27/08/2007, 02:50 PM
|
| زعيــم مميــز | | تاريخ التسجيل: 21/04/2005 المكان: حتى ظلي له مهآبه
مشاركات: 9,440
| |
ماذا تمثل لك الكـرة ؟ بالاخص الهلال يمثل كل شي في عالم الكرة
هل تحب أن تقرأ التصاريح والأخبار وتتـابعها باستمرار خصوصا كلام الخصـوم عنك ؟ كلام الخصوم لا أحب قرائته لأنه غالبا مايكون شتما فأكتفي بسماع تصاريح فريقي ولاأهتم بتصاريح الخصوم
وفيه نادي تراني حافظ تصاريحه 
ماهي ردة فعلك عند الفـوز / الخسارة؟
الفوز فرحة غير طبيعية خاصة لوكنت بالملعب الخسارة زعل غير طبيعي خاصة لوكنت في الملعبمتـى يزول تأثيـر المـباراة سواء في حال الخسارة أو الفوز؟ الحمدلله إنه يزول في اليومن التالي غالبا في المباريات العادية أما النهائيات فيمكن يجلس له يومين ثلاثة
هـل تؤيد متـابعة الفتاة للكورة مثـل ما اسوي أنا ؟ شي راجع لها
هل تتـابع جميع مبـاريات الهلال والمنتخب سواء المهمة أو المتوسطة الأهمية ؟ الهلال تقريبا المنتخب المهمة بس . خليني أعلمك بسالفة المباراة النهائية في الموسم الماضي اللي كانت مع الاتحاد صليت العصر وركبت الاعلام عالسيارة وطلعت على أساس إني أمر صاحبي اللي كنا متفقين أنا وياهـ نروح بدري ونحجز أماكن للشباب
المهم طلعت وقفت عند الاشارة اللي كان مافيها غيري طبعا وأنا حاط الاعلام وجالس افكر بالمباراة أقسم بالله من عمق تفكيري الاشارة
فتحت وسكرت وأنا مانتبهت إلا يوم مشوا الاشارة الثانية عاد أنا حافظ ترتيب الاشارات لأني يوميا أمر منها جمب بيتنا مالكم في الطويلة
انقهرت على دلااختي ولكن حدثت مصيبة شفت سيارة دورية جاية من ورا من جهة اليمين وأنا معلق الاعلام عالجهتين وبذكائي المحنط
التفت يسار على أساس إني ما شفته ومنزل عيني أشوفه وش يسوي المهم قعد ينزل الاعلام ماقدر لأني معلقهم صح طق عالشباك
التفت عليه بكل براءة سم وكأني ماسويت شي قال : إثباتك وديور واسفط يمين ( يلعن أم الحالة ) وأعطيه إثباتي وأديور وأسفط يمين
وأنزل أنزل الاعلام وأخذ الاستمارة وأروح له المهم قعد يتفلسف حركات هجولة وما هجولة الحقني قسم العليا ( يوووووه ) قلت ياخي
خلاص آسفين ومدري شلون قال قل هالكلام للظابط أنا خربت أخلاقي وخويي كل دقيقتين يدق علي قال العسكري قفل جوالك قلت له
موب شغلك عطني إثباتي قال الحقني قسم العليا قلت له ما أدله . وهو يعصب المهم آخر شي راح ركب الدورية وقال يللا الحقني
قلت شف يا ابن الحلال قسم منيب رايح الحين المباراة أبشوفها غصب طيب فعطني إثباتي خلني امشي ولا أمركم بعد المباراة آخذه
طفش العسكري أنا وياه هواش حوالي ثلث ساعة ثم عطاني إثباتي وقال رح لاعاد أشوفك قلت له الاعلام الله لايهينك وهو يقول جب
الاثبات وأقول لاخلاص شكرا أبوي يبيه وأروح اشغل موتري وأمر من جنبه وهو يدق بوري وينطل علي الاعلام من الدريشة والحمدلله
افتكينا من شره ثم دقيت على خويي وقلت له السبب اللي آخرني وإني أنا جالس أجيك مسرع يوم وصلت عنده وركب معي وكفخنا
الملعب تقريبا وصلنا الساعة 4.15 قصينا تذاكر ودخلنا وصلناا الحين لمرحلة الهواش عالمكان أنا أقول فوق وهو يقول تحت طبعا كلهاا
طبعا قلت له خلاص أجل نلقى بعض بعد المباراة وأروح فوق ويلحقنيي هو جلسنا لابع ساعة نتهاوش هو يقول ننزل وأنا أقول مكان
بطل آخر شي قالي كل .. ( ) قلت له إن شاء الله وجلسنا نسولف والحر يأكلنا عادجالسين والشمس مرة في وجيهنا تسولف معنا ذبحنا
وأنقز أجيب كرتون نتهوى به وجلسنا بالحر على أمل تبدا المباراة اللمهم جونا أخويانا اللي حاجزين لهم بعد المغرب وحنا جالسين بالحر
غير الطقاق مع العالم عشان المكان المهم جلسنا نحتري المباراة عاد أنا كرتوني اللي أتهوى به عطيته بزر مسيكين وجه أحمرررررررررر
وصرت أنا بدون كرتون وقبل ما تبدى المبارة بشوي يجي خوينا اللي حاجزين له ومعه كرتون مويا فاضي وقام يقصقص ويوزع علينا
أخذت منه واحد ولا اللي وراي ينغزني يقول وص لنا على كرتون بالله وازاعق عليه دحيم بقى من الكرتون قال لاخلص عاد أنا إنقهرت
مال أمها داعي الكرتون الثاني يروح قمت قصيت نصه وعطيته الرجال وكلوه عشان الهلال يهون بدت المباراة الهدف الاول للهلال وناسة
كل العالم ما توقعوا هالهجمة قول استمرت المباراة هدف التعادل أناا جلست ساكت العاالم تسب وتلعن الهدف الثاني لهم أنا حطيت
راسي عالحديدة وخويي جالس يطق على ظهري ( يقاله يرفع معنويات ) ما قمت إلا والدعيع طالع عن بابه التفت يمين يسار مابوه إلا أنا
وخويي اللي جاي معي وشوين جلست 10دقايق أحاول افهم الوضع طلعنا أنا وخويي قبل تسليم الكأس لعناوالدين المدرب ليش نزل
العنبر ولا نزل سامي طلعنا نشوف جميع مظاهر التخلف من الجمهور الهلالي (الذين ينتمون لفئة الحضور مجاني ) انطلقنا صامتين باتجاهنا
للسيارة باركنا لكل اتحادي قابلنا في الطريق وصلى الله وبارك |
؟
الوضع المتطور
