|
حيا الله سعود :) .. كوسشن نمبر ون / بصراحة .. إذا فتحت النت وش أول ما تفتح ؟ كوسشن نمبر تو / وش السؤال اللي جاك وأخذت وقت طووووووويل في إجابته ؟ ومن كاتبه ؟ كوسشن نمبر ثري / بصراحة .. إذا لعب الأهلى والإتحاد من تتمنى يفوز .. في الحالات العادية ( يعني ما يتأثر الهلال بفوز أحدهم أو تعادله ) ؟ لالالالالازم تختار واحد ..!! كوسشن نمبر فور / سؤال صعب .. في موضوع أنا كتبته وأعجبك ؟ إذا إيه وشو ؟ كوسشن نمبر فايف / هل أنت من مؤيدين عودت أبوثنين ولا لا ؟ وتحياتي لك يالغالي :) .. أخـــوك <TABLE STYLE=filter:GLOW(color="blue",strength=#+9)><FONT COLOR="white"> القلب الأزرق </TABLE></FONT> |
هلا سعود بسم الله الرحمن الرحيم.. بما إني صديق في الكلية بس توي مستجد"يعني بزر".. أعارض كلمة ماوراء طالب الحاسب إلا الدجة وأقول ماوراء طالب المملكة كلهم من حاسب او طب او زراعة او غيره الا الدجة.. سؤالي وش المستوى اللي اختبرت فيه اربع Examفي24ساعة.. وثاني عطني نصحية في القسم اللي ادخله بعد ترم..(هندسة-علوم-نظم) وسلامتك.. |
سؤالي .. بس أهم شئ ((((((( الصراحة ))))))) .... هل تكتب باسم آخر غير سعود ... ؟؟ |
الصديق الجديد القديم .. مساك الله بالخير .. وكل عام وأنت بخير .. ومن المقبولين إن شاء الله حقيقة خطوة جيدة .. توجيه الأسئلة لأحد الأعضاء .. لكن ياليتها ما تقتصر على الأعضاء (( المتميزين )) وتشمل الجميع ... هذا أولاً .. ثانياً .. ما مدى رضاك عن ما تقدمه شبكة الزعيم من سياسة تجاه الأعضاء .. خصوصاً أننا نحن الأثنان قد ( قصرنا ) في حق الإدارة في السابق ... ؟؟ ;) ألا تعتقد أن سياسة الشبكة الآن التي هي ( الزعيم فقط ) قد آتت أكلها ونجني ثمارها الآن .. ؟؟ حيث أصبحت الشبكة تقارع الكبار ... فالإدارة كان نظرها بعيد وأصابت في ذلك بالرغم من انتقاد ( محدودي ) النظر .. وتقبل تحياتي ،، |
أخي العزيز والمبدع سعود .. مساك الله بالخير .. ومتعك الله بالصحة والعافية تساؤلي هو : عندما ترى عنوان موضوع ويكون كاتبه من الأعضاء الجدد أو غير المعروفين فهل تتحمس لقراءته والرد عليه .. وكيف تكون الطريقة المثلى للعضو لكي تكون مشاركاته واسعة الإطلاع في المنتدى تقبل مني التحية والشكر |
هلا شباب جمجمة الهلال اشكرك على الدعايه الحلوه وشكل العبارة(((عزيزي المشاهـــد بإمكانــك متابعــة ماتبقــى من المباراة عبــر القنــاة الثانية))) معقدتك لو اسمك مهوب سعـــود وش تتمنى يكـــون ؟؟؟ خالد كــم مرة حجيت ؟ وإن كــانك ماحجيت تبي تحج هالسنـــة ؟ حجيت مره واحده وناوي الثانيه ان شاء الله لو عندك ترمسين واحد فيه شاهي وواحد فيه قهوة وانت ماتدري ايهن الشاهي وايهن القهوة وشلون تعرف القهوة من الشاهي من دون ماتلمس الترمسين ولا تصب منهن ؟ افتح الاولى واشرب منها وخلاص اعرف وش هي :p أنا سمعت انك طالب بكلية الحاسب ؟ وش تخصصك ؟ وش رايك بالدكتور شاهر ؟ تخصصي علوم حاسب((برمجه)) شهادتي في الدكتور شاهر مجحروحه <---------------- مسوي لغه عربيه والله ما بعد درسني لكن ماشاء الله سمعته حلوه وش رايك بالوندوز أكس بي ؟ والله يمدحونه بس فيه مشاكل اما اذاكان جهازك بنتيوم4 على طول ركبه عبر عن جمجمة الهلال في سطرين ؟؟؟ احلى جمجمه في العالم ;) وش اسم الفريق اللي جاء سعود الحماد منه للهلال ؟ والله ناسي:confused: من تتوقع اقوى شوتات عبدالله الجمعان والا ربرتو كارلوس ؟ ما يبيله كلام ابو جمعان اقوى كوكتيل السؤال: وش يمثلك لك البرفسور الدكتور العالمي (شاهر) ؟ وشي آخر أخبار السيد (فرعون) ؟ الجواب: الرفسور الدكتور العالمي (شاهر) رمز للكليه وانا اتوقع اي طالب مامر عليه لا يعتبر طالب حاسب :D وبما اني توني في اول المشوار مابعد تعرفت عليها:p اما السيد(فرعون) فلايزال يلبس نضاراته الحلوه والكرشه مابعد راحت وماشاء الله عليه يدرس خصوصي C انا ودي اعرف شلون يدرسها :confused: القلب الأزرق كوسشن نمبر ون / بصراحة .. إذا فتحت النت وش أول ما تفتح ؟ نتديات شبكة الزعيم والماسنجر كوسشن نمبر تو / وش السؤال اللي جاك وأخذت وقت طووووووويل في إجابته ؟ ومن كاتبه ؟ مامعنى كلمة ((سلسفيلك)) كتبه اخوي مراد كوسشن نمبر ثري / بصراحة .. إذا لعب الأهلى والإتحاد من تتمنى يفوز .. في الحالات العادية ( يعني ما يتأثر الهلال بفوز أحدهم أو تعادله ) ؟ لالالالالازم تختار واحد !! والله اللى يلعب حلو اتمنى انه يفوز كوسشن نمبر فور / سؤال صعب .. في موضوع أنا كتبته وأعجبك ؟ إذا إيه وشو ؟ :confused: <------------- تورط مواضيعك كلها حلوه . والله ما اذكر كوسشن نمبر فايف / هل أنت من مؤيدين عودت أبوثنين ولا لا ؟ لا بروفيسور هلالي سؤالي وش المستوى اللي اختبرت فيه اربع Examفي24ساعة؟؟؟ تعرف انهم عدلوا الخطه فيوم عدلوا الخطه طلعنا حنا 421 بين المستوى الثاني والثالث جاتني 3 اختبارات من المستوى الثالث والرابع من المستوى الثاني وثاني عطني نصحية في القسم اللي ادخله بعد ترم..(هندسة-علوم-نظم)؟؟ شف كم تبي تجيب بال150 عال وتعرف اذا جبت درجه حلوه وانت واثق من نفسك في العال فاقول لك رح علوم اما انك حملتها والا عديت على الحفه فمالك إلا النظم اما اذا كنت تحب الفيزياء والرياضيات والكهرباء فرح للهندسه وبالتوفيق ان شاء الله كـأس العـالم 2002 سؤالي .. بس أهم شئ ((((((( الصراحة ))))))) .... هل تكتب باسم آخر غير سعود ... ؟؟ لا اكتب إلا باسم واحد فقط لا غير هلالي من الرس ما مدى رضاك عن ما تقدمه شبكة الزعيم من سياسة تجاه الأعضاء .. خصوصاً أننا نحن الأثنان قد ( قصرنا ) في حق الإدارة في السابق ... ؟؟ ألا تعتقد أن سياسة الشبكة الآن التي هي ( الزعيم فقط ) قد آتت أكلها ونجني ثمارها الآن .. ؟؟ حيث أصبحت الشبكة تقارع الكبار ... فالإدارة كان نظرها بعيد وأصابت في ذلك بالرغم من انتقاد ( محدودي ) النظر .. هلا والله بهلالي من الرس لا اعتقد ان هنالك شخص واحد لا يرضا بما تقدمه الشبكه لا يوجد موقع هلالي مثل شبكتنا ولو نجلس نعدد انجزات الشبكة ما نخلص والصراحه انه الشبكة كان عندها بعد نظر وحنا كنا مستعجلين وانا الى الحين اذكر موضوعنا ذاك :p بس الشباب في الشبكة ماشاء الله عليهم تحملون وانتقاداتنا البايخه واحرجونا في الاخير وانا يشرفني اني اكون احد اعضاء الشبكه وخلنا نشوفك ابوشيخة عندما ترى عنوان موضوع ويكون كاتبه من الأعضاء الجدد أو غيرالمعروفين فهل تتحمس لقراءته والرد عليه ؟؟؟ انا لا اقراء الا الموضيح الحلوه والممتعه ولا يهمني كاتبه كان معروف او جديد اهم شي هو ان يكون الموضوع يستاهل وحلو وبالعاده الكتاب المتميزون بالمنتدى يجبرونك على قراة ما يكتبون وكيف تكون الطريقة المثلى للعضو لكي تكون مشاركاته واسعة الإطلاع في المنتدى ؟؟؟؟ ان يدخل في كل شي منتدى الجمهور ويدلي برايه ويدحل منتدى العالميه ويتابع الكره العالميه وما يجرى من حولنا ويدخل منتدى الثقافه الاسلاميه ليزيد من ثقافته وليعرف بعض لامور الى تكوت غائبه عن باله ويدخل منتدى الاعضاء ليتعرف على الاعضاء الجدد والقداماء ويدخل المجلس العام لكي يفرفش عن نفسه ويجد التنويع ويجد الكتابات الجديه ويدخل الى منتدى الكمبيوتر والانترنت ليزيد ويتعلم من جديد البرامج والتقنيه ويدخل الى منتدى الابدعات لكي يشاهد ابدعاته اخوانه الاعضاء وليكون حافز له وحياكم الله |
بعد التحيـة... . * بكل صـراحة واحد من الأعضاء رافع ضغطك وودك تسـطره..!! ؟ . * دايم بين الأصدقاء يكون تحدي , سولف لنا عن تحدي خضته.. !! ؟ . * أمــاني الانسان في الحياة كثيرة , إذكر لنا أدنى أمنية تتمناها..!؟ . * مـرحلة من مراحل حياتك تتمنى وقوفك عندها وإنك ماتتعداها تستمر فيها ..!!؟ . * مكـان تحب الجلوس فيـه..!!؟ . * الخيال واسع والكل يتخيل , وش أعظم شيء قد تخيلته..!!؟؟ . تحياتي لك وكل الإماني لك بحياة سعيدة , وبالتوفيق لك دنيا وآخـره. . |
اخوي سعود انا والله معرفك الا بسلامتك بماني جدبد عليكم وكان ودي اساءلك لكن ماعرف !!! تقدر تقولي اللي مايعرف يساءل كيف يتصرف ? |
هلا و غلا باخوي سعود,,, وش رايك بالدراسة بره المملكة? وش احسن بلد عندك , غير السعودية? من هو افضل لاعب فالعالم? وش احسن الفيصلية ولا المملكة? من هي احلى بنت شفتها بحياتك? انواااااااااع الاحراج بس وسع صدرك!! |
هلا شباب نايف 1- بكل صـراحة واحد من الأعضاء رافع ضغطك وودك تسـطره..!! ؟ بحرررررررررررررررررررررر;) 2- دايم بين الأصدقاء يكون تحدي , سولف لنا عن تحدي خضته.. !! ؟ والله من قلة التحديات نسيتها معليش اعذرني اخوي نايف 3- أمــاني الانسان في الحياة كثيرة , إذكر لنا أدنى أمنية تتمناها؟ اني اخلص من اسئلتك :p 4- مـرحلة من مراحل حياتك تتمنى وقوفك عندها وإنك ماتتعداها تستمر فيها ..!!؟ . ايام الثانويه 5- مكـان تحب الجلوس فيـه..!!؟ السرررررررررررررررير ما فيه احلى منه 6- الخيال واسع والكل يتخيل , وش أعظم شيء قد تخيلته..!!؟؟ انه يكون معي لمبريقيني المطفوق تقدر تقولي اللي مايعرف يساءل كيف يتصرف ? يقول وش اخبارك :D Blue Lagoon 1- وش رايك بالدراسة بره المملكة? الدراسه برى المملكه حلوه وممتازه وانا كنت ناوي اروح برى بــس الوالده رفضت الدراسه برى لها طعم ثاني , تشوف العالم شلون عايشه وتعتمد على نفسك وتعيش حياة ثانيه والله راحت على :( 2- وش احسن بلد عندك , غير السعودية? أمـــريــــكا 3- من هو افضل لاعب فالعالم? بالنسبه لي بيكهام 4- وش احسن الفيصلية ولا المملكة? المملكه :D 5- من هي احلى بنت شفتها بحياتك? <------- تورط البنت اللى احبها وحياكم الله |
اخوي سعود هلا فيك انا صراحه اعجبني سؤال الاخ كوكتيل لكن عندي سؤال وش رايك في اللي يصير الان من احداث اللي تدور في افغانستان؟؟؟ |
أنا بصراحه قريت أجاباتك ولاحظت أنك متحامل على عاشق النمر شوي وش السبب |
إن كان السؤال بيحرجك مافيه داعي... =========>مسوي محترم |
السلام عليكم , هلا اخوي سعود .. وهاذي بعض الأسئلة :) @ لو ما كنت ( سعود ) من ودك تكون ؟؟؟ اختر واحد من الأعضاء :) @ وش تحب اكثر .. الليل او النهار .. وليش ؟ @ اكثر اسمين يعجبونك .. ( بنت وولد ) ؟ @ ماأكثر مادة تحبها , و أكثر مادة تكرهها .. ايام المدرسه ؟ @ تخيل انك بمكان حلو .. صف هذا المكان ( شكله , والجو .. و :) ) @ ما الحكمة التي مثّلت مواقف كثيرة بحياتك ؟ و آآآسفه على الإطاله :) تحياتي , |
هلا شباب الفتى الفضي وش رايك في اللي يصير الان من احداث اللي تدور في افغانستان؟؟؟ ما اقول إلا حسبي الله ونعم الوكيل على اللي كان السبب والله ينصرهم على اعدائهم أبوعافس أنا بصراحه قريت أجاباتك ولاحظت أنك متحامل على عاشق النمر شوي وش السبب الله يهديك والله من كثر ما احبها ;) وامون عليه عنود الصيد20002 @ لو ما كنت ( سعود ) من ودك تكون ؟؟؟ اختر واحد من الأعضاء ودي اكون ابو سليمان لانه ماشاء الله عليه محبوب من الكل @ وش تحب اكثر .. الليل او النهار .. وليش ؟ احب الليل , لانه راحه وهدوء وما تحس بازعاج والله لو تشوف القمر والنجوم وخاصه مع ايام البرد جو ررررررررررررررررومانسي <---------------- مصدق عمره @ اكثر اسمين يعجبونك .. ( بنت وولد ) ؟ خالد , لطيفه @ ماأكثر مادة تحبها , و أكثر مادة تكرهها .. ايام المدرسه ؟ اكثر ماده احبها الرياضيات واكثر ماده اكرها الحين الرياضيات كله بسبب دكاترتها الله لا يوفقهم ان كانهم ظالميني @ تخيل انك بمكان حلو .. صف هذا المكان ( شكله , والجو ..) مكان كله هدوء وسكينه والوانه هاديه وتسمع زقزقه العصافير وتغريد البلابل @ ما الحكمة التي مثّلت مواقف كثيرة بحياتك ؟ مصائب قوم عند قوم فوائد |
| الوقت المعتمد في المنتدى بتوقيت جرينتش +3.
الوقت الان » 05:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd