في ليلة من ليالي الأونس >>>> بالحييل .. هطلت علينا الإستاذه ليز كغيمة مطر راعده >> يمديكم ع


المدح

هضلت عندنا والسبب الرئيسي لهضلتها هو ان شركه الدي سي أل الموقره الميمونه سعودي نت


متعطلتن عندهم

و طبحت ببيتنا .. و تحسبونها سلمت لولا أن أمي انطحتها تسان ما رده إلا باب غرفتي ...


و لا شلونتس ولا شخبارتس ؟؟

و تاقف شوي ولا تنجلط يوم شافتنا ملبقات عند التلفزيون تقل جموس نقل و تنهبل و يطير عقله و


تمسك قلبه وراكن ؟ وشبكن ؟ و ين لابتوباتكن ؟؟ و شوي و الدمعه تنزل ... لا تقولون ما يشتغل عندكم ..


و تقعد تصيح و أنا مير اقوم واصكها بالخداديه ..

هاللحين ما تستحين ؟؟ يعني ما جيتي عشاني ؟؟ مهوب غلا بي ؟؟



و تجاوبني بدمعن يقوطر من عينيها و بصوتها الحاني تشعر :


غلاك بداخل عروقي و لا يوصل غلاك انسان *** يمر الوقت ويثبت لك غلاك ان الله احياني


و نقعد متقابلات متصافقتن و جيهنا .. عاد أنا قلت :: الله مير يبارك بها الليلة اللي خلتنا نتشاوف و

نتبادل الثقافات بين البيتين والمعلومات الهادفه والقيمه حيث اننا الله يسلمنا


قوبل مسنترات ع النت .
.

و نسولف ونسولف ونسولف ونسولف ونسولف ونسولف ونسولف ونسولف ونسولف ونسولف

ونسولف >>> مع جدي يا السواليف ...

و خلصت السواليف .. و تاخذ ليز الجوال و تدق على اخوها ... و تسأل إذا مشتغل عندهم أو لا ..


قال لها :

سعودي نت كلن عطلانه عنده .. و أول نت بيت يشبك و بيت لا .. وهي قالت و لا ما قالت يا دافع البلا ..

و نطقه صيااااااااااااااااااااح ...


و نمسك الهاتف المجاني و مشغول اشتغلت ضرووس العدو .. و تطق صدرها ليز و تقول أنا لها يا

بنة العم ازهليها ..

اهوه سماعه الهاتف .. ناوليني يا ريري أريد أن اجري مكالمه الله لا يهينك ..


و أنا امدلها السماعه .. و تدق على 907 و قطعوه بوجهها يقولون يصلون الفجر و تو المذن فاتحن افموه ..

قالت ليز : قاطعينه على هالعالم و هم قاضبينه ما غير يشتشتون بالمواضيع >>> نحسب الناس مثلنا ..

و بعد الصلاة عاودنا .. و نسمع الخيارات .. 1 dsl شامل .. 2- dsl سعودي نت ...


و لا بوه أول نت .. اخترنا سعودي نت و قلنا نسأله عن أول نت كلهم سعوديين و عيال بلد و حده ..


قال الله يعافيك حنا سعودي دقي على أول اسأليهم .. قالت : ما عندي لهم رقم غير المجاني اللي له

ثلاثة أيام مشغول و قاطعينه عنا >>> الله أكبر يا ليز 3 ساعات صارت 3 ايام ..

عطانا رقم و مير تمسكه شيشي ولا ردوا عليها .. و تدق ع 907 و تختار سعودي نت تسألهم وراه


منقطع عند بيت ليز ومتى بيرجع .. سألها عن الأسم و البيت و الرقم ,, و سألها عن رقم البطاقه ..

جدعت أقرب رقم 90 ..

قال : يا ختي ما فيه شي اسمه 90 .. قالت : و الله مدري .. بس ما تدري عن أول نت متى

يرجعونه؟؟؟

قالت : أقووووول مع السلامه ...

و ماش منغثين و فاقدين الأمل ..

أصبح الصبح .. و حنا متجدعات بالصاله تسننا مرشوشات بفليت ..


و تقوم تقشنا ليز بالغرفة .. وتطلب شماغ و ثوب مير ما لقيت لها ثوب و عطيته روب أبيض ... قلت

يفي بالغرض ..

و تطق اللطمه وتغطي كل وجهها و تلبس الروب .. و ننزل تحت مسوين خايفين أنا وخواتي و ننادي سيتي ((الشغاله))


و اقولها :: بسرعه تعالي فيه رجال جيب عصا مكنسه عشان طوخ بعدين مووت >>> ع باله بعرصي


و نرقى معه للغرفة و ليز ورا الباب متغبيه .. دخلت سيتي الأوله و حنا وراه ميتين من الضحك .. و

تقضبه ليز مع رقبته ..

و تزتنا ليز بهكا الزاوية و تههدنا بالإشارات >> حرامي أطرم .. و أنا دموعي من الضحك و


الشغاله تحسبن اصيح .. و تقبس بنا ليز الصوت تسنها سلفستر ستالوني ...


و تهدد الشغاله تقولها .. :: شوفي نفر هاذا كلوه كتل سوا أنتي بس جوف انتي سوي رقص ما فيه موت فيه معلوم ..

و أنا انفلت عليه :: سيتي ارقصي أنا صكير ويا خواتي ما ابغى موت .. ارقوصي سيتي لازم اسمع كلام هرامي ..

و تنزرها ليز .. شوفي لازم قبل أرقص لازم شيل هذا إيشارب و فلي شعر .. لازم أرقوص سوا سوا

سئودي ..

يمين شعر يسار شعر .. بئدين فوق بئدين تهت ..


و رقصت ذاك الرقص اللي خلانا يغشى علينا من الضحك لدرجه عجزنا ناقف .. اللي هي ليز فكت

اللطمه و تشاهق من الضحك ...

و تشتب تسبده الشغاله .. وأمسكها وأقولها :: شوفي سيتي ما في كول لماما .. أنا و انتي صديق .


. سم سم أنا ...

انت كول اسرار أنا كول اسرار .. انتي رفيق أنا >>> ايه هين ..



الخلاصه

1- ليش نضيع أوقاتنا بالنت و الله يالسواليف و الجلسه مع البنات والأهل تسوى الدنيا

2_ ليش 907 جاحدين أول نت


3_ معذور محمد بن فيصل يوم سحب على الأتصالات وراح لموبايلي

4- ارفقوا بالخادمات تراهن ضعيفات ولا بأس بقليلن من الهستره معهن بدون اضرار ...


5_ اذا خرب لكم شي ارضو بالأمر الواقع لاتزعجون الخلق >> علمي نفسك


6_ كل الشكر لمن سأل عني وأفتقدني وجلس يشيك على ملفي الشخصي


هاذا الموضوع نزلته عشان خاطر ((ليز وهنوف ورعبوبه ) ) فرغوا طاقاتكم