|
عـــــــادت حـليـمه لعادتـها القــديـمه بسم الله الرحمن الرحيم السلام عليكم ورحمه الله وبركاته اما بعد طبعا تبون تعرفون وش معنى الموضوع معناه : هو ان الاتحاد السعودي رجع مره ثاينه يخرب على الهلال وضم اهم لاعبينه والمصيبه الكبرى انه لم يسبق للاتحاد السعودي وان ضم لاعبين الهلال الى اذا كان الهلال محتاج لهم وخصوصا في بطوله اسيا طبعا كل جماهير الهلال لن تنسى ما فعله بالهلال في البطوله الماضيه والي يقهرك انه لم يصبق للاتحاد السعودي وان ضم للاعبين الهلال الا في معسكر او مباراه وديه يعني لم يسبق له ان ضم لاعبين الهلال عشان مباراه رسميه المهم حالين الاتحاد السعودي ضم لاعبين الهلال للمعسكر عشان مباراه وديه ( خشنه ) طبعا تبون تقلون وش دخل ( خشنه ) في الموضوع الكل يعرف ان المنتخب الغاني هو الي راح يلعب معه المنتخب مباراه وديه والمنتخب الغاني طبعا افريقي وافريقيا معروفه بالخشونه في لاعبهم والدليل نادي الاتحاد النيجيري هههه لاحد يقول انت تقصد نادي الاتحاد السعودي هههه المهم خشونه منتخب غانا قد تحرمنا من اي لاعبين الهلال والله يستر على لاعبينا الكل يعرف ان الهلال حتى الان لم يلعب بالتشكيله الاساسيه وليس لديه مباراه رسميه الى واحده فقط امام الطائي وبعدها مباراه الوحده الامارتي صحيح ان المعسكر ليس في وقت مباراه الوحده لاكن من حق الهلال ان يحتفض بلاعبينه انا ابي اعرف المباراه الوديه ليش وش الهدف منها المنتخب ليس مقبل على اي بطوله حالين انا ابي اقولكم الهدف من المعسكر هو التخريب على الهلال من اجل خاطر عيون ( الكل يعرف قصدي انا ما ابي اقول اسمه تكريما للموقع والاعضاء حتى المندسين لهم خاطر عندي لنهم ضيوف واكرام الضيف واجب هههههه مع تحيات اخوكم الفارس الازرق 2006 وشكرا |
مدام فيصل عبدالهادي موجود الهلال موبخير |
مادام اصحاب الخطط المهروسة موجودين لا ترجي خير |
هلا اخوي هل هلالك يهلال والله الهلال لن ينعم بخير مدام فيصل العبدالهادي او غيره هلا اخوي راضي قديم الخطط المهروسه على قلوتك معروفه والله يستر على الهلال وشكرا على مروركم |
هذا الهلال مظلوم دايما وتجيك الاندية الي مساعدها التحكيم واولها الجار يقولون الهلال فريق حكومة!!!!!!!!!!!!!!! |
هلا اخوي الشلهوب المبدع والله الهلال راح يعاني كثيرا من معسكرات المنتخب المفاجئه والله يستر بس على هلالنا اما عن جمهور الجار ونظرته للهلال فمن السفه على السفهاء يعني الرد على جمهور الجار سفه لنهم سفهاء وشكرا |
لا يارجال منتخب غانا افضل من نامبياا وطقتهااا اتمنى اللعب مع فرق اوربيه للاحتكاك مع المدرسة الاوربيه ولكن منتخب غانا يعد الافضل في افريقيا وان شالله لاعبيناا يكسبون الخبره اذا قابلو فرق قويه ونتمنى خروج لاعبيناا موب من المبارااة المباراة ماعليهم خوف الخوف كله من التمارين وانبرشاات تكرر |
هلا اخوي مزاجي الزعيم هههههههههه والله انك صادق الخوف من الانبراشات الي في التمارين اخوي منتخب غانا لن يشارك بالفريق الاول رغم ان المنتخب الاول اصلا فيه خشونه كبيره لاكن المصيبه الاعبين الرديف للمنتخب الغاني الي راح يكونون متحمسين عشان يثبتون انفسهم وانت تعرف الاعب الاسمر اذا كان متحمس يعني خشونه غير عاديه والله يستر وشكرا |
| الوقت المعتمد في المنتدى بتوقيت جرينتش +3.
الوقت الان » 09:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd