المفرج ماعليه خلاف من حيث النكبات \اما الذياب له مستقبل يإذن الله

الذياب والله لاعب فنان بس يبيله صبر.....
اما المفرج خلص الصبر عندي واعتقد انه منتهي الصلاحيه((((زي لبن المراعي))))وين البلديه عنه والا الهلال ترى مو داري انه منتهي....

اقسم بالله اني كرهت شي اسمه كره قدم وكله بسبب نكبات مخــــــــــــــــرج 17

الله يوفق النجم سعد اما المفرج

بعد الله يوفق النجم فهد المفرج بس لزم يركز مايخره

اترك سعد وشوف العنقري

والله كلهم فيهم الخير والبركه

والله المفرج مبدع بس انتم الله يهديكم ضاغطين عليه

مباراة امس يوم اخذ الكابتنية ارتبك لانه حس بالمسؤولية

ويوم جت هجمة ل ام صلال ضرب الكرة وراحت ركنية وكان مرتبك

والله اني ارحمه
كل الناس تتكلم عليه سواء كان من الصحافة او من الموقع
واللاعب جدا مبدع احسن من المرشدي

المفرج مبدع وغطى غلطات الزوري وخلص اكثر من كوره وكان مبدع والذياب موهبه بس محتاج الفرصه ويلعب ظهير ايسر احسن له لان الوسط فيه لاعبين كثار

سعد ذياب لاعب ممتاز يلعب دفاع ويلعب وسط يعني المدرب يحتاجه كثير
ولاتنسى العرضيات الي يقطها داخل الصندوق بالمليمتر ياحبيبي بالمليمتر

مافيه امل نأخذ بطوله والمفرج مخرج 17 في الدفاع

الذياب صغير مايتعدى 24 بس ماادري كم بالظبط والمستقبل قدامه كبير كبير وخاصه انه يلعب يسار ويلعب ظهير او وسط


المفرج اعتقد سوا اللي عليه وماعد يقدر يعطي اكثر من اللي عطاه بس انه مجتهد وهذي اللي تحسب له

الذياب لاعب فنان ومبدع وهو الوحيد الذي يمكن أن أقول أنه برز وقدمه الهلال للكرة السعودية ، بعكس غيره ممن هم في مثل عمره ومدح وثناء من غير فائدة .

الذياب له مستقبل كبير بس يعطى الفرصة المناسبة وسترون .

الذياب بشهادة سامي الجابر العام الماضي انه من افضل صناع اللعب القادمين في المملكه واللاعب عمره 22 سنه
جاسم الحربي المحلل ومدرب حراس الهلال في تحليل احد مباراة الهلال العام اثنى على اللاعب وانه من اندر صناع اللعب تخيل كل هالكلام عنه وهو ماعطي فرصه لان ماعنده واسطه مثل ابو 31 سنه صديقنا الي كان يدرس معنا وهذا عمره الحقيقي اعرفه زين زي ماعرف عمري المفرج عمره 31 سنه يعني ماعاد عنده شي يقدمه

اتمنا اعطاء الفرصه لغيره المفرج صبرنا عليه من ايام تسحيبات فهد المهلل له وعقبها تسحيبات البيشي البزر حق النصر وعقبها تسحيبات الشيحان يوم ياخذ الشباب بطولة ولي العهد من قدامنا
وبشار عبدالله مع السالميه العام الماضي
وخمسة الشارقه وخمسة الاهلي لو اعطي اي لاعب شاب فرص كفرص المفرج لرأينا ابداعات افضل من ابداعات المفرج

الواسطه في الهلال لاينكرها احد والي بينكرها فهو يغالط نفسه والادله كثير و اعتزال سامي كب عشا ادارة النادي انها تدخل في التشكيله .

منصور الاحمد مع الاسف هو ورقة الظغط لمصلحة المفرج وايضا عضو شرف اخر مانقول الا حسبي الله ونعم الوكيل مواهب شابه تم تسجيلها وشهد لها بالافضليه واخرتها تنسق !!!! ويبقى على ارباع وليس انصاف اللاعبين