أرجوا الدخول لجميع الأعضاااء..بخصوص مكافأة الأمير راشد
 

بسم الله الرحمن الرحيم

السلام عليكم ورحمة الله وبركاته


أولا مبروك فوز الهلال

وثانيا

بنتكلم عن موضوع هالأيام وهو بخصوص مكافأة الأمير راشد الله يطول بعمره ووالده

أنا أشوف الشباب كلهم يشبون على الأمير
وأن المكافأة راح تدمر المستوى ومن هالكلام

أولا المكافأة بنظر الجميع خطأ وهذا صحيح
وأنا ماني من اللي يقولون أنه ما أخطأ وأن المكافأة ماراح تأثر بنجومنا
لا راح تأثر لأنهم بشر ولأن المكافأة مهب بسيطه

وأنا من اللي يقولون أنها خطأ
لكن كثير من الأعضاء بالغوا
وقالوا أن المستوى بيندمر ومدري أيش وهذا فيه مبالغه
صح بتكون فيه أنانيه لكن مو لهالدرجه

وثانيا الأمير الله يطول بعمره ما قصر مع الهلال بشي
معسكر أو بطوله أو علاج أو أي شي هو من أوائل الاعضاء الداعمين للهلال

ليه ماتغفرون زله

ماسمعتوا بأن العيب ليس بالخطأ وإنما بتكرار نفس الخطأ
مع أني متأكد أن الأمير راشد بيعدل هالخطأ
وبتشوفون المباراة الجايه ان شاء الله عكس اللي قلتوا من الأنانيه
بتشوفون اللعب الجماعي أفضل من المباريات السابقه ان شاء الله
وأنا أذكركم

وثانيا عندي اقتراحات بالنسبه للمكافئات التحفيزيه

أولا أنها ماتكون كبيره مره مثل 100000
لكن تكون على قد المباراة
يعني بالدوري 10 - 20 ألف

وآسيا 25 - 40 ألف كحد أقصى

ثانيا أنها توضع لأفضل لاعب وليس لمن سجل الأهداف
ويختار اللاعب مجموعه من المسئولين
إما المدرب ومدير الكره ومساعد المدرب
أو عدة لاعبين معتزلين أو محللين
وأن أهم شي بالجائزه اللعب الجماعي وخدمة الفريق
وليس الاستعراض



المهم بالموضوع
نقدم شكرنا الجزيل للأمير راشد ولوالده أطال الله في عمريهما
على دعمهما المواصل للزعيم ولكل ماهو من مصلحة الزعيم

وأرجوا من الأعضاء أنهم ما يبالغون ويكبرون السالفه

لأن الخطأ بيتعدل ان شاء الله
ونجوم الزعيم بيستمرون بتقديم المستويات من أفضل الى أفضل ان شاء الله
والسلام عليكم ورحمة الله وبركاته

مشكور أخوي / والأمير راشد راعي واجب ومـايقصر وهو وضع مكـافئة على شان الجميع يلعب ويسجل

الامير غالي علينا والشيء مو غريبه عليه