تقاليدنا اللي نعتز بها اصبحت سواليف.........!! - نادي الهلال السعودي - شبكة الزعيم

ولد وايل · #11 04/09/2007, 01:55 AM

عاشقه المان-رونالدو7

إقتباس


	عيد الاضحى قرب ما فى رجال يحترم نفسه يلبس هالشئ يا زين الثوب و الشماغ بلا سحاب بلا خرابيط

صدقتي لكن الشماغ موب دايم لانه غثيث شوي

حياك اختي عاشقه نورتي

مستر جوكر

إقتباس


	الله يخلف علينا حتى اللبس بدو يختراونه لنا

حياك ياجوكر

الغدير الازرق

إقتباس


	هلا ومرحبا فيك اخووي ولد وايل والله مع اني ماعرفك بس من زمان ماشفت لك موضوع خصوصاً انك من رجال المجلس القدماء والمخلصين << متعوب على هالكلمه

هلا والله اخوي الغدير

وشكرا على الكلام المتعوب عليه ولو انك بالغت شوي اذا انا مخلص وقديم اجل وش نقول عن ابو ريمان والقاضي
اللي ماقول غير الله لا يحرمنا منهم ويكثر من امثالهم ولا يحرمنا منك بعد انت

إقتباس


	اما هالثووب يصلح طقم للهلال ويين الأدارة عنه بدل الشورتات خلهم يلبسون اللعيبة ذا استر واحسن وبيريح بعض لاعيبتنا خصوصاً اللي سيقانهم طوال

لا تسوي دعايه تكف

إقتباس


	مع ان اشكال الثياب مادري وش تبي بس تصلح تلبسها اذا جيت تبي تغير استبنه والا تبي تخم الحووش والا بتروح سوق الغنم

قوه تحطيم

إقتباس


	وصدقني هالثياب ماحدن راح يتقبلها وماراح يشتريها الا واااحدن يسمع بالعيب عاد والله مهيب بعيده بكره يصممون لنا فرووه بسحاب وفيها مخابي من وراء وعليها علامه اديداس

خخخخخخخخخخخخخخخخخخخخ تخيل

إقتباس


	وعواااااافي اخوي ولد وايل ولاهنت يابعدهم على هالموضوع القيم .. ودمت بود وعافيه ..

حياك اخوي وسير علينا دايم

غلاهم وماخذه حلاهم

إقتباس


	يع مو حلو الثوب كانه لبس بيت والله ماخربنا الا الي جماعة طرطشلي مثل مقال ابو ناصر ..متفتحين زياده عن اللزوم يسلمووووو

صح كلامك كانه لبس بيت استراحه طلعة بر يعني مايفرق عن القميص المغربي

وشرفتي اختي

AL PACINO

إقتباس


	تسنهن قمصان مغربية وكل واختياره

صحيح كلامك وحياك اخوي

الـرايـــق

إقتباس


	والله من ناحيتي جازلي ذا بس طبعا مهوب معنا البسه بالمناسبات الرسميه بس الباقيات هين اشكالهن قبيحه جدا

ايه اهم شي جاز لك وصدقت ماتنفع رسميه
وحيااااااااااااك اخوي الرايق

الكــلاسيكي

إقتباس


	وعليكم السلام ورحمة الله وبركاته .. هلا بالغلا ولد وايل .. راعي كحيلان اخيراً رجعت لنا بموضوع .. يعني خلاص دليت دربك

هلا بمشرفنا الحبيب وابشرك عرفنا الدرب بس صلحوا شبكتم والا ترا ماني كاتب موضوع ثاني مره

إقتباس


	من ناحية الموضوع .. والله هزلت نلبس هالثياب ! اذا على شكله ماصار ثوب .. لحد الحين ماله اسم معين .. يمكن ري ثوب .. مثل ماقلت .. بس كلمة ثوب حرام عليه .. كل شي توقعه .. خاص بعد عرض الازياء للشباب اللي بجده قبل فتره

لا هين هو اسمه الصدزي ري ثوب وهو بصراحه اقرب ماله قميص

وسالفه عرض الازياء ترا هم نفسهم ابشرك

إقتباس


	ودي اشوفك ياولد وايل وانت لابسه .. كشخه كشخه تقبل ارق تحيه .. دمت بخير .. لاعدمتك ..

هين انا لا لبسته كشخه وانا زد قالو لي لو تلبس خيشه تطلع تهبل وش زينك ماشاء الله علي

دعابه دعابه لا حد يصدق

المهم حياااااااااااااااك يامشرفنا

بنت عز ماتنهز

إقتباس


	والله ذي ماااهي ثيااااب يعني تخيل شكلك لابس الثوووب ذا وش يصير لووون الغتره امممممممممممممممممممممممممممممممممممم يمكن برتقاااالي بصراااح ذي الثياااب مااايلبسووونها الرياااجيل في ذا الوقت بس يمكن بعدين تصير مووووضه بس مااافيه تفصيل يعني جاااهز واللي ماايلقي مقاااسه وش يسوووي

هلا اختي ضد الزلازل

.........<< مزوح

وبالنسبه للون الغتره مااعتقد انها تنفع لانها مثل ماقلت اقرب للقمصان يعني تخيلي واحد لابس قميص شرقي
بشماغ سلامات

عموما حيااااااااااااااك اختي

دوم هلاليه

إقتباس


	اللهـ يخلف على اياامـ الرجوولهـ ..؟!! يسلموووو ولد وايل هلاليهـ

لا ان شاء الله انهم رجال وفيهم الخير والبركه على الاقل اهون من جنز طيحني اللي يسمونه الساحل

ونورتي اختي هلاليه

كلي هلالي

إقتباس


	مشكور اخوي ولد وايل أقول ماودك نطلع سوا للصمان والله مشتاق للبر بس الحر حال بيني وبينه

والله ودي بس القيض حارمنا يارجال حتى صيد ماطلعنا هالسنه لكن قربت سهيل وطلع ماعاد الا شهر
ويجيك الوسمي ياحبي له

عموما حياك اخوي ولا جيت بطلع خاوني يشرفن مخاواتك

القاضي

إقتباس


	إذا القضية تقاليد فالموضوع فيه سعة بإذن الله. و شخصياً لا أرى فيها أي شيء ، بالعكس هي تجديد للألوان الحالية المكررة.

هلا بالعمده يالله انك تحييه وتبقيه

المسأله ماهي مسأله الوان هذي الثياب الشتويه فيه اغلب الالوان وتهبل وش زينه

لكن شف الثوب مطرز ومنقش وخطوط مابقى الا يحطون بطانه حقت فستان

اللي يغبنك انهم يقولون انه البديل المناسب للثوب التقليدي وكانه ثيابكم ماتعجبنا هذا اللي خلاني اكتب عنه

خلاص ياخي قل موديلات جديده وبس بدون ماتجيب طاري الزي اللي تعودنا عليه

عموما شرفني حضورك يابو عبدالله وترا من الحين بعتمد لك لقب عمدة مجلسنا

leo messi

إقتباس


	هلا والله ولد وايل تصدق من الحمااااس ودي اكتب رد اكتب وماانظر الشاشه عيني على الكيبورد وفي الاخير بعد ماخلصت .. اناظر اثاريني كاتب بالانقليزي قسم بالله تحطيييييييييييييييم

العجله وماتسوي اثاريك مطفوق

إقتباس


	بس ياانا شرشحت لك ( طرو....... ) شرشحــه قسم بالله يخـــوي كل شيي ماله ذوووق يجي من عندهـــــم وخصوصا اللي تتــعـــلق في الموضـــه ..

لا تعمم ياصديقي لان حتى ربعك هنا طلعوا بالثياب اللي كمومه قصيره والطواقي اللي كنه غضاره

بس مثل ماقلت لردي على ابو عبدالله انه عيني عينك الثوب التقليدي ماعجبنا وهذا البديل على كيفها هالشركه

إقتباس


	يعيطك العافية اخوي ولد وايل ع الموضوع المقرمش

اهم شي اعجبك وشرفتن اخوي ليو

عاشقة الزعيم15

إقتباس


	انا اشوف انه شي عادي خليهم يغيروا ايش يعني واخرتهم بيرجعوا للثوب اللي نعرفه وكثير غلطوا على اهل جده مع انه الموضوع مايستاهل كل هالغلط مشكور أخوي عـ الموضوع

للناس فيما يعشقون مذاهب واهل جده على العين والراس بس يمكن اخذهم الحماس ولا تزعلين

عندنا وعندكم خير

واهم شي انك شرفتي الموضوع

لي رجعه ان شاء الله مع باقي الحلوين