نادي الهلال السعودي - شبكة الزعيم - الموقع الرسمي

السلام عليكم . .

مساكم الله بالخير . .

اليوم الساعة ست ونص . .

الهلال السعودي . .

والكويت الكويتي . .

في الدوحة . .

فال الخير . .

انا شخصيا متفائل بفوز الهلال ان شاء الله . .

والتفاؤل حق مشروع . .

والرسول صلى الله عليه وسلم يقول تفاءلوا بالخير تجدوه . .

المباراة ضمن بطولة دوري أبطال الخليج (خليجي 23) . .

هالمباراة آخر مباراة للفريقين في الأدوار التمهيدية . .

الفريقين لهم ست نقاط من فوزين في مباراتين . .

الكويت الكويتي له فرصتين للتأهل كأول المجموعة . . الفوز أو التعادل . . بأية نتيجة ..

الهلال السعودي فرصته الفوز والفوز فقط . .

فارق الأهداف من صالح الكويت الكويتي . .

الفريقين لعبوا ضد بعض مباراتين خلال الستة شهور الماضية . .

أحدها بالرياض . . والثانية بالكويت . . جميعها انتهت بالتعادل . .

الأولى 1-1 . . والثانية تعادل سلبي . .

الكويت الكويتي عنده علاء حبيل . . وعنده زياد الجزيري ..

خط هجوم ناري . . سجل أربع أهداف في مباراتين . .

ثلاث منها ضربات جزاء !!!! يعني ما عندك أحد صح ؟؟

بس مين اللي تسبب بضربات الجزاء؟؟ أكيد هالمهاجمين . .

يعني هجومهم مربك . . خطير .. مزعج . .

الهلال بالمقابل عنده الصويلح والكلثم وياسر . .

سجلوا 3 أهداف في مباراتين . .

الصويلح هدف . . في 180 دقيقه . .

وياسر هدف في 21 دقيقة !!!

ولا هدف منها جاء من ضربة جزاء . .

وراهم نواف والتايب . . وفيه كلام ان عزيز بيلعب . .

والمباراة اللي راحت شفنا الشلهوب يسخن . .

يعني قد يكون مفاجئة هالمباراة . .

يقولون ياسر والغامدي مصابين . .

وانا اقول الله كريم !!

الصويلح لو يركز اليوم ما راح نحتاج ياسر ان شاء الله ..

الزبدة . . المباراة مباراة نهائي . .

الله يوفق الهلال . . ويتأهل ان شاء الله مع الاتفاق . . اللي ضمن التأهل كأفضل ثاني . .

وان شاء الله نشوف النهائي سعودي . .

هلالي . .