|
كـــــــبر الG.. وروق الD.. السلام عليكم... كيف حالكم يالغاليييين.... بصراحه اشتقنالـــــــــــــــكم..... طبعا توني جاي من مصر وفالها ومبسوووووط...ومكبــــــــــــر الG....ومروووووق الD... اكيد الكثير منكم بيسأل وش معنى ذا الكلام... اللي راح مصر بيعرفها لانها منتشره هناك واكثر اللي هناك يستخدمونها.... الجمله ذي قالها شخص ما في فيلم عادل امام الجديد...ومعناها كبر الجمجمه وروووق الدماغ... تدروووون المصاريه ذولي رايقييين وشعب وناسه... يعني معناها خلك ريلاكس..خلك كوووول...روووووق المنجا ياهوووو....باختصار طنش وفلها وربك يحلها... المهم ...وانت في مصر وبالتحديد في القاهره...بتحس انك منت هناك...من كثر ما ربعنا هناك...من جد وانت تتمشى هناك تحصل السعودييين والكوتييين والامارتييين بكثره مهوووله...ماعلينا الله يسعدهم وين ماكانووو.. نرجع للعنوان... كـــــــبر الG.. وروق الD.... بصراحه بحكي قصتي من يوووم وانا في الطياره... اول ما ركبت الطياره واشوووف ذي العالم اللي السعاده على محياهم ...طبعا صيف وكل واحد يبي يغير الجو اللي كان فيه ويبي يستانس مع اهله... شفت شباب... وعوائل... وياكثرهم... المهم...اول ما وصلنا والا الوضع يختلف ...حسيت ان ذي مب الطياره اللي كنت فيها... بتقولووووون وش السالفه...وش اللي حصل ...وش اللي جرى... اول ما وصلنا الا وبعض البنات يفصخووووون عباياتهم وانواع الجنوووووز والبنطلونات...ياهوووو وراكم كذا...قلت يمكنهم مب سعوديات يمكن من دوله عربيه...تعرفووون بعض الدول العربيه مايلبسوووون عبي...المهم الا وشوي اسمع السواليف...قلت افا ياذا العلم ...اثرهم ربعنا... . قلت ماعلينا يمكن ذووولي فئه شاذه ولا قله منهم الللي يسووون كذا... بس مع الايام شفت ناس...مكبـــــــــــــرين الG مرررررره..ومروقــــــــــين الD مرررره.. واللي يقهر ويحز في الخاطر انك تروووح لسووووق ولا مطعم وتشوووف ربعنا مخربينها انواع اللبس والموديلات الجديده ومن غير عبايات لا وكاشفين الشعور وانواع الاستايلات لا وبعضهم عالموضه بودي تي شيرت ولاو ويست ......لا وتحصل بعضهم مخربينها ويشيشووون ويدخنوووون...والله يموت من القهر انك تحصل ابوووهم وامهم معهم ويشيشوووون ولا يدخنووون يعني متشاركين...على قولتنا متقاطين في الشيشه.... بس ياني قابلت نا س وبنات الله يحفظهم ويحرسهم...لابسييين عبايات ومتغطيات وماتطلع منهم العيبه لا وتحصلهم مبسوووووطين وفالينها...يعني ان اللبس ما يعيقهم عن الانبساط.... ذي مشكلة بعض الناس من يوووم يقوووولون سفر مايصدقوووون يروحوووون بره السعوووديه ويخربووونها.... يعني وش بيصييير اذا الواحده التزمت بزيها وأدبها واخلاقها وهي مسافره.... عاد شبابنا ما احكيلكم عنهم وانتم عارفينهم بعضهم الله يصلح حالنا وحالهم مخربها ...انواع الصياح والهياط...لا ويتحرشووون في العالم ...واذا احد قالهم شي قلبوها مشاكل..... بتقولووووون كل واحد وكيفه...بقلكم ان تصرفات اي شخص تنعكس على بلده...يعني شخص ما قد واجه سعووودييين وشافهم في سفر وشاف منهم تصرفات زينه بينعكس بالايجابيه عليه وبيقووول ان السعوديييين اخلاقهم عاليه وبينشر ذي الصوووره ...والعكس صحيح... عاد انا صارتلي مواقف بحكيها في الجايات واعذروووني وسامحوووني لازعاجكم... ,,وياهووووو .... كـــــــبرووووو الG.. وروقووووو الD..... بس موووو مرررره.... |
أول شي الحمد الله ع السلامه.. و يعطيك العافيه أخوي طرح راااااااائع... الله يهديهم قوووول امييييين لأنها ظاهره إنتشرت بشكل كبير.. لا والمشكله إذا شافوا بنات متغطيات يضحكون عليهم ويقولون إنهم بدو ما يفهمون.. الله يعين بس ويهدي الجميع.. تحياااااااتي.. |
الحمد لله على سلامتك اخوي لبس العبايه صار عاده مو عباده وبعض البنات الله يصلحهم ما يعبدون ربهم الا بالسعوديه يعني كأن الله سبحانه متواجد بالسعوديه فقط ، وبمجرد ما تطلع البنت من السعوديه فصخت العبايه وفصخت معه الحياء |
وانا اقول وراها الرياض منوره بوجودي :p الحمد لله على السلامه والله الموضوع هذا غاسلن ايدي منه >>>>:wallbash: مو خارج المملكه اقمز لك يومين لجده وشوف الصياعه كأنك خارج السعوديه الشباب مطيحين البناطيل ( الله يصلحهم ) والبنات العبايات كأنه كراسة رسم :d وهذا هم جوا البلد عاد لو سافروا خارج السعوديه وش يصير :confused: الله يحفظهن غصبن عليهن وشكور على الطرح الجميل :clapping: وتقبل مروري الكريم |
إقتباس:
مشكوووور ابو عبدالرحمن عالموضوع وعلى طرحك الجميل له |
لاحول ولاقوة الى بالله |
الحمدلله عالسلامه ...... والله يستر علينا وعلى ذرارينا . |
الحمد لله على السلامه مع احتراامي لخواني المصريين ما حب مصر لانه شعب وسخ رغم كل الدفاره اللي فيهم |
إقتباس:
كلامك في من الصحه الكثير...بس عاد وش نسوي...الله يصلح الحال ...وماقصرتي وعسى عمرك طويل.... |
إقتباس:
عاد مالنا الا الدعاء لنا ولاخواتنا والمسلمين والمسلمات بصلاح حالهم... وماقصرت والله يسعدك دنيا واخره.... |
مشكور على مرووورك العطر ...وما قصرت والله يسعدك دنيا واخره.... |
إقتباس:
الله يصلح حالنا وحالهم... ومشكوووور على رووورك العطر...والله يسعدك دنيا واخره... |
ابو شلاخ الهلالي...اسير20.. مشكووورين على مروووركم العطر...والله يوفقكم ويسعدكم دنيا واخره... |
إقتباس:
ومشكوووره على مرووورك العطر وماقصرتي والله يوفقك ويسعدك دنيا واخره.... |
الله يهديهن ان شاء الله صدقني اغلب الخليجيات مثل جي ... في بادهم ما فيه احسن منهن ... لكن روح شوف بره ..... بشكل ثااااااااااني تمااااامااااا |
| الوقت المعتمد في المنتدى بتوقيت جرينتش +3.
الوقت الان » 01:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd