متى تحس انك محترف .؟ وكيف.؟ - نادي الهلال السعودي - شبكة الزعيم

واين روني · #1 02/09/2007, 02:54 PM

بسم الله الرحمن الرحيم

السلام عليكم كيفكم يانفرات اقصد يازعماء

الموضوع هذا بأذن الله بيفيدكم
متى تحس انك محترف ؟ وكيف.

من جد يازعماء البعض شايف نفسه
على الكمبيوتر ومفقع وجه الكمبيوتر

ويوم يواجه واحد يلعب ويتكتك تضيع
علومه ويجيب العيد

.نبداء على بركه الله.

تبي تحسن مستواك العب بفريق ضعيف .<< وش عنده هذا>> المهم
فريق متواضع لو قلنا نجران & تشلسي <<صعبه صح لا ياااخوان هنا
تحس نفسك محترف خلنى اخسر المره الاولى والمره الثانيه لكن الثالثه
بفوز غصب عن ابو تشلسى او برشلونه او اي فريق عالمى زي انا بصراحه
اخذ فريق مره متواضع اشوف الفريق اللى ماعندك احد يعني من جنبها

زي الرائد.
انا اخذت الرائد يأخون واجهت الريال مدريد خسرت اول مباراه 4 - 0
المباراه الثانيه فازو 2-1 المباراه الثالثه (مدريد 0 - 1 الرائد ) فزت عليهم
مافزت كذا او لعبه حظ فزت بلعب والله له طعم وهدف متكتك متعوب عليه
المهم الحين الحمدلله مااعلى من اي فريق عالمى اكسر رؤسهم بأي فريق

طيب الحين ينقز عليك واحد يقولك وش الفائده ...؟

الفائده:- يأخوان الفائده فكر فيها لو اني اخذ مانشستر قدام الريال بفقع وجه
الريال يعني مافيه شي جديد لكن بالفريق الضعيف تخيل ماعندك احد سريع
ماعندك احد يشوت شوت وماعندك احد حق عرضيات ومعدلات اللاعبين ضعيفه
وحارس من جنبها يعني في هالحاله تحس انك تفكر تحس انك تلعب.... تحس
انك مدرب تقوم توزع وتمرر وترتب اللعيبه وتلعب لعب عالمى بفريق ضعيف
ويزيد الاحتراف عندك تصير ماعد تحتاج السرعه تصير تلعب وانت مروق
وخل المحترف يجي صدقني تحس نفسك تتطورت تحس انك محترف بس بعد
التدريب .
وتنسى نظام اللعب القديم اللى هو علق على السرعه وادخل المنطقه وشوت
جربوها وش تتخسر مأنت خسران بالعكس صدقني تستفيد وهذا درس للي
يقول الكمبيوتر مايفيدك لازم تواجه ناس محترفه صدقنى مو لازم سوى نظامى
وعطني رايك .

(مباراه الكمبيوتر بفريق ضعيف ضد فريق كبير وربي لم تفوز تحس انك تعبت
تحس انك في تطور وله طعم الفوز

)

بأنتظار ردودكم وتجاربكم وتفاعلكم لان الموضوع مفتوح للجميع سوى محترف

او لاعب عادي

تقبلو حياتي قبل تحياتي أخوكم واين روني المطيري