نادي الهلال السعودي - شبكة الزعيم - الموقع الرسمي - اطلالة سامي الجابر في برنامج صدى الملاعب [ كامل الحلقه

حرام اختزال 20 سنه ابداع بنص ساعه بس

سامي راح الله يوفقه وواضح انه متأثر وتأثرنا جميع

>>ابرز ما جا بالحلقه<<

× تقارير بطله واحلاها كلام الجمهور بخلفيه موسيقيه تبكي

× قرار سامي ان اعتزاله لا رجعه فيه

× تكلم عن شعوره بفقده للملاعب وانه قرار صعب عليه شخصيا

× تقرير مواطنين عرب تكلمو عن سامي ومعاهم الإعلامي المميز احمد الحامد مذيع MBC_fm

× تكفل الأميرين عبدالله وعبدالرحمن بن مساعد بكل امور حفل الإعتزال وتخصيص25% من مدخولات الحفل للجمعيات الخيريه

× طلب من سامي توجيه كلمه شخصيه لمالك معاذ وياسر القحطاني :

قال سامي : واضيف معهم سعد الحارثي حيث انهم امل 22 مليون سعودي ورفعتو روسنا بأمم آسيا وانا متأكد انه ابداعكم ماله حدود واتمنى لأني اعرف امكانياتكم زين انه تلقون نادي مناسب تحترفون فيه خارجيا

× تكلم عن ابوسلطان وقال : احب انفي انه ما بيني وبين الأمير محمد بن فيصل اي شي واللي اثير بالإعلام غير صحيح من انه سامي اعتزل لأنه يطالب بحقوقه ومن هالكلام واحب اؤكد انه غير صحيح لأنه مرت على سامي الجابر ظروف اقوى من كذا وبعز ايام سامي الجابر ووقعت اكثر من مرة على بياض فالأزمه الماليه ربطها بالإعتزال ابدا مو صحيحه وشكر الأمير محمد على ما قدمه للهلال وقال احمد الله ان آخر بطوله حمل كاسها سامي كانت بعهد ادارة الأمير محمد

× تكلم عن حفل الإعتزال شوي وقال انه اذا بالمباريات العاديه اشيل هم جمهور الهلال وكيفيه اسعادهم عاد شلون وانا ابقابلهم لآخر مرة وابودعهم فيها

× تكلم عن احتماليه حضور زيدان وحضور بشار عبدالله المؤكد

× مبدئيا مانشستر يونايتيد او ريال مدريد للحفل او منتخب لنجوم العالم >>ولا بعد صار شي رسمي الى هالحين كل الكلام تكهنات

× مدة الحلقه نصف ساعه بس وكان من المتوقع ان تكون الحلقه اطول بإعتبار انها استثنائيه لكن يكفي طله ابوعبدالله اللي كان متأثر فيها
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

شكرا سامي

متعتنا وابكيتنا فرح ورفعت روسنا فووق بإعتبارك إسطورة سعوديه بنادي الهلال

جا اليوم اللي نودعك فيه وهاللحظه اللي ما يتمناها اي هلالي يعرف سامي زين

الله يوفقك بمشوارك القادم

وما نملك الا اننا نقول الف الف شكر ويعطيك العافيه وان شاء الله نشوف البقيه الجايه بالهلال تمشي خطاك انت والأساطير اللي مرو على الفريق امثال النعيمه والثنيان والبقيه