|
تكتب باليسار..؟؟ كان لك توأم في بطن امك..!! السلام عليكم ورحمة الله وبركاته.. طبعاً مثل ماتعرفون معجزات ربنا كثيره..لا تعد ولا تحصى..ومنها هاللي بقوله لكم الحين.. اليوم كنت قاعده اشوف على قناة الام بي سي1 معجزات في الرحم اظن اسم البرنامج.. واللي لفت انتباهي بهالبرنامج (( هو وثائقي يتكلم عن الاجنه وهالمره كان عن التوائم )) انه اللي انولد وهو يكتب بيده اليسار كان له توأم .. اي نعم توأم واختفى..!! بتسألون روحكم شلون ؟؟ انا بقولكم شلون.. التوائم مثل ماتعرفون يشتركون بأشياء كثيره.. ومنها انهم يحسون ببعض اذا الثاني تعبان او في شي يبي يقوله والخ.. بس طبعاً بنفس الوقت تعرفون انه في توائم مختلفين يعني مايتشابهون شكلاً ابدا ممكن ملامح بسيطه بحكم انهم اخوان.. واللي ابي اوصله انه التوأم المتشابه تماماً يكون يشترك بنفس الصفات ونسبة الذكاء والشكل مع اخوه ومن هالصفات اللي صج استغربت منها..انه واحد من التوائم يكون قلبه على اليمين وواحد على اليسار.. واحد يكتب بيده اليمين وواجد يكتب بيده اليسار..يحبون نفس الاكلات تقريباً لانهم كانوا مشتركين بكل شي داخل بطن والدتهم..ويكونون بشكل المرآه لبعض يعني اذا هم قاعدين قبال بعض كانهم قاعدين يطالعون روحهم بالمنظره..لان اللي ياكل باليسار الثاني ياكل باليمين فمافي فرق بينهم..وهذيله التوائم يسموونهم The Mirror Twins .. الحين سالفة اليد اليسار هي ان سبحان الله من معجزات رب العالمين ان اذا راحت الام تصور عند الدكتور عشان تشوف الحمل ممكن يبين باول مره طفلين والمره الثانيه مايبين طفل منهم والسبب انه في حالات يتم يتضائل حجم الجنين الا ان يختفي ويتحول الى الياف..!! بس بعد مو هذا اللي ابيه.. الام لما تروح تصور مثل ماقلت الحين ممكن يبين طفلين..وممكن مايبين الا طفل واحد..!! ونتم ماشين على هالشي لينما تولد الام وبعد مافي الا طفل واحد..!! بس ياللي تكتبون باليسار تدرون ان انتو كان لكم توأم ببطن امكم بس صار له العمليه اللي قلتها انه يتضائل حجمه ..الخ ومن ذالك نعرف ان اللي يكتب باليسار كان عنده اخ توأم بس الله مارادله انه يكون على الوجود..فتحول الى الياف..سبحان الله وآسفه لاني طولت عليكم.. بس حبيت اعطيكم اياها كمعلومه جديده..:) وياليت اذا مافهمتوا شرحي قولولي اي نقطه مافهمتوها بعدل صياغتها لكم.. كل عام وانتو جميعاً يالف خير..:) وبـــالـــســلام خــتــام.. سلاام!! |
يسلمووووو ياابله .. ماكو اي نقطة مبهمه .. وللتاكدي .. اساليني وانا اجاوب .. ههههههه لاتصدقين .. ترى ماعاد ارجع للموضوع اللي مريته .. مشكوره خيتووو .. وسبحان الله ما اعظمه .. انتهى , , , |
والله يالعنود ــ ماقصرتي ــ وبيض الله خشتكي .... بدون ميك أب ... طبعآآآآ الموضوع أول مره أسمع فيه ..... والحقيقه أني أستفدت منك ...... مع أني أحب البرامج الوثائقيه ...... ودايم الرموت في يدي .... والقناة شغاله على الوثائقيه ..... وياحسره أستفيد أشوي .... وأنطق كثير ...من الشباب اللي معي .... مو معناته أني جبان لكن .... الكثره تغلب الشجاعه .......... ماتلاحظين أني عطيتك قصة حياتي ...... والله أني شغله ..... تسلمين والله على الموضوع المفيد جدآآآآآآآ ......... |
هلا العنود ... والله القهر ... أنا اكتب باليسار ... تهي تهو راح توأمي يا سفابوه ... بس الحمدلله .. الله عوضني بريري صدق انه سيامي بس يمشي حاله ... طيب سؤال توقعين الأم اللي تكتب باليسار يجيه توأم >>> نفسها بتوأم ... لا عدمتك ... |
طيب سؤال ع السريع .. وش يدريني اني انا لما اكتب باليمين .. ان ما عندي توأم يكتب بالشمال بس تضاءل :d يعطيك العافية على المعلومات .. |
سبحان الله |
وعليكم السلام ورحمة الله وبركاته .. هلا فيك اختي العنود .. الصراحه معلومه جديده .. لكن انا اكتب باليمين .. يعني مالي توأم .. سبحان الله فعلاً لما نعرف هالاشياء , مالنا الا نعظم الرب جل جلاله .. ولله في خلقه شؤون .. لك الف شكر اختي على عرض هذي المعلومه .. وتقبلي فائق احترامي .. دمتي بخير .. |
ســبحان اللهـ ,, شي غريـــب واللهـ .,. أنا أكتب باليسار ,, بس اثنين من عماني وعمتي كلهم يكتبــون باليسار :rolleyes: وناااسهـ لو عمتي هذي منها ثنتين :d بس واللهـ معلومهـ جديدهـ وغريبهـ .,,. يعطيكـ العافيهـ يالغلآ ..:) |
سبحان الله ! موضوع حلو ومفيد يعطيك العافيه يالعنود وانا ايسر وشكلي فقشت جبهة اخوي التوأم برجلي من غير قصد( ياحبيبي يااخوياااااااا ):cry: وحتى ولدي طلال ايسر يعني شكله رفس اخوه التوأم وقضى عليه ( ياحبيبي ياابنـــــــــــــي ):cry: موضوع مأساوي بس معلومات بصراحه مفيد يعطيك العافيه وتقبلي مروري اختي |
اشوا ان التوم اللي معي تضائل حجمه ولا كان انا مدري وين الحين خخخخخخ << يكتب باليسار |
الله يطولي عمرك ــ ياأبو طلال ......... صابني أهتزاز في المعده أدى ألى أنتفاخ في الركبه ... ذبــــــحـــني والله بطني من الضحك .... مسكين والله أنت فقدت .... أخوك ... وأبنك ..... الله يعوضك ......... هههههههههههههههه !!!!!!!!!!!!!!!!!! |
هلا فيك اختي العنود وبصراحه معلومات جديده ، ومواضيعك دايما جديده :d سبحان الله ، طيب انا اكتب باليمنى وش وضعي :d يعطيك الف عافيه على المعلومات الجديده :d |
سبحان الله اجل اختي تكتب باليساار مشكووره يالعنوود على المعلوومه تحياتي لك بنت فهد |
سبحان الله :whacko::whacko: ما اقول الا عظم الله اجر كل واحد يكتب باليسار عشان توائمه الله يرحمه :d:d مشكور على المعلومه ... بس اللى يكتب باليمين وش وضعه :d:d |
... هلا فيكـ أختي العنــود .. ! أحب اشيد بكـ , و بـ مواضيعكـ الرائـعة وإن كانتـ قـليلة ..! الصـراحة بالنسـبة للفـيلمـ الوثائقي .. كنت أتمنى لـو شفـت هذا البـرنامج , وولكن ظروف الوقت ما سمحت لي ..! المهمـ .. معلوماتـ أول مرة نسمعه بالنسبة للي يكتبون بالـيد اليـسرى ومعلومات جديدة وغـريبة ليش ما يكون العكـس .. لا أدري ..! وبالنسبة لـي أكتب بـ اليد اليمنـى , ويعني مافيه لي تؤام ..! :) وهـذا من عظمة الله عزوجـل .. ولله في خلقه شؤون ..! ؛؛ أختي العـنود .. الله يعطيكـ العافية على الموضوع .. و دائمـاً تأتينـ بالمعلوماتـ المفيدة والرائعة ..! // دمتِ بـخـير ,, سليمان ..! |
| الوقت المعتمد في المنتدى بتوقيت جرينتش +3.
الوقت الان » 03:46 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd