cry: ومن هذا المنبر << استريح ان شاء الله انا اللي بعزم باتفاق انا والجاحظ :thumbup: بس شرط علي انه يكون بالرياض اهم شي فجهزوا اعماركم بعد رمضان ان شاء الله ان الله احيانا اما البنات ترا عندنا قسم عايلي وصبابات وطق اسلامي لو تبون مابه مشكله |
هلااااا وغلاااا .. أول شي أحب اشكر من قام على هذا الملتقى واخص بالذكر كلا من : ليو ميسي ماجد مقبل الـمشاغـب جرح يشكي هامور البورصة نمــر 15 صراحة الشباب كفوا ووفوا وماقصروا في اي شي .. صحيح أني ماجلست معهم كثير .. بس شوفتي لهم مكسب لي وشرف .. طبعا ماجد مقبل ونمر 15 معروفين من قبل ما يحتاج اقول :) .. صراحة مدري وش اقولكم بس الظرف جت غصب عني .. جوني ضيوف من برا الرياض ولا قدرت اجلس معهم الا شويات كانت كفيلة بالتعرف على رجال معرفة تنشرى بأغلى الاثمان .. ليو ميسي .. مهند .. المستشار .. المشاغب .. سمو المجد .. مواصل من عام 1413 .. حبايب والله أعز من عرفتهم :) ولم يحالفني الحظ في التعرف على جرح يشكي وابو ريمان وابو طلال وهامور البورصة وآي كيو واقولهم ان شاء الله الجايات اكثر ونتقابل على خير :) .. واتمنى ان يكون هناك ملتقى ثاني ويكون الحاضرين اكثر .. وايضا احب اشكر الشخص اللي جاب التمر هههههههههههههههه دمتمـ كما أحببتمـ :) |
http://www.yy44.net/up6/1aa2fb5b53.jpg تصدقون اني اشك اني رايح للاستراحه ولا لا ؟ :d سبحان الله نفسي نفسي من يكون هذا صاحب الجسم الرشيق ؟ :whacko: المشاغب وين اللي يبي ينام ؟ :evil: .. وتقولي ابنام ابنام انت ووجهك :upset: عاد تصدق قصه شعرك حلوه ياموزه صغيره :laugh: |
:dبسم الله الرحمن الرحيم والله مشوار والله يعينكم انا ردودي العادية طويلة كيف عاد وانا متحمس !!:whacko: من وين ابدأ من وين ايه تذكرت أنا والمستشار وصلنا بعد صلاة المغرب بعشر دقائق مادرينا إلا اللي مسفط ورانا على موتر يعجبك حق بر إلا هذا ماجد مقبل المشكلة عرفني علطلوول كيف مدري !! المهم قلطنا ألا بعد واحد معنا جاي المهم كانوا شوي مستحيين من بعض قلت مابدهاش لازم نفلها وماإن بدأت إلا وواحد الله يستر عليه يوصيني خيرا في المشاغب ويقول صكه بوجهه تغدى فيه قبل مايتعشى فيك قلت الله يستر وصرت جاهز للشر :evil: الإنطباعات والله البلشة انا ماأذكرهم لأنني كنت مشغول اضحك :d بصراحة مافصلت اضحك إلى يوم نمشي حسبي الله عليك يالمستشار يقول جاني النوم لو داري كان جبت له بلستيشن يلعب فيه ابرك بابدأ بأطلق واحد ابو مقبل : يالبى قلبك والله بصراحة خفيف دم ومؤدب وعلى كيف كيفك . ليو ميسي : للحين احس بإحراج يوم لعبنا كورة رعصت رجله وهو ماعليه كنادر حسيت عظام رجله انطحنت تحتي أكرر اسفي لك ، وبصراحة رجل معتدل مو هادئ ولا مخربها وسط وكلامه موزون واذا تكلم يعجبك :thumbup:. المشاغب : هذا عاد اكثر واحد انسجمت معاه احسه نفس شخصيتي يحب يصنع جو وناسة ويالبى ذباته ياشيخ اطلق ذبات ماعنده يصكها في وجهك وانت تضحك !! وكان يكلمني في المسبح عن موضوع يبي يفهمني حاجة وانا فاهمها من زمان :wink: . جرح يشكي : وش اقول تعرفون الشاعر وشلون يكون فيه شوي هدوء وردود فيها لباقة وانسان شكله ماتعود على المزح من اقول كلمة يضحك ضحك مستفيض شكله مبطي ماضحك مثلي ههههههه . المستشار : انا اعرفه من زمان وعلى قولتهم خشمك هو خشمك ولو كان عوج !!!!! حقدت عليه عشانه خلاني امشي بدري وبصراحة كان هادئ ووسيم :stoned: ماحسيت انه انسجم مع الأعضاء مع انني اذب عليه ولكن ساكت دبل تسبدي :laugh::d نمر 15 : حسيته اخوي الصغير ههههههه مدري ليش دخل قلبي هالولد من أول ماشفته وحتى كنت اناوله الكورة واترك مشاغب مع انهم كلهم انانيين :rolleyes: كنت اتوقعه كبير العمر ولما شفته طلع اصغر مما توقعت بكثير ما شاء الله عليه نابغة ويحب يتحرش بالنزاعات الإقليمية اللي صارت قبل المباراة :stoned: . مواصل من مدري كم : هذا الإنسان أكثر واحد على النقيض من صورته في المنتدى كنت احسبه ملقوف وراعي مشاكل وكنت احسبه هو اللي بيسوي رجه بالاستراحة لكن طلع هادئ وفاهم ونقاشاته مقنعه ولابس نظارات مدري منهو من الأعضاء يقول ماتوقعتك لابس نظارات مادري وش دخلها :d وبصراحة عجبني كثيير . هامور البورصة : فيه هدوء نوعًا ما ولكن يغلب عليه الطابع الفكاهي وأقلقني المستشار طول ماحنا راجعيين انا شايفه انا شايفه بس ويين اقدر اقول انه فيه بينه وبين مواصل قواسم مشتركة . مرسول الهلال : ماجلس معنا كثير ولا كان طلع الهبال لأنه في بداية الجلسة وكان التطور كبير كل شوي يزود لقافة لكن مشى بدري . سمو المجد : ماجلست معه كثير ولما جلسنا سويا كان المجلس يضك بي والمشاغب ونمر وكان اقرب إلى الهدوء . آي كيو : مستلم واحد من الأعضاء لا تسوي كذا ولا تسوي كذا وخذ نصايح طلع شايب انترنت وانا مدري :d بصراحة فيه نوع من الجدية اللي ماتخلو من المزاح . أبوطلال : أول شيء خلني اتكلم عن طلولي ياحليله الله يحفظه له ان شاء الله أما الأب كان وقت حضورة اثناء ماكنت انا ومشاغب رابصين بالمسبح ويوم سلمت عليه انا ومشاغب عبيناه مويه ومسوي ذكي راح يذب على مشاغب لحاله لأنه مايمون علي :d يقوله ياخي نشف بعدين سلم ههههههههه. بصراحة حبييييب بالحيل وراايق والأبوة ماخذه مجراها فيه يعني تشوفه فيه دفء الأبوه بغيت احط راسي في حضنه :d:d أبو ريمان : أكرر حقدي الدفين على المدعو المستشار لأنني شفت سيارة بيضاء تسفط وانا ماشي مع المستشار ولكن القدر ماشاء اننا نتقابل نعوضها مررة ثانية . مقتطفات من خلف الكواليس كان فيه واحد من الأعضاء ماعنده بدلة رياضة وقام الشباب بجمع بعض التبرعات العينية لكسوته :d فكانت النتيجة سروال سباحة مع فنيله صوف :whacko: دار قبل المباراة نقاش حاد بين أربعة من الأعضاء ولكن انتهى على خير ولم تحدث اصابات :laugh: اثناء المباراة تفنن مشاغب ونمر بالأنانية على حساب مهند:cry: ولم يتح لي التسجيل إلا مرة واحدة كوبري في الحارس الله يستر عليه:d . كان أحد الأعضاء في غرفة تبديل الملابس يغني ومروق وانا انتظره بغير وحاولت انا وليو ميسي تسجيل مقاطع للغناء ولكن للأسف لم تكن واضحة . واترك لكم البقية <<<<<<< بالله وش بقيت لا احسن اكتب صفحة ثانية :upset: |
| الوقت المعتمد في المنتدى بتوقيت جرينتش +3.
الوقت الان » 12:33 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd