|
إزالة كلمة "لا إله إلا الله محمد رسول الله" من العلم السعودي.... رأيك السلام عليكم كثير ما نشاهد العلم السعودي في كل مكان في الملاعب والمسارح والمسابقات التلفزيونه وفي اماكن كثيره وكثير ما نشاهد السعوديين في هذه الأماكن وكلمة "لا إله إلا الله محمد رسول الله" وضعت على العلم السعودي ربما لاسباب دينيه ( منها الحرمين الشريفين ) وتكون هذه الدوله منبراَ للإسلام أماكن وشعاراَ لكننا نشاهد هذا العلم في اماكن كثيره منها في الملاعب يكون نادراًَ بعض الاعلام تسقط السعودية على الارض في المسارح الغنائية كثير ما نشاهد الأعلام السعودية في المسابقات وبالذات برنامج "ستار اماديمي" كثيييير جدا نشاهد العلم السعودي والمصيبه الاكبر إنه اصبح يلف على اجسام الرقاصات لإغراء السعوديين في البارات علم الدوله (أي دوله) هو رمز سياسي وليس رمز ديني لكن كلمة التوحيد تنجست كثير وكان الطريق المؤدي لنجاستها هو العلم إذا ازيلت كلمة التوحيد من العلم سيبقى ديننا هو نفسه بأحكامه وشريعته لأن الدين غير مرتبط بشعار الدوله سنتجنب كل الوسائل التي تنجس كلمة التوحيد وجود كلمة التوحيد في العلم أساسا غير مجديه لا دينيا ولا اجتماعيا وعلى سياسيا ولا اقتصاديه لكن ازالتها مجديه للتوقف عن تنجيس هذه الكلمة هل انت مؤيد لإزالة كلمة التوحيد من العلم السعوديه وما الأسباب اتمنى الردود تكون لتبادل وجهات النظر وطرح الآراء وليس فرض الرأي أو التهجم او الإستخفاف بأحد الإجابة تكون نعم أو لا مع ذكر الاسباب |
انا مع ازالته خاصه يجيك وانت بكرامه مغني ولا مغنيه ورافعينه وهم يغنون يالله فرق بين الكلام المكتوب على العلم الي هي كلمة التوحيد و الكلام الي يقولنه و العياذ بالله كنك تقارن بين الثرا و الثريا وعندي نقطه في الوزارات و الدوئر الحكوميه و السفارات افضل يبقى مثل ماهو لانه في مكان يصنف ضمن الاماكن المحترمه وعلى العموم ان شاء الله كلمة لا اله الا الله في قلوبنا قبل ماتكتب على علم تحياتي لك اخوي وهذي وجهة نظري |
والله لو يخلونه على ما هو عليه بس يكون الرسمي فقط ويحطون علم للتشجيع بالملاعب والخرابيط الثانية |
يعني عشان العلم ظهر في ستار اكاديمي .. ولفوه سكرانين على رقاصة .. تنشال كلمة التوحيد .. اصلا اللي يسوي هالشغلة .. واحد من اثنين .. يا مسلم ... يا كافر .. فلو كان كافر .. فليس بعد الكفر ذنب .. ولو كان مسلم .. واراد اهانة كلمة التوحيد .. فهو ما يحتاج علم المملكة عشان يهينها .. ولا على كذا .. نلغي طباعة المصحف ... لانه ممكن يستخدم في اهانة كلام الله ... سبحان الله ..!! اصبحت المراقص والسكرانين وستار اكاديمي .. هي من تتحكم في امورنا الدينية .. وبالنسبة لمن يعتذر بإهانة كلمة التوحيد في الاوساط الرياضية .. يعني ما فيع حل وسط .. على طول لازم ينشال .. لا حول ولا قوة الا بالله .. إقتباس:
اجل وش تسمي الصليب اللي في اعلام وشعارات بعض الدول الاروبية .. ولا هذاك سياسي بعد .. بعدين سياسة الدولة عندنا تعتمد على الدين بالدرجة الاولى .. والعلم جزء من سياستها .. إقتباس:
من اللي قال .. اذا كاتب هالكلام .. لا يرى انها مجدية .. فهو انسان حر .. لكن لا يحكم على لسان شعب كامل .. |
والله انا محتاره والله اتمنى يبقى هو رمز رفعتنا وتمسكنا بدينا وبصراحه الموضوع رائع جدا واتوقع العلم ماراح يصير شكله مقبول بدون الشهاده يكفي اذا شفتها تقول لااله الا الله وتاخذ اجر وياريت في الملاعب يكون فيه شعار المنتخب بدل الشهاده مثلا صقور المنتخب ذكرتني ايام مباراة المنتخب يسلمووووو |
اقول هذا علمكم وانتم كيفكم........................ بس انا اقول خلوه احسن مثل ما كان................. هذا رايي |
المشاكس مابعد ردك كلام كفيت ووفيت والله :) .. بيض الله وجهك يالغالي .. |
إقتباس:
يكون القصد هو رفع شعار الدوله لا اكثر ولا اقل ولا اكثر وليس اهانة كلمة التوحيد ممكن ينهان بإرادة ممكن ينهان بدون اراده بدون اراده مثل رقاصه تلفه على جسمها وممكن تلقى اكثر من علم القصد هنا (ممكن) مو اهانة كلمة التوحيد لكن لجذب انتباه السعوديين (الدلوخ) في المراقص وممكن يكون بالقصد واللي يبغا يهين كلمة التوحيد اقرب شي له هو العلم السعودي لكن فيه العلم الاخضر بكلمة التوحيد وبدون سيف ( مو خاص بالسعوديه ) ممكن تكون وسيله لكن إذا ازيلة كلمة التوحيد كذا نتجنب الإهانه من دون قصد مثل المسارح وبدون اراده مثل المراقص وتبقى بالقصد والعمد وهذا شي ما بيدنا نمنعه ومثل ما شفنا في الدانيمارك حرقو العلم السعودي فصار غضب سياسي وغضب ديني وإهانه سياسية ودينيا وكان من الممكن تجنب الغضب والإهانه الدينيه والاكتفاء بالسياسيه وعن القرآن اعتقد القرآن يختلف لأن القرآن يستعمل من قبل جميع المسلمين قراءه وحفظ وعلاج وراحه نفسيه ...... إلخ فوائد عظيمة لا تعد ولا نحصى اما كلمة التوحيد هل لها فائده في العلم لا تربط الدين بكلمة التوحيد بالعلم والصليب اللي على الدول الأوربية ما بنهان اذا انحط في مرقص او انلف على جسم رقاصه ( ممكن ينهان شي بسيط لكن مو مثل كلمة التوحيد ) اصلن هم يغنون في الكنايس صحيح سياسة الدوله تعتمد على الدين بالدرحة الأولى لكن هل تتوقع إذا ازيلت كلمة التوحيد من العلم ان هذا راح يؤثر على سياستها واذا عن كلمتي بغير مجديه اتمنى توضيح فائدة من قبلك وشاكر جدا جدا جدا على مرورك |
إقتباس:
وإلا كان ما شفنا خليجي او عربي او مسلم متمسك بدينه عشان كلمة التوحيد مو مكتوبه بعلمه التمسك بالدين هو بالنفس وليس بالعلم شاكر مرورك ومرور جميع الاعضاء |
::: نعم ... والسبب ::: ::: إقتباس:
|
إقتباس:
ومشكور على مرورك ومن جد حرام .. لأننا نشوف كلمة التوحيد تنهان واحنى نقدر نمنعهم |
والله انا اقول المفرووووووووووووووووووووض يزال كلمة لا اله الا الله محمد رسول الله لان كثير يمسك العلم ويرقص فيه وانا اقول يحطون بدالها سيفسن ونخله افضل |
بالنسبه لموضوعك الاساسي رد المشاكس في رد كان في نفسي واحمد ربي ان قرأته قبيل ان ارد إقتباس:
من متى والعلم السعودي فيه لااله الا الله محمد رسول الله؟!! اذا شلناه اللحين من العلم شبيقولون؟!! اطربوا ياعالم السعوديه تخلت عن سياستها الدينيه لاتقول لي ليست مرتبطه بل هي مرتبطه ارتباط وثيق... فالدين منهجنا..حكمنا..عدلنا..هو سياستنا نحن نعرض سياستنا بشكل مبسط عندما نضع كلمة التوحيد على علمنا.. فإذا تخلينا عنها في ابسط الاشياء الا وهو العلم فماذا بقي؟!! نتخلى عنها حتى في الوزرات والمحاكم*اقصد فعلياً*..!! ولا شو رايك؟! نقطه قبيل ان ارحل.. اخي هل تظن نفسك اخوف على كلمه التوحيد من الائمه والعلماء والمشايخ؟!! انظر اليهم .. انهم يرون ويسمعون مثل مانرى ونسمع ولكن ما ردة فعلهم؟!! افعلوا مثلك قالوا ازيلوا كلمه التوحيد من العلم!؟؟ لا والله .. لانهم يعلمون لو انها ازيلت من العلم انزالت من الدوله دون قصد.. ولانهم يعلمون ان تلك الكلمه في ذاك العلم هو عزتنا..هو غيرتنا على وطننا وديننا.. دمت خيو,, تقبل مروري وودي خيتك عزوووفه :) |
عليكم السلام ورحمة الله وبركاته..!! هلا فيك أخوي .. أعتقد أستمرار كلمة التوحيد بالعلم السعودي أفضل لنا .!! يعطيك العافية .!! |
ظنك السيفين والنخلة شكلها أزين ؟ |
| الوقت المعتمد في المنتدى بتوقيت جرينتش +3.
الوقت الان » 09:28 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd