الســـلامـ عليـــكمـ ورحمـــة الله وبركاتـــهـ


سوف اتكلم بموضعي عن لاعب عرفته الجماهير والملاعب بقوة تسديداته الي من النادر ان تخطي المرمى ..

لاعب جمع بين القوة الجسمانيه والقوة العقليه .. لاعب استطيع ان اقول عنه ( هيبة الفريق الهلالي ) ..

لاعب خدم الكيان الهلالي اكثر من 15 عاماً .. لاعب نشئ وترعرع بمدرسة الهلال ..

//
//

احببت هذا اللاعب منذُ ان رأيته ولأول مره وهو يلبس الزي الهلالي ..

فل نعيد ذاكرتنا للوراء قليلاً .. وتحديداً في كأس العالم 2002 م ..

بعد ان تطاير لاعبي المنتخب السعودي يمنتن ويسره في مباراتهم مع

ابطال الحديد ( المانيا ) .. فلم يستطع الوقوف بوجههم الا اللاعب القوي بدنياً

عبدالله الجمعان .. فلقد عكس الآيه فهو من قذف لاعبي المانيا الاشداء يمنتن ويسره ..

ما شاء الله .. قوه جسمانيه يتمناها اي لاعب ..

//
//




الأسم : عبدالله محمد جمعان الدوسري

العمر : 29 عاماً

اليوم الميلادي : 10-11-1977 م

المركز : مهاجم

الطول : 182 سم

الوزن : 93 كجم


//
//

مر اللاعب الكبير عبدالله الجمعان بوعكات صحيه كثيرة جداً ..

ولم ييأس بل رجع واصر على اكمال مسيرته مع الكيان الهلالي ..

//
//



اشادوا عليه الكثيرين والخبراء بنجوميته ..

ومنهم حارس مرمى فالنسيا الاسباني بعد مباراته مع الهلال السعودي ..

فلقد صرح بقوله ( اللاعب الذي احرز الهدف الثاني للهلال من ركله حره لم اصدق

بأنه لاعب سعودي فلقد توقعت بأنه برازيلي ) ..

ولقد صرح الاستاذ محمد العبدالله ..

ان الجمعان افضل لاعب مهاجم قادم للملاعب ..

متى ماحافظ على مستواه ..


//
//



لا ننسى شعور مرمى الخصم اذا علم بأن الجمعان سيلعب ..

ففي اغلب المباريات التي يلعبها يضع توقيعه الخاص في المرمى ..

ولا ننسى ايضاً بأن الجمعان حاز على لقب هداف بطولة ( كأس الكؤوس العربيه 11 ) ..

ولاننسى بأن الجمعان احرز اهداف كثره سواء مع ناديه الهلال او المنتخب السعودي ..

فله الفظل بعد الله بأحراز البطولات للزعيم .. واذكر منها كأس خادم الحرمين الشريفن ..

اما الشباب بأحرازه هدف الفوز للهلال في الاشواط الأضافيه .. وغيرها الكثير الكثير ..



//
//

هذه مشاركه من احد الاعضاء المقربين للاعب عبدالله الجمعان ..

إقتباس اضاعوك واي فتى اضاعو .. عبدالله الجمعان .. بداية .. شكراً على ما استطعت ان تقدم للهلال قبل رحيلك .. وكان بلأمكان افضل مما كان وللمعلومية ايه الزعماء سأتكلم من موقع انسان قريب لـ عبدالله الجمعان اشاهده تقريباً يومياً .. الجمعان في البداية محب وعاشق للزعيم واقسم على هذا .. ولكن ظروف الجمعان .. المادية الجيدة .. والشهرة .. جعلته فريسة لناس لاتخاف الله فأول ماظر بـعبدالله هم من حوله .. وهم المنتفعون واغلبهم لا يهمه .. عبدالله .. ولا الهلال .. المهم ماذا يستفيدون .. فهو يصرف عليهم من والى ويتكفل بسفر الأقرب معه ويقوم بتأمين ( الضروريات ) لهم .. وللجميع ان تتخيل انه يوفر لهم مالا تتخيلون لأنهم عاطلون .. فعبدالله .. رجل محب وصادق وحنون وومثقف ودارس وعلى نياته .. فأنا اعرف من هم جلاسئه بلأسم .. لكن الله يحب الستر .. ولا ينفع الأن ذكرهم ... بعد خراب مالطا ... كل ما اتمناه منكم ايها الزعماء هــو ... الدعـــاء له .. بالهدايـة والثبـات ... والتوفيـق فهـو رب اســـرة ومحب للزعيـم

//
//


فلتعذروني على هذه الاطاله ..

كلمة اخيره .. اناشد بها جماهير ولاعبي والجهاز الفني والاداري ومدرب الهلال ..

(( ارجو منكم الحفاظ على هذا اللاعب المخضرم عبدالله الجمعان ..

فما يحتاجه الا ان تقفوا معه .. وان تشدوا من عزمه .. وان تصروا عليه بالمحافظه على

تمارينه وتخسيسه لا ان تتجاهلوه .. فلا تعرفون ماذا سيفعل لكم ..

فأنه كالسكون قبل الاعصار .. نعم لقد غاب طويلاً .. فلا تيأسوا منه ..

فنواف التمياط اقرب مثال لكم .. بعد ان فقدتم الامل فيه .. هاهو يعود بمستواه المعهود ..

فل نوحد كلمتنا .. ونشد الهمة وندب الحماس في عبدالله الجمعان كما فعلناها مع نواف التمياط ..

فلا يأس مع الحياة ولا حياة مع اليأس .. ))

//
//

رجاء خاص .. ارجو عدم التجريح في اللاعب ( عبدالله الجمعان ) فلقد خدم الكيان الهلالي ..

فلا تنسون بأنكم هتفتم له في احد الايام ..
تقبلوا فائق احترامي وتقديري

افـــالون

مشكور يالغالي .. على الكلام الجميل.. وأؤيد رجوع الجمعان لتشكيلة الأساسية

المدفعجيه وما ادراك مالمدفعجيه

ياما وياما صواريخ اقتحمة الشباك

عبدالله الجمعان

ياحبي لك

اللة يعطيك العافية الجمعان لاعب اكثر من ممتاز 0000000000 نادينا كثرت فية المجاملة والواسطات0000 0000 راح يندم الهلالية على فيصل وعبداللة0000000 اقول لاتنسى الدوام 000 شايفك ماخذ المخدة في يدك

اااااااااااخ على ايامك الحلوه مع الزعيم يابو حميد
بس للاسف عدم المواظبه وكثره المشاكل التي يسببها حالت بينه وبين وجوده بتشكيلة الزعيم
راح اعاره للاهلي بس ولو مااعتقد ان الاهلي استفاد منه
اللاعب هذا مزاجي متى مارجع للتدريبات وحافظ عليها اكيد راح يكون قوة ضاربه بهجومنا بس مااتوقع انه بيرجع
ومانقول الا بالتوفيق لابو حميد

مافي احد ينكر ان الجمعان كان لاعب كبير بس هو خرب ع نفسه يعني الأدارة مشّت له كثير بس هو ما استفاد من الفرص اللي أعطيت له أكثر من أي لاعب أخر ..

وأتمنى ماتلومون ألادراة الصراحه صبرت عليه كثير يعني كم مره يتغيب عن التمارين بدون عذر ..

حنا كجمهور يهمنا مصلحة النادي قبل كل شي ...

والله يوفقه ان شاء الله

ومشكور أخوي ع الموضوع ..

إقتباس الرسالة الأصلية كتبت بواسطة هلالي الربيعيه والله معك حق ابو عابد مهاجم من العيار الثقيل لكن فيه عيب واحد عدم المواضبة والاهمال والا كان يكون ثنائي ملتهب مع القناص.

أتمنى وجوده مع الهلال
.
لكن
.
الله يوفقه وبن ما راح

أجل المعيوف يتنسق
و العتيبي موجود..!!!!!!!!!!

إقتباس الرسالة الأصلية كتبت بواسطة hilali_77 أتمنى وجوده مع الهلال . لكن . الله يوفقه وبن ما راح أجل المعيوف يتنسق و العتيبي موجود..!!!!!!!!!!

مع الخيل ياشقرا تسمع بالمعيوف والعتيبي حبيبي العتيبي نجم تصفيات
بطولة الخليج شكلك تسمع بالمباريات


وبالنسبة لعبدالله لاعب خدم الهــلال وحسم بطولات راح يبقى في قلب كل هــــلالي محب واستثني جمهور الاعجاب يبقى عبدالله افضل ثاني مهاجم مر على تاريخ الهـلال
والتاريخ يشهد

؟؟؟

موضوع متعوب عليه يا الغالي ومنسق وجميل
الجمعان ما قصر خدم الهلال وحسم بطولات وله انجازاته وله مكانته في قلوب الجماهير
لكن
من وجهة نظري الخاصة
ان الجمعان ادى اللي عليه ولن يستطيع خدمة الهلال
ويعاب على الجمعان عدم التزامه بالتمارين وكثرت مشاكله
لو ان الجمعان مستمر بالتمارين ومجتهد اعتقد انه سيفرض نفسه في التشكيلة بقوة
اعتقد اعطي فرصة وذهب للأهلي لكن لم يفيد الأهلي ولم يستفيد من الأهلي ولم يقدم شيء يذكر
اعطي فرصة في بداية الموسم الماضي عندما لعب الخليجية
( اعتقد لعب عشر مباريات متتالية سجل هدف وحيد فقط اذا كنت غلطان صححوا لي المعلومة)
نقوله ما قصرت
الآن موجود مهاجمين في الهلال كثر
( ياسر , الصويلح , الكلثم , الخراشي , العنبر , سلطان السعود )
ياسر والصويلح اعتقد انهم الافضل
الكلثم قادم بقوة بأذن الله
السعود لاعب ممتاز
الخراشي يحتاج الى فرصة
العنبر لا تعليق
تقبل وجهة نظري عزيزي

للأسف عبدالله الجمعان أهمل نفسـه بنفسه .. وماضيعه إلا المزاجيـه اللي طغت على شخصيته ..

إقتباس الرسالة الأصلية كتبت بواسطة محامي الفيلسوف15 للأسف عبدالله الجمعان أهمل نفسـه بنفسه .. وماضيعه إلا المزاجيـه اللي طغت على شخصيته ..