غلاء الاسعار رز ودجاج وش بقى بعد ؟؟؟
 

http://www.alriyadh-np.com/2007/08/22/img/228653.jpg

الله يستر علينا مانبدا نجيب مقاضينا بالأقساط ياإخوان الاسعار ارتفعت
والغلاء الفاحش انتشر ولطوا جيوب خلق الله وحماية المستهلك اووزارة التجاره لاحس ولارقيب

الى متى ماصارت 15% زيادة اللي زودوها من هنا والسلع ارتفعت الدبل

الى متى .... خيشة الرز اللي ال 5 كيلو اللي كنت اخذها ب 20 صارت ب 25

خيشة الرز الكبيره اللي ب140 صارت ب190 ريال عيني عينك ولا يعرف يزود

تصدقون ياجماعه مره كنت مستعجل ودخلت حلاق هندي اكرر واقول هندي يوم حلقت

ومديت 5 ريال قال لا سديق مافيه كمسه الحين أشره .... خذا الله هالكشره :eek:

البارح كنت عند حلاق تركي ويوم خلصت قاللي 30 قلت وش مزين انت صالخ وجهي
ومطلع لي وجه جديد؟
وانا وياه مجاهد وحرب وارمي عليه 15 ريال ... ياجماعه الى متى بنستمر على هالحال .. كل شي ارتفع

الاجارات نار الله الموقده عشة ياجماعه مخفق حمام على 16 و18 آجارهن

والله الظاهر بنقضي عمرنا بشقق ماحنا بعامرين

الله يستر من اللي جاي بس ............ ودمتم

والله وانا اخوك كلش ارتفع

واحد من اقاربي في الشرقيه

اتصل قبل اسبوع ويقول دجاج الشوايه 40 ريال

عاد انا قلت نعنبو اللي يزوركم في ذا الصيفيه

تسلم اخوي الرسمي

أخويـ زينـ مايحطونـ ضرائبـ على قبورنا بسـ

تقبل مروري

الله يسلمك اخوي

الله يستر والله مابقى الا هذي

المشكله في تصريح لوزير التجاره يقول : مو لازم تاكلون رز كل يوم .. الي يسمعه يقول اذا غيرنا الكبسه نبي ناكل من فرنسا وايطاليا .. حسبي الله ونعم الوكيل ...

خلوها على جبنه طعمه وخبز وحليب نياق ...

حسبنا الله والنعم الوكيل
اللهم ارفع عنا الغلا والوباء
اللهم ارخص مال المسلمين

شكرا لك موضوع في وقته

تدري وش المضحك ارتفاع الرز له مبرر <<<<< اللي هو الفياضانات بالهند

لكن الدجاج

اخواننا التجار من مبدأ ان الكبسه تتكون من الرز والدجاج >>>> رفعوا الدجاج

وايضا بحس وطني رفعوا المنتجات الآخرى على طول

شكرا يا حكومه تدافع عن حقوقنا ليل نهار شكرا

:thumbup: :thumbup: :thumbup: :thumbup: :thumbup:
المشكله ان العالم داخلين على مدارس وعلى رمضان وعلى وعلى .. إلخ
يعني بالله اللي راتبه مثلا 3000 ريال ويعيل 7 أو 8 أفراد
بالله خلال شهر واحد هالـ7 أو 8 أفراد بتكفيهم الـ 3000 ريال
لاوالله ماراح تكفيهم الا ان قضوا الشهر كله على خبز وجبن ..
حسبي الله ونعم الوكيل على من كان السبب
وحسبي الله ونعم الوكيل على كل من أضاع أمانة الـ ( كرسي )
الذي يجلس عليه بوجه غير وجه الحـق ..

سلمت اخوي عالموضوع والله يعطيك العافيـه ..

رز و دجاج .. والله أزين اللي غلوهن عشان تنحفون .. الواحد كرشته مترين قدامه ..

يعني ما تعيشون إلا برز و دجاج ..

خلكم نباتيين أحسن ....

الشكوى لله هذا حال الدنيا من أردى لأردى على جميع الأصعده ..

مشكور أخوي

قال ايش قال ... حماية المستهلك


حرامية المستهلك والله

سؤالين

وين الحكومه عن الي يصير
الثاني
وين حمياه المستهلك؟؟

ومشكوور ع الموضوع ومعك حق شكلنا نيبي نمت وحنى مابنينا

الله يستر والله مابقى الا هذي