|
براءة طفولتنا http://vb.alhilal.com/news/Untitled-13.gif السلام عليكم ورحمة الله وبركاته : الطفولة مرحلة عمرية تُعد الأجمل في مراحل عمر الإنسان وإذا سألت أي إنسان عن أمنياته لتمنى أن يعود لمرحلة الطفولة مرحلة لا يوجد بها مسؤوليات رب أسرة ولا هموم شاب وش رايكم بالمقدمة :d الحين نجي لموضوعنا : لكل واحد مننا ذكريات بالطفولة إذا تذكرها يضحك على نفسه ويستغرب وهالذكريات تكون نابعة من براءتنا وأبغى منكم الله يحفظكم تقولون لنا بعض ذكريات طفولتكم :yes: وأببدأ بنفسي بموقف لي وموقف لأحد أقربائي : موقفي الشخصي : مرة من المرات وأنا أطوف مع الوالدة الله يطول بعمره بالحرم وحنا نطوف أشرت أمي على واحد راكب بعربية وقالت لي : إذا شفت مثل هذا قل بسم الله والله أكبر ومحاكيكم قعد شوطين من الطواف وهو يردد هالكلمة :d يوم مليت و تعبت وأنا أقوله بديت أسحب أمي عشان ما أشوف اللي راكب بعربية وأرتاح من ترديد ( بسم الله والله أكبر ) وبعد سنين إكتشفت أن اللي أشرت عليه الوالدة كان الخط الأسود اللي يوازي الحجر الأسود:sad: وصدفة صار راعي العربية قدامنا:d الموقف الثاني لأحد أقربائي : تعرفون هيط البزران اللي مدري وش يبي بعض الأحيان :D عاد خوينا ذا كان يحاول يثبت قوته بأي طريقة حتى إن أخوه الكبير يصطره تصطير مب طبيعي وإذا خلص يقول : ما توجع :D ومرة من المرات قرر أنه يثبت قوة راسه وقالي أنا راسي أكسر به الجدار أنا قلت شلون يعني !!! :confused: قالي : اضرب براسي بالجدار ولا أحس بشي قلت له على سبيل الإستهبال : يالله ورنا قوة جبهتك :d جاء هالبزر ويرقى فوق الكنب وياخذ له ذاك العزم وطرباااااااااااااااااق:wallbash: :wallbash: :wallbash: :eek: :eek: :eek: <<< شكلي وأنا أشوفه وبعده قال : ما توجع :D إ - هـ :razz: نصيحة لكل من يدخل من مقهى أنترنت لا تنسى تصك إيميلك إذا خلصت ترى فيه ناس يحوسونه و يسبون اللي عندك بالمسن وأسألوا مجرب:sad: :sad: خاتمة الموضوع بسيط ونجاحه من عدمه يعتمد على مشاركتكم الفاعلة وتراي ما طلبت منكم صوركم وأنتم صغار مثل بعض المُعمرين :d كل اللي أبيه مواقف طفولتكم تحياتي أخوكم : إبراهيم |
ياهلا وغلا والله قولديست شف انا ماعندي موقف لي بصراحه <--- ماوده يكب عشاء نفسه :d بس دام ان الموضوع عن الاطفال بيجب لك قصه سمعتها طفل جااااااااب العيد :d هذا ياطويل العمر طفل صغير جت عندهم وحده من قرايبهم ومن جلست والورع يطالع فيها ويطالع وهي مستغربه وش عنده الورع .. الموووهم امه قامت تجيب الشاهي . الحرمه استغلت الوضع قالت وش فيك تناظرني كذا ؟؟؟ قال وهو مستغرب :d : غريبه وين وجهك الثاني .. هماني دايم اسمع امي تقول انك ام وجهين :eek: :d عواااااافي ياغالي وتقبل مروري |
إقتباس:
انا الحين اقول لك موقف بس مو صاير لي صار حق اخوي الصغير مرة احنا كنا مسااافرين وخذينا فندق واخوي لما نزل تحت لقى واحد لابس شماغ على باله اخوي الي اكبر منة ويجي فوق راسه ويصرخ ويقول فهد وينك انا ادور عليك يوم التفت الرجال لقاه مو اخوي طلع رجال ثاني |
حجز لي عوده لموقفي.. ـــــــــــــــــــــــــــــــــــــ باكــــــــ الله ذكرتنا بالطفوله والله المواقف كثيره واغلبها بالمدرسه تصير طبعا!! لكن انا كنت من النوع الهاااادي مررررره يعني حتى امي تقول ماتعبت عليك مثل خوانك لانهم ملاقيف الزبده كان عمري تقريبا 8 سنوات واخوي اللي اكبر مني 10 وكان الجميع نايمين جا صحاني قالي انا جوعان خلينا ننزل نسوي شي ناكله قلت له طيب بس انت تفتح الغاز لاني مااعرف قال طيب المهم نزلنا وسوا بيض مقلي لاويتفنن بعد فيه:) جينا نحطه بالصاله ومن الدلاخه انا ماسكه الخبز وهو ماسك التيفال اللي سوا فيها البيض وهي حااااااااااره مره راح وحطها عالسجاااده من غير صينينه تحتها(الجوووع كااااااافر:) ) وللصقت طبعا عالسجاده من الخوف ماندري وش نسوي هربنا فوق ولما قامت امي الصبح قالت من سوا كذا وكانت معصبه مررررررررررره حطاها اخوي براس اختي الكبيره امي صدقت بس ليومكم هذا مااعترفنا لها بالجريمه البشعه كخخخخ :) اااااااسفه عالاطاله.. مشكووووووووووور اخوي goldest على طرحك الموضوع الممتع.,... تقبل مروري اختكــ saudi heart |
حجز للعوده بالذاكره 23 سنه :D _______________________________ باااااااااااااك هلا فيك أخوي ، تدري اليوم كنت أفكر بنفس الموضوع ، موضوع الطفوله قبل ما تنزل الموضوع وسبحان الله انا شابك مع الأعضاء 3 مرات اقول الردود اللي بيقولها canads gallant وأخليها يحذف الردود ويرجع يكتب من جديد ، و موضوع الكاريكاتيرات بس نزلها قبل الغدير الأزرق ، والحين إنت :D تذكرت سالفه إنفرشت فيها من أبوي فرش لحد الآن ما أنساه :D كنت صغير مرره وكنت مع ولد الجيران وشفنا بلونه ( اللي متفوخه بالغاز ) وتطير المهم أنا وهو لحقناها ونمشي وعيونا فوق :D . ومن حاره لحاره وحنا نمشي وراها ننتظرها توقف عند بيت أو حاره :D آخر شئ وقفت عن عماره سكنيه :D المهم أنا والفاغر طلعنا لسطح العماره ، على إن السطح ما فيه أحد ساكن فيه ، طبعا ما لقينا البلونه ، وانا واقف بالسطح لقيت المنور وموجود علم النصر :D ومن حقدي على نادي النصر اخذت العلم ورميته بوسط المنور علشان ما يشجع فيه صاحبه :D شوي وأسمع صوت صراخ حرمه ، طلع السطح فيه غرفه وساكنين فيه عائله :D انا وخويي ننزل من الدرج نمشي ألف ، ورجعنا لحارتنا ولا كان شئ صاير :D بعد صلاه العشاء ما دريت الا أبوي محضر عندي وقالي تعال بنروح عند جارنا وسألني وش مسوين انا وولد الجيران :D قلت ما سوينا شئ :D رحت معه ، إلا أبو جيرانا ماسك ولده بوسط الشارع ، وماده بالأرض ، وداعس على وجهه :D انا عرفت إنهم عرفوا الموضوع ، وإن راعي البيت بالسطح عرفنا وعرف أهلنا ، طبعا هذاك اليوم إنفرشت فرش غير طبيعي ، علشان أتأدب أدخل سطوح مره ثانيه :D هذا اللي تذكرته ومشكور على الموضوع |
وعليكم السلام ورحمة الله وبركاته مشكور وقصة رااااائعه |
وعليكم السلام ورحمة الله وبركاته .. :: براءة طفولتنا :: موضوع رائع ماشاء الله اخوي ابراهيم ،، وموقفك بالحرم لا تعليق عليه الا اني اتذكرت موقف صارلي بالحرم كان عمري وقتها خمس سنوات ضيعت اهلي بالطواف وقعدت شوط كامل اطوف بلحالي وانا اصيح :cry: :cry: ،، لين لقوني الحمد لله .. اما مواقف لي وانا صغيرة ما اتذكر الا موقف حزين وهو وفاة اكبر اخواني الله يرحمه وهو كان يلعبني :cry: :cry: الله يرحمه بيمر على وفاته اربع طعش سنة برمضان الله يجمعنا فيك بالجنه يارب :sad: :sad: وموقف طريف ومحرج بس موب لي لوحدة زمان تقول اول مادخلت اولى ابتدائي كان طبعا اول سؤال يسألونا اياه هو وش تتمنين تصيرين اذا كبرتي تقول انا مادري شقول ولا اعرف شي بما انه مادخلت تمهيدي ،، تقول جاء الدور علي وكنت انا آخر وحدة وطبعا انا احب التميز والكل قال دكتورة مدرسة ...الخ وهي تبغا اسم مميز وجديد عليها حتى لو كانت ماتدري وش هالوظيفة قالت ابغا اصير فراشة :d:razz::rolleyes: << فراشة بشد الراء ،، اي مستخدمة بالمدرسة >> عاد الفصل كله قعد يضحك عليه وهي كانت اصغر طالبات الفصل بما انهم زمان يدرسون متأخرين وانواع الاحراج والضحك من طالبات المدرسة كلهم بعد ما انتشرت السالفة :sad: ،، عاد سبحان الله البنت هذي هي الوحيدة من بين زميلاته كملت دراستها حتى صارت مربية اجيال الآن ماشاء الله :yes: وزميلاته الي ضحكوا عليه آخر ماوصلوا له واحده منهن كملت الى ثاني كلية .. !!! الله يعطيك العافية ابراهيم احس ردي طويل ومامنه سنع ،، اعذرني تقبل تحياتي .. |
هلا والله و غلا بـ ابو خليل ][ ابراهيم ][ والله يالغالي ايام الطفولة ما احد ينساها !! :( و المواقف كثيرة .. :) طال عمرك يوم اني صغير .. ويوم اني كنت في عز البراءة .. في صف خامس ابتدائي .. وبينما انا توني راجع من الفسحة .. دخلت الفصل ومعي خويي .. وانا داخل الفصل مالي من الشيطان طاري .. وبينما انا امشي الا جايتني علبة موية تمشي مليون وتصقع في جبهتي .. انا قمت يقالي قوي وما جاني شي .. الا القى الي ناتفني له وجه جالس يضحك ويقول انه هو الي رامي علبة المويه .. انا الشياطين قامت تلعب في راسي .. خذت علبة المويه وكنت ناوي انتف راسه .. عاد خويك الدلخ الله يجزاه خير نتف اللمبة وانكسرت !! :( اقسم بـ الله جتني ام الركب مدري وش اسوي ! عاد انا وحظي كل ما سويت شي طب المدير للفصل !! :( المهم هو ما كان يدري من الي كسر اللمبة .. طلعت شياطينه يوم شاف اللمبة منكسرة .. قال من الي كسر اللمبة .. كلهم ساكتين .. قال مرة ثانية ومحد رد .. المرة الثالثة يقالي قوي قلت انا :( قال ايييييه .. قال تعال تعال تعال معي للمكتب :( يوم رحت للمكتب الله لا يوريكم ما بقى نوع من انواع الجلد الي جربه فيني :( اقول له عطني ملفي بس لا تجلد .. قال بـ اعطيك ملفك وبـ اجلد :( يجلد بـكل ما اوتي من قوة .. اقول وكلي امل انه بيوقف .. يـ ابن الحلال اجيب لك عشر لمبات :( اقول له اخر مرة .. :( .. بس ماسكه معه ذاك اليوم طق .. قام يجلد بـ شكل عشوائي :( من زود اللعانة فيه راح كلم ابوي يوم خلص جلد وطاح الي براسه :( جاء ابوي وشياطينه تطامر في راسه :( عاد ابوي يوم جاء سلم على المدير وقاموا يسولفون وانا بالع العافية :( المدير قام يعبي راس ابوي .. الولد غير مؤدب الولد ما يحل الواجبات .. الولد المدرسين يشتكون منه !! :( اشوف ابوي الا عيونه تقول انه ناوي تكميخ الليلة :( رحنا للبيت وقام يتوطى ببطني :( اسوا يوم في حياتي الطفولية :( والله اني ادعي اني اقابل هـ المدير .. ناوي ارد له الجلد الي جلدني يوم اكسر اللمبة :( ويـ الله .. فـ مان الله .. :( :( |
والله الموضوع حلو .. وهذي أحد المواقف الي حصلت لي أو البراءة.. يوم من الأيام جاء واحد وطق الباب قال وين أخوك رحت لأخوي وقلت يبغاك واحد قالي قله مب فيه رحت لمه وبكل براءه قلت أخوي يقول قله منيب فيه .. وتورط أخوي معه.. |
إقتباس:
إقتباس:
وعليكم السلام ورحمة الله وبركاته :p إقتباس:
إقتباس:
إقتباس:
آبشــر على ذا الخشم http://r4r4r.com/up/uploads/60eef1b6de.gif إقتباس:
إقتباس:
هع هع اما هالموقف فلــه ههههههههههههههههههههههههه http://r4r4r.com/up/uploads/301d4799a6.gif إقتباس:
إقتباس:
إقتباس:
والله الماضي والطفوله قُطيّعه من قُليّبي وإليكَ بعز من مازيّه الزميل http://r4r4r.com/up/uploads/54ee803503.gif الموقف الاول : الله يسلمك يومني صغير كنت مثل مدري وش اقولك بس كنت شيطانيه لدرجه جنونيه كل عيال جماعتنا تعرضو لحوادث بسببي http://r4r4r.com/up/uploads/52c1648317.gif مثلا ولد خالتي المسكين زمااان يومني صغيره شفته كان يلعب كوره بالحوش وتعب وجلس ع الكرسي وانا كنت اشوفه بالدور الثاني من الدريشه وجا على بالي انزل عنده المهم رحت عنده بالحوش ويوم شافني قال تبين شي قلت لا بس شفت حجره كبيره ع الارض واخذتها معي ودخلت المهم طلعت للدور الثاني عند الدريشه وشفته باقي قاعد بكل بساطه سمّيت بالله وحذفت الحجره على راسه http://r4r4r.com/up/uploads/c8cadd13aa.gif وبعد مرور سنييييين ع الموقف الحين هو بالجامعه وباقي حاقد علي لانها مسويه له اثر براسه لان المنطقه الي طاحت فيها الحجره ماعاد يطلع فيها شعر :p ------- الموقف الثاني : كنا ببيت عمتي وكان وقت الغدا المهم الكل كان يتغدا وانا كنت ماأبي اكل بس كنت ادور حولهم وهم جالسين ياكلون المهم انا كانت بيدي كاسة قزاز امي يوم شافتها قالت ريمووه حطيها ع الطاوله انا عصبت وبطريقة ما رميتها على راس ولد عمتيhttp://r4r4r.com/up/uploads/af2af377cf.gif مسكين ماهيه إلا ثواني وهو مغمى عليه ودوه المستشفى ولفو راسه وسالفه http://r4r4r.com/up/uploads/1d90b9eb60.gif ] Sتوب [ طااانكس ياصاحب الموزوع http://r4r4r.com/up/uploads/baca4e4993.gif |
يالله حيهم يالله حيهم الله زد و بارك:thumbup: leo messi وش دعوة عاد خايف تكب عشاك تراك بتقول موقفك وانت بزر يعني محد بيشره عليك:p أما موقفك فأتمنى اني هناك عشان أشوف شي واحد وجه الحرمة يوم دخلت أم الولد:D الشقردية وأنا أي مكان أروح له يقولون لي متنح :no: أما موقف أخوك فهو مب مشكلة لأنه صغير الاحراج اذا صار كبير:D saudi’s heart و مواصل من عام 1413 هـ بانتظار عودتكم:) الحبيب 3 حياك الله ويا ليتك أدليت بدلوك:) لي عودة مع البقية ان شاء الله |
حجز :) |
إقتباس:
:crybaby: :crybaby: :crybaby: عورت قلبي يادلخ :d |
ههههههههههههههههههههههههههههههه بموت من الضحك صراحه سوالف تذكرنا بالطفوله بس يا ابو خليل بما انى شايب <<<<<<وش عنده الى صاك التسعين ماذكر مواقف كثيره بس انا بقولك مشكله كانوا اهلى يعانون منهى بصغرى الوالد الله يطول بعمره كان يتابع المصارعه الحره ويخلينى جنبه ومتاثر معه :p وكنت احب هوق هوقن الشيبان يذكرونه وكانت عنده حركه يلبس تشيرت جلد ويقطعه وانا كل ماشرولى اهلى فنيله قطعتها لين ازهقوا منى ويجيك اخوى الكبير قالى انت يعنى تحب هوف هوقن قلت اهيه قالى انت قوى قلت ايه ويجيك ويمردغنى لين قلت بكره العيد :mad: لين حرمت اقلد المصارعين :no: وان شاء الله عجبتكم السالفه واذا تذكرت شى بجى اكتبه على طول <<<<سوالفه واجد :yes: |
مواصل من عام 1413 هـ ودي أعرف وش معنى أسمك وليش أخترته:confused: من خلال موقفك اتضح لي أنك أنت وولد جيرانكم أكبر فاغرين :d زين ما صدمتكم سيارة وأنتم متنحين بالبالون nor alshams حياك الله ياختي قمة الطموح تتجسد بالفتاة صاحبة الموقف أجل فراشة :d والإطالة ممتازة دامنا نستمتع بالمواقفs60s MR.DL5 هلا بـ حلو الحلوين و أطخم الطخمان:thumbup: والله يا مديركم منزوع من قلبه الرحمة بس تصدق تمنيت أني بمكانه:d بس أعجبني اعترافك ويقولون الاعتراف بالحق فضيلة <<< لا أبوه من اعتراف يخليك تنجلد:d عاشـــ(الموهوب)ـــق يا كثر ما يتكرر هالموقف شاكر مرورك ¤ ريـموو ¤ أعوذ بالله من غضب الله:eek: حسيت أنك ولد من لعانتك ما أقول الا الله يكفينا شرك والحمد لله أني ما أقرب لك:d |
| الوقت المعتمد في المنتدى بتوقيت جرينتش +3.
الوقت الان » 09:29 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd