|
##أكتب معاناتك مع الخطوط الجويه السعوديه## بسم الله الرحمن الرحيم السلام عليكم ورحمة الله وبركاته مساء/صباح الخير ابي ادخل على طول بالموضوع<<مره معصب:upset: سلمكم الله انا كنت حاجز (جده -القيصومه) قبل موعد الرحله تقريبا بثلاثة اشهر .. المهم يوم صار باقي على موعد الرحله يوم .. وصلتني أربع رسائل من الخطوط .. مره يقولون موعد الرحله تأخر ومره يقولون تقدم ومره يقولون بنفس الموعد.. المهم جاء من بكره(مع العلم أن موعد الرحله الساعه 4:45 دقيقه) .. رحت الساعه( الواحده) لأقرب مكتب خطوط وسألته عن موعد الرحله وتفاجأت بجوابه يقول الرحله الساعه2 (مع العلم ان آخر رساله جتني من الخطوط تقول الرحله الساعه:(((6:45))).. وأنا اللي اجيك طاير تقطيع اشارات تهور{هم اللي يجبرونك تسوي كذا} >>ماباقي شي على الرحله وآخذ أهلي وعلى طول على المطار ... وصلت المطار تقريبا 1:45 وجيت موظف الخطوط وعطيته التذاكر ابيه يخلصني ...قال: وش فيك مستعجل رحلتك مابعد جا وقتها.. رحلتك الساعه 4:45 >> يعني أنا ارجع للموظوف الاول و أفقع وجه والا أسوي فيه مصيبه:upset::upset::upset: المهم قلت له قص لي البوردنق .. الا يوم تغير وجهه... وش السالفه ؟ قال : بس انتظر شوي ربع ساعه وارجع لي.. جيته بعد ربع ساعه أرسلني للمشرف<<الله من زين الاخلاق:evil: المشرف لطعني أكثر من ساعه .. بعدها أرسلني للموظف ..ابي أعرف وش المشكله ماهم راضين يقولون لي!!!!!!!!!... بس يقولون اصبر شوي ...لين جت الساع 4:15 يعني مابقى شي على الرحله .. بالأخير قال لي أنتم 8 أشخاص ومالقينا الا 5 مقاعد!!!؟ {{{{ يعني حاجز قبل ثلاث شهور ومأكد وتجي تقول مافيه الا خمس مقاعد}}} قال: مو ذنبي :upset::upset::upset::upset: ... المهم كلمت من هنا ومن هناك (يعني واسطه) << لأنك مع الاسف الحين ماتمشي الا بالواسطه ... طيب واللي ماعنه واسطه؟؟ له المولى عز وجل دبرونا الرجال وصعدونا الطائره بعد مانشف دمنا!!! الساعه((((((((((((( الخامسه)))))))))))))) يعني خذ كذب بالمواعيد ..وماأقلعنا الا الساعه 5:45 <<ماأدري يمكن الطائره متعطله((لأن ماشاء الله طائراتنا كلها جديده ماتمسك قلبك من يوم تطير إلين توصل من الاصوات ومن الاعطال ومن ومن ..... )) المهم بعد كل هالعناء وصلنا الحمد لله.. ويوم جيت آخذ العفش 8 قطع .. ماحصلت الا 7 قطع .. وسألت مسؤول العفش الضائع قال: سجل رقم الشنطه وأنا أرسل للي بجده وأكلمك اذا صار اي جديد..واعطاني ورقه وقال سجل عليها بيانات العفش الضائع عشان يمكن يعوضونك والمضحك في هالورقه انه مكتوب فيها : بما معناه وش الأغراض اللي بالشنطه وكم أسعارها والماركه ومن اي محل وفي اي يوم:eek: يعني لو انا مفصل ثوب والا شاري جزمه ((الله يعزكم)) قبل شهرين .. ابي اروح ادور المحل والماركه ووو... بصرااااحه (( يعني انسى تعويض يابابا))... والا يومك هذا وانا وياهم .. ولكن لاحياة مع الخطوط الجويه السعوديه...! بالعربي الخطوط الجويه السعوديه ضايعه ... لا من ناحية الحجوزات ولا من ناحية الاسعار:furious: ولامن ناحية الطائرات اللي كنك راكب لك ماصوره ولا من ناحية اخلاق الموظفين ولا من ناحية المطارات((مطار جده كنك بوسط الحج من الزحمه... وسعوه شوي انفضحنا قدام الاجانب)) ولا من ناحية المواعيد وياليل ماأطولك يالمواعيد!!! وآسف على الاطاله. |
ابشر ولله من عيوني ولله كنت حاجز وقالولي الطياره فل انا وواحد صاحبي راح هو وانا قالولي فل بس هووووووووو يقولي ان الطياره فاضيه من جد وانا كنت مستعجل تعرف يعني وكنت حاجز درجه اولى واخرتها فاضيه الدرجه الاولى والسياحي للأسف ورحت بالسياره عاد للأسف موضوع تشكر عليييييه لإنتقاد بعض الناس ولا الطياره فاضيه تقول فل ارجو ان ينظر السولون بذلك نواف |
إقتباس:
والله ماأدري .. يعني يكذبون:upset: |
انا سلمك الله ماسك سرا 3 ساعات بدون مبالغة :cry: في مبيعات التذاكر بمطار الملك خالد عشان اغير تذكرة لي من الرياض.جده،، الى الرياض.الباحة والمشكلة اني قلت للكاونتر انا بحول التذكرة وعندي حجز مؤكد بعد 48 ساعة :thumbup: قال اوكي امسك سرا ومايكون خاطرك الا طيب قلت اوكي :stoned: مسكت سرا ويوم جاء دوري بعد 3 ساعات طبعاً اخذ التذكرة وجلس يقلب اعيونه :whacko: وقال لي راجعنا قبل موعد الرحلة بـ 24 ساعة قلت له انت قلت لي امسك سرا وانا قلت لك رحلتي بعد 48 ساعة قال ياخي فيه لوحة فوق ما تشوفها مكتوب عليها فقط للرحلات قبل 24 ساعة ما تفهم انت :upset: >>>> يعني انا اللي طلعت غبي :cry: لاحول ولا قوة الا بالله :rolleyes: قلت يابن الناس انا قريت اللوحة عشان كذا سألتك وانت قلت امسك سرا :evil: قال انا قلت لك متى ؟؟ :eek::eek: >>>> يعني جحيد وامرن بعيد :eek: قلت حسبي الله ونعم الوكيل حسبي الله عليك .. ورجعت للبيت :sick: |
الله يكون في عونك انا بعد مثلك عانيت بعد ماحجزت اوكي وجيت بقص البوردنق وانا جاي من امستردام قالوا ان الطياره اقلعت وان الكمبيوتر اخطأ في الوقت الاقلاع الساعه 4 العصر وانا جاي الساعه 8 حسب المكتوب عندي , بس اللي مزينهم سكنونا في الفندق لحد ماجت رحله اضافيه بس مو دايركت مشكور على الموضوع بس ترى السعوديه احسن من العربيه اللي طيارتهم من يوم ابوي طالب :d |
لو أقول قصتي بتصيحون |
^^^^^^^^^^^^^ قول : خلنا نصيح شوي على هالصباح الباكر على العموم الخطوط السعوديه طايحه هالسنتين في التأخير للأسف صايره كأنها باص( خط البلده) ماتقلع لحد ماتمتلي من الركاب واكثر مايصادفني التأخير في مطار جده ...وبصراحه مطار جده من اسوأ المطارات في التعامل لاسيّما موظفي الحجز تعاملهم غريب مع اهل نجد خصوصاُ مدري ليه؟؟؟؟ |
ياحليلك انت منطق ثلاث ساعات اجل وش اقول عن ابوي رايح المغرب ومارجع الا الساعه 11 ولا كان ناسي شي في البيت ورجع مره ثانيه ماوصل الا الساعه 12 والرحله بكره هذا اذا ماكان الوقت غلط انا مو متاكده المغرب ولا بعد صلاة العشى يسلمووووووو |
معاناتي مع الخطوط كانت قبل اسبوعين تقريباً رايح مع واحد لمصر وكانت رحلة العودة يوم الاربعاء الساعه 12 الظهر وانا قمت 7 المغرب يوم الثلاثاء وقلت نواصل ونروح المطار الساعه 9 ونص الصبح ورحنا المطار 9 ونص وقالوا الرحله اجلوها الى الساعه 1 قلنا عادي مو مشكله جت الساعة 11 الظهر وقالوا الطياره تعطلت وكانت تشيل 400 راكب واستبدلوها بطيارتين كل طياره 200 راكب وحده بتقلع الساعه 4 العصر والثانيه 7 وانى حطونا مع الساعه 7 لان الحجز حقنا مب فردي حقين الفردي يروحون الساعه 4 وجت الساعه 7 المغرب وقت الاقلاع قالوا اجلوها الى 8 و 25 دقيقه وبكذا انا كملت يوم كامل صاحي ودخلونا الطياره 9 واقلعنا 9 ونص وبكذا قعدت في مطار القاهره الفاشل 12 ساعه هذي معاناتي مع خطوط الزفت وصلت البيت ونمت بعد 30 ساعه صاحي ونمت تقريباً 17 ساعه |
الله يعينكم ... انا اذا يينا السعودية ما نحجز الا بالصيران الاماراتي او الاتحادي ::: ::: والحمدلله كل شي ع الراحه ::: ...::: وموفرين سبل الراحه للجميع سواء المواطنين او المقيمين او السياح ::: ::: والحمدلله على كل حال ::: |
وش رايك بواحد جلس بالمطار من الساعة 2 -- 11 بالليل وعلشان رحلة للشرقية الكلام ذا قديم شوي كنا انا وابوي واخوي بنروح للشرقية لـ ان عندنا شغل تبع الجامعة رحنا وكان فيه موظفين بالمطار ينتظرونا علشان يودونا للفندق بحكم ان الشغلة من الجامعة جلسنا من الساعة 2 الظهر ما اقلعت الا الساعة 11 الليل وصلنا الدمام و على طول ركبنا السيارة ورحنا للظهران -- مكان الشغل -- وصلنا وسيدا نووووووووووووووووووووووووم ملينا قسم بالله واحد راح لـ المانيا على طيران لوفتنهازا يقول الرحلة بالجزء من الثانية ماشاء الله مابه تاخير ابد كل الشكر لك اخوي |
والله انا قبل شهر كانت رحلتي من الرياض لجدة وكان موعد الاقلاع الساعة 6.45 المغرب يوم جت الساعة 6.30 قالوا الرحلة تاجلت ولا اقلعنا الا الساعة 12 بالليل واخوكم(اللي هو انا) منطق سبع ساعات بالمطار. المشكلة انهم بالبداية قالولنا الطيارة عطلانة وبعدين قالوا مافية طيارات الحين ننتظر طيارة تجي ومشي وبالاخير طلع ان سبب التاخير هو احد المسؤليين الكبار جا حظرته واخذ الرحلة له ولربعه!!!!!!! |
بالنسبة لي ..ماحصلي مواقف معهم...!! |
إقتباس:
عطنا خلنا نشاركك المعاناه:cry: |
نا بالنسبة لي سارلي موقفين بهالاجازة الاول كان عندي رحلة من القصيم للرياض على الساعة10:45 وقعدت بالمطار الى الفجر علشان مافيه طيارات الثاني جايين من جدة للرياض ويوم وصلنا ماقينا وحدة من الشناط والمشكله فيها ذهب وقالو عبو الاوراق ويجيكم تعويض وياليل ماطولك شعار الخطوط الجديد لاتدقق:d |
| الوقت المعتمد في المنتدى بتوقيت جرينتش +3.
الوقت الان » 03:21 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd