نادي الهلال السعودي - شبكة الزعيم - الموقع الرسمي - فنان يغني في سامي .......ادخل وسجل شكرك له..

- منتدى الجمهور الهلالي (http://vb.alhilal.com/forumdisplay.php?f=28)

- - فنان يغني في سامي .......ادخل وسجل شكرك له.. (http://vb.alhilal.com/showthread.php?t=448077)

عـزازي كـبـيـر مـب محتاج شهادتك انت وياه يلي معارضين يلي تسمعون بابا اوبح وبابا فين ومامامسافره واعمل حفله وشخبط شخابيط هـذا فنكم اللي فرحانيين فيه .
وعلى كلام بعض الناس مثل قايد الريم انا اخبر قايد الريم اغنيه لعزازي وجازلك اللقب وانتسبته لك . هههههه . حرامي كبير ابو وجهين .
وعلى فكره الفنان عبادي الجوهر يقول انا اخاف من ريشه الفنان عـزازي بس الاعلام متجاهله لفنه .
وخالد عبد الرحمن يقول انا من المعجبين بالفنان عزازي وانا من المستمعين لفنه . وعلى فكره خالد بدا بالفن الشعبي باغاني بشير .
وبعضهم يقول ابو نوره ابو نوره ما طلعه الا الشيوخ و اغاني بشير منها ايوه و جرحك العام ما طاب وغيره والبراقع من اغاني سالم الحويل .
المهم واللي يقول فديو كليب حقه مع البعارين وش تحسبه انت ما طلعك الا البعارين بـعـدين تراه من اهل القصـيــم ومن اشهر العوائل بالمنطقه .
واللي يقول رابح صقر ما يحتاج اتكلم عنه وعن حفلاته واللي يحضرون وعن الموجود بالحفله والوضع هناك والزكرته الممنوعه اللي توديك فوق وعزفه تراه بعود كهرب وما عندك عزف .
واللي يقول اكمل الفراغ تونا بادين دراسه لا جت الاختبارات ياشاطر رح لسيدك عزازي يدرسك يكون افضل ليملي لك الفراغ اللي ناقص بعقلك ........ اوضح اكثر ولا فهمت اكملو الفراغ .......
واللي رد يقول باستراحه وبـ 2000 اهم شي حضرته وصفقت . هذا المطلوب انك من الحاضرين لـسيد الاوتار .
و الاخبار اللي وصلتني من ابو محمد الفنان عزازي بأن الخبر غير صحيح اي اشاعه .
وما توقعت فيه زعماء بالاخلاق هذي . على العموم الناس طبقات والكبار ردو بالشكر والله يعطيهم العافيه .

نـبـي نـفـــــس لـحـن يــا طـــــيــــــــبـــــــــــــــــــــه

إقتباس:

الرسالة الأصلية كتبت بواسطة ولدكم يالهلال (مشاركة 6086402)

نبي انشوده في سامي قصيده

ما نبي أشياء محرمه
ليش نشكره عشانه سوا شي محرم..

اسمحلي اخوي........

جزاك الله ألف خير

يعطيييه العافيه ,,

إقتباس:

الرسالة الأصلية كتبت بواسطة ولدكم يالهلال (مشاركة 6086402)

نبي انشوده في سامي قصيده:thumbup:

ما نبي أشياء محرمه
ليش نشكره عشانه سوا شي محرم..

اسمحلي اخوي........

:thumbup::thumbup::thumbup:

بعدين لاتحسبة سوى هالشى لعيون سااااامى هو سوى هالشى يبغى يشتهر :upset::upset:

الأغاني حرام واحنا داخلين على شهر رمضان "شهر القرآن"

ولازم الواحد يفكر في آخرته قبل لا يباغته الأجل وقبل كذا يفكر واش يستفيد من الأغاني؟!!!

اللهم اصلح شباب المسلمين واغفر لهم وتب عليهم
آآمين

الأغاني حرام واحنا داخلين على شهر رمضان شهر القرآن
ولازم الواحد يفكر بآخرته قبل لا يباغته الأجل..وقبل كذا يفكر واش بيستفيد من الأغاني؟!!!
اللهم اصلح شباب المسلمين واغفر لهم وتب عليهم

ياخي أتدعوننا لنشكر أنسان عصى الله بغنائه

اتمنى حذف الموضوع

مب عشان سواد عيونه !!!! عشان القرنقش :d وعشان يشتهر :d

اقول بلا اغاني بلا هم

الحين رمضان قرب والمفروض تدعي

إقتباس:

الرسالة الأصلية كتبت بواسطة هلالـ9ـي (مشاركة 6171685)

عـزازي فـنان كـبـير وهـو سيـد الاوتـار ومعذب العود وارهابي العـود وعزازي سبب اعتزازي .
يلي يقول فكنا من الاغاني اللي يشوفه يقول ما عمره سمع اغاني ...........
وللي سب الفنان عزازي تراك محاسب بالكلام اللي تقوله عن الرجال والرجال ما قال شي فيك يوم انك تذمه .
وللي يقول عزازي يبي الشهر عزازي شهرته كبيره في الساحه الفنيه وخاصه الشعبيه في الخليج بس الاعلام واقف ضده ويكفي شهاده الشاعر الكبير راشد بن جعيثن له و الراحل وحيد الجزيره فهد بن سعيد وشاهده اخطبوط العود عبادي الجوهر والملحن صالح الشهري وغيرهم والمرحوم سلامه العبد الله والفنان خالد عبد الرحمن . . .
وللي يقول عزازي معه هايلكس 88 ابشرك ما معه هايلكس ولا عمره ركبه خذ العلم مني انا بعدين وش فيها الهايلكس مب موتر يودي ويجيب ولا جتكم النعمه خلاص تكبرتو وجحتو على العموم مب هذي الردود اللي كنا نبي نسمعه من جمهور الزعيم .
والف شكر اخوي مانشستراوي على الموضوع وعلى الخبر يالغالي والله يعطيك العافيه .
وعزازي كان لاعب في احد الانديه في منطقه الـقـصـيـم .
تقبلو مروري يا زعماء .
ياليت نسمع منك اغنيه ياعزازي لا ابو عبد الله .

انا استغرب من بعض الاعضاء يقول الغناء حرام وهو برده يغتاب مسلم او الغيبه ماهي حرام

انصحك نفسك قبل ماتنصح غيرك

يستاهل الذيب يغنى له

كفو يا عزازي وحركة ذكية من عزازي يكسب شهرة من شعبية الاسطورة

صدقني لوغنى عليه بونوره مايوفيه حقه:d

الحين انا ودي اعرف وش حارق رزكم لا يكوون تبيه يغني فيك انت

واللي يقووول حرام ندري انه حراام ما جبت شىء جديد خيوووو

يعني انت ما تسمع اغاني

مشكوووور اخوووي على الموووضوووع والله يوفقه بالعمل