|
بعض ما يتعرض له المبتدئين السلام عليكم ورحمة الله وبركاته اسعد الله مسائكم بكل خير ان سوف اتحدث في مقالي هذا عن موقف حصل لي في نادي الرياض حيث يتدرب الفريق الهلالي الاولبي هناك ومفاد القصه: ( انا لاعب حواري ولم يسبق لي الالتحاق في احد الانديه واحببت ان اسجل في نادي الهلال بسبب ميولي الهلاليه البحته فذهبت لنادي الهلال في مقره في العريجاء وكان ذلك في شهر 7 فا اخبروني ان التقديم في 8:1 اي بعد شهر واعطاني المسؤول في النادي مشكورا رقم الاخ: ناصر الاحمد المشرف على قطاع الاولمبي المهم اخذت رقم الاحمد وكلمته واخبرته عن رغبتي في الالتحاق في النادي فسالني عن عمري فا اخبرته ان عمري 20 عاما فقال لي دق علي 8:1 بداية التقديم عشان اعلمك وين تجينا قلت خير ان شاء الله يوم جاء 8:1 كلمته وقالي دق علي يوم السبت عشان اعلمك بمكان التمرين وكان هذا الكلام يوم الخميس قلت خير جاء يوم السبت قلت ها وين اجيكم فيه قال والله حتى الان لا نعلم اين سوف نتمرن بس دق علي بعد المغرب واعطيك اخبر في نفس اليوم المغرب دقيت عليه ولا رد علي المهم يوم شفت ان الدعوه كذا قلت الي هذا اوله تطنيش وعدم التزام في المواعيد ينعاف تاليه وكلمت واحد من العيال ( نصراوي) يبي يضمني باي اي وسيله للنصر فرفضت وقلت له بس ابي اي معرفه تدخلني على المدرب والباقي علي لاني الحمد الله واثق من قدراتي عرفني على رجال شرواكم ووعدني خير وقال ان شاء الله بس ترجع بعثة الهلال من الدوحه اكلم لك واحد يبي يضبطك ويدخلك على المدرب والباقي عليك المهم وفي احدى المباريات في الحاره طلب احد العيال رقم الاحمد مني لانه مثلي يبي يسجل وعطيته الرقم وبعد كم يوم قال ابشرك رحت للنادي وقبلوني وقالو لي تعال بعد ثلاثه ايام استغربت انا قلت معقوله على طول كذا انقبلت قالي ايه وانت مشاء الله عليك تفت احسن مني يعني راح تنقبل على طول كلمت خويي الي متوسط لي ويبي ينتضر البعثه قالي خلاص جرب حضك وحاول مره ثاني على بال ما تجي البعثه ان افلحت كان بها وان تازمت امورك انتضرنا البعثه لين تجي كلمت الاحمد من جديد وقلت له ان قبلت واحد ماخذ الرقم مني وانا يالي مكلمك لي فتره ما ترد علي وتعذر لي با اعذار واهيه كعادته المهم قالي خلاص صل معنا المغرب بكره في نادي الرياض جيت للنادي الرياض متاخرا قليلا بعد صلاة المغرب بنص ساعه بسبب عطل في السياره وقال لي تعال بكره بدري المغرب مو تتاخر زي اليوم قلت له ابشر انا الي تاخرت واتحمل غلطي جيت له بكره قبل صلاة المغرب بنص ساعه وصليت المغرب عندهم في النادي وقابلته وقالي انتضر قليلا يشوفكم المدرب ويحكم عليكم انتضرنا ما يقارب الساعه ونحن نراقب تدريبات الاولمبي امامنا فلما تاخر الوقت قال احد المرافقين معي رح شف وشفيه تاخر ما خلانا ندخل الملعب ويشوفنا المدرب رحت الى الاحمد وهو جالس بجانب (البرقان) وقلت له بكل ادب ولطف وبتلميح ذكي اذا فيه تاخير اخوي ناصر اكثر من كذا خلني اهرول شوي في الملعب على مايجي المدرب ويختبرنا فقال لي خلاص روح وتعال يوم السبت وكان هذا الكلام يوم الثلاثاء فقلت له اخوي ناصر ان لك كم وانت تعطيني مواعيد وامس ما دخلتني بحجة تاخيري واليوم جيت لك مبكر تقول تعال يوم السبت فقالي وش تبيني اسوي ما تشوف المدرب مشغول مع الفريق الاولمبي قلت طيب ليش اجل تعطيني موعد وانا جاي من اخر الرياض من حي الخليج بالقرب من استاد الملك فهد وفي النهايه تقول لي تعال يوم السبت فرد علي لكل بجاحه واسهتار خلاص تعلا يوم السبت واذا انت مستعجل بعد تعال بعد رمضان) انتهت القصه واقسم بالله العلي العظيم انني لم اكذب في حرف واحد كتبته او افتريت على المدعو ناصر الاحمد واقسم بالله لم اقصد بهذا المقال ان اسوق لنفسي او شوفو تراني اعرف العب لكن اريدكم ان تعرفو بعض الممارسات التي تحصل في نادي الهلال وابي كل واحد يقرى مقالي يخلي نفسه مكاني واحد اقسم بالله ان المشرف على منتدى الاتحاد يقول له ان وضعك مضمون في الاتحاد اذا بغيت وواحد اغلب اخوياه ومعارفه لهم واسطات في النصر وهو يرفض كل هذا من اجل ميوله الهلاليه البحته ثم يصدم بهذه المعامله من شخص يفترض به ان يكون اول من يمد يد المساعده لي اول من يشد من ازري ويحمسني في سبيل خدمة الزعيم وتخيلو امام عيني ياتي شخص كبير في سنه ومهيب ويكلم الاحمد وانا انتضر في موضوع لاعب احضره معه ثم ينادي الاحمد هذا الاعب ويشجعه ويوعد هذا الرجال خير وانه سوف يقوم بالاهتمام با ابنه هل الى هذه الدرجه وصلت الواسطه لدينا انا لا اقول هذا الكلام من اجل تتعاطفو معي فا اعلم ان الكثير من الاعبين مرو با اكثر من هذا ولكن لكي تعرفو حجم ما يتعرض له المتقدمون للعب في نادي الهلال اسالكم بالله هل تريدون التطور والرقي بالزعيم في ضل وجود من هم على شاكلة الاحمد طبعا لن اتكلم عن البرقان رغم ما نسمع عنه لانني شخصيا لم اتعامل معه ولكن من تعاملت معه في النادي كان الاحمد وكان ما كان من سؤء خلقه ومن سؤء تعامله اتمنى ان لا نرى من هم على شاكلة الاحمد وغيره في اعرق واكبر واشهر نادي في السعوديه واسيا لكي يتطور زعيمنا ولكي لا نخسر الكثير من المواهب التي تفوقني في الموهبه اسف لو اطلت في مقالي بس لكي تتضح للقارى الكريم بعض ما يحصل في نادينا الكبير وتقبلو خالص تحيا111111111111تي |
تستـــــــاهل .. !! :d هـذي نهـاية اللـي يروح النـادي ومـا عنـده واسطـه :d |
اخوي كلامك على العين والراس لكن اسمحلي كيف نصدقك وانت لامصدر ولاشي ونعرف ان ي حملة على الاحمد من قبل البعض ويمكن يدرج مقالك من ضمن هذه الحملة اعتقد في موعد تسجيل لجميع اللاعبين ويأتون بوقت محدد والإستاذ احمد ماأعتقد له علاقة بالأولمبي والا انا غلطان ) ماني متأكد ) عموما الله يعين وقصة محزنة اذا كانت صحيح |
يا رجال خلها على ربك نادي الهلال والانديه السعوديه لو بغت طلعت احسن اللاعبين بس ما ذبحنا الا الواسطه . والا انا اعرف ناس كثير يعرفون يلعبون وفيه ناس راحو لنادي الهلال وهم هلاليين الميول لاكن عيو يخلونهم حتى يتدربون معهم وراحو لنادي النصر وقال لواحد منهم انا ابقبلك بس بشرط انك تمسك حارس وهو لعيب الصراحه وفي الحراسه ممتاز بس عيا ما يبي يكون حارس :) . وتبي الصدق لا تلوم نادي الهلال لانه لو خلا اي واحد يجيه يقدم ويدخل يتمرن مع الفريق ما لحقو ، بس هذا ما يمنع ان فيه واسطات في النادي والا البرقان والمسعري والمفرج وكثير من اللاعبين العاله على الفريق الهلالي يستاهلون يلبسون فنيلة النادي ، يا شيخ ابصم بالعشر فيه مدافعين ولاعبين اجسامهم حلوه احسن من احمد جميل وعبدالله سليمان بس ما لقو واسطه تدخلهم النادي وميولهم هلاليه . وبعد يعاب على الهلال الحين ندرة الكشافين معاد فيه واحد متفرغ بالنادي يروح يدور بالحواري اللاعبين الممتازين . |
بالتوفيق لك |
:..: والله من جد قصه محزنه :..: بس خلها على ربك والله يستر من الجاي |
بعيدا عن امتلاكك للمصدر من عدمه يظل وباء الواسطة امر مؤكد انه استشرى في الهلال ولابد من ازالة هذا الوباء بأي طريقة فمصلحة الهلال هي الاهم لدينا ويجب ان تعي ادارة الهلال هذا الامر جيدا |
قصة محزنة |
قصة محزنة انا اعرف البرقان ووابكلمه عن الموضوع وابردلك رسال خاصة |
كلم واسطة المفرج يمكن ينفعك |
بعيدا عن امتلاكك للمصدر من عدمه يظل وباء الواسطة امر مؤكد انه استشرى في الهلال ولابد من ازالة هذا الوباء بأي طريقة فمصلحة الهلال هي الاهم لدينا ويجب ان تعي ادارة الهلال هذا الامر جيدا |
إقتباس:
|
الله يكون في عونك |
إقتباس:
اتمنى تسوي استفتاء بالمنتدى عن البرقان خل المسعري على جنب لانه اعتزل وراح والله يوفقه في حياته بس البرقان سو عنه استفتاء وشف راي الاغلبيه . وعن نفسي اشوفه عاله على الفريق <<<<<<<< كل واحد حر برائيه |
إقتباس:
اخي: حمد شرفتني بمرورك المعطر واستفسارك في محله عن صدق كلامي من عدمه لكن اخي: حمد برايك ماهو الدافع الذي يدفعني الى التجني على شخص لا اعرفه ولايعرفني بل واحلف با اعظم الايمان انني صادق في كل ما قلته ؟؟؟؟؟!!!!! اخوي انا اقوى دليل على صدق كلامي انك لو تبي نروح للنادي سوية واقابلك الاحمد واحرجه امامك واتحداه لو انكر اي كلمه كتبتها هنا في مقالي وهذا في رايي اقوى دليل واقوى من اي مصدر وبعدين يا اخي العزيز اجيبلك مصدر يعني انشر القصه في احدى الصحف واقول هذا مصدري قصه حصلت في اروقــة النادي كيف لك ان تقرائها او تاخذها من مصدر شوية منطقيه اخي : حمد عموما اشكر لك ردك وغيرتك على رجال الزعيــــــــــم وهذا ان دل فا انما يدل على انك مشجع مخلص لناديك وتقبل خالص تحيااااااااااااااااااااااااااااتي |
| الوقت المعتمد في المنتدى بتوقيت جرينتش +3.
الوقت الان » 01:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd