|
أمر محزن وهااام أرجو الدخول السلام عليكم ورحمة الله وبركاته كيفكم وش أخباركم؟ أنا راح أدخل بالموضوع عالطول بدون لف ودوران أنا عندي أسئله محيرتني ومحزنتني بنفس الوقت :cry: ومن زمان نفسي أسئلهم أحد أبغى ألقى لهم إجابه ليش الظلم الأعلامي للاعب محمد الدعيع؟ ليش الناس ماأهتموا بأعتزاله قد أهتمامهم بأعتزال الاعب سامي الجابر؟ :no: ليش حزنوا عشانها أخر مباراة دوليه لسامي بس ماأهتموا أنها أخر مباراة لمحمدالدعيع بالمونديال؟ أكبر دليل قدام عيونكم توقيعات أعضاء المنتدى الأغلب <تكفى لا تعتزل ياسامي> <لاتروح ياسامي وتتركنا> بينما نادراً مانلقى عبارات أوصور لمحمد الدعيع صح ولا أناغلطانه :yes: موضوعي هذا مافيه تقليل من قدر سامي أو أحترامه أنا أحبه زيكم ويمكن أكثر بس أنافكرت كثير قبل مأكتب هالموضوع واللي خلاني أكتبه لماقريت لقاء صحفي لمحمد الدعيع يقول أنا حزين لعدم أهتمام الجماهير والاداره بموضوع أعتزالي صراحه ضاق صدري مره هو خدم الهلال والمنتخب وماقصر أرجوا من الأعضاء والعضوات الإجابه على الأسئله وعدم التطنيش وعلى فكره ترا هذا هو موضوعي الاول عشان ماتستغربون ليش الاسلوب فااااشل:D ولكم جزيل الشكر والتقدير وعذرا على الإطاله |
أولا ً حيــــاكـ اللــّــه معـــنـــا بالشبكـــة ..!! واللــّــه أنـــكـِ صـــادقـــهـ يــاختـــي ,, الدعيــــع مظلـــوم مـــن الجمـــاهيـــر الهـــلاليـــهـ وللآســـف !! أتمنـــى مــاننســــى بــأنـــهـ (عميـــد لاعبيـــن العــالـــم وسيـــد حُــراس آسيـــا ) ,, ومشكــــورة ع المـــوضـــوع الرائِـــع s60s .. |
كلهم أعمدة واساطير للزعيم والكرة السعودية بس الفرق ان سامي أعلن اعتزاله أما محمد الدعيع فلم يعلن اعتزاله بعد واكد أنه سيستمر لموسمين أو اكثر |
الله يحيك يأختي عاشقة الزعيم ويعطيك العافيه على المرور |
معك حق الدعيع مضلوم وعندي لك اقتراح مادامك طرحتي الموضوع سوي حمله في المنتدى لإنصاف الدعيع وانا اول من يدعمك مشكوره على الموضوع |
اولا حياك في المنتدى ثانيا ما احد ينكر جهد محمد الدعيع الا جاحد بس ،،، الفرق بين محمد الدعيع و سامي ان الدعيع جدد مع الهلال 3 سنوات يعني توه ما راح يعتزل الحين و غير هذا كله الإدراه رح تسوي له حفل تكريمي بمناسبة حصوله على عميد لاعبين العالم و هذا ما اعلنت عنه الإداره ،،، و الدعيع و سامي كلهم عينين في راس ، والهلال معودنا دايم انه ماينسى لاعبينه الي خدموه طول هالسنين ،،، و بالتوفيق يارب |
أولا:مشكورأخوي هلالي=زعيم على المرور ثانيا:الموضوع مو بس الاعتزال وبس هو مظلوم أعلاميا وجماهيريا شوف التوقيعات الموجوده الان للأعضاء كلها سامي نواف محمدالشلهوب ياسر وين محمدالدعيع منهم؟ |
لا تخلطين بين سامي والدعيع لكي لا يعتقد أحد انك تقللين من سامي انا معك ان الدعيع لم يأخذ حقه اعلامياً , ولكني اعتقد ان الدعيع هو الرابح :) شكرا لك اختي |
أخوي سامي الدين زيدان مشكور على المرور وإنشاء الله أسوي الحمله ومشكور علىالدعم |
مشكور أخوي الهلال السهم القيادي على المرور وأقولك نفس الكلام اللى قلته للأخو هلالي=زعيم |
اخوي عطر الأماكن مشكور على المرور وأنا كتبت بالموضوع أني ماأقصد التقليل من قدروأحترام سامي وبعدين ممكن توضح لي كيف هو الرابح |
ثقـــافه الكــوره تفرض علينا هالمحبــه أي ننشد ونهتم لأي هجوم أو وسط لكن دفاع وحارس لا وألف لا لأننا من ولدنا وهذي هي الثقافه اللي ساريه علينا بمعنى أن الدفاع والحارس لا يفرحون الجمهور بقدر ما يفرحههم المهاجم أو الوسط لذلك محبـه الحارس والدفاع قليله والدليل ما فيه أي دوله بالعالم لديها حارس أو دفاع يهتمون به الجمهور |
إقتباس:
|
معك حق الدعيع مضلوم |
مشكورأخويDaBDoOoBعلى المرور طيب ليش مانغير هالثقافه الحارس والدفاع مهمتهم ماتقل أهميه عن الوسط والهجوم صح ولالأ |
| الوقت المعتمد في المنتدى بتوقيت جرينتش +3.
الوقت الان » 06:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd