نادي الهلال السعودي - شبكة الزعيم - الموقع الرسمي - الجزء الثاني من مغامراتنا احنا والجيران (الفيـــــــري)

الجزء الثاني ن من مغامراتنا مع جيران جدتي ...

00000000000000000000000

في صبح يوم.العيد كان جيرانا الظاهر ماعندهم احد ويوم ذبوحوا الخرفان :eek: ودخلوا اخوانهم وابوهم تعرفون بقى بقايا الخرفان ومن هالبقايا صابون فيري الي يغسلون فيه الحوش (ماشاء الله عليهم يغسلون بفيري ههههه)فعلى مااعتقد طاحت عين فيصلان :eek: على الفيري وقال الفكره لاخواته رهاموه وهديلوه فكرة الفيري وايدواالفكرة الجهنميه :thumbup:فاخذ الفيري واتجه لبيتنا واصوات التشجيع من اخواته (وش دعوة ياسر القحطاني بيسدد بلنتي)وملىء درج بابنا فيري ودخلوا بيتهم ما كأن صاير شيء واهلنا مساكين على نياتهم مايدرون وش صاير وعاد بدوا الضيوف يتناثرون واول وحده جت صديقة جدتي (يعني ابو الورطه)و فتحنا الباب مسيكينه معاها عصاها وعلى اعصابه تخاف تزلق وتقول :وراكم ياعييلي تكبون الصابون قلنالها مب احنا هذولي جيرانا (عرفنا لاننا ماتجهلنا حركاتهم)احنا البزارين ماصدقنا خبر انهم افتتحوا باب المشاكل عشان اذا هاوشونا نقول هم الي بدوا وانتظرنا لين تخف الجيه والروحه عشان نبدا الجريمه واتت اللحظات الي نبيها رحت انا للمطبخ وخذت الفيري قالت لي الشغاله ليس اخد صابون بادين الم ماما قلت الفقيها بس وعطيت الفيري ولد عمي وفتح الباب واحنا نطلطل لقوله يله يله ناصر بسرعه عمي فهد جاء وهو على اعصابه يوم جاء خذت الفيري رجرجته مافيه شي قلته ان شاء الله كله كابه عند الباب قالي ايه عشان من يوم يطعون يزلقون وبعد عشان امهم تزلق (تفكير بزارين) قلناله زين سويت كذا وعاد صار هو الامير بيننا وهو القوي وهو الي يسوي كلش وخدمناه يوم كامل نجيبله مويه

وخبزه
و
جبنه
!!

واشوى تم اليوم على خير بدون صراخ ولد عمتي علينا

000000000000000000000

مقتطفات من مغامراتنا وهوشاتنا:

مرة كانوا يلعبون كورة وطاحت الكورة على حوشنا وجبت السكينه وقتلت الكورة وذبيت
الضحيه
على حوشهم علشان مره ثانية ماتعتب كورتهم على حوشنا.!!؟:evil::evil::evil:

ليلة من اليلات كنا رايحين للجدتي وكان البيت مافيه الا احنا ونمنا عندها طبعا جيرانا جايينهم عمانهم ويلعبون اقدرت الحوش واصواتهم يسمعها الي في اخر الحي انا ماقدرت انام من الصجه صراخ وازعاج كننا في في الصبح ماكننا في اخر الليل وفجأة سمعت ابوي يفتح الباب الساعة 2ونص انا في هذي اللحظه خفت مدري وش الي صاير يوم دخل ابوي قال هذولي الجيران يبون نعـــــــــاااااااااااااااااااااااااااااااااااااالهم(الله يكرمكم) قلت خير ان شاء لله وش جابها :evil:قال ابوي كانوا يلعبون وطيروها على الحوش قلت في نفسي اللهم لك الحمد فيه احد يطير نعاله المهم رحت بنام قلت يمكن تابوا بعد النعال واتقلب واتقلب وماقدرت انام :cry:كنهم قنابل مب اصوات ماشاء الله وصارخ كن الحارة مافيها الاهم لكن عدت الليله على خير الحمدلله .

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

قريبا قصة مطعم تي تي:wink: