نادي الهلال السعودي - شبكة الزعيم - الموقع الرسمي - الزير سالم... اتحــــــــــــداك تصف جنبي...

السلام عليكم....
كيف حالكم ...وكيف احوالكم...عساكم بخير وطيبيييين...

يهمكم تعرفو حالي انا طيب ويسركم حالي مع اني في غيابــــكم لا طيب ولا حاجه...

ياحبي لكم ياهل المنتدى...ياحبي لسواليفكم...ولمواضيعكم...ولردودكم...ولنقاشاتكم....:yes:

عاد اليووووم بستأذنكم شوي وبزعجكم...بحكيلكم شوي عن قصتي مع ركووووب الخيل...بس لا تتحمسوون مررره وتراها قصه حقيقيه واقعيه مب من نسج خيالي او بند افكاري...لاتقولووون وش عنده الزيـــــر سالم...لاني برد عليكم وبقووول ماتصف جنبي يالزير وما يمديك علي...امزح ياهوووو...

البدايه كانت يوووم عرض علينا واحد من الشباب نستاجر ونركب خيل...قلت حلو الكلام ذي السوالف الزينه وذي الاشياء اللي تبرد الخاطر...وش عنده الزير سالم...

المهم صلينا الفجر وعينا من الله خير وتوكلنا عليه....

نزلنا من الشقه ووقفنا على حافة الطريق...ونشاور بايادينا نبي تكسي...كان يوقف لنا ذيك السياره اللي لونها اسود مع خط كبير في النص ابيض..المهم قلناله فاضي ياسطه...مسوييين فيها مصاريه...قال على وين ياكباتن..كباتن جمع كبتن..وذي كلمه يقولها المصرييين عشان يريشووون الواحد...قلناله الاسطبلات عند الهرم ...قال :يالله حيهم...بس بالمصري طبعن...

اه...وابتدى وابتدى المشـــــــــوار...واه ياخوفي من اخر المشوار....

يوووم وصلنا واللي اشوفلك ذي العالم واشوووف ذي الجمووووع الغفيره اللي متجمهره...قلت كل ذولي عشاني حسيت اني ياسر القحطاني...اثاريهم ما جابو خبري....

كان نتوجه الى احد الاصطبلات خويي يعرفه زين ما زين...

واول سؤال سألنا راعي الخيل انتو محترفين ولا هواه...وانا مسوي ما اسمعه والشباب يقولووون له ليه وش الفرق...قال كانكم هواه بعطيكم شي خفيف عالريق...وووين فطووور ذا...المهم انا قمت اتفحص الاصطبل وادقق واناظر يمين ويسر كان اقز ذيك الخيل السنعه واللي ترتاحلها من يوووم تشوووفها... ترتاحله وووين ياهههو صديقك ذا مب خيل...كان اقووول لراعيه ابيه ...قال ما يصلحلك...كان اعند واقووول ابيه بكل مافيه بزينه بعيبه ابيه...قال ذا قوي مره ويبيله خيال...قلت هالله هالله...وصلت ياخوووي...الا والشباب يطالعووون ويقولووون لي روقنا يا الزير ولا تتفلت مررره ترا ماله داعي تتحمس ويصيرلك شي والركاده زينه...قمت اهايط والعلع بالصوت ابيها ..ابيها...وهي تبيني..أبيها وما أبي غيرها...من شدة تعلقي فيها حسيت انها عروسه مب خيل...

المهم ونركب الخيل ...طبعا الطريق سيب طويل مزفلت يوصلك الى صحرا وجبال ..والسيب ذا زحمه مره كل العالم راكبين خيل ومتجهه الى الصحرا...من الزحمه تحس نفسك طالع من مباراة الهلال في النهائي....

عاد لما توصل لبداية الصحرا كل واحد ياخذ راحته ويسوي اللي يبيه...انا قلت لخوياي تامرووونا شي؟ قالو على وين يالحبيب؟ قلت انتووو وضعكم ماش قاعدين تتمشووون بالخيل حسستوني انكم في التخصصي ولا التحليه...وانا انسان راعي هجوله وطاره يعني ابي ادز بالخيل ...قالولي ذي مشكلتك والله يقويك ....

كان افترق عنهم وادز لحالي شوي الا ويجوني شلة بنات ويضحكووون علي ويقولووون في راسك شي...قلت سلامات وش عندكم يابنت انتي وياها...مسوي فيها طبعن..قلت وش السالفه ...قالو تسابق يابطل...قلت اسابق واسابق بعد...انا تبغووون الحقيقه خفت شوي ...خفت من الفشيله قلت ياولد ماله داعي يسبقووونك وتتفشل وتصير كارثه...قلت لو اعتذرت بيقولووون خايف.. .قلت ياولد اركد وخل عنك ولا تفشل عمرك وخلك رجال .....

كان ينطلقووون وانا معهم ويسايروووني واسايرهم وباقصى ما عندهم من سرعه وانا بكل قوتي الا ونوصل للنهايه.وش عنده الدهامي.طبعن ذا بطل من ابطالنا في كاس العالم للخيول..عاد سبقتهم بكثييير..من جد سبقتهم بس هم تعدوووني...هم واصلين من امس وانا توني واصل...لا واتلفت ادورهم احسبهو وراي اثرهم مريحيييين فوق الجبل ومتكين ويسولفوو ويضحكوووون ..كان ادربي راسي واسمعهم يقولووون خيرها بغيرها يابطل ولا عاد تسوي فيها...
.
قلت اشوى ان العيال ما شافوووني ولا سالفتي بتصير سالفه....وفضيحتي بتصير بجلاجــل...

طلعت من ذاك المكان وانا مقهوووور ومدربي راسي قلت افا ياذا العلم تسبقك مره...ماهيب علووووم...تسبقك حرمه...بس بصراحه حرمه عن بعض الرجال...قصدي في ركوبها للخيل...

من بكره وانا طاق الجنز والكاب والنظاره...قلت اليوووم يووومك يابطل ...ما يبيلها اليوم بوريهم ...
واخذ ذيك السنعه واتوجه فيها الى الصحرا بس ياخساره ماحصلت اللي هزموني حصلت شباب قلت خلني اتحداهم ..عادي شباب مثلي اذا هزموني ما فيها شي...الا وننطلق وانواع السباقات...كان برضووو يهزموني بس كنت مبسووووط ...ومستانس...

بس لو اقلكم ...ياني شفت بنات...ياهم فارسات...ياهم خيالات...ياهم محترفات...ياهم خوات رجال...من جد حسيت انهم بنات صحرا من جد...يسابقون ويطامروون بالخيل ولا كن احد قدامهم...ماشاء الله عليهم...

عاد بحكيلكم عن قصتي اللي ما اعتقد اني بنساها...قصتي مع المووووت...

جيت من اليوووم الثاني وابي نفس الخيل والا صاحب الخيل يقولي ترا اجرناها يعني شف غيرها ...قلت ليش كذا وكيف هي رضت تخليني...الا وراعي الاصطبل يقولي سلامتك يابيه دي خيل.. ايه تبيني وتبيك باللهجه المصريه طبعن ...قلت اسف اندمجت شوي احسبها خطيبتي...

قالي شف غيرها...عاد تلفت يمين يسار وماعجبني شي...قالي تبيني اختارلك...قلت انت وذوقك... قال وش مواصفاتك...قلت ابيها كشف ولونها فضي...امزح ياهووو على بالي سياره...

قال بختارلك وحده قويه وطلقه وسريعه...قلت اهم شي شعرها اسود وطويل واذا مافي بني بس يكووون كاريه...

الا ويجيبلي ذيك الزينه...ومن يوم ركبت الا وذي اللي ترافس قلت وش السالفه قالي ذي ما يركبها اي احد...كان استخف قلت اجل وصلت وانا راعيها...قالي بس ماني مسؤوول عن اللي يصيرلك...قلت ماعليك...كان امشيبها شوي الا وترجع ترافس بقوه واطيح من فوقها وانفض ملابسي وارجع واركبها قلت يا انا يا هي....والشباب يقولووون اركد وغيرها ...قلت ماعليكم...وخلكم بحالكم...كل واحد ادرى بنفسه...قلت واللي في راسه شي يطلعلي...وووين يطلعلي حسيت اني في الابتدائيه..
.
المهم كان اتسابق انا وواحد من العيال ومن فرط الحماسه قمنا نشد عالخيل المهم من قوة السرعه ما اقولكم العالم قامت توقف وتناظرنا وحنا انواع التهور المشكله المكان زحمه يعني يمكن يطلعلك احد فجاءه وينكبك ويغربل حالك....وصار اللي مب عالبال وعالخاطر...الا ويطلعلنا مع لفه سريعه جمل وفيه بنتين وبذر يمشي وماسكلهم الحبل طبعا انا وخويي نتسابق وجنب بعض ولما طلعونا ذولي تفرقنا بس الكارثه ان حبل الجمل تعلق برقبتي انا طبعا جهه في رقبة الجمل وجهه في يد البذر ونص لحبل في رقبتي كان يلف الحبل حول رقبتي والبذر الله يصلح حاله متعلق بالحبل ومعيي يفكه...عاد انا بغيت اطيح طيحه قويه الا ان ربك ستر وتعلقت بطرف الحبل من هة الجمل ومن قوة التعلق بغى الجمل يطيح بالبنات ..بس ربك ستر ولطف...كان اتعلق والحصان يفلت مني ويروووح المهم طحت طيحه خفيفه رغم الجرووووح اللي في رقبتي والالام اللي في يدي وذراعي...قمت وانا بخير والحمد لله والبقيه مافيهم شي والعالم تجمهرووو حولي وكلن يحمدلي بالسلامه وبعضهم يلوووم البذر وبعضهم يلووومني على سرعتي وتهوري...بس الحمد لله اني طيب رغم بعض الجروووح الطفيفه ...

عاد تحسبوني هجدت قعدت شوي وارجع واطارد ذي الخيوووول ...

قال ايش قال الزير سالم...وووين هو وانا وووين...قايلكم ما يصف جنبي...:D

بس الصراحه انواع المتعه والفله والوناسه:thumbup:...وانصحكم بركووووب الخيل تراها كل المتعه:D ...بس لا تتهورووو:rolleyes:....

وسامحوني على ازعاجكم....